Shiyanso 44
44
UYusufu ikivajela avamaame
1Pamulaawu njine, uYusufu wámulajisa umuyimililaaji wa nanda yaakwe wáajova, “Viikha ishakiilya mu mafukho gaanave, shina vakwiliile kisumula, khanji viikha ihela isa shila muunu mu mufukho gwakwe. 2Ikhoomasi yangu yila iya shuuma sha hela, viikha mu mufukho gwa uyu uwa nkwangu waanave, lumo ni hela saakwe sina wáyinsaga kigulila ishakiilya.” Umuyimililaaji yula wáagaha ngaja shina akhandi ajoviilwe.
3Pamulaawu kwaganile kiisha hela, avamaame va Yusufu vatawulwa ni dogovi saanave. 4Pina vajendaga ulujendo padoodo hela kihuma mu lijumbi, uYusufu wámufilikha umuyimililaaji wa nanda yaakwe, wámujovela, “Vafwata vala avaanu nyangu, uluvala luna usivaaje, uvajovele, ‘Kwashi mwigaha uwuvi na omwe mwagahilwa amanofu? 5Kwashi mwahiija ikhoomasi ya mutwa wangu? Ikhoomasi iyi, yisili yiyeene yina ingʼwelela na ilagulila ilamuli? Mwananga mandu, kigaha ndeeno!’”
6Baaho umuyimililaaji wa nanda ya Yusufu wávafwata. Wáganile kivaaga wávajovela amaswi gina ajoveelwe nu Yusufu. 7Leelo, avamaame va Yusufu vamujovela, “Mutwa, kwashi wiijova ndeeno? Ose ti vavanda vaakho, tikiyiyiiga tisigahile ulujowo ngaja ulo! 8Puliisa hata ihela sila sina tasaagaga mu mafukho, taganile kifikha ku Kanaani, takuwuyisisaaga. Kwashi tihiije ihela awu isahaabu mu nanda ya mutwa waakho? 9Umuunu yuna hambi iwonekha ana khoomasi, uyo afwisaje, na ose tisiive vavanda vaakho.”
10Umuyimililaaji uyo wáaja, “Lunofu, yive ngaja shina mwalogola. Umuunu yuna hambi iiva ni khoomasi asiive muvanda wangu, omwe mu vanji musipiikhwa kwa lyolyona.”
11Pala, shila muunu wáyiisa nyangu umufukho gwakwe wáhudula. 12Umuyimililaaji wáyansa kisakula. Wáyansisa kwa mukhome wáava apikiyitenekha mbakha kwa munangʼana. Humbe, ikhoomasi yawonekha mu mufukho gwa Benyamini! 13Vaganile kiwona ndeeno vasugumilwa mandu, vadeemula amenda gaanave, vayangasa amasigo pa dogovi, vaatina mu lijumbi.
14Lwashilile luhaavi lufupi, uYuuda na valukholo lwakwe vaafikha kukhaaya ya Yusufu, woope akhandi ashaanali apili pakhaaya. Apo, vamusungamila mbakha pansi. 15UYusufu wávajovela, “Lujowo lushi ulu luna mwagaha? Musimeenye kiija, one nikwiliile kimanya amaswi aga kwa kilagula?”
16UYuuda wámujovela, “Wee mutwa weesu, tikujovele wuli? Tijove shishi kiwonensa kiija, tigaya wunansi? UNguluvi wáwupwipula uwunansi weesu. Lino ose woona tili vavanda vaakho, lumo na yuna wáwonekha ni khoomasi.”
17Leelo uYusufu wáajova, “Ndaali! Nisikwiliile kigaha ndeeno! Umuunu yuna wáwonekha ni khoomasi, yumwene yuna asiive muvanda wangu. Omwe mu vanji wuyaji kwa wiheenyu, kwa wulindamafu.”
18Apo, uYuuda wámuvejeela uYusufu wámujovela, “Wee mutwa, one ni muvanda waakho, nikikulomba nijove liswi limo hela. Nilomba, usikhanikhalalilaga, kwa kiiva kilogola noowe niiva ngaja nilogola nu Falawo yumwene. 19Mutwa, owe watuposaaga ose ti vavanda vaakho, waajova, ‘Aasi, muna wiheenyu awu muna mameenyu uyunji?’ 20Ose takugomosesaaga taaja, ‘Tinawo uwiheesu mugogolo, khanji tina munangʼana weesu yuna wásawaagwa uluhaavi lwa wugogolo wa wiheesu. Umukhome wa munangʼana weesu uyo, wáfwisaga, wásigala mwene duguli kwa maayi waakwe, uwiheesu amugeene mandu.’
21“Owe watulajisaaga ose ti vasenga nsengo vaakho kiija, timuleete umunangʼana weesu umwaje yuuwe. 22Takujovelaga taaja, ‘Umudiimi uyu asikwiliile kiyinsa amuleshe uwiheesu, kwa kiiva nda amuleshe uwiheesu, akwiliile kiifwa.’ 23Leelo, owe watujovelaga, ‘Nda musiyinsa nu munangʼana weenyu, usikhatuposheela khanji.’
24“Taganile kiwuya kukhaaya kwa wiheesu umuvanda waakho, tamujovelaga amaswi gala gina owe mutwa watulajisaaga. 25Kuunyuma uwiheesu wáganile kitujovela, ‘Wuyiili ku Misili kigula ishakiilya,’ 26ose tamujovelaga, ‘Ose tisiiluta, nda wikhaana kiluta lumo nu munangʼana weesu. Kwa kiiva hata nda tilute timwaje yula umuunu asituyiitikha, mbakha tive nu munangʼana weesu.’
27“Uwiheesu umuvanda waakho wátujovelaga, ‘Mumeenye uLaheli umudala wangu wánisavilaga vaana vavili. 28Yumonga wáyajile, shiyooli umwanangu wáyalushilwagwa ni nkhanu sa mu lihakha. Kihuma ilijuva iyo, nisinamwaje khanji! 29Nda mumutoole uBenyamini alute alemale, shiyooli mu wugogolo wangu hambi niifwa kwa mangʼuulo makhome.’
30“Mutwa, inumbula ya mudiimi uyu, yilunjiilwe ni numbula ya wiheesu. Lino, nda niwuye kwa wiheesu, ni muvanda waakho nigaya mudiimi uyu, 31shiyooli uwiheesu asiifwe. Ose ti vavanda vaakho tisiive tamubuda uwiheesu kwa mangʼuulo makhome, mu wugogolo waakwe. 32Mutwa, one ni muvanda waakho, nayikhomekhaga kwa wiheesu kiija, nive muyangalilaaji wa mudiimi uyu. One namujovelaga, ‘Nda nisikhamutinia uBenyamini kunyaakho umwaje kwa meeho, ukhaveesaje ukinipiikha nsiku soona isa wiikhasi wangu.’
33“Lino, nikikulomba wee mutwa, naapela mandu, one ni muvanda waakho nive muvanda waakho kipyanila pa mudiimi uyu. Umwene umuleshele awuye kukhaaya na vavaha vaakwe. 34Nisikwiliile kitina kwa wiheesu nigaya uyu umudiimi. Shiyooli, nisikwiliile kiyijimfilisa kiloleela amangʼuulo gina akhapata uwiheesu!”
Valgt i Øjeblikket:
Shiyanso 44: Shisangu
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2020, Wycliffe Bible Translators, Inc. All rights reserved.
Shiyanso 44
44
UYusufu ikivajela avamaame
1Pamulaawu njine, uYusufu wámulajisa umuyimililaaji wa nanda yaakwe wáajova, “Viikha ishakiilya mu mafukho gaanave, shina vakwiliile kisumula, khanji viikha ihela isa shila muunu mu mufukho gwakwe. 2Ikhoomasi yangu yila iya shuuma sha hela, viikha mu mufukho gwa uyu uwa nkwangu waanave, lumo ni hela saakwe sina wáyinsaga kigulila ishakiilya.” Umuyimililaaji yula wáagaha ngaja shina akhandi ajoviilwe.
3Pamulaawu kwaganile kiisha hela, avamaame va Yusufu vatawulwa ni dogovi saanave. 4Pina vajendaga ulujendo padoodo hela kihuma mu lijumbi, uYusufu wámufilikha umuyimililaaji wa nanda yaakwe, wámujovela, “Vafwata vala avaanu nyangu, uluvala luna usivaaje, uvajovele, ‘Kwashi mwigaha uwuvi na omwe mwagahilwa amanofu? 5Kwashi mwahiija ikhoomasi ya mutwa wangu? Ikhoomasi iyi, yisili yiyeene yina ingʼwelela na ilagulila ilamuli? Mwananga mandu, kigaha ndeeno!’”
6Baaho umuyimililaaji wa nanda ya Yusufu wávafwata. Wáganile kivaaga wávajovela amaswi gina ajoveelwe nu Yusufu. 7Leelo, avamaame va Yusufu vamujovela, “Mutwa, kwashi wiijova ndeeno? Ose ti vavanda vaakho, tikiyiyiiga tisigahile ulujowo ngaja ulo! 8Puliisa hata ihela sila sina tasaagaga mu mafukho, taganile kifikha ku Kanaani, takuwuyisisaaga. Kwashi tihiije ihela awu isahaabu mu nanda ya mutwa waakho? 9Umuunu yuna hambi iwonekha ana khoomasi, uyo afwisaje, na ose tisiive vavanda vaakho.”
10Umuyimililaaji uyo wáaja, “Lunofu, yive ngaja shina mwalogola. Umuunu yuna hambi iiva ni khoomasi asiive muvanda wangu, omwe mu vanji musipiikhwa kwa lyolyona.”
