लूका 4
4
ईसूराः अंदजाव
(मती 4:1-11; मरकूस 1:12-13)
1दो हना वरीते सुद बिरुवाते पेरेगनेनखन ईसू एरदन नई अतेय कुदायान अरू सुद बिरुवा टयंगाब ततेर अगीय अगुवाइतिरिया। 2हंडा कलउ ईसू चालीस दिन वरीय अंदजावा। हनामिन दिनरे ईसू कही मेरेय जोमगाड अरू हना तयोमरे हाँय रंगेगतिरिया।
3दो कलउ ईसू एचेरेय कतातेड, “आम भगवानरीग बेटा हवे दो नाःआ दिरि, रुटी बड़ाँः लगाम हुकुमगोड।”
4मनदो ईसू कता कुदातेड, “भगवानराः कागदरे नाःआ इया ओजाःतो इदा,
मनुवा रुटी एकलाते ओरोय जियावनेना।”#दो. नि. 8:3
5हना तयोमते कलउ ईसू सेरमोय गोःयाडीग अरू हाँय मिनी बेलारे चउंदीसराः जमा देसकूने उदुःवातेरिया, 6अरू ईसू एचेरेय कताया, “नाःआ जमा देसकूनराः हातपात ईंग लगा जिमात इदा। अरू ईंग चहाःता हनाँयग होड़ लगा नाःआ जमाकूनराः हातपातिंग एमेयता। 7आम ईंगमे जाग दो, नाःआ जमाकून अनमराः होया जुवाःता।”
8दो ईसू कता कुदातेड, “भगवानराः कागदरे नाःआ इया ओजाःतो इदा,
आमरीग परबू भगवानमे जाग
अरू हनाँय एकलाम सेवा।”#दो. नि. 6:13
9हना तयोमरे कलउ, एरुसलेमरे ईसूय गोःयाडीग अरू भगवानराः ओड़ाःरे उसूल दोहोना हना सड़ुम मुंधनीरे एचे चड़ाँगोतेडीगखन ईसू एचेरेय कतातेरा, “आम भगवानरीग बेटात हवे दो ननतेम डेगान। 10भगवानराः कागदरे नाःआ इया ओजाःतो इदा,
भगवान सेरमो देसरिकुःआ बराहीलकू एचेरे
आम बनसावमे लगाय हुकुमवाकूता,
अरू
11बराहीलकू अँकू तिःईते आम कसड़ुः अतेकू रेममेता
जेमहा आम काट, दिरिरे अलो लगाः।”#सेरेंगकून 91:11-12
12दो ईसू हाँय एचेरेय कतातेरा, “भगवानराः कागदरे नाःआ इया हों ओजाःतो इदा,
आमरीग परबू भगवान अहम लहरावगेय।”#दो. नि. 6:16
13कलउ, ईसू जमा बराने लहराव सोःतेडिया दो, हाँय तोनोंग बेला वरी ईसूय अड़ाःगोतेडीग।
नसरत गाँवरे ईसू
(मती 13:53-58; मरकूस 6:1-6)
14सुद बिरुवाराः जंगरते पेरेगनेनखन ईसू गलील छतर अगीय कुदायान। अरू हना छतररिकुःआ जमा होड़कू एचेरे ईसू बदीरे बड़रा सितरावयान। 15अरू हाँय एटाः एटाः अरजी ओड़ाःकूनरे होड़कूय चेडतेरा अरू जमा होड़कू हाँय बदीरेकू भल-भलाययान।
16ईसूकू असूल हरातेरा हनानाः नसरत गाँवरे हाँय वेगनेना। दो ईसू एहूदाकूराः रिवाज इया लोड़ोनराः दिनरे#4:16 हपताराः सात दिनरे एहूदाकू लोड़ोनराः दिनकू मनाःता। हना दिन हँकू तोनोंगाः बुता मेरकू बुताता अरू अरजी ओड़ाःरेकू सेनता। अरजी ओड़ाःरे सेनेडखन भगवानराः कागद अते बछाव उदुःगे लगाय चड़ाँनेना। 17अरजी ओड़ाःरीग अगुवा होड़ ईसू एचेरे भगवानराः बड़रा कतायीग होड़ एसयाह ओजाःतेरा हना कागद अते बछाव उदुःगे लगाय एमेतेरा। हनते हाँय कागद पितोरतेडखन नाःआ बड़राय ञामतेरा अरूय बछावनेना,
