เกาตีนา 21
21
อิซอัก เกิด
1ทาเน เยโฮวา ก็ แอง ใจ ดัว ซิห ซารา นำ โตะ จวย ซารา ฮุน นำ ซันญา ระ อน เจ็น ตี นา แลว นัน 2ซารา ก็ กิว มพุ ควัน นังเลาะ ซารา ก็ เกิด ควัน อัหคล็อง อน ตัก อับราฮัม ญาม อับราฮัม มแบร็ห แลว นำ เกิด ควัน อัหคล็อง ก็ จับ เวลา ฮุน เอาซาง เพีย ไล นำ วาล นัน 3ควัน อับราฮัม ตี เกิด ตัก ซารา นัน อับราฮัม ก็ มพึ ซือ นำ ตัก อิซอัก
4ทาเน อิซอัก เกิด แปด งิ แลว อับราฮัม ก็ แอง พิที ซุนัด อน ตัก นำ ฮุน เอาซาง ไล อน นัน 5ญาม อิซอัก เกิด นัน อับราฮัม อาญุ มี รอย ปี พอดี 6ซารา ก็ จ็อก ฮุนเน “เอาซาง ระ เอิญ โซะ เซด นำ ระ เอิญ เลาะใจ อุ จู ล็อง ตี เม็จ คาว เอิญ มี ควัน อัห ก็ โซะ เซด เลิม เคิบ เอิญ” นำ อัง 7นำ ก็ จ็อก ฮุนเน วัล “ไอ มี ซีเอ ไล อับราฮัม เค็ย เอิญ กุญ อน โปะ ควัน แย็ด แต เอิญ เน กิว มี ควัน เคิบ นำ ซีเละ ญาม นำ มแบร็ห แอ็ม แลว” ซารา อัง
ซารา นเจิก อิซมาเอล กุญ กากุน ควัน ออ
8เจ็นนัน ควัน แย็ด นัน ก็ เคริบ แกะ นัง ติกๆ นำ ก็ พระ โปะ งิ ตี นำ พระ โปะ ออ นัน อับราฮัม ก็ จัด งาน ซะลอง จ็อง
9ทาเน อิซมาเอล ควัน อับราฮัม ตี เกิด ตัก ฮากา ครำ อียิบ นัน นำ ก็ ปิล อุ เลิม เคิบ อิซอัก ตัก เป็น ควัน ซารา นัน ซารา เม็จ นำ ก็ ไอ มี เลาะใจ เตาะ 10นำ ก็ ไล อับราฮัม ฮุนเน “อีซะเน ตัก เป็น คีคา แอ เน มัห ต็อง ไล นำ ปัด เริล เยอะ ซะ ดาย อำ มัห ระ ควัน นำ ซืบ เอิด กากุน เลิม เคิบ ควัน เอิญ เตาะ” นำ อัง
11อับราฮัม เม็จ ซารา ไล ออ ฮุนนะ นำ ก็ ไอ มี เลาะใจ เตาะ เพาะวา อิซมาเอล ก็ เป็น ควัน คอง นำ 12แต เอาซาง เม็จ อับราฮัม เซียใจ มอก นัน นำ ก็ ไล อับราฮัม ฮุนเน “อำ มัห กึด ดก เลือง ควัน มัห ตัก อิซมาเอล เคิบ ฮากา ลูกนอง มัห นัน เตาะ ดาย ซารา ไล มัห อัง จังนัก มัห ก็ แอง นทึห เตาะ เพาะวา ตี เอิญ ซันญา เคิบ มัห ไอ มี เกียว เคิบ อิซมาเอล เตาะ กรอก จ็อง คอง มัห นัน ต็อง เกิด ตัก อิซอัก ฮัก ต็อง เป็น ควัน นจะ ควัน ลาน อิซอัก ฮัก ซืบ เอิด เจือซาย มัห อิซมาเอล ไอ มี จบ เกียว เตาะ 13ซำรับ อิซมาเอล ควัน ฮากา ตี เป็น ลูกนอง มัห นัน นำ เป็น ควัน มัห ซีเละ เอิญ ก็ ระ นำ มี ควัน งา ดกๆ ระ เป็น เล็ห กรอก จ็อง วัล บัดนะ ดาย” เอาซาง อัง
