लूका 1
1
बुँहड़ी
1ने तियोपिलूस, अबू तलारे होयाकिया हना कताकून बदीरे कहड़ीकून ओजाःगे लगा मुरुक बगरा होड़कू बुँहड़ीकेरा। 2नाःआ कताकून बुनुँहड़ी वरीतेकू ञेञेला अरू भगवानराः सरवनकू चेडतेडकुःआ हँकुःआ होड़कू अतेबू अयूमकेरा। 3हनालगा ने मान मरजइतगे इयायीग तियोपिलूस, ईंग हों जमा कताकून नपायते जासतेडखन आम लगा ओरे ओर ओजाःगे लगायिंग ओंगोल दोहोबाःकातेरा, 4जेमहा आमकू चेडतेरा हना जमा कताकून सताय हवे, माःआनमे सुदी अवेय।
बतिसमा एमेयीग होड़ एहुनाराः जनमाः
5हरदोस एहूदिया राइजरीग राजाय दोहोना। हनमेला जकरिया ञावीग पुजउरी होड़ दोहोना। हाँय अबिया ञावराः पुजउरी गउदारीग होड़े दोहोना। हाँयरीग अइमीराः ञाव इलिसिबा दोहोना अरू हाँय हारून ञावीग पुजउरीरीग नइड़-बाँस होड़े दोहोना। 6हँकिनाः होड़किन भगवानराः ओंगोलरे बेगर गारबार होड़किन दोहोना अरू हाँयराः जमा हुकुमकून अरू नियमकून बेगर गारबारतेकिन मनाःआ। 7इलिसिबा बहिलीय दोहोना। हना अते हाँयके लइंकू मेर होयाःआ अरू हँकिन बनर डोकरा डुकरीकिन दोहोना।
8दो भगवान ओड़ाःरे भगवान मड़ंगरे पुजउरीराः बुता लगा जकरियाराः गउदाराः बेला दोहोना। 9अरू धामरे सकला बालगे लगा पुजउरी बुताराः रिवाज इया जकरियाकू लुंबाड़तेरा। 10हाँय भगवानराः ओड़ाः पेंदारे सकलाय बाला, हनमेला जमा होड़कू बहरीकू अरजीःआ।
11हनमेला जकरिया असाका परबू भगवानरीग बराहीले ञेलतेरा। हाँयग बराहील, भगवान लगा सकलाकू बालता हना उसूल धामराः खउना अगीय चड़ाँयान। 12जकरिया सेरमो देसरीग बराहीले ञेलतेड दो बयावनेनखन मुरुके बोरोयान। 13सेरमो देसरीग बराहील हाँय सुदाय बड़रानेना, ने जकरिया, भगवान आमराः अरजीय अयूमकेरा। हनालगा आम अलोम बोर। आम अइमी इलिसिबाके मी होड़ हेरेल होन होयाःता अरू हाँयराः ञाव एहुना माःआनमे साब। 14हाँयते आमराः जीव मुरुक बहाल जुवाःता अरू हाँय जनमावगुःता हनमेला मुरुक बगरा होड़कू बहालगुःता। 15भगवान हाँय मरंगे ओंगलेयता अरू हाँय रंजावतो अंगूरराः रस सहे एटाः तोनोंगाः बुलुः जिनिस अलोय ञूय। हाँय एंगातराः दोनोंगे पेंदाते भगवानराः सुद बिरुवाते पेरेगतोय दोहोनता। 16अरू हाँय इसराएल होड़कूराः जीव अँकूरीग परबू भगवान अगीय एचे कुदाकूता। 17हाँयराः जीव इलियाहराः जीव इया जंगरते दोहोनता अरू हाँय एंगात अपात अरू लइंकू एचे राजू नमा गोटकूताय#मला 4:5-6 अरू भगवानराः बड़रा मेरकू मनवेता हँकूराः जीव कसूर अते एचे कुदाकेडखने नपायगोडता। नाःआ इया हाँय परबू वेग अते मड़ंग होड़कूराः जीवे संजोड़ता।#मला 3:1-2
18जकरिया सेरमो देसरीग बराहील एचेरेय होंबोरतेड, “अलिंग डोकरा डुकरीयनालिंग दो, करा उड़ीलिंग सुदीय नाःआ बड़रा सताय हवे, माःआन?”