18भगवानराः सुद बिरुवा ईंग एचेरे इदा।
हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा।
तोलतो होड़कू लड़ाकू लगा
अरू अंधा होड़कू एचे ञेल लगा
अरू संतावतो इदानकुःआ हँकुःआ होड़कू सडाव लगा
19अरू परबू भगवान, होड़कूय मयावाराः बेला सोदोरयना माःआन उदुःगे लगा
भगवान ईंगे वारकेरा।#एस 61:1,2
20हना तयोमरे हाँय कागद कोंडोड़वातेडखन अरजी ओड़ाःरीग सेवा होड़ एचेरेय एमेतेरा अरूय दुड़ुःयान। दो अरजी ओड़ाःरिकुःआ जमा होड़कू हाँय मी ढीटकू ञेलेया। 21हनमेला हाँय हँकू एचेरेय कताया, “भगवानराः कागदरे ओजाःतो इदा हना दो अपेके अअयूमरे नुँहू पुरावयना।”
22जमा होड़कू हाँय बदीरे नपायकू कताया। अरू हाँय कताया हना बड़रा अयूमतेडखन जमा होड़कू बयावयानकू। हँकू कता होड़ेंगा, “नाँय दो उनूसूपरीग बेटा ना लवे जा?”
23हाँय हँकू एचेरेय कतातेड, “जूग परियारेकू कताया हना कता अपे ईंग बदीरेपे कनातायता, ने जिड़ीदार, आम अनम नपायगुः। अरू अपे नाःआ इया होँपे कतायता, आम कपरनहूम सहररेम एचेतेरा हना इया नपाय बुता आम गाँवरे होंम एचेय।”
24दो ईसू अरूय कताया, “ईंगपे अयूम, तोनोंगीग भगवानराः बड़रा कतायीग होड़ अनँयग देसरे जगल मेरेय दोहोनता। 25ईंगपे अयूम, भगवानराः बड़रा कतायीग होड़ इलियाह दोहोन मेला पेय बरिस अरू छो महिना वरी दाः मेर उयुःगान अरू कतकालयान। हनमेला इसराएल देसरे मुरुक रंडियाहीनकू दोहोना। 26मनदो भगवान इसराएल देसरिकुःआ तोनोंगीग रंडियाहीन संघरावाय लगा इलियाह मेरेय वारगडीग। सइदा छतरराः सरापात सहररीग मी होड़ रंडियाहीन एचेरे एनेकला भगवान हाँये वारतेरा। 27भगवानराः बड़रा कतायीग होड़ एलीसाराः जूगरे इसराएल देसरे मुरुक बगरा कुड़गा होड़कू दोहोना। मनदो हँकू अते तोनोंगीग होड़ भगवान मेरेय नपायगडीग। सिरिया देसरीग नामान ञावीग कुड़गा होड़ एकला भगवान नपायतिरिया।”
28ईसूराः बड़रा अयूमवाडखन हना अरजी ओड़ाःरेकू दोहोना हँकुःआ होड़कू जमाकू मुरुककू रीसयान। 29हँकुःआ होड़कू रेमवाडखन ईसू हना गाँव अतेकू ओर उडुंगतिरिया। हँकूराः गाँव दोहोना हना पहाड़राः कराइन सेरमोकू गोःयाडीग अरू हना सेरमो अते ईसू तेके लोजोरगेय लगाकू ओंगलेःआ। 30मनदो हँकुःआ होड़कू ईसू कही मेरकू एचे अवेगडीग अरू हाँय हँननकू तलातेय सेने पारयान।#एहु 7:30
भूत समसावतो होड़राः नपायगुः
(मरकूस 1:21-28)