อับราฮัม มบรึห ฮากา เคิบ อิซมาเอล
14ทาเน ปัห ซะ ตัก งกร็อห อับราฮัม ก็ ตุด ร็อห นำ ก็ ไล ฮากา เคิบ ควัน ปัด แอ็ม ซีเละ นำ ก็ เอิด ออก ซิห ตัก ทง ซวัห มี ทง นำ ก็ เอิด ทง ออก นัน เคิบ คนมปัง ซิห ตัก ทง อน ฮากา กาก เริล ฮากา เคิบ ควัน ก็ เริล ปาม ก็ กวา โละ เริล ตัก ตีแลง เบเออเซบา 15พอดี ซุด แอ็ม ออก นำ ตัก ทง นัน#ค 15 “ทง” ตัก อิง นัน อัห เอิด ซวัห แอง ทง ซิห ออก มอก กะติก ออก มานะ ควัน นำ ก็ โซะ ออก บัก และ เปิล นำ ก็ พระ ระ ควัน ตัก งูด เกาลำ 16นำ ก็ เริล คุด อุ เยอะ ซะ ซม มี รอย เม็ด เน นำ ก็ จ็อก ออ ฮุนเน “ครอ อำ ระ เอิญ เม็จ ควัน ออ เปิล เคิบ มัด ออ ดาย” นำ อัง ฮากา ก็ คุด นซาก เญ็ม อุ นัน
17ทาเน เอาซาง ก็ ปัง นเซิง ควัน แย็ด นัน เญ็ม อุ เทวาดา คอง เอาซาง ก็ งกรอ ซิห ฮากา เจ็น วาง ตัก ทึห “ซีวะ อัง มัห ฮากา อำ มัห ตุกใจ อำ มัห นเจิก เตาะ ดาย ควัน มัห เญ็ม อุ นัน เอาซาง ก็ เม็จ แลว 18มัห ร็อห เริล แกบ นำ ออย นำ เลาะๆ ดาย บัดนะ นโดน เอิญ ก็ ระ นำ มี ควัน งา ดกๆ ระ เป็น กรอก จ็อง วัล” นำ อัง
19เจ็นนัน เอาซาง ก็ แอง ระ ฮากา เม็จ นำบอ ติ อุ นัน ฮากา ก็ จัก ปัด เอิด ออก ซิห ตัก ทง ซับ อน ตัก ควัน ออก 20เจ็นนัน เอาซาง ก็ อุ เลิม เคิบ ควัน ฮากา นัน นำ ก็ แอง เลาะ เคิบ ควัน ฮากา ควัน ฮากา ก็ เคริบ แกะ นัง ติกๆ นำ ก็ เก็ง เพ็ญ ทะนู 21ปาม ก็ อุ ตัก ตี แลง ปาราน เม นำ ก็ เริล อียิบ และ ยัห อน ตัก นำ
อับราฮัม เคิบ อาบีเมเลก อู นอย
22เอาซาง ก็ แอง เลาะ เคิบ อับราฮัม ญาม อาบีเมเลก เม็จ เอาซาง กิว แอง เลาะ ซิห อับราฮัม มอก นัน อาบีเมเลก ก็ นเจิก นำ เคิบ ฟีโก ตี เป็น ฮัวนา ทฮาน คอง นำ ปาม ก็ โตะ เลามุน เคิบ อับราฮัม ฮุนเน “มัห แอง ซีวะ เอาซาง ก็ อุ เคิบ มัห จวย มัห มด นอ 23ทาเน เอิญ ก็ ซีรอก ระ มัห ซันญา เคิบ เอิญ ตัก มัด เอาซาง ครอ ระ มัห ไล เอิญ เลาะๆ ซือๆ เค็ย มัห ไอ มี จุ ไอ มี โกง เอิญ ไอ มี โกง ควัน งา เอิญ วัล บัดนะ ดาย เอิญ แอง เลาะ แอง ซือ เคิบ มัห แลว มัห ก็ ต็อง แอง เลาะ แอง ซือ เคิบ เอิญ เมือนนอย มัห โตะ อุ เคิบ อิห อิง แลว มัห ก็ ต็อง แอง เลาะ เคิบ ครำ ปะเทด อิห เน ดาย” อาบีเมเลก อัง 24อับราฮัม เม็จ นำ ไล ออ ฮุนนะ อับราฮัม ก็ ตกลง ซันญา เคิบ นำ
อับราฮัม โป อาบีเมเลก เลือง นำบอ
25ทาเน อับราฮัม ก็ ลด โป อาบีเมเลก เลือง นำบอ กำนา วาล นัน ลูกนอง อาบีเมเลก ก็ จีง เอิด นำบอ อับราฮัม 26แต อาบีเมเลก ก็ ไล นำ คือเน “เอิญ ไอ มี เม็จจึด เลือง เน ดาย เอิญ กำลัง เม็จ เลือง เน ตัก มัห งิ นะ เน กัน มัห ไอ มี ไล เอิญ เอิญ ก็ ไอ มี เม็จ เตาะ” นำ อัง
27อับราฮัม ก็ ลด เอิด งัว เอิด แกะ อน ตัก อาบีเมเลก ปาม ก็ ซันญา เคิบ นอย 28อับราฮัม ก็ คัด เอิด ควัน แกะ นัง เม็ย คอง ออ เจ็ด นัง ระ อุ มี ตี ฮัก 29อาบีเมเลก ก็ ลด ซ็วน นำ ฮุนเน “ควัน แกะ นัง เม็ย เจ็ด นัง เน มัห คัด ระ อน มี ตี ฮัก อังวะ บ็อห” นำ อัง
30อับราฮัม ก็ ซวัล นำ จังเน “ครอ ระ มัห เอิด ควัน แกะ นัง เม็ย เจ็ด นัง เน ดาย มัห เอิด แกะ เจ็ด นัง เน ระ เป็น พญาน กัน มัห เอิด เจ็ด นัง เน มัห ก็ ญอม ฮับ เค็ย นำบอ เน เอิญ เป็น ครำ เพิก” อับราฮัม อัง
31แลว อัห ซันญา เคิบ นอย แลว อัห ลด มพึ ซือ นำบอ นัน ตัก เบเออเซบา#ค 31 เบเออเซบา ซีแล็ม “นำบอ เจ็ด” เบเออเซบา เป็น งวัล ซำคัน คอง อิซราเอล เตา มานะ เน มานะ เน เบเออเซบา เป็น เมือง จ็อง ปะเทด อิซราเอล เป็น ตัก ปาม ซันญา นอย เคิง นัน 32แลว ปาม ซันญา เคิบ นอย ตัก เบเออเซบา นัน แลว อาบีเมเลก เคิบ ฟีโก ตี เป็น ฮัวนา ทฮาน คอง นำ ปาม ก็ ลด วัล ออ ตัก ปะเทด ฟีลีเตีย
33อับราฮัม ก็ ลด เทิล ลำ นาล มี เกา ตัก นำบอ เบเออเซบา นัน นำ ก็ ลด ไว เยโฮวา งกีจ็อง เคิง เกาลำ นาล นัน นำ ไว งกีจ็อง ตัก อุ จำ นเดย จำ กวา นัน 34อับราฮัม ก็ อุ ตัก ปะเทด ฟีลีเตีย นัน อิง แดๆ
Valgt i Øjeblikket:
เกาตีนา 21: Prai
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Global Partners
