लूका 6
6
ईसू लोड़ोनराः दिनरीग परबू
(मती 12:1-8; मरकूस 2:23-28)
1लोड़ोनराः दिनरे ईसू अरू आँयगरिकुःआ चेलाकू खेत दोहोड़ तलाराः दूरतेकू सेना। दो चेलाकू बली सीडतेडखन तिःईते मलाव घड़ीनकू जोम इदीया। 2हना ञेलतेडखन फरीसी होड़कू नाःआ उड़ीकू कताया, “लोड़ोनराः दिनरे मेरबू बुताता हना बुता चिला लगापे बुतातना?”
3दो ईसू फरीसी होड़कू एचेरेय कताया, “अपे भगवानराः कागदरे मेरपे बछावगना जा, दाऊद राजा अरू आँयगरिकुःआ सउंगताकू रंगेगतेड मेला चिलाकू एचेतेरा? 4अपे सुसुदीतना दाऊद भगवानराः मरंग टपइर ओड़ाःरेय बोलोयान अरू पुनुजउरीकू एकला जोम अवेयता हना सुद रुटीय जोमतेरा अरू आँयगरिकुःआ सउंगताकू होंय एमेवातेरा।”#1 समु 21:1-6 5हनते ईसू हँकू एचेरेय कताया, “मनुवारीग बेटात लोड़ोनराः दिनरीग परबू हवे।”#सेरेंगकून 8:4-8
ईसू तिःई कोकोड़ावतो होड़े नपायतेरा
(मती 12:9-14; मरकूस 3:1-6)
6एटाः लोड़ोनराः दिन ईसू, अरजी ओड़ाःरे सेनेवाडखन होड़कूय चेचेडा। अरजी ओड़ाःरे तिःई कोकोड़ावतो मी होड़ होड़ दोहोना। 7नियम चेडदार होड़कू अरू फरीसी होड़कू ईसू बदीगेय लगाकू ञामा। हँकू ईसू लोड़ोनराः दिनरे, माँयग होड़े नपायगेयता जा कोवान हनाकू टोहाःआ।
8मनदो ईसू हँकूराः ओंगोले सुसुदीःआ अरू तिःई कोकोड़ावतो होड़ एचेरेय कताया, “रिमुः अरू जमा होड़कू तलारेम चड़ाँन।” दो हाँय रेम चड़ाँयाने। 9हनते ईसू हँकू एचेरेय होंबोरतेरा, “लोड़ोनराः दिनरे चिला एचे नपाय इदा, नपायगुः जा बेलूरगुः? जीव बनसाव लगा नपाय इदा जा ञेड एएंडा लगा?” 10ईसू चइरो गतर होड़कू ञेलवाडखन तिःई कोकोड़ावतो होड़ एचेरेय कताया, “आम तिःई लंबावगेमे।” दो हाँय हनन इयाय एचेतेरा अरू हाँयराः तिःई नपाययान। 11नियम चेडदार होड़कू अरू फरीसी होड़कू मुरुक रीसनेनखन बहरीकू उडुंगयान अरू हँकू जहड़ होड़ेंगा, “अबू ईसू करा इयाबू करजेय?”