31हनते ईसू गलील छतरराः कपरनहूम सहररेय सेनेडा। अरू लोड़ोनराः दिनरे हाँय हंडाकुःआ होड़कूय चेडा। 32ईसू हातपात पवावतो होड़ इयाय चेडकुःआ अरू हँकुःआ होड़कू हाँयराः बड़रा अयूमवाडखनकू बयावयान।
33दो भूत समसावनेना हाँयग मी होड़ हना अरजी ओड़ाःरेय दोहोना। हाँय खिररी घड़ीने कताया, 34“ने नसरेतरीग ईसू! आम अले चिला लगाम कटसियालेतना? अले लाय एंडाले लगाम वेगकिया जा? ईंग सुसुदीतिनिंग आम इये हवे, माःआन। आम भगवानरीग सुद होड़ हवे।”
35दो ईसू भूत एचेरेय हुकुमतेरा, “अचीमे! नाँय अड़ाःगोडेयमे।” दो भूत जमाकू मड़ंगरे हाँयग होड़े एचे कसड़गोतेडीग। मनदो तोनोंग इया मेरेय हानीगडीग अरू हाँय अतेय उडुंगयान। 36हनते जमाकू मुरुककू बयावयान अरूकू कता होड़ेंगा, नाँय करा इयाय हुकुमतेरा? नाँयराः हुकुमते भूतकू हों होड़कू अतेकू ञीर जुवाःता। हनालगा नाँयके मुरुक जंगर अरू हातपात इदा, माःआन। 37अरू हँकुःआ होड़कू हना जमा छतरराः डोबरा भइर ईसूराः बदीरेकू कता उदुःगोतेड।
ईसू होड़कूय नपायतेरा
(मती 8:14-17; मरकूस 1:29-34)
38हनते ईसू अरजी ओड़ाः अते सिमोन पतरसराः ओड़ाःरेय सेनेडा। हनमेला सिमोनरीग हनहार जाररेय दोहोना अरू हँकू ईसू एचेरे हाँय नपायगोडेय लगाकू पइयन गोड़ाना। 39दो ईसू हाँय कुटीरे चड़ाँनेनखन जार अड़ाःगे लगाय हुकुमतेरा। अरू जार अड़ाःगोतेडीग। सिमोन हनहारतो हननमेला रेमवाडखन हँकूय सेवातेरा।
40सिंगाड़ बेर लिप-लिपाः मेला, एटाः एटाः होड़कू बेमरियारेकू दोहोना हँकुःआ होड़कू ईसू एचेरेकू अगूतेडकुःआ। ईसू मेमेड होड़ चोटरे तिःई खेपातेडखन जमाकूय नपायतेरा। 41भूतकू मुरुक बगरा होड़कू अतेकू उडुंगयान अरू खिररी घड़ीनकू कताया, आम भगवानरीग बेटा हवे, माःआन। हँकुःआ भूतकू सुसुदीःआ ईसू, मसी हवे, माःआन। हनालगा हाँय हँकूय डंटावतेरा अरू मेरेय बड़रा ओवागाडकू।
अरजी ओड़ाःकूनरे ईसूराः परसार
(मरकूस 1:35-39)
42अंगुः मेला ईसू हना ततेर अते मीटोंग रिंग-रोंग ततेररेय सेनेडा अरू कपरनहूमरिकुःआ मुरुक होड़कू ञाम ञाम हाँय एचेरेकू वेजेडा। हँकू हाँय एचेरेकू कताया, अले अटूकेडखन अलोम सेन, माःआन। 43मनदो ईसू कताया, “ईंगके एटाः एटाः सहररिकुःआ होड़कू एचेरे हों सेनेवाडखन भगवानराः राइजराः नपाय सरवन उउदुः लगा इदा। हनलगा भगवान ईंगे वारकेरा।” 44हनते ईसू एहूदिया राइजराः एटाः एटाः सहरकूनरे सेनेडखन हंडाःआ अरजी ओड़ाःकूनरेय परसारगेःआ।
Valgt i Øjeblikket:
लूका 4: kfp
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active) Wycliffe Bible Translators, Inc. All rights reserved.