19दो हाँय कतातेड, “ईंगराः ञाव जिबराएल हवे अरू ईंग भगवानिंग सेवाता। नुँहू नाःआ नपाय सरवन आम एचेरे कता लगा भगवान ईंगे वारकेरा। 20अयुमेमे! ईंग कतातेरा हना बड़रा आम मेरेम बिसवासगाड। हनालगा आम ओरोम बड़रा अवेनेना। अरू हेरेल होन जनमाःता हना तयोमरे आम बड़रा अवेनता।”
21हनमेला होड़कू जकरिया बाहरीकू तंगीगेया। हँकू ओंगोलतेड, नाँय चिला लगा नुँहूमिन भगवानराः ओड़ाः अते मेरेय उडुंगगुःतना? 22अरू जकरिया उडुंगनेन दो मेरेय बड़रा अवेना अरू हाँय तिःईतेय अकियाववाकुःआ। हना अते हँकू सुदीगोतेडकू भगवानराः ओड़ाःरे नाँय तोनोंगाः दरसने ञेलतेरा, माःआन। अरू हना वरीते हाँय कोंदाय दोहोना।
23जकरिया भगवान ओड़ाःराः सेवा चबातेडखन आँयग ओड़ाः तोराय। 24तोनोंग दिन तयोमरे हाँयरीग अइमी इलिसिबा भरी पावरेय दोहोना अरू पाँच महिना वरी ओड़ाःते मेरेय उडुंगगान। 25हाँय कतातेड, “भगवान ईंगराः जीवे नपायकेरा। नाःआते नुँहू वरीते होड़कू ईंग ओरोकू लंदा एरंगवाडिंगा।”
ईसूराः जनमाः बदीरे
26इलिसिबा भरी-पावनेनते छो महिना होयानेना। हनमेला भगवान, सेरमो देसरीग बराहील जिबराएल गलील छतरराः नसरत गाँवरेय वारतिरिया। 27हाँय मरियम ञावीग डिंडा धंगड़ी एचेरेय वेगनेना। उसूप ञावीग होड़ सुदा हाँयराः मंगा बरा होयानेना अरू हाँयग उसूप दाऊद राजारीग नइड़-बाँस होड़े दोहोना।
28दो हाँयग बराहील मरियम एचेरे सेनेडखने कतातेरा, “सलाम, भगवान आमे भलावाडमेःआ अरू हाँय आम सुदा इदानिया।” 29हना बड़रा अयूमकेडखन हाँय बोरोयाने अरूय ओंगोलतेड, नाँय चिला लगा ईंग नाःआ इयाय सलामकिरिंगा, माःआन। 30हनमेला सेरमो देसरीग बराहील हाँय सुदाय बड़रानेना, “मरियम, आम अलोम बोर। भगवान आमे मयावारा। 31अयुमेमे! आम भरी-पावगुःताम अरू आम एचेरे मी होड़ हेरेल होन जनमावगुःता। हाँयराः ञाव दोहोनता ईसू।
32हाँय जमाकूते मरंगे बड़ाँःता अरू भाबी भगवानरीग बेटात माःआनकू रगेयता,
अरू हाँयरीग खुटिपरिया होड़ दाऊद इया भगवान हाँय राजाय बड़ँवेयता।
33हाँय इसराएल होड़कूरीग राजाय बड़ाँःता
अरू हाँयराः राइज कहियो ओरो टुटीगनेना।”#2 समु 7:12-13
34दो मरियम कतातेड, “नाःआ करा इया होयाःता? ईंग तोनोंयग सुदा मेरिंग गेतेगगना।”
35सेरमो देसरीग बराहील हाँय एचेरेय कताया, “सुद बिरुवा आम एचेरे वेगता अरू जमाकू अते मरंग भगवानराः जंगर आम एचेरे दोहोनता। हनालगा जनमावगुःताय हाँयग सुद लँइग भाबी भगवानरीग बेटा हवे, माःआनकू कतावायता। 36अयुमेमे, आम जइत सगा इलिसिबा डुकरीयाने। हनते हों नुँहू भरी-पावरे इदानिया। हाँय बदीरे होड़कू कतायता, नाँय बहिली इदानिया, माःआन। मनदो हाँयके भरी-पावकियानते नुँहू छो महिना होयाकिया। 37भगवान जनामाय एचे अवेयता।”
38दो मरियम कताया, “ईंग भगवानरीग सेवकीन हवे। आम कतायतना, हनन इया होया ओवायिंगमे।” हनते सेरमो देसरीग बराहील तोराय।