मूक चेलाकूराः लुंबाड़
(मती 10:1-4; मरकूस 3:13-19)
12तोनोंग दिन तयोमरे ईसू पहाड़ अगी अरजी लगाय सेनेडा अरू हाँय अंगुः वरी भगवान एचेरेय अरजीःआ। 13अंगुः निंदावा ईसू अनँयग चेलाकूय राः जुमावतेरा। हाँय हँकू अते बारहगोटोंग होड़कूय लुंबाड़तेरा अरू आँयगरिकुःआ मूक चेलाकूय कतावातेडकुःआ।
14ईसू, पतरस माःआने ञावकिरिया हाँयग सिमोन,
हाँयरीग बोहोत अंदरियास,
एकूब अरू एहुना,
पिलिपूस अरू बरतुलमाय,
15मती अरू तोमा,
हलपाइरीग बेटात एकूब अरू जेलोतेस माःआनकू कतावायता हाँयग सिमोन,#6:15 जेलोतेस एहूदाकूराः मीटोंग गउदारिकुःआ होड़कू दोहोना। हँकू रूमी देसरिकुःआ होड़कू अते अजइत पवाः लगाकू कड़ीगा। जेलोतेस उनानी भासीरे इदा अरू अरामिया भासीरे कनानी माःआनकू कतायता। (मरकूस 3:18)
16एकूबरीग बेटात जूदा अरू ईसू तयोमरेय एचे साबतिरिया हाँयग जूदा इसकरियोती।
चेला करा उड़ीय दोहोन
(मती 4:23-25; 5:1-12; 5:38-48; मती 7:1-4,12,16-20; 12:33-35)
17ईसू हना तयोमरे पहाड़ अते आँयगरिकुःआ मूक चेलाकू सुदाय उतराव वेजेडा अरू मुरुक बगरा चेलाकू सुदा डंडहारेकू चड़ाँनेन। एहूदिया छतररिकुःआ अरू एरुसलेम सहररिकुःआ अरू सूर अरू सइदा सहररिकुःआ मुरुक होड़कू हों हंडाकू वेजेडा। 18हँकू ईसूराः बड़रा अयुमे लगा अरू बेमारीते नपायगुः लगा ईसू एचेरेकू वेजेडा। भूतकू ससताकुःआ हँकुःआ होड़कू ईसू नपायतेडकुःआ। 19ईसू अते जंगर उडुंगगुःआ अरू हनाते बेमरियाकू नपाय जुवाःआ। हनालगा जमा होड़कू हाँय टोँवावगेय लगाकू चहाःआ।
20ईसू हनमेला अनँयग चेलाकू अगी ञेलवातेडखने कताया,
“ने गरीब होड़कू, अपेराः जीव-जहन भगवान भलावाडखने नपायगेता।
हनालगा भगवानराः राइज अँननपेराः हवे।
21ने रंगेगतो होड़कू, अपेराः जीव-जहन भगवान भलावाडखने नपायगेता,
हनालगा अपे संतोक जुवाःता।
ने इयामतिकुःआ होड़कू, अपेराः जीव-जहन भगवान भलावाडखने नपायगेता,
हनालगा अपे लांदता।
22मनुवारीग बेटात बदीरे होड़कू अपेकू हिनइस-बिनइसवापेता, अरूकू उडुंग एंडागोडपेता, लंदा एरंगवापेताकू अरू बेलूरकू कतावापेता दो, अपेराः जीव-जहन भगवान भलावाडखने नपायगेता। 23हँकूरिकुःआ खुटिपरिया होड़कू हों हनन इया भगवानराः बड़रा कता होड़कू होंकू संतावतेडकुःआ। अपे लगा सेरमो देसरे मरंग इमान भगवान एमेयता। हनालगा संतावराः दिनरे अपे बहालतेपे सून।
24ने गिरहत होड़कू, अपे सलसतपे पवावबाःयना,
मनदो अपे ठीक जुवाःतापे।
25नुँहू अपे लगा उडु-बुडू इदा,
मनदो अपे ठीक जुवाःतापे अरू रंगेगतेपे दोहोनता।
नुँहू अपे बहालरे इदानपेःआ।
मनदो अपे ठीक जुवाःतापे अरू अपेराः जीव हुडिंगगुः घड़ीनपे इयामता।
26होड़कू अपेकू भल-भलायवाता,
मनदो अपे ठीक जुवाःतापे।
भगवानराः बड़रा लबरातेकू कताया हँकुःआ होड़कू बदीरे हों अपेरिकुःआ खुटिपरिया होड़कू होंकू भल-भलायनेना।
