Mataayo 4
4
UYeesu iijelwa nu Shetaani
(Maluko 1:12-13; Luuka 4:1-13)
1Baheene uYeesu wálungamisiwa nu Numbula uMunofu kiluta ku lunyikha kiija, ajelwe nu Shetaani.#4:1 Shetaani: Yimba iliswi ili mu Maswi aMahensa. 2UYeesu wámalile ukho nsiku mashumi gana ishilo ni shiminsi, iilekha kiilya,#4:2 Iilekha kiilya: Yimba iliswi Kilekha kiilya mu Maswi aMahensa. kuwudugo injala yamuluma. 3Baheene uShetaani wáaluta kimujela uYeesu wáaja, “Owe nda uli Lusawo lwa Nguluvi, gajova amangʼanga aga gaseetushe gave makhaate.” 4UYeesu wámugomosesa wáaja, “Mu Mayandikhwa aManofu yiyandiikhwe kiija,
‘Ishakiilya sheene shisikimugaha umuunu kiiva muumi,
leelo iiva muumi kwa liswi lyolyona lina liihuma kwa Nguluvi.’#4:4 Yimba mu litaafili lya Luuju lwa Ndaji 8:3.”
5Baheene uShetaani wámulungamya uYeesu ku lijumbi ilibaagule ilya Yelusalemu, wámutwala uluvala ulwa pashaanya mandu pa nanda imbaagule iya kifuunyila.#4:5 Nanda imbaagule iya kifuunyila: Yimba iliswi ili mu Maswi aMahensa. 6UShetaani wámujovela wáaja, “Owe, nda uli Lusawo lwa Nguluvi, yigwisa pansi, kwa kiiva mu Mayandikhwa aManofu yiyandiikhwe kiija,
‘UNguluvi asivafilishe avamalayikha vaakwe vakuyangalile,
woope vasikuyanshe mu mawokho gaanave,
uleshe kigwila pa lingʼanga na kitesekha.’#4:6 Yimba mu litaafili lya Sabuli 91:11-12.”
7UYeesu woope wáaja, “Loleela, khanji mu Mayandikhwa aManofu yiyandiikhwe kiija, ‘Usikhamujelaga uMutwa uNguluvi waakho.’#4:7 Yimba mu litaafili lya Luuju lwa Ndaji 6:16.”
8Kuwudugo, uShetaani wámutwala uYeesu kushaanya mandu ku shidunda, wámuwonensa uwutwa wa nyi soona nu wutupikho waakwe, 9wámujovela wáaja, “Nda unifugamile na kinifuunya, nisikupeele goona aga.” 10UYeesu woope wáaja, “Wee Shetaani, wuukha apa! Loleela, mu Mayandikhwa aManofu yiyandiikhwe kiija,
‘Umufuunyaje uMutwa uNguluvi waakho.
Khanji, umusenjelaje mwene duguli.’#4:10 Yimba mu litaafili lya Luuju lwa Ndaji 6:13.”
11Baheene uShetaani wámulekha uYeesu, baaho avamalayikha va Nguluvi vayinsa kimusunga.
UYeesu iyansa insengo yaakwe ku Galilaya
(Maluko 1:14-15; Luuka 4:14-15)
12UYeesu wáganile kipulikha kiija uYohana uMutwiniaji wádindiilwe mu shifungo, wáatina ku Galilaya. 13Pina wáali ku Galilaya, uYeesu wáwuushile mu lijumbi lya Nasaleti na kiluta ku lijumbi lya Kapelinawumu. Ilijumbi lya Kapelinawumu likhandi lili mu mbalamo ya lilamba ilikhome ilya Galilaya, nkholeela ni nsala ya nyi iya Sabulooni ni ya Nafutaali. 14Gasenjekhaga ndeeno, baheene iliswi lila likwilane lina uNguluvi wálogwele kwa nsila ya mukuwamalago uIsaaya kiija,
15“Inyi iya Sabulooni ni ya Nafutaali,
sili ku nsila ya kiluta ku bahali,
ku mwambwa ya mukhoga gwa Yolodani.
Luvala lwa Galilaya, kula kukwene kuna viikhala
avaanu vina vasili Vayahuudi.
16Avaanu vala vina viikhala mu nshiisi,
valwaga ulumuli lukhome,
na vina viikhala mu nyi ya nshiisi ya mfwa,
ulumuli ulwa lwamilaawu lwavamulishila.”#4:15-16 Yimba mu litaafili lya Isaaya 9:1-2.
17Kihuma uluhaavi lula, uYeesu wáyansiise kikhoma iijova, “Lambisilaji uwunansi weenyu, kwa kiiva uWutwa wa Nguluvi wahejeela kunyeenyu.”