เกาตีนา 21
21
อิซอัก เกิด
1ทาเน เยโฮวา ก็ แอง ใจ ดัว ซิห ซารา นำ โตะ จวย ซารา ฮุน นำ ซันญา ระ อน เจ็น ตี นา แลว นัน 2ซารา ก็ กิว มพุ ควัน นังเลาะ ซารา ก็ เกิด ควัน อัหคล็อง อน ตัก อับราฮัม ญาม อับราฮัม มแบร็ห แลว นำ เกิด ควัน อัหคล็อง ก็ จับ เวลา ฮุน เอาซาง เพีย ไล นำ วาล นัน 3ควัน อับราฮัม ตี เกิด ตัก ซารา นัน อับราฮัม ก็ มพึ ซือ นำ ตัก อิซอัก
4ทาเน อิซอัก เกิด แปด งิ แลว อับราฮัม ก็ แอง พิที ซุนัด อน ตัก นำ ฮุน เอาซาง ไล อน นัน 5ญาม อิซอัก เกิด นัน อับราฮัม อาญุ มี รอย ปี พอดี 6ซารา ก็ จ็อก ฮุนเน “เอาซาง ระ เอิญ โซะ เซด นำ ระ เอิญ เลาะใจ อุ จู ล็อง ตี เม็จ คาว เอิญ มี ควัน อัห ก็ โซะ เซด เลิม เคิบ เอิญ” นำ อัง 7นำ ก็ จ็อก ฮุนเน วัล “ไอ มี ซีเอ ไล อับราฮัม เค็ย เอิญ กุญ อน โปะ ควัน แย็ด แต เอิญ เน กิว มี ควัน เคิบ นำ ซีเละ ญาม นำ มแบร็ห แอ็ม แลว” ซารา อัง
ซารา นเจิก อิซมาเอล กุญ กากุน ควัน ออ
8เจ็นนัน ควัน แย็ด นัน ก็ เคริบ แกะ นัง ติกๆ นำ ก็ พระ โปะ งิ ตี นำ พระ โปะ ออ นัน อับราฮัม ก็ จัด งาน ซะลอง จ็อง
9ทาเน อิซมาเอล ควัน อับราฮัม ตี เกิด ตัก ฮากา ครำ อียิบ นัน นำ ก็ ปิล อุ เลิม เคิบ อิซอัก ตัก เป็น ควัน ซารา นัน ซารา เม็จ นำ ก็ ไอ มี เลาะใจ เตาะ 10นำ ก็ ไล อับราฮัม ฮุนเน “อีซะเน ตัก เป็น คีคา แอ เน มัห ต็อง ไล นำ ปัด เริล เยอะ ซะ ดาย อำ มัห ระ ควัน นำ ซืบ เอิด กากุน เลิม เคิบ ควัน เอิญ เตาะ” นำ อัง
11อับราฮัม เม็จ ซารา ไล ออ ฮุนนะ นำ ก็ ไอ มี เลาะใจ เตาะ เพาะวา อิซมาเอล ก็ เป็น ควัน คอง นำ 12แต เอาซาง เม็จ อับราฮัม เซียใจ มอก นัน นำ ก็ ไล อับราฮัม ฮุนเน “อำ มัห กึด ดก เลือง ควัน มัห ตัก อิซมาเอล เคิบ ฮากา ลูกนอง มัห นัน เตาะ ดาย ซารา ไล มัห อัง จังนัก มัห ก็ แอง นทึห เตาะ เพาะวา ตี เอิญ ซันญา เคิบ มัห ไอ มี เกียว เคิบ อิซมาเอล เตาะ กรอก จ็อง คอง มัห นัน ต็อง เกิด ตัก อิซอัก ฮัก ต็อง เป็น ควัน นจะ ควัน ลาน อิซอัก ฮัก ซืบ เอิด เจือซาย มัห อิซมาเอล ไอ มี จบ เกียว เตาะ 13ซำรับ อิซมาเอล ควัน ฮากา ตี เป็น ลูกนอง มัห นัน นำ เป็น ควัน มัห ซีเละ เอิญ ก็ ระ นำ มี ควัน งา ดกๆ ระ เป็น เล็ห กรอก จ็อง วัล บัดนะ ดาย” เอาซาง อัง