मरियम अरू इलिसिबा
39हना तयोमरे मरियम सपड़ावनेनखन एहूदिया पहाड़ छतरराः मीटोंग सहररे जकरिया अरू इलिसिबाराः ओड़ाः अगी ओहेन तोराय। 40हाँय हँकिनराः ओड़ाःरे बोलोकियानखन इलिसिबाय सलामतेरा। 41इलिसिबा, मरियमराः सलामे अयूमतेरा दो इलिसिबाराः दोंगे पेंदारे लँइग डोलावनेना अरू इलिसिबा सुद बिरुवातेय पेरेगयान। 42अरू मुरुक सटीतेय कताया, “जमा अइमीकू अते भगवान भलावाडमेःआ अरू आमरीग लँइग हों भलाये दोहोनता। 43ईंगरीग परबूरीग एंगात ईंग एचेरे वेग लगा चिला नपायिंग एचेकेरा? 44आमराः सलाम ईंग अयूमतेरा दो लँइग ईंगराः दोंगे पेंदारे बहालतेय डोलावनेना। 45भगवान आम एचेरेय जबानतेरा हना कताय पुरावगेता माःआनमे बिसवासकेरा। हनालगा हाँय भलावाकेडमेःआ।”
भगवान लगा मरियमराः जाग सेरेंग
46हनते मरियम कतातेरा,
“ईंग जमा जीवते, भगवानिंग जागतना।
47अरू ईंगराः इंदरी ईंगरीग सडावदार भगवान एचेरे बहालगुःतना।
48हाँय अनँयगरीग हड़वाहीन इया ईंगे मयावारिंगा।
हनालगा ईंगराः जीव बहालगुःतना।
49सुद इदानिया हाँयग अगम जंगरदार भगवान ईंग लगा मरंग मरंग बुताय बुताकेरा।
हनालगा नुँहू वरीते दरवाःआ पिड़हिरिकुःआ होड़कू ईंग बदीरेकू कतायता,
भगवान भलावातेडिया, माःआन।
50भगवानकू मनावता हँकुःआ होड़कूरिकुःआ
नइड़-बाँस होड़कू हाँय सोगागोड ञवनता।
51भगवान अनँयगराः जंगरे उदुःकेरा,
अरू अँननकू मरंगकू ओंगलुःआ, हँकुःआ होड़कू भगवान जतर-कतरगोतेडकूय।
52भगवान, राजाकू अँकूराः हातपातराः गदी अतेय उडुंगगोतेडकू,
मनदो अँननकू हुडिंगकू ओंगलुःआ, हँकुःआ होड़कू भगवान मरंगे तुलागोतेडकू।
53हाँय रंगेगतो होड़कू लगा नपाय नपाय जिनिसे एमेकेरा,
अरू गिरहत होड़कू लगा कहिसाः मेरेय एमेगाड।
54भगवान अनँयगरीग सेवकिया होड़ इसराएले संघरावारा,
55अरू अबूरिकुःआ खुटिपरिया होड़कू एचेरे,
इबराहीम अरू हाँयरिकुःआ नइड़-बाँसकू एचेरे सगर सइट लगाय जबानतेरा
हनन इया हाँय सोगोगोड ञवनता।”#रेःएत 12:1-3; 15:5; 17:4-8; 18:18-19; 22:18
56मरियम पेय महिना वरी इलिसिबा ओड़ाःरेय दोहोना। हना तयोमरे हाँय अनँयग ओड़ाःरेय कुदा सेनेडा।
एहुनाराः जनमावगुः
57इलिसिबा अमिंगगुःराः बेला सोदोरनेन दो हाँयरीग मी होड़ हेरेल होन जनमावनेना। 58परबू भगवान इलिसिबा सोगावातेडखन मी होड़ बेटाय एमेवातेरा माःआन हाँयरिकुःआ परुसीकू अरू जइत सगाकू अयूमतेडखन हाँय सुदाकू बहालयान।
59आठ दिनरे एहूदाकूराः रिवाज इया लँइगराः खतनारे#रेःएत 17:9-14 जमाकू वेगनेना। दो हँकुःआ होड़कू हाँयग लँइगराः ञाव अपात जकरियाराः ञाव इया ञावगेय लगाकू ओंगलेःआ। 60हनते एंगात कतातेरा, “कोवान! नाँयराः ञाव दोहोनता एहुना।”
61हँकू हाँय एचेरेकू कतातेड, “आम ओड़ाःरिकुःआ तोनोंगीगराः ञाव नाःआ इया कोवानेःआ।”
62हनते हँकू तिःईते अपात एचेरेकू होंबोरतेड, “आमरीग लँइगराः ञाव चेले माःआन साबगे लगाम ओंगोलकेरा?”
