Fuɗɗoode 9
9
1Laamɗo barkini Nuuhu e ɓiɓɓe muuɗum worɓe, wi'i:
— Ndimee, ɓeydoɗon, keewon adunaaru.
2Daabaaji adunaaru fuu kulan on kullol manngol. Pooli e liƴƴi e huunde fuu ko wuuri ley adunaaru, mi wattii ɗum'en e juuɗe mooɗon. 3Ko wuuri, ko sonnyata ley adunaaru fuu laatanoo on nyaamdu. Mi hokkii on ɗi hono no kokkirnoomi on haako hecco noon. 4Ammaa taa nyaamee teewu ngondungu e ƴiiƴam, sabo yonki ley ƴiiƴam woni. 5Si ndaaba maa neɗɗo rufii ƴiiƴam mooɗon, laatiiɗam yonki mon ɗaam fu, mi yomnitoto ɗum ɗam. 6Barɗo ɓii-Aadama fuu kam du warete. Sabo Laamɗo tagirii ɓii-Aadama e alhaali muuɗum.
7Onon le, ndimee, ɓeydoɗon, keewon adunaaru.
8Laamɗo haaldi e Nuuhu e ɓiɓɓe mum worɓe ɓeen, wi'i:
9— Joonin inan mi tabitinanan on amaana, onon e ƴuwdi mooɗon, 10e ko wuuri, ko wondi e mooɗon fuu. Ɗum woni pooli e daabaaji wuro e kulle ladde, e daabaaji adunaaru jaltidinɗi e mooɗon ley laana ɗiin fuu. 11Inan amaana mo tabintinanmi on: ko tagaa fuu, halkirtaake ilam tufaanu katin. Ilam tuufaanu halkataa adunaaru katin.
12Laamɗo wi'i:
— Inan maande amaana hakkunde am e mooɗon e ko woodi yonki, ko wondi e mooɗon fuu, faa e jamaanuuji fuu: 13Mi waɗan ciɓ-ciɓongal hakkunde duule, faa laatoo maande amaana hakkunde am e adunaaru. 14Nde ɓanginmi duule dow kammu, de ciɓ-ciɓongal ngaal funti hakkunde duule fu, 15mi miccitoto amaana mo ngaɗumi hakkunde am e mooɗon e ko foofata fuu. Ilam tuufaanu waɗataa katin faa halka ko wuuri fuu. 16Mi waɗan ciɓ-ciɓongal funta hakkunde duule de mi miccitoo amaana duumiiɗo mo ngaɗumi hakkunde am e ko wuuri ley adunaaru fuu.
17Laamɗo wi'i Nuuhu:
— Ciɓ-ciɓongal woni maande amaana mo ngaɗumi hakkunde am e ko wuuri ley adunaaru fuu.
Ɓiɓɓe Nuuhu
18Ɓiɓɓe Nuuhu wurtiiɓe e laana ɓeen wo: Saam e Haam e Yaafet. Haam woni Baaba Kanaana. 19Ɓee tato ngoni ɓiɓɓe Nuuhu. E maɓɓe lenyi cankitiiɗi e adunaaru ɗiin fuu ƴuuri.
20Nuuhu fuɗɗi remude, o waɗi ngesa inabooje. 21Nyannde gomma o yari inaboojam faa o sulii, de o taartii ley hukum makko. 22Haam baaba Kanaana yi'i bammum ɓanndu ɓoldu, de haalani sakiraaɓe muuɗum ɗiɗo wonnooɓe yaasin. 23Saam e Yaafet kooƴi kaddungal mbakkii de na njaara gaɗa gaɗalde faa cuurowi baaba muɓɓen. Iɓe ndaara gere goɗɗo taa ɓe nji'a baabiiɓe ɓanndu ɓoldu. 24Nde Nuuhu sulitinoo fu, nani ko ɓiyum koddaajo oon waɗi ɗuum 25de wi'i:
— Laamɗo ittu Kanaana barke! O laatoo maccuɗo sakiraaɓe makko.
26O wi'i katin:
Barke woodanii Joomiraaɗo, kanko woni Laamɗo Saam.
Kanaana laatoo maccuɗo Saam!
27Laamɗo yaajin Yaafet,
faa o jooɗoo ley hukumuuji Saam.
Kanaana ka laatoo maccuɗo makko.
28Nuuhu wuuri duuɓi 350 caggal ilam tuufaanu. 29Duuɓi Nuuhu fuu wo 950 de maayi.