UYeesu ikivabaagula avamanyisiwa ava wutasi
(Maluko 1:14-20; Luuka 5:1-11)
18UYeesu wáfikhaga ku lilamba ilikhome ilya Galilaya. Pina akhandi iishila mulubali, wávaajile avalova nswi uSimoni, yuna akhandi itambulwa Petulo nu maame uAndeleya. Vavili awo vakhandi viilova inswi nu waafu mu malenga. 19UYeesu wávashemeelile wávajovela, “Munifwataje, kiyansisa lino nikivapeela insengo iya kilova avaanu.”#4:19 Kilova avaanu: Uluganulo lwakwe, kivakhoma avaanu iMola iNofu na kivagaha vamuhuviilile uYeesu. 20Baaho, vasilekha inyaafu saanave, vayansa kimufwata.
21UYeesu wálutile pamwandi padoodo, wávaajile uYaakobo nu lukholo lwakwe uYohana. Vavili awo vakhandi mu shipugo lumo nu wihaanave uSebedayo, vakhandi viinosa inyaafu saanave. UYeesu wávashemeela. 22Baaho vashilekha ishipugo shila nu wihaanave, aveene vamufwata uYeesu.
UYeesu imanyisa avaanu na kiponia avatamu
(Luuka 6:17-19)
23UYeesu akhandi ipilima pilima mu nyi yoona iya Galilaya. Akhandi iyinjila mu nanda saanave isa kifuunyila#4:23 Nanda saanave isa kifuunyila: Yimba iliswi Nanda iya kifuunyila mu Maswi aMahensa. isa Vayahuudi, ikivamanyisa avaanu. Iikhoma iMola iNofu iya Wutwa wa Nguluvi na kivaponia avaanu amatamu gaanave goona. 24Baheene imola saakwe sayalaliile mandu mu nyi yoona yila, mbakha saafikha ku nyi ya Siliya. Avaanu vaaluta na vatamu woona avanya matamu paayo paayo. Mu awo, vakhandi vakwali vina vakhandi vatamu mandu, vina vakhatiilwe na malungu na vina vakhandi na malibisi na vina vatengelemwishe. UYeesu wávaponiise woona awo. 25Avaanu vinshi mandu vakhandi vikimufwata, avaanu kihuma ku Galilaya, ku Dekapoli,#4:25 Dekapoli: Uluganulo lwakwe, ikhaaya sili ishumi. ku Yelusalemu, ku Yudeya na ku mwambwa iya mukhoga gwa Yolodani.
Valgt i Øjeblikket:
Mataayo 4: Shisangu
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2020, Wycliffe Bible Translators, Inc. All rights reserved.
Mataayo 4
4
UYeesu iijelwa nu Shetaani
(Maluko 1:12-13; Luuka 4:1-13)
1Baheene uYeesu wálungamisiwa nu Numbula uMunofu kiluta ku lunyikha kiija, ajelwe nu Shetaani.#4:1 Shetaani: Yimba iliswi ili mu Maswi aMahensa. 2UYeesu wámalile ukho nsiku mashumi gana ishilo ni shiminsi, iilekha kiilya,#4:2 Iilekha kiilya: Yimba iliswi Kilekha kiilya mu Maswi aMahensa. kuwudugo injala yamuluma. 3Baheene uShetaani wáaluta kimujela uYeesu wáaja, “Owe nda uli Lusawo lwa Nguluvi, gajova amangʼanga aga gaseetushe gave makhaate.” 4UYeesu wámugomosesa wáaja, “Mu Mayandikhwa aManofu yiyandiikhwe kiija,
‘Ishakiilya sheene shisikimugaha umuunu kiiva muumi,
leelo iiva muumi kwa liswi lyolyona lina liihuma kwa Nguluvi.’#4:4 Yimba mu litaafili lya Luuju lwa Ndaji 8:3.”
5Baheene uShetaani wámulungamya uYeesu ku lijumbi ilibaagule ilya Yelusalemu, wámutwala uluvala ulwa pashaanya mandu pa nanda imbaagule iya kifuunyila.#4:5 Nanda imbaagule iya kifuunyila: Yimba iliswi ili mu Maswi aMahensa. 6UShetaani wámujovela wáaja, “Owe, nda uli Lusawo lwa Nguluvi, yigwisa pansi, kwa kiiva mu Mayandikhwa aManofu yiyandiikhwe kiija,
‘UNguluvi asivafilishe avamalayikha vaakwe vakuyangalile,
woope vasikuyanshe mu mawokho gaanave,
uleshe kigwila pa lingʼanga na kitesekha.’#4:6 Yimba mu litaafili lya Sabuli 91:11-12.”
7UYeesu woope wáaja, “Loleela, khanji mu Mayandikhwa aManofu yiyandiikhwe kiija, ‘Usikhamujelaga uMutwa uNguluvi waakho.’#4:7 Yimba mu litaafili lya Luuju lwa Ndaji 6:16.”