63दो जकरिया ओजाःगे लगा तोनोंगाः जिनिसे असेतेरा अरू हनारे नाःआ इयाय ओजाःतेरा, नाँयराः ञाव दोहनता एहुना, माःआन। हनाते जमाकू बयावयानकू। 64जकरिया हननमेला भगवान जाग घड़ीन बड़रा लगाय बुँहड़ीतेरा।
65हँकिनरिकुःआ जमा परुसीकू नाःआ बड़रा अयूमतेडखनकू बोरोयान। अरू एहूदिया पहाड़ छतररिकुःआ जमा होड़कू नाःआ कता बदीरेकू कता होड़ेंगा। 66नाःआ बड़राकू अयूमतेरा हँकुःआ जमा होड़कू अँननकू जीवरे ओंगोलतेडखनकू कताया, भगवान नाँयग लँइग सुदा इदानिया। चुवामना, नाँयग लँइग करा इयाय होयाःता, माःआन।
जकरियाराः जाग सेरेंग
67हनते एहुनारीग अपात जकरिया भगवानराः सुद बिरुवाते पेरेगनेनखन भगवानराः बड़राय कता उदुःतेरा,
68“इसराएलरीग परबू भगवान अनँयगरिकुःआ होड़कू सुदाय जुमावनेना अरूय सडावकेडकुःआ
हनालगा हाँयराः जाग होयाः।
69हाँय अबू सडाव लगा मी होड़ जंगरदार होड़े वारकिरिया,
अनँयग सेवकिया होड़ दाऊद राजाराः गोतोर अते मी होड़ होड़े वारकिरिया।#1:69 दाऊद राजा एहूदा गोतोररीग होड़े दोहोना।#2 समु 7:12-14
70हाँय आयँगराः बड़राकू कताःआ हँकुःआ सुद होड़कूते
परिया जूग वरीतेय कता उदुःतेरा हना जबान इया,
71भगवान अबूकू हिनइस-बिनइसवाता हँकुःआ होड़कू अते,
अरू अबूरिकुःआ मुदइ होड़कू अते,
अबूय सडावबूता।
72हाँय अबूरिकुःआ खुटिपरिया होड़कू एचेरेय जबाननतेरा हन इयाय मयावाबूता,
अरू अनँयगराः हना सुद कता-जमकावतोय उहियारगेता।
73अबूरीग खुटिपरिया होड़ इबराहीम एचेरेय जोमतेरा हना किरिया इया#रेःएत 17:6; 26:3-5; 28:13-15
74अबूरिकुःआ मुदइ होड़कू अतेय सडावबूता
अरू बेगर गारबार अरू सुद जीवते
75सगर सइट बेगर बोरते हाँयबू सेवा अवे।”
76“ने बाबू, आम भाबी भगवानराः बड़रा कता होड़ हवे, माःआनकू कतावामता।
अरू परबू वेग अते मड़ंग, आम हाँय लगा दूरमे संजोड़ता।
77आम होड़कूम कता उदुःवाता,
भगवान होड़कूराः कसूर बराव एंडाकेडखने सडावकूता।
78भगवान अगम सोगादार इदानिया।
हनालगा हाँय सेरमो अते बेर उडुंगगुःता हनन इया अबू लगा मरसले एमेता,
79जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः,
अरू अबू सलसतराः दूररे सलाः लगाय अगुवाइवाबू।”
80एहुना हरानेन अरू हाँयराः जीव बड़ियाड़नेन। हाँय भगवानराः बड़रा इसराएल होड़कू एचेरे अरीने परसारगे वरी टयंगाब ततेररेय दोहोनेना।#मर 1:4-6
Valgt i Øjeblikket:
लूका 1: kfp
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active) Wycliffe Bible Translators, Inc. All rights reserved.