27मनदो ईंगराः बड़रापे अअयूमतना हँकू एचेरेयिंग कतायतना, अपेरिकुःआ मुदइ होड़कूपे अलार-दुलार। अपेकू आड-बेकारवाता हँकू सुदा नपायपे एचेय। 28अपेकू सती-सरापता हँकूपे भलावा अरू अपेकू लंदा एरांगवाता हँकू लगापे अरजी। 29तोनोंगीग अपेराः खउना गलूय चपाड़ दो, डिरही गलू हों लगापे एमेगोड। तोनोंगीग अपेराः सेरमो तुसिंगतो सोनहेय लुड़ी गोःगे दो, आमराः अंगा हों गोः लगा अहापे रोंकावगेय। 30तोनोंगीग होड़ अपे एचेरेय असेयता, हनापे एमेगोड अरू तोनोंगीग अपे अते तोनोंगाः जिनिसे गोःया दो हना अहापे असे कुदाय। 31एटाः होड़कूते अपे चहाःतना हनन इया हँकू सुदापे एचेय।
32अपेकू दुलारता हँकू एकलापे दुलार दो, हनारे अपे चिला नपाय बुतापे एचेकेरा? कसूर होड़कू हों अँनकूकू दुलारता हँकुःआ होड़कूकू दुलारता। 33अपेकू नपायता हँकुःआ होड़कू एकलापे नपाय दो, हनारे अपे चिला नपाय बुतापे एचेकेरा? कसूर होड़कू हों नान इयाकू एचेयता। 34अपे तोनोंगीग एचेरे पइंचा एमेवाडखन गोः कुदागे लगापे ओंगले दो, हनारे अपे चिला नपाय बुतापे एचेकेरा? कसूर होड़कू हों एमेकेडखन गोः कुदागे लगाकू ओंगलेता। 35मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता। 36अपे ईंगपे अयूम, अपेरीग अपांग भगवान सोगावाकूताय, हनन इया अपे हों एटाः होड़कूपे सोगावा।
37तोनोंगीग अहापे फड़ियावगेय दो, तोनोंगीग अपे हों ओरोकू फड़ियावतेडपेःआ। तोनोंगीग मेरपे बदीगेय दो, अपे हों ओरोकू बदीतेडपेःआ। एटाःकूराः कसूरपे बराव एंडागे दो, भगवान हों अपेराः कसूरे बराव एंडागोडता। 38अपे एटाः होड़कू बगरापे एमेवाकू दो, भगवान हों अपे लगा बगराय एमेवापेता। डिलिंगीरे हुड़ू कसाव पेरेगकेडखनकू एंडाता हान इया अपे लगा हों भगवान एमेयता। अपे सोंगगेता हनानाः तंबीते अपे लगा हों भगवान सोंगगेता।”
39हनते ईसू मीटोंग कहड़ीय कताया, “अंधा होड़ अनंधा होड़ दूरे उदुः अवेवायताय जा? ओरो! बना होड़ डोडहारे हमाकिन कसड़ जुवाःता। 40चेला अनँयग गुरुजी अते मरंग कोवाया। गुरुजी चेलाय चेडगोडता हना तयोमरे हाँयग चेला गुरुजी इयाय होयाःता।
41आम सउंगताराः मेडरे चुबाः बोलोकिया हना गुंडाम ञेलतना मनदो अनम मेडरे बोलोकिया हना चइला चिला लगा मेरेम ञेञेलतना? 42आम अनम मेडराः चइला मेरेम ञेलता दो, करा उड़ी आम सउंगता एचेरेम कता अवेयता, ईंग आम मेडरे बोलोकिया हना गुंडायिंग उडुंगगोडता, माःआन? ने पचघुचिया होड़, मड़ंगरे आम मेडरे बोलोकिया हना चइलाम उडुंगवा। हनाते आम सउंगताराः मेडरे बोलोकिया हना गुंडा उडुंग लगा नपायतेम ञेल अवेयता।
43तोनोंगाः नपाय सींग दूबरे आड जोःओ मेर जोःता अरू आड सींग दूबरे नपाय जोःओ ओरो जोनेना। 44जमा सींग दूब जोःओत ञेलकेडखनबू सिनहागोडता। पोटवा दूबते लुवा जोःओ अरू पुटूस दूबते अंगूर जोःओ मेरबू गोडता। 45नपाय होड़ अनँयग नपाय जीवते नपाय नपाय बड़राय कताता अरू नपाये एचेयता। अरू आड होड़ अनँयग आड जीवते बेलूर बेलूर बड़राय कताता अरू बेलूरे एचेयता। आहते उडुंगगुःता हना बड़राराः सोर जीव हवे।