อับราฮัม มบรึห ฮากา เคิบ อิซมาเอล
14ทาเน ปัห ซะ ตัก งกร็อห อับราฮัม ก็ ตุด ร็อห นำ ก็ ไล ฮากา เคิบ ควัน ปัด แอ็ม ซีเละ นำ ก็ เอิด ออก ซิห ตัก ทง ซวัห มี ทง นำ ก็ เอิด ทง ออก นัน เคิบ คนมปัง ซิห ตัก ทง อน ฮากา กาก เริล ฮากา เคิบ ควัน ก็ เริล ปาม ก็ กวา โละ เริล ตัก ตีแลง เบเออเซบา 15พอดี ซุด แอ็ม ออก นำ ตัก ทง นัน#ค 15 “ทง” ตัก อิง นัน อัห เอิด ซวัห แอง ทง ซิห ออก มอก กะติก ออก มานะ ควัน นำ ก็ โซะ ออก บัก และ เปิล นำ ก็ พระ ระ ควัน ตัก งูด เกาลำ 16นำ ก็ เริล คุด อุ เยอะ ซะ ซม มี รอย เม็ด เน นำ ก็ จ็อก ออ ฮุนเน “ครอ อำ ระ เอิญ เม็จ ควัน ออ เปิล เคิบ มัด ออ ดาย” นำ อัง ฮากา ก็ คุด นซาก เญ็ม อุ นัน
17ทาเน เอาซาง ก็ ปัง นเซิง ควัน แย็ด นัน เญ็ม อุ เทวาดา คอง เอาซาง ก็ งกรอ ซิห ฮากา เจ็น วาง ตัก ทึห “ซีวะ อัง มัห ฮากา อำ มัห ตุกใจ อำ มัห นเจิก เตาะ ดาย ควัน มัห เญ็ม อุ นัน เอาซาง ก็ เม็จ แลว 18มัห ร็อห เริล แกบ นำ ออย นำ เลาะๆ ดาย บัดนะ นโดน เอิญ ก็ ระ นำ มี ควัน งา ดกๆ ระ เป็น กรอก จ็อง วัล” นำ อัง
19เจ็นนัน เอาซาง ก็ แอง ระ ฮากา เม็จ นำบอ ติ อุ นัน ฮากา ก็ จัก ปัด เอิด ออก ซิห ตัก ทง ซับ อน ตัก ควัน ออก 20เจ็นนัน เอาซาง ก็ อุ เลิม เคิบ ควัน ฮากา นัน นำ ก็ แอง เลาะ เคิบ ควัน ฮากา ควัน ฮากา ก็ เคริบ แกะ นัง ติกๆ นำ ก็ เก็ง เพ็ญ ทะนู 21ปาม ก็ อุ ตัก ตี แลง ปาราน เม นำ ก็ เริล อียิบ และ ยัห อน ตัก นำ
อับราฮัม เคิบ อาบีเมเลก อู นอย
22เอาซาง ก็ แอง เลาะ เคิบ อับราฮัม ญาม อาบีเมเลก เม็จ เอาซาง กิว แอง เลาะ ซิห อับราฮัม มอก นัน อาบีเมเลก ก็ นเจิก นำ เคิบ ฟีโก ตี เป็น ฮัวนา ทฮาน คอง นำ ปาม ก็ โตะ เลามุน เคิบ อับราฮัม ฮุนเน “มัห แอง ซีวะ เอาซาง ก็ อุ เคิบ มัห จวย มัห มด นอ 23ทาเน เอิญ ก็ ซีรอก ระ มัห ซันญา เคิบ เอิญ ตัก มัด เอาซาง