लूका 1
1
बुँहड़ी
1ने तियोपिलूस, अबू तलारे होयाकिया हना कताकून बदीरे कहड़ीकून ओजाःगे लगा मुरुक बगरा होड़कू बुँहड़ीकेरा। 2नाःआ कताकून बुनुँहड़ी वरीतेकू ञेञेला अरू भगवानराः सरवनकू चेडतेडकुःआ हँकुःआ होड़कू अतेबू अयूमकेरा। 3हनालगा ने मान मरजइतगे इयायीग तियोपिलूस, ईंग हों जमा कताकून नपायते जासतेडखन आम लगा ओरे ओर ओजाःगे लगायिंग ओंगोल दोहोबाःकातेरा, 4जेमहा आमकू चेडतेरा हना जमा कताकून सताय हवे, माःआनमे सुदी अवेय।
बतिसमा एमेयीग होड़ एहुनाराः जनमाः
5हरदोस एहूदिया राइजरीग राजाय दोहोना। हनमेला जकरिया ञावीग पुजउरी होड़ दोहोना। हाँय अबिया ञावराः पुजउरी गउदारीग होड़े दोहोना। हाँयरीग अइमीराः ञाव इलिसिबा दोहोना अरू हाँय हारून ञावीग पुजउरीरीग नइड़-बाँस होड़े दोहोना। 6हँकिनाः होड़किन भगवानराः ओंगोलरे बेगर गारबार होड़किन दोहोना अरू हाँयराः जमा हुकुमकून अरू नियमकून बेगर गारबारतेकिन मनाःआ। 7इलिसिबा बहिलीय दोहोना। हना अते हाँयके लइंकू मेर होयाःआ अरू हँकिन बनर डोकरा डुकरीकिन दोहोना।
8दो भगवान ओड़ाःरे भगवान मड़ंगरे पुजउरीराः बुता लगा जकरियाराः गउदाराः बेला दोहोना। 9अरू धामरे सकला बालगे लगा पुजउरी बुताराः रिवाज इया जकरियाकू लुंबाड़तेरा। 10हाँय भगवानराः ओड़ाः पेंदारे सकलाय बाला, हनमेला जमा होड़कू बहरीकू अरजीःआ।
11हनमेला जकरिया असाका परबू भगवानरीग बराहीले ञेलतेरा। हाँयग बराहील, भगवान लगा सकलाकू बालता हना उसूल धामराः खउना अगीय चड़ाँयान। 12जकरिया सेरमो देसरीग बराहीले ञेलतेड दो बयावनेनखन मुरुके बोरोयान। 13सेरमो देसरीग बराहील हाँय सुदाय बड़रानेना, ने जकरिया, भगवान आमराः अरजीय अयूमकेरा। हनालगा आम अलोम बोर। आम अइमी इलिसिबाके मी होड़ हेरेल होन होयाःता अरू हाँयराः ञाव एहुना माःआनमे साब। 14हाँयते आमराः जीव मुरुक बहाल जुवाःता अरू हाँय जनमावगुःता हनमेला मुरुक बगरा होड़कू बहालगुःता। 15भगवान हाँय मरंगे ओंगलेयता अरू हाँय रंजावतो अंगूरराः रस सहे एटाः तोनोंगाः बुलुः जिनिस अलोय ञूय। हाँय एंगातराः दोनोंगे पेंदाते भगवानराः सुद बिरुवाते पेरेगतोय दोहोनता। 16अरू हाँय इसराएल होड़कूराः जीव अँकूरीग परबू भगवान अगीय एचे कुदाकूता। 17हाँयराः जीव इलियाहराः जीव इया जंगरते दोहोनता अरू हाँय एंगात अपात अरू लइंकू एचे राजू नमा गोटकूताय#मला 4:5-6 अरू भगवानराः बड़रा मेरकू मनवेता हँकूराः जीव कसूर अते एचे कुदाकेडखने नपायगोडता। नाःआ इया हाँय परबू वेग अते मड़ंग होड़कूराः जीवे संजोड़ता।#मला 3:1-2
18जकरिया सेरमो देसरीग बराहील एचेरेय होंबोरतेड, “अलिंग डोकरा डुकरीयनालिंग दो, करा उड़ीलिंग सुदीय नाःआ बड़रा सताय हवे, माःआन?”