ओड़ाः तुलाकिनराः कहड़ी
(मती 7:24-27)
46ईंग ईसूरीग चेला हवे, माःआन अपे कतनता, मनदो ईंगराः बड़रा मेरपे मनाःता दो चिला लगा परबू परबू, माःआन ईंगपे राःतना? 47ईंग एचेरे वेगकियानखन ईंगराः कताय मनाःता, हाँय करा इयायीग होड़ हवे हना ईंग अपे एचेरे उदुःगेतिंग। 48हाँय, ओड़ाः तुला मेला गनाहीर गडाकेडखन चटइन चोटरेय नेवतेरा हाँयग होड़ इया इदानिया। दो नईरे दाः पेरेगकियानखन ओड़ाःरे टपूयान। हना ओड़ाः बड़ियाड़ तुलात दोहोना हना अते ओड़ाः मेर रूबगान। 49ईंग बड़रा मेरेय मनाःता हाँयग होड़, बेगर नेवते बितीलरे ओड़ाःए तुलातेरा, हाँयग होड़ इया इदानिया। दो नईरे दाः पेरेगकियानखन ओड़ाःरे टपूयान। दो हना ओड़ाः रूब एंडायान अरू ओड़ाःराः कहिसाः मेर बनसावगान।”
Valgt i Øjeblikket:
लूका 6: kfp
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active) Wycliffe Bible Translators, Inc. All rights reserved.
लूका 6
6
ईसू लोड़ोनराः दिनरीग परबू
(मती 12:1-8; मरकूस 2:23-28)
1लोड़ोनराः दिनरे ईसू अरू आँयगरिकुःआ चेलाकू खेत दोहोड़ तलाराः दूरतेकू सेना। दो चेलाकू बली सीडतेडखन तिःईते मलाव घड़ीनकू जोम इदीया। 2हना ञेलतेडखन फरीसी होड़कू नाःआ उड़ीकू कताया, “लोड़ोनराः दिनरे मेरबू बुताता हना बुता चिला लगापे बुतातना?”
3दो ईसू फरीसी होड़कू एचेरेय कताया, “अपे भगवानराः कागदरे मेरपे बछावगना जा, दाऊद राजा अरू आँयगरिकुःआ सउंगताकू रंगेगतेड मेला चिलाकू एचेतेरा? 4अपे सुसुदीतना दाऊद भगवानराः मरंग टपइर ओड़ाःरेय बोलोयान अरू पुनुजउरीकू एकला जोम अवेयता हना सुद रुटीय जोमतेरा अरू आँयगरिकुःआ सउंगताकू होंय एमेवातेरा।”#1 समु 21:1-6 5हनते ईसू हँकू एचेरेय कताया, “मनुवारीग बेटात लोड़ोनराः दिनरीग परबू हवे।”#सेरेंगकून 8:4-8
ईसू तिःई कोकोड़ावतो होड़े नपायतेरा
(मती 12:9-14; मरकूस 3:1-6)
6एटाः लोड़ोनराः दिन ईसू, अरजी ओड़ाःरे सेनेवाडखन होड़कूय चेचेडा। अरजी ओड़ाःरे तिःई कोकोड़ावतो मी होड़ होड़ दोहोना। 7नियम चेडदार होड़कू अरू फरीसी होड़कू ईसू बदीगेय लगाकू ञामा। हँकू ईसू लोड़ोनराः दिनरे, माँयग होड़े नपायगेयता जा कोवान हनाकू टोहाःआ।
8मनदो ईसू हँकूराः ओंगोले सुसुदीःआ अरू तिःई कोकोड़ावतो होड़ एचेरेय कताया, “रिमुः अरू जमा होड़कू तलारेम चड़ाँन।” दो हाँय रेम चड़ाँयाने। 9हनते ईसू हँकू एचेरेय होंबोरतेरा, “लोड़ोनराः दिनरे चिला एचे नपाय इदा, नपायगुः जा बेलूरगुः? जीव बनसाव लगा नपाय इदा जा ञेड एएंडा लगा?” 10ईसू चइरो गतर होड़कू ञेलवाडखन तिःई कोकोड़ावतो होड़ एचेरेय कताया, “आम तिःई लंबावगेमे।” दो हाँय हनन इयाय एचेतेरा अरू हाँयराः तिःई नपाययान। 11नियम चेडदार होड़कू अरू फरीसी होड़कू मुरुक रीसनेनखन बहरीकू उडुंगयान अरू हँकू जहड़ होड़ेंगा, “अबू ईसू करा इयाबू करजेय?”