11Pala, shila muunu wáyiisa nyangu umufukho gwakwe wáhudula. 12Umuyimililaaji wáyansa kisakula. Wáyansisa kwa mukhome wáava apikiyitenekha mbakha kwa munangʼana. Humbe, ikhoomasi yawonekha mu mufukho gwa Benyamini! 13Vaganile kiwona ndeeno vasugumilwa mandu, vadeemula amenda gaanave, vayangasa amasigo pa dogovi, vaatina mu lijumbi.
14Lwashilile luhaavi lufupi, uYuuda na valukholo lwakwe vaafikha kukhaaya ya Yusufu, woope akhandi ashaanali apili pakhaaya. Apo, vamusungamila mbakha pansi. 15UYusufu wávajovela, “Lujowo lushi ulu luna mwagaha? Musimeenye kiija, one nikwiliile kimanya amaswi aga kwa kilagula?”
16UYuuda wámujovela, “Wee mutwa weesu, tikujovele wuli? Tijove shishi kiwonensa kiija, tigaya wunansi? UNguluvi wáwupwipula uwunansi weesu. Lino ose woona tili vavanda vaakho, lumo na yuna wáwonekha ni khoomasi.”
17Leelo uYusufu wáajova, “Ndaali! Nisikwiliile kigaha ndeeno! Umuunu yuna wáwonekha ni khoomasi, yumwene yuna asiive muvanda wangu. Omwe mu vanji wuyaji kwa wiheenyu, kwa wulindamafu.”
18Apo, uYuuda wámuvejeela uYusufu wámujovela, “Wee mutwa, one ni muvanda waakho, nikikulomba nijove liswi limo hela. Nilomba, usikhanikhalalilaga, kwa kiiva kilogola noowe niiva ngaja nilogola nu Falawo yumwene. 19Mutwa, owe watuposaaga ose ti vavanda vaakho, waajova, ‘Aasi, muna wiheenyu awu muna mameenyu uyunji?’ 20Ose takugomosesaaga taaja, ‘Tinawo uwiheesu mugogolo, khanji tina munangʼana weesu yuna wásawaagwa uluhaavi lwa wugogolo wa wiheesu. Umukhome wa munangʼana weesu uyo, wáfwisaga, wásigala mwene duguli kwa maayi waakwe, uwiheesu amugeene mandu.’
21“Owe watulajisaaga ose ti vasenga nsengo vaakho kiija, timuleete umunangʼana weesu umwaje yuuwe. 22Takujovelaga taaja, ‘Umudiimi uyu asikwiliile kiyinsa amuleshe uwiheesu, kwa kiiva nda amuleshe uwiheesu, akwiliile kiifwa.’ 23Leelo, owe watujovelaga, ‘Nda musiyinsa nu munangʼana weenyu, usikhatuposheela khanji.’
24“Taganile kiwuya kukhaaya kwa wiheesu umuvanda waakho, tamujovelaga amaswi gala gina owe mutwa watulajisaaga. 25Kuunyuma uwiheesu wáganile kitujovela, ‘Wuyiili ku Misili kigula ishakiilya,’ 26ose tamujovelaga, ‘Ose tisiiluta, nda wikhaana kiluta lumo nu munangʼana weesu. Kwa kiiva hata nda tilute timwaje yula umuunu asituyiitikha, mbakha tive nu munangʼana weesu.’
27“Uwiheesu umuvanda waakho wátujovelaga, ‘Mumeenye uLaheli umudala wangu wánisavilaga vaana vavili. 28Yumonga wáyajile, shiyooli umwanangu wáyalushilwagwa ni nkhanu sa mu lihakha. Kihuma ilijuva iyo, nisinamwaje khanji! 29Nda mumutoole uBenyamini alute alemale, shiyooli mu wugogolo wangu hambi niifwa kwa mangʼuulo makhome.’
30“Mutwa, inumbula ya mudiimi uyu, yilunjiilwe ni numbula ya wiheesu. Lino, nda niwuye kwa wiheesu, ni muvanda waakho nigaya mudiimi uyu, 31shiyooli uwiheesu asiifwe. Ose ti vavanda vaakho tisiive tamubuda uwiheesu kwa mangʼuulo makhome, mu wugogolo waakwe. 32Mutwa, one ni muvanda waakho, nayikhomekhaga kwa wiheesu kiija, nive muyangalilaaji wa mudiimi uyu. One namujovelaga, ‘Nda nisikhamutinia uBenyamini kunyaakho umwaje kwa meeho, ukhaveesaje ukinipiikha nsiku soona isa wiikhasi wangu.’
33“Lino, nikikulomba wee mutwa, naapela mandu, one ni muvanda waakho nive muvanda waakho kipyanila pa mudiimi uyu. Umwene umuleshele awuye kukhaaya na vavaha vaakwe. 34Nisikwiliile kitina kwa wiheesu nigaya uyu umudiimi. Shiyooli, nisikwiliile kiyijimfilisa kiloleela amangʼuulo gina akhapata uwiheesu!”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2020, Wycliffe Bible Translators, Inc. All rights reserved.