19दो हाँय कतातेड, “ईंगराः ञाव जिबराएल हवे अरू ईंग भगवानिंग सेवाता। नुँहू नाःआ नपाय सरवन आम एचेरे कता लगा भगवान ईंगे वारकेरा। 20अयुमेमे! ईंग कतातेरा हना बड़रा आम मेरेम बिसवासगाड। हनालगा आम ओरोम बड़रा अवेनेना। अरू हेरेल होन जनमाःता हना तयोमरे आम बड़रा अवेनता।”
21हनमेला होड़कू जकरिया बाहरीकू तंगीगेया। हँकू ओंगोलतेड, नाँय चिला लगा नुँहूमिन भगवानराः ओड़ाः अते मेरेय उडुंगगुःतना? 22अरू जकरिया उडुंगनेन दो मेरेय बड़रा अवेना अरू हाँय तिःईतेय अकियाववाकुःआ। हना अते हँकू सुदीगोतेडकू भगवानराः ओड़ाःरे नाँय तोनोंगाः दरसने ञेलतेरा, माःआन। अरू हना वरीते हाँय कोंदाय दोहोना।
23जकरिया भगवान ओड़ाःराः सेवा चबातेडखन आँयग ओड़ाः तोराय। 24तोनोंग दिन तयोमरे हाँयरीग अइमी इलिसिबा भरी पावरेय दोहोना अरू पाँच महिना वरी ओड़ाःते मेरेय उडुंगगान। 25हाँय कतातेड, “भगवान ईंगराः जीवे नपायकेरा। नाःआते नुँहू वरीते होड़कू ईंग ओरोकू लंदा एरंगवाडिंगा।”
ईसूराः जनमाः बदीरे
26इलिसिबा भरी-पावनेनते छो महिना होयानेना। हनमेला भगवान, सेरमो देसरीग बराहील जिबराएल गलील छतरराः नसरत गाँवरेय वारतिरिया। 27हाँय मरियम ञावीग डिंडा धंगड़ी एचेरेय वेगनेना। उसूप ञावीग होड़ सुदा हाँयराः मंगा बरा होयानेना अरू हाँयग उसूप दाऊद राजारीग नइड़-बाँस होड़े दोहोना।
28दो हाँयग बराहील मरियम एचेरे सेनेडखने कतातेरा, “सलाम, भगवान आमे भलावाडमेःआ अरू हाँय आम सुदा इदानिया।” 29हना बड़रा अयूमकेडखन हाँय बोरोयाने अरूय ओंगोलतेड, नाँय चिला लगा ईंग नाःआ इयाय सलामकिरिंगा, माःआन। 30हनमेला सेरमो देसरीग बराहील हाँय सुदाय बड़रानेना, “मरियम, आम अलोम बोर। भगवान आमे मयावारा। 31अयुमेमे! आम भरी-पावगुःताम अरू आम एचेरे मी होड़ हेरेल होन जनमावगुःता। हाँयराः ञाव दोहोनता ईसू।
32हाँय जमाकूते मरंगे बड़ाँःता अरू भाबी भगवानरीग बेटात माःआनकू रगेयता,
अरू हाँयरीग खुटिपरिया होड़ दाऊद इया भगवान हाँय राजाय बड़ँवेयता।
33हाँय इसराएल होड़कूरीग राजाय बड़ाँःता
अरू हाँयराः राइज कहियो ओरो टुटीगनेना।”#2 समु 7:12-13
34दो मरियम कतातेड, “नाःआ करा इया होयाःता? ईंग तोनोंयग सुदा मेरिंग गेतेगगना।”
35सेरमो देसरीग बराहील हाँय एचेरेय कताया, “सुद बिरुवा आम एचेरे वेगता अरू जमाकू अते मरंग भगवानराः जंगर आम एचेरे दोहोनता। हनालगा जनमावगुःताय हाँयग सुद लँइग भाबी भगवानरीग बेटा हवे, माःआनकू कतावायता। 36अयुमेमे, आम जइत सगा इलिसिबा डुकरीयाने। हनते हों नुँहू भरी-पावरे इदानिया। हाँय बदीरे होड़कू कतायता, नाँय बहिली इदानिया, माःआन। मनदो हाँयके भरी-पावकियानते नुँहू छो महिना होयाकिया। 37भगवान जनामाय एचे अवेयता।”
38दो मरियम कताया, “ईंग भगवानरीग सेवकीन हवे। आम कतायतना, हनन इया होया ओवायिंगमे।” हनते सेरमो देसरीग बराहील तोराय।