लूका 4
4
ईसूराः अंदजाव
(मती 4:1-11; मरकूस 1:12-13)
1दो हना वरीते सुद बिरुवाते पेरेगनेनखन ईसू एरदन नई अतेय कुदायान अरू सुद बिरुवा टयंगाब ततेर अगीय अगुवाइतिरिया। 2हंडा कलउ ईसू चालीस दिन वरीय अंदजावा। हनामिन दिनरे ईसू कही मेरेय जोमगाड अरू हना तयोमरे हाँय रंगेगतिरिया।
3दो कलउ ईसू एचेरेय कतातेड, “आम भगवानरीग बेटा हवे दो नाःआ दिरि, रुटी बड़ाँः लगाम हुकुमगोड।”
4मनदो ईसू कता कुदातेड, “भगवानराः कागदरे नाःआ इया ओजाःतो इदा,
मनुवा रुटी एकलाते ओरोय जियावनेना।”#दो. नि. 8:3
5हना तयोमते कलउ ईसू सेरमोय गोःयाडीग अरू हाँय मिनी बेलारे चउंदीसराः जमा देसकूने उदुःवातेरिया, 6अरू ईसू एचेरेय कताया, “नाःआ जमा देसकूनराः हातपात ईंग लगा जिमात इदा। अरू ईंग चहाःता हनाँयग होड़ लगा नाःआ जमाकूनराः हातपातिंग एमेयता। 7आम ईंगमे जाग दो, नाःआ जमाकून अनमराः होया जुवाःता।”
8दो ईसू कता कुदातेड, “भगवानराः कागदरे नाःआ इया ओजाःतो इदा,
आमरीग परबू भगवानमे जाग
अरू हनाँय एकलाम सेवा।”#दो. नि. 6:13
9हना तयोमरे कलउ, एरुसलेमरे ईसूय गोःयाडीग अरू भगवानराः ओड़ाःरे उसूल दोहोना हना सड़ुम मुंधनीरे एचे चड़ाँगोतेडीगखन ईसू एचेरेय कतातेरा, “आम भगवानरीग बेटात हवे दो ननतेम डेगान। 10भगवानराः कागदरे नाःआ इया ओजाःतो इदा,
भगवान सेरमो देसरिकुःआ बराहीलकू एचेरे
आम बनसावमे लगाय हुकुमवाकूता,
अरू
11बराहीलकू अँकू तिःईते आम कसड़ुः अतेकू रेममेता
जेमहा आम काट, दिरिरे अलो लगाः।”#सेरेंगकून 91:11-12
12दो ईसू हाँय एचेरेय कतातेरा, “भगवानराः कागदरे नाःआ इया हों ओजाःतो इदा,
आमरीग परबू भगवान अहम लहरावगेय।”#दो. नि. 6:16
13कलउ, ईसू जमा बराने लहराव सोःतेडिया दो, हाँय तोनोंग बेला वरी ईसूय अड़ाःगोतेडीग।
नसरत गाँवरे ईसू
(मती 13:53-58; मरकूस 6:1-6)
14सुद बिरुवाराः जंगरते पेरेगनेनखन ईसू गलील छतर अगीय कुदायान। अरू हना छतररिकुःआ जमा होड़कू एचेरे ईसू बदीरे बड़रा सितरावयान। 15अरू हाँय एटाः एटाः अरजी ओड़ाःकूनरे होड़कूय चेडतेरा अरू जमा होड़कू हाँय बदीरेकू भल-भलाययान।
16ईसूकू असूल हरातेरा हनानाः नसरत गाँवरे हाँय वेगनेना। दो ईसू एहूदाकूराः रिवाज इया लोड़ोनराः दिनरे#4:16 हपताराः सात दिनरे एहूदाकू लोड़ोनराः दिनकू मनाःता। हना दिन हँकू तोनोंगाः बुता मेरकू बुताता अरू अरजी ओड़ाःरेकू सेनता। अरजी ओड़ाःरे सेनेडखन भगवानराः कागद अते बछाव उदुःगे लगाय चड़ाँनेना। 17अरजी ओड़ाःरीग अगुवा होड़ ईसू एचेरे भगवानराः बड़रा कतायीग होड़ एसयाह ओजाःतेरा हना कागद अते बछाव उदुःगे लगाय एमेतेरा। हनते हाँय कागद पितोरतेडखन नाःआ बड़राय ञामतेरा अरूय बछावनेना,
