Thangambere 16
16
Hagar giku Icmael
1Nwang’u Sarai, ma ci Abram, unyolo ire nyithindho moko ngo: man ebedo ku bong’, en e Nyamisiri, man nyinge Hagar. 2Man Sarai wacu ni Abram kumae, Nen kawono, Mungu cera ku nyol; akwei, mond wi bong’ para; kuno nyo abicopo nwang’u nyithindho ni kume. E Abram uwinjo dwand Sarai. 3Man Sarai, ma ci Abram, ugamu Hagar ma Nyamisiri, ma bong’ pare, yo ng’ei bedo ma Abram ubedo ko rundi apar i ng’om Kanan, man emie ni Abram ma cware kara ebed dhaku pare. 4Man emondo wi Hagar, man egamu ie; e kinde m’eneno nia egamu ie, e mege pagi bedo acaya i wang’e. 5Man Sarai wacu ni Abram kumae, Kier para bed i wii: amio bong’ para i kori; e kan eneno nia egamu ie, abedo acaya i wang’e: Yehova pok lembe i kindwa wakudi. 6Ento Abram uwacu ni Sarai kumae, Nen, jatic peri ma nyaku eni i cingi; tim gin m’ubedo ber i weng’i i kume. Man Sarai timo ma tek i kume, e epiei kud i wang’e.
7E Malaika pa Yehova nwang’e ba kulo mi pi i yamba, ba kulo i yo mi Cur. 8Man ewacu kumae, Hagar, ma bong’ pa Sarai, iai kani? man icidho kani? Man ewacu kumae, Aberingo kud i wang’ Sarai ma mege fwa. 9Man malaika pa Yehova wacu ire kumae, Dok ba mege peu, man ijwigri giri the cinge. 10Man malaika pa Yehova wacu ire kumae, Abinyayu kodhini dit, kara kud ekwandre ni udulne. 11Man malaika pa Yehova wacu ire kumae, Nen, ii nuti, man ibinyolo nyathin ma nico; man ibilwong’o nyinge Icmael, kum Yehova winjo masendi peri. 12Man ebibedo calu kana m’i thim i kind dhanu; cinge bibedo wi dhanu ceke kubang’gi kubang’gi, man cing’ dhanu ceke kubang’gi kubang’gi bibedo i wie; man ebibedo yo nyangu ni utumin mire ceke. 13Man elwong’o nying’ Yehova m’uweco i bang’e kumae, In i Mungu ma neno; kum ewacu kumae, Aneno cil keni ng’atu m’unena? 14Kum kumeno julwong’o kulone Ber-lahai-roi; nen, eni i kind Kadec man Bered.
15 #
Gal 4:22
Man Hagar unyolo nyathin ma nico ni Abram: man Abram ulwong’o nying’ wode, ma Hagar unyolo, Icmael. 16Man Abram rundi pare pier abora wi abusiel, kinde ma Hagar unyolo Icmael ni Abram.
Valgt i Øjeblikket:
Thangambere 16: AB1970
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Holy Bible In Alur (Lur), Revised Orthography © United Bible Societies, 1970.
Thangambere 16
16
Hagar giku Icmael
1Nwang’u Sarai, ma ci Abram, unyolo ire nyithindho moko ngo: man ebedo ku bong’, en e Nyamisiri, man nyinge Hagar. 2Man Sarai wacu ni Abram kumae, Nen kawono, Mungu cera ku nyol; akwei, mond wi bong’ para; kuno nyo abicopo nwang’u nyithindho ni kume. E Abram uwinjo dwand Sarai. 3Man Sarai, ma ci Abram, ugamu Hagar ma Nyamisiri, ma bong’ pare, yo ng’ei bedo ma Abram ubedo ko rundi apar i ng’om Kanan, man emie ni Abram ma cware kara ebed dhaku pare. 4Man emondo wi Hagar, man egamu ie; e kinde m’eneno nia egamu ie, e mege pagi bedo acaya i wang’e. 5Man Sarai wacu ni Abram kumae, Kier para bed i wii: amio bong’ para i kori; e kan eneno nia egamu ie, abedo acaya i wang’e: Yehova pok lembe i kindwa wakudi. 6Ento Abram uwacu ni Sarai kumae, Nen, jatic peri ma nyaku eni i cingi; tim gin m’ubedo ber i weng’i i kume. Man Sarai timo ma tek i kume, e epiei kud i wang’e.
7E Malaika pa Yehova nwang’e ba kulo mi pi i yamba, ba kulo i yo mi Cur. 8Man ewacu kumae, Hagar, ma bong’ pa Sarai, iai kani? man icidho kani? Man ewacu kumae, Aberingo kud i wang’ Sarai ma mege fwa. 9Man malaika pa Yehova wacu ire kumae, Dok ba mege peu, man ijwigri giri the cinge. 10Man malaika pa Yehova wacu ire kumae, Abinyayu kodhini dit, kara kud ekwandre ni udulne. 11Man malaika pa Yehova wacu ire kumae, Nen, ii nuti, man ibinyolo nyathin ma nico; man ibilwong’o nyinge Icmael, kum Yehova winjo masendi peri. 12Man ebibedo calu kana m’i thim i kind dhanu; cinge bibedo wi dhanu ceke kubang’gi kubang’gi, man cing’ dhanu ceke kubang’gi kubang’gi bibedo i wie; man ebibedo yo nyangu ni utumin mire ceke. 13Man elwong’o nying’ Yehova m’uweco i bang’e kumae, In i Mungu ma neno; kum ewacu kumae, Aneno cil keni ng’atu m’unena? 14Kum kumeno julwong’o kulone Ber-lahai-roi; nen, eni i kind Kadec man Bered.
15 #
Gal 4:22
Man Hagar unyolo nyathin ma nico ni Abram: man Abram ulwong’o nying’ wode, ma Hagar unyolo, Icmael. 16Man Abram rundi pare pier abora wi abusiel, kinde ma Hagar unyolo Icmael ni Abram.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Holy Bible In Alur (Lur), Revised Orthography © United Bible Societies, 1970.