मरियम अरू इलिसिबा
39हना तयोमरे मरियम सपड़ावनेनखन एहूदिया पहाड़ छतरराः मीटोंग सहररे जकरिया अरू इलिसिबाराः ओड़ाः अगी ओहेन तोराय। 40हाँय हँकिनराः ओड़ाःरे बोलोकियानखन इलिसिबाय सलामतेरा। 41इलिसिबा, मरियमराः सलामे अयूमतेरा दो इलिसिबाराः दोंगे पेंदारे लँइग डोलावनेना अरू इलिसिबा सुद बिरुवातेय पेरेगयान। 42अरू मुरुक सटीतेय कताया, “जमा अइमीकू अते भगवान भलावाडमेःआ अरू आमरीग लँइग हों भलाये दोहोनता। 43ईंगरीग परबूरीग एंगात ईंग एचेरे वेग लगा चिला नपायिंग एचेकेरा? 44आमराः सलाम ईंग अयूमतेरा दो लँइग ईंगराः दोंगे पेंदारे बहालतेय डोलावनेना। 45भगवान आम एचेरेय जबानतेरा हना कताय पुरावगेता माःआनमे बिसवासकेरा। हनालगा हाँय भलावाकेडमेःआ।”
भगवान लगा मरियमराः जाग सेरेंग
46हनते मरियम कतातेरा,
“ईंग जमा जीवते, भगवानिंग जागतना।
47अरू ईंगराः इंदरी ईंगरीग सडावदार भगवान एचेरे बहालगुःतना।
48हाँय अनँयगरीग हड़वाहीन इया ईंगे मयावारिंगा।
हनालगा ईंगराः जीव बहालगुःतना।
49सुद इदानिया हाँयग अगम जंगरदार भगवान ईंग लगा मरंग मरंग बुताय बुताकेरा।
हनालगा नुँहू वरीते दरवाःआ पिड़हिरिकुःआ होड़कू ईंग बदीरेकू कतायता,
भगवान भलावातेडिया, माःआन।
50भगवानकू मनावता हँकुःआ होड़कूरिकुःआ
नइड़-बाँस होड़कू हाँय सोगागोड ञवनता।
51भगवान अनँयगराः जंगरे उदुःकेरा,
अरू अँननकू मरंगकू ओंगलुःआ, हँकुःआ होड़कू भगवान जतर-कतरगोतेडकूय।
52भगवान, राजाकू अँकूराः हातपातराः गदी अतेय उडुंगगोतेडकू,
मनदो अँननकू हुडिंगकू ओंगलुःआ, हँकुःआ होड़कू भगवान मरंगे तुलागोतेडकू।
53हाँय रंगेगतो होड़कू लगा नपाय नपाय जिनिसे एमेकेरा,
अरू गिरहत होड़कू लगा कहिसाः मेरेय एमेगाड।
54भगवान अनँयगरीग सेवकिया होड़ इसराएले संघरावारा,
55अरू अबूरिकुःआ खुटिपरिया होड़कू एचेरे,
इबराहीम अरू हाँयरिकुःआ नइड़-बाँसकू एचेरे सगर सइट लगाय जबानतेरा
हनन इया हाँय सोगोगोड ञवनता।”#रेःएत 12:1-3; 15:5; 17:4-8; 18:18-19; 22:18
56मरियम पेय महिना वरी इलिसिबा ओड़ाःरेय दोहोना। हना तयोमरे हाँय अनँयग ओड़ाःरेय कुदा सेनेडा।
एहुनाराः जनमावगुः
57इलिसिबा अमिंगगुःराः बेला सोदोरनेन दो हाँयरीग मी होड़ हेरेल होन जनमावनेना। 58परबू भगवान इलिसिबा सोगावातेडखन मी होड़ बेटाय एमेवातेरा माःआन हाँयरिकुःआ परुसीकू अरू जइत सगाकू अयूमतेडखन हाँय सुदाकू बहालयान।
59आठ दिनरे एहूदाकूराः रिवाज इया लँइगराः खतनारे#रेःएत 17:9-14 जमाकू वेगनेना। दो हँकुःआ होड़कू हाँयग लँइगराः ञाव अपात जकरियाराः ञाव इया ञावगेय लगाकू ओंगलेःआ। 60हनते एंगात कतातेरा, “कोवान! नाँयराः ञाव दोहोनता एहुना।”
61हँकू हाँय एचेरेकू कतातेड, “आम ओड़ाःरिकुःआ तोनोंगीगराः ञाव नाःआ इया कोवानेःआ।”
62हनते हँकू तिःईते अपात एचेरेकू होंबोरतेड, “आमरीग लँइगराः ञाव चेले माःआन साबगे लगाम ओंगोलकेरा?”