Valgt i Øjeblikket:
Fuɗɗoode 9: FBF
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© SIM International 2012, 2022
Fuɗɗoode 9
9
1Laamɗo barkini Nuuhu e ɓiɓɓe muuɗum worɓe, wi'i:
— Ndimee, ɓeydoɗon, keewon adunaaru.
2Daabaaji adunaaru fuu kulan on kullol manngol. Pooli e liƴƴi e huunde fuu ko wuuri ley adunaaru, mi wattii ɗum'en e juuɗe mooɗon. 3Ko wuuri, ko sonnyata ley adunaaru fuu laatanoo on nyaamdu. Mi hokkii on ɗi hono no kokkirnoomi on haako hecco noon. 4Ammaa taa nyaamee teewu ngondungu e ƴiiƴam, sabo yonki ley ƴiiƴam woni. 5Si ndaaba maa neɗɗo rufii ƴiiƴam mooɗon, laatiiɗam yonki mon ɗaam fu, mi yomnitoto ɗum ɗam. 6Barɗo ɓii-Aadama fuu kam du warete. Sabo Laamɗo tagirii ɓii-Aadama e alhaali muuɗum.
7Onon le, ndimee, ɓeydoɗon, keewon adunaaru.
8Laamɗo haaldi e Nuuhu e ɓiɓɓe mum worɓe ɓeen, wi'i:
9— Joonin inan mi tabitinanan on amaana, onon e ƴuwdi mooɗon, 10e ko wuuri, ko wondi e mooɗon fuu. Ɗum woni pooli e daabaaji wuro e kulle ladde, e daabaaji adunaaru jaltidinɗi e mooɗon ley laana ɗiin fuu. 11Inan amaana mo tabintinanmi on: ko tagaa fuu, halkirtaake ilam tufaanu katin. Ilam tuufaanu halkataa adunaaru katin.
12Laamɗo wi'i:
— Inan maande amaana hakkunde am e mooɗon e ko woodi yonki, ko wondi e mooɗon fuu, faa e jamaanuuji fuu: 13Mi waɗan ciɓ-ciɓongal hakkunde duule, faa laatoo maande amaana hakkunde am e adunaaru. 14Nde ɓanginmi duule dow kammu, de ciɓ-ciɓongal ngaal funti hakkunde duule fu, 15mi miccitoto amaana mo ngaɗumi hakkunde am e mooɗon e ko foofata fuu. Ilam tuufaanu waɗataa katin faa halka ko wuuri fuu. 16Mi waɗan ciɓ-ciɓongal funta hakkunde duule de mi miccitoo amaana duumiiɗo mo ngaɗumi hakkunde am e ko wuuri ley adunaaru fuu.
17Laamɗo wi'i Nuuhu:
— Ciɓ-ciɓongal woni maande amaana mo ngaɗumi hakkunde am e ko wuuri ley adunaaru fuu.
Ɓiɓɓe Nuuhu
18Ɓiɓɓe Nuuhu wurtiiɓe e laana ɓeen wo: Saam e Haam e Yaafet. Haam woni Baaba Kanaana. 19Ɓee tato ngoni ɓiɓɓe Nuuhu. E maɓɓe lenyi cankitiiɗi e adunaaru ɗiin fuu ƴuuri.
20Nuuhu fuɗɗi remude, o waɗi ngesa inabooje. 21Nyannde gomma o yari inaboojam faa o sulii, de o taartii ley hukum makko. 22Haam baaba Kanaana yi'i bammum ɓanndu ɓoldu, de haalani sakiraaɓe muuɗum ɗiɗo wonnooɓe yaasin. 23Saam e Yaafet kooƴi kaddungal mbakkii de na njaara gaɗa gaɗalde faa cuurowi baaba muɓɓen. Iɓe ndaara gere goɗɗo taa ɓe nji'a baabiiɓe ɓanndu ɓoldu. 24Nde Nuuhu sulitinoo fu, nani ko ɓiyum koddaajo oon waɗi ɗuum 25de wi'i:
— Laamɗo ittu Kanaana barke! O laatoo maccuɗo sakiraaɓe makko.
26O wi'i katin:
Barke woodanii Joomiraaɗo, kanko woni Laamɗo Saam.
Kanaana laatoo maccuɗo Saam!
27Laamɗo yaajin Yaafet,
faa o jooɗoo ley hukumuuji Saam.
Kanaana ka laatoo maccuɗo makko.
28Nuuhu wuuri duuɓi 350 caggal ilam tuufaanu. 29Duuɓi Nuuhu fuu wo 950 de maayi.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© SIM International 2012, 2022