18भगवानराः सुद बिरुवा ईंग एचेरे इदा।
हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा।
तोलतो होड़कू लड़ाकू लगा
अरू अंधा होड़कू एचे ञेल लगा
अरू संतावतो इदानकुःआ हँकुःआ होड़कू सडाव लगा
19अरू परबू भगवान, होड़कूय मयावाराः बेला सोदोरयना माःआन उदुःगे लगा
भगवान ईंगे वारकेरा।#एस 61:1,2
20हना तयोमरे हाँय कागद कोंडोड़वातेडखन अरजी ओड़ाःरीग सेवा होड़ एचेरेय एमेतेरा अरूय दुड़ुःयान। दो अरजी ओड़ाःरिकुःआ जमा होड़कू हाँय मी ढीटकू ञेलेया। 21हनमेला हाँय हँकू एचेरेय कताया, “भगवानराः कागदरे ओजाःतो इदा हना दो अपेके अअयूमरे नुँहू पुरावयना।”
22जमा होड़कू हाँय बदीरे नपायकू कताया। अरू हाँय कताया हना बड़रा अयूमतेडखन जमा होड़कू बयावयानकू। हँकू कता होड़ेंगा, “नाँय दो उनूसूपरीग बेटा ना लवे जा?”
23हाँय हँकू एचेरेय कतातेड, “जूग परियारेकू कताया हना कता अपे ईंग बदीरेपे कनातायता, ने जिड़ीदार, आम अनम नपायगुः। अरू अपे नाःआ इया होँपे कतायता, आम कपरनहूम सहररेम एचेतेरा हना इया नपाय बुता आम गाँवरे होंम एचेय।”
24दो ईसू अरूय कताया, “ईंगपे अयूम, तोनोंगीग भगवानराः बड़रा कतायीग होड़ अनँयग देसरे जगल मेरेय दोहोनता। 25ईंगपे अयूम, भगवानराः बड़रा कतायीग होड़ इलियाह दोहोन मेला पेय बरिस अरू छो महिना वरी दाः मेर उयुःगान अरू कतकालयान। हनमेला इसराएल देसरे मुरुक रंडियाहीनकू दोहोना। 26मनदो भगवान इसराएल देसरिकुःआ तोनोंगीग रंडियाहीन संघरावाय लगा इलियाह मेरेय वारगडीग। सइदा छतरराः सरापात सहररीग मी होड़ रंडियाहीन एचेरे एनेकला भगवान हाँये वारतेरा। 27भगवानराः बड़रा कतायीग होड़ एलीसाराः जूगरे इसराएल देसरे मुरुक बगरा कुड़गा होड़कू दोहोना। मनदो हँकू अते तोनोंगीग होड़ भगवान मेरेय नपायगडीग। सिरिया देसरीग नामान ञावीग कुड़गा होड़ एकला भगवान नपायतिरिया।”
28ईसूराः बड़रा अयूमवाडखन हना अरजी ओड़ाःरेकू दोहोना हँकुःआ होड़कू जमाकू मुरुककू रीसयान। 29हँकुःआ होड़कू रेमवाडखन ईसू हना गाँव अतेकू ओर उडुंगतिरिया। हँकूराः गाँव दोहोना हना पहाड़राः कराइन सेरमोकू गोःयाडीग अरू हना सेरमो अते ईसू तेके लोजोरगेय लगाकू ओंगलेःआ। 30मनदो हँकुःआ होड़कू ईसू कही मेरकू एचे अवेगडीग अरू हाँय हँननकू तलातेय सेने पारयान।#एहु 7:30
भूत समसावतो होड़राः नपायगुः
(मरकूस 1:21-28)