63दो जकरिया ओजाःगे लगा तोनोंगाः जिनिसे असेतेरा अरू हनारे नाःआ इयाय ओजाःतेरा, नाँयराः ञाव दोहनता एहुना, माःआन। हनाते जमाकू बयावयानकू। 64जकरिया हननमेला भगवान जाग घड़ीन बड़रा लगाय बुँहड़ीतेरा।
65हँकिनरिकुःआ जमा परुसीकू नाःआ बड़रा अयूमतेडखनकू बोरोयान। अरू एहूदिया पहाड़ छतररिकुःआ जमा होड़कू नाःआ कता बदीरेकू कता होड़ेंगा। 66नाःआ बड़राकू अयूमतेरा हँकुःआ जमा होड़कू अँननकू जीवरे ओंगोलतेडखनकू कताया, भगवान नाँयग लँइग सुदा इदानिया। चुवामना, नाँयग लँइग करा इयाय होयाःता, माःआन।
जकरियाराः जाग सेरेंग
67हनते एहुनारीग अपात जकरिया भगवानराः सुद बिरुवाते पेरेगनेनखन भगवानराः बड़राय कता उदुःतेरा,
68“इसराएलरीग परबू भगवान अनँयगरिकुःआ होड़कू सुदाय जुमावनेना अरूय सडावकेडकुःआ
हनालगा हाँयराः जाग होयाः।
69हाँय अबू सडाव लगा मी होड़ जंगरदार होड़े वारकिरिया,
अनँयग सेवकिया होड़ दाऊद राजाराः गोतोर अते मी होड़ होड़े वारकिरिया।#1:69 दाऊद राजा एहूदा गोतोररीग होड़े दोहोना।#2 समु 7:12-14
70हाँय आयँगराः बड़राकू कताःआ हँकुःआ सुद होड़कूते
परिया जूग वरीतेय कता उदुःतेरा हना जबान इया,
71भगवान अबूकू हिनइस-बिनइसवाता हँकुःआ होड़कू अते,
अरू अबूरिकुःआ मुदइ होड़कू अते,
अबूय सडावबूता।
72हाँय अबूरिकुःआ खुटिपरिया होड़कू एचेरेय जबाननतेरा हन इयाय मयावाबूता,
अरू अनँयगराः हना सुद कता-जमकावतोय उहियारगेता।
73अबूरीग खुटिपरिया होड़ इबराहीम एचेरेय जोमतेरा हना किरिया इया#रेःएत 17:6; 26:3-5; 28:13-15
74अबूरिकुःआ मुदइ होड़कू अतेय सडावबूता
अरू बेगर गारबार अरू सुद जीवते
75सगर सइट बेगर बोरते हाँयबू सेवा अवे।”
76“ने बाबू, आम भाबी भगवानराः बड़रा कता होड़ हवे, माःआनकू कतावामता।
अरू परबू वेग अते मड़ंग, आम हाँय लगा दूरमे संजोड़ता।
77आम होड़कूम कता उदुःवाता,
भगवान होड़कूराः कसूर बराव एंडाकेडखने सडावकूता।
78भगवान अगम सोगादार इदानिया।
हनालगा हाँय सेरमो अते बेर उडुंगगुःता हनन इया अबू लगा मरसले एमेता,
79जेमहा कसूरराः अंदरारे अरू गुजुःराः दूररे इदानकुःआ हँकुःआ होड़कू मरसलकू पवाः,
अरू अबू सलसतराः दूररे सलाः लगाय अगुवाइवाबू।”
80एहुना हरानेन अरू हाँयराः जीव बड़ियाड़नेन। हाँय भगवानराः बड़रा इसराएल होड़कू एचेरे अरीने परसारगे वरी टयंगाब ततेररेय दोहोनेना।#मर 1:4-6
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active) Wycliffe Bible Translators, Inc. All rights reserved.