ครอ ระ มัห ไล เอิญ เลาะๆ ซือๆ เค็ย มัห ไอ มี จุ ไอ มี โกง เอิญ ไอ มี โกง ควัน งา เอิญ วัล บัดนะ ดาย เอิญ แอง เลาะ แอง ซือ เคิบ มัห แลว มัห ก็ ต็อง แอง เลาะ แอง ซือ เคิบ เอิญ เมือนนอย มัห โตะ อุ เคิบ อิห อิง แลว มัห ก็ ต็อง แอง เลาะ เคิบ ครำ ปะเทด อิห เน ดาย” อาบีเมเลก อัง 24อับราฮัม เม็จ นำ ไล ออ ฮุนนะ อับราฮัม ก็ ตกลง ซันญา เคิบ นำ
อับราฮัม โป อาบีเมเลก เลือง นำบอ
25ทาเน อับราฮัม ก็ ลด โป อาบีเมเลก เลือง นำบอ กำนา วาล นัน ลูกนอง อาบีเมเลก ก็ จีง เอิด นำบอ อับราฮัม 26แต อาบีเมเลก ก็ ไล นำ คือเน “เอิญ ไอ มี เม็จจึด เลือง เน ดาย เอิญ กำลัง เม็จ เลือง เน ตัก มัห งิ นะ เน กัน มัห ไอ มี ไล เอิญ เอิญ ก็ ไอ มี เม็จ เตาะ” นำ อัง
27อับราฮัม ก็ ลด เอิด งัว เอิด แกะ อน ตัก อาบีเมเลก ปาม ก็ ซันญา เคิบ นอย 28อับราฮัม ก็ คัด เอิด ควัน แกะ นัง เม็ย คอง ออ เจ็ด นัง ระ อุ มี ตี ฮัก 29อาบีเมเลก ก็ ลด ซ็วน นำ ฮุนเน “ควัน แกะ นัง เม็ย เจ็ด นัง เน มัห คัด ระ อน มี ตี ฮัก อังวะ บ็อห” นำ อัง
30อับราฮัม ก็ ซวัล นำ จังเน “ครอ ระ มัห เอิด ควัน แกะ นัง เม็ย เจ็ด นัง เน ดาย มัห เอิด แกะ เจ็ด นัง เน ระ เป็น พญาน กัน มัห เอิด เจ็ด นัง เน มัห ก็ ญอม ฮับ เค็ย นำบอ เน เอิญ เป็น ครำ เพิก” อับราฮัม อัง
31แลว อัห ซันญา เคิบ นอย แลว อัห ลด มพึ ซือ นำบอ นัน ตัก เบเออเซบา#ค 31 เบเออเซบา ซีแล็ม “นำบอ เจ็ด” เบเออเซบา เป็น งวัล ซำคัน คอง อิซราเอล เตา มานะ เน มานะ เน เบเออเซบา เป็น เมือง จ็อง ปะเทด อิซราเอล เป็น ตัก ปาม ซันญา นอย เคิง นัน 32แลว ปาม ซันญา เคิบ นอย ตัก เบเออเซบา นัน แลว อาบีเมเลก เคิบ ฟีโก ตี เป็น ฮัวนา ทฮาน คอง นำ ปาม ก็ ลด วัล ออ ตัก ปะเทด ฟีลีเตีย
33อับราฮัม ก็ ลด เทิล ลำ นาล มี เกา ตัก นำบอ เบเออเซบา นัน นำ ก็ ลด ไว เยโฮวา งกีจ็อง เคิง เกาลำ นาล นัน นำ ไว งกีจ็อง ตัก อุ จำ นเดย จำ กวา นัน 34อับราฮัม ก็ อุ ตัก ปะเทด ฟีลีเตีย นัน อิง แดๆ
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Global Partners