31हनते ईसू गलील छतरराः कपरनहूम सहररेय सेनेडा। अरू लोड़ोनराः दिनरे हाँय हंडाकुःआ होड़कूय चेडा। 32ईसू हातपात पवावतो होड़ इयाय चेडकुःआ अरू हँकुःआ होड़कू हाँयराः बड़रा अयूमवाडखनकू बयावयान।
33दो भूत समसावनेना हाँयग मी होड़ हना अरजी ओड़ाःरेय दोहोना। हाँय खिररी घड़ीने कताया, 34“ने नसरेतरीग ईसू! आम अले चिला लगाम कटसियालेतना? अले लाय एंडाले लगाम वेगकिया जा? ईंग सुसुदीतिनिंग आम इये हवे, माःआन। आम भगवानरीग सुद होड़ हवे।”
35दो ईसू भूत एचेरेय हुकुमतेरा, “अचीमे! नाँय अड़ाःगोडेयमे।” दो भूत जमाकू मड़ंगरे हाँयग होड़े एचे कसड़गोतेडीग। मनदो तोनोंग इया मेरेय हानीगडीग अरू हाँय अतेय उडुंगयान। 36हनते जमाकू मुरुककू बयावयान अरूकू कता होड़ेंगा, नाँय करा इयाय हुकुमतेरा? नाँयराः हुकुमते भूतकू हों होड़कू अतेकू ञीर जुवाःता। हनालगा नाँयके मुरुक जंगर अरू हातपात इदा, माःआन। 37अरू हँकुःआ होड़कू हना जमा छतरराः डोबरा भइर ईसूराः बदीरेकू कता उदुःगोतेड।
ईसू होड़कूय नपायतेरा
(मती 8:14-17; मरकूस 1:29-34)
38हनते ईसू अरजी ओड़ाः अते सिमोन पतरसराः ओड़ाःरेय सेनेडा। हनमेला सिमोनरीग हनहार जाररेय दोहोना अरू हँकू ईसू एचेरे हाँय नपायगोडेय लगाकू पइयन गोड़ाना। 39दो ईसू हाँय कुटीरे चड़ाँनेनखन जार अड़ाःगे लगाय हुकुमतेरा। अरू जार अड़ाःगोतेडीग। सिमोन हनहारतो हननमेला रेमवाडखन हँकूय सेवातेरा।
40सिंगाड़ बेर लिप-लिपाः मेला, एटाः एटाः होड़कू बेमरियारेकू दोहोना हँकुःआ होड़कू ईसू एचेरेकू अगूतेडकुःआ। ईसू मेमेड होड़ चोटरे तिःई खेपातेडखन जमाकूय नपायतेरा। 41भूतकू मुरुक बगरा होड़कू अतेकू उडुंगयान अरू खिररी घड़ीनकू कताया, आम भगवानरीग बेटा हवे, माःआन। हँकुःआ भूतकू सुसुदीःआ ईसू, मसी हवे, माःआन। हनालगा हाँय हँकूय डंटावतेरा अरू मेरेय बड़रा ओवागाडकू।
अरजी ओड़ाःकूनरे ईसूराः परसार
(मरकूस 1:35-39)
42अंगुः मेला ईसू हना ततेर अते मीटोंग रिंग-रोंग ततेररेय सेनेडा अरू कपरनहूमरिकुःआ मुरुक होड़कू ञाम ञाम हाँय एचेरेकू वेजेडा। हँकू हाँय एचेरेकू कताया, अले अटूकेडखन अलोम सेन, माःआन। 43मनदो ईसू कताया, “ईंगके एटाः एटाः सहररिकुःआ होड़कू एचेरे हों सेनेवाडखन भगवानराः राइजराः नपाय सरवन उउदुः लगा इदा। हनलगा भगवान ईंगे वारकेरा।” 44हनते ईसू एहूदिया राइजराः एटाः एटाः सहरकूनरे सेनेडखन हंडाःआ अरजी ओड़ाःकूनरेय परसारगेःआ।
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active) Wycliffe Bible Translators, Inc. All rights reserved.