8Kuwudugo, uShetaani wámutwala uYeesu kushaanya mandu ku shidunda, wámuwonensa uwutwa wa nyi soona nu wutupikho waakwe, 9wámujovela wáaja, “Nda unifugamile na kinifuunya, nisikupeele goona aga.” 10UYeesu woope wáaja, “Wee Shetaani, wuukha apa! Loleela, mu Mayandikhwa aManofu yiyandiikhwe kiija,
‘Umufuunyaje uMutwa uNguluvi waakho.
Khanji, umusenjelaje mwene duguli.’#4:10 Yimba mu litaafili lya Luuju lwa Ndaji 6:13.”
11Baheene uShetaani wámulekha uYeesu, baaho avamalayikha va Nguluvi vayinsa kimusunga.
UYeesu iyansa insengo yaakwe ku Galilaya
(Maluko 1:14-15; Luuka 4:14-15)
12UYeesu wáganile kipulikha kiija uYohana uMutwiniaji wádindiilwe mu shifungo, wáatina ku Galilaya. 13Pina wáali ku Galilaya, uYeesu wáwuushile mu lijumbi lya Nasaleti na kiluta ku lijumbi lya Kapelinawumu. Ilijumbi lya Kapelinawumu likhandi lili mu mbalamo ya lilamba ilikhome ilya Galilaya, nkholeela ni nsala ya nyi iya Sabulooni ni ya Nafutaali. 14Gasenjekhaga ndeeno, baheene iliswi lila likwilane lina uNguluvi wálogwele kwa nsila ya mukuwamalago uIsaaya kiija,
15“Inyi iya Sabulooni ni ya Nafutaali,
sili ku nsila ya kiluta ku bahali,
ku mwambwa ya mukhoga gwa Yolodani.
Luvala lwa Galilaya, kula kukwene kuna viikhala
avaanu vina vasili Vayahuudi.
16Avaanu vala vina viikhala mu nshiisi,
valwaga ulumuli lukhome,
na vina viikhala mu nyi ya nshiisi ya mfwa,
ulumuli ulwa lwamilaawu lwavamulishila.”#4:15-16 Yimba mu litaafili lya Isaaya 9:1-2.
17Kihuma uluhaavi lula, uYeesu wáyansiise kikhoma iijova, “Lambisilaji uwunansi weenyu, kwa kiiva uWutwa wa Nguluvi wahejeela kunyeenyu.”
UYeesu ikivabaagula avamanyisiwa ava wutasi
(Maluko 1:14-20; Luuka 5:1-11)
18UYeesu wáfikhaga ku lilamba ilikhome ilya Galilaya. Pina akhandi iishila mulubali, wávaajile avalova nswi uSimoni, yuna akhandi itambulwa Petulo nu maame uAndeleya. Vavili awo vakhandi viilova inswi nu waafu mu malenga. 19UYeesu wávashemeelile wávajovela, “Munifwataje, kiyansisa lino nikivapeela insengo iya kilova avaanu.”#4:19 Kilova avaanu: Uluganulo lwakwe, kivakhoma avaanu iMola iNofu na kivagaha vamuhuviilile uYeesu. 20Baaho, vasilekha inyaafu saanave, vayansa kimufwata.
21UYeesu wálutile pamwandi padoodo, wávaajile uYaakobo nu lukholo lwakwe uYohana. Vavili awo vakhandi mu shipugo lumo nu wihaanave uSebedayo, vakhandi viinosa inyaafu saanave. UYeesu wávashemeela. 22Baaho vashilekha ishipugo shila nu wihaanave, aveene vamufwata uYeesu.
UYeesu imanyisa avaanu na kiponia avatamu
(Luuka 6:17-19)
23UYeesu akhandi ipilima pilima mu nyi yoona iya Galilaya. Akhandi iyinjila mu nanda saanave isa kifuunyila#4:23 Nanda saanave isa kifuunyila: Yimba iliswi Nanda iya kifuunyila mu Maswi aMahensa. isa Vayahuudi, ikivamanyisa avaanu. Iikhoma iMola iNofu iya Wutwa wa Nguluvi na kivaponia avaanu amatamu gaanave goona. 24Baheene imola saakwe sayalaliile mandu mu nyi yoona yila, mbakha saafikha ku nyi ya Siliya. Avaanu vaaluta na vatamu woona avanya matamu paayo paayo. Mu awo, vakhandi vakwali vina vakhandi vatamu mandu, vina vakhatiilwe na malungu na vina vakhandi na malibisi na vina vatengelemwishe. UYeesu wávaponiise woona awo. 25Avaanu vinshi mandu vakhandi vikimufwata, avaanu kihuma ku Galilaya, ku Dekapoli,#4:25 Dekapoli: Uluganulo lwakwe, ikhaaya sili ishumi. ku Yelusalemu, ku Yudeya na ku mwambwa iya mukhoga gwa Yolodani.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2020, Wycliffe Bible Translators, Inc. All rights reserved.