मूक चेलाकूराः लुंबाड़
(मती 10:1-4; मरकूस 3:13-19)
12तोनोंग दिन तयोमरे ईसू पहाड़ अगी अरजी लगाय सेनेडा अरू हाँय अंगुः वरी भगवान एचेरेय अरजीःआ। 13अंगुः निंदावा ईसू अनँयग चेलाकूय राः जुमावतेरा। हाँय हँकू अते बारहगोटोंग होड़कूय लुंबाड़तेरा अरू आँयगरिकुःआ मूक चेलाकूय कतावातेडकुःआ।
14ईसू, पतरस माःआने ञावकिरिया हाँयग सिमोन,
हाँयरीग बोहोत अंदरियास,
एकूब अरू एहुना,
पिलिपूस अरू बरतुलमाय,
15मती अरू तोमा,
हलपाइरीग बेटात एकूब अरू जेलोतेस माःआनकू कतावायता हाँयग सिमोन,#6:15 जेलोतेस एहूदाकूराः मीटोंग गउदारिकुःआ होड़कू दोहोना। हँकू रूमी देसरिकुःआ होड़कू अते अजइत पवाः लगाकू कड़ीगा। जेलोतेस उनानी भासीरे इदा अरू अरामिया भासीरे कनानी माःआनकू कतायता। (मरकूस 3:18)
16एकूबरीग बेटात जूदा अरू ईसू तयोमरेय एचे साबतिरिया हाँयग जूदा इसकरियोती।
चेला करा उड़ीय दोहोन
(मती 4:23-25; 5:1-12; 5:38-48; मती 7:1-4,12,16-20; 12:33-35)
17ईसू हना तयोमरे पहाड़ अते आँयगरिकुःआ मूक चेलाकू सुदाय उतराव वेजेडा अरू मुरुक बगरा चेलाकू सुदा डंडहारेकू चड़ाँनेन। एहूदिया छतररिकुःआ अरू एरुसलेम सहररिकुःआ अरू सूर अरू सइदा सहररिकुःआ मुरुक होड़कू हों हंडाकू वेजेडा। 18हँकू ईसूराः बड़रा अयुमे लगा अरू बेमारीते नपायगुः लगा ईसू एचेरेकू वेजेडा। भूतकू ससताकुःआ हँकुःआ होड़कू ईसू नपायतेडकुःआ। 19ईसू अते जंगर उडुंगगुःआ अरू हनाते बेमरियाकू नपाय जुवाःआ। हनालगा जमा होड़कू हाँय टोँवावगेय लगाकू चहाःआ।
20ईसू हनमेला अनँयग चेलाकू अगी ञेलवातेडखने कताया,
“ने गरीब होड़कू, अपेराः जीव-जहन भगवान भलावाडखने नपायगेता।
हनालगा भगवानराः राइज अँननपेराः हवे।
21ने रंगेगतो होड़कू, अपेराः जीव-जहन भगवान भलावाडखने नपायगेता,
हनालगा अपे संतोक जुवाःता।
ने इयामतिकुःआ होड़कू, अपेराः जीव-जहन भगवान भलावाडखने नपायगेता,
हनालगा अपे लांदता।
22मनुवारीग बेटात बदीरे होड़कू अपेकू हिनइस-बिनइसवापेता, अरूकू उडुंग एंडागोडपेता, लंदा एरंगवापेताकू अरू बेलूरकू कतावापेता दो, अपेराः जीव-जहन भगवान भलावाडखने नपायगेता। 23हँकूरिकुःआ खुटिपरिया होड़कू हों हनन इया भगवानराः बड़रा कता होड़कू होंकू संतावतेडकुःआ। अपे लगा सेरमो देसरे मरंग इमान भगवान एमेयता। हनालगा संतावराः दिनरे अपे बहालतेपे सून।
24ने गिरहत होड़कू, अपे सलसतपे पवावबाःयना,
मनदो अपे ठीक जुवाःतापे।
25नुँहू अपे लगा उडु-बुडू इदा,
मनदो अपे ठीक जुवाःतापे अरू रंगेगतेपे दोहोनता।
नुँहू अपे बहालरे इदानपेःआ।
मनदो अपे ठीक जुवाःतापे अरू अपेराः जीव हुडिंगगुः घड़ीनपे इयामता।
26होड़कू अपेकू भल-भलायवाता,
मनदो अपे ठीक जुवाःतापे।
भगवानराः बड़रा लबरातेकू कताया हँकुःआ होड़कू बदीरे हों अपेरिकुःआ खुटिपरिया होड़कू होंकू भल-भलायनेना।
27मनदो ईंगराः बड़रापे अअयूमतना हँकू एचेरेयिंग कतायतना, अपेरिकुःआ मुदइ होड़कूपे अलार-दुलार। अपेकू आड-बेकारवाता हँकू सुदा नपायपे एचेय। 28अपेकू सती-सरापता हँकूपे भलावा अरू अपेकू लंदा एरांगवाता हँकू लगापे अरजी। 29तोनोंगीग अपेराः खउना गलूय चपाड़ दो, डिरही गलू हों लगापे एमेगोड। तोनोंगीग अपेराः सेरमो तुसिंगतो सोनहेय लुड़ी गोःगे दो, आमराः अंगा हों गोः लगा अहापे रोंकावगेय। 30तोनोंगीग होड़ अपे एचेरेय असेयता, हनापे एमेगोड अरू तोनोंगीग अपे अते तोनोंगाः जिनिसे गोःया दो हना अहापे असे कुदाय। 31एटाः होड़कूते अपे चहाःतना हनन इया हँकू सुदापे एचेय।
32अपेकू दुलारता हँकू एकलापे दुलार दो, हनारे अपे चिला नपाय बुतापे एचेकेरा? कसूर होड़कू हों अँनकूकू दुलारता हँकुःआ होड़कूकू दुलारता। 33अपेकू नपायता हँकुःआ होड़कू एकलापे नपाय दो, हनारे अपे चिला नपाय बुतापे एचेकेरा? कसूर होड़कू हों नान इयाकू एचेयता। 34अपे तोनोंगीग एचेरे पइंचा एमेवाडखन गोः कुदागे लगापे ओंगले दो, हनारे अपे चिला नपाय बुतापे एचेकेरा? कसूर होड़कू हों एमेकेडखन गोः कुदागे लगाकू ओंगलेता। 35मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता। 36अपे ईंगपे अयूम, अपेरीग अपांग भगवान सोगावाकूताय, हनन इया अपे हों एटाः होड़कूपे सोगावा।
37तोनोंगीग अहापे फड़ियावगेय दो, तोनोंगीग अपे हों ओरोकू फड़ियावतेडपेःआ। तोनोंगीग मेरपे बदीगेय दो, अपे हों ओरोकू बदीतेडपेःआ। एटाःकूराः कसूरपे बराव एंडागे दो, भगवान हों अपेराः कसूरे बराव एंडागोडता। 38अपे एटाः होड़कू बगरापे एमेवाकू दो, भगवान हों अपे लगा बगराय एमेवापेता। डिलिंगीरे हुड़ू कसाव पेरेगकेडखनकू एंडाता हान इया अपे लगा हों भगवान एमेयता। अपे सोंगगेता हनानाः तंबीते अपे लगा हों भगवान सोंगगेता।”
39हनते ईसू मीटोंग कहड़ीय कताया, “अंधा होड़ अनंधा होड़ दूरे उदुः अवेवायताय जा? ओरो! बना होड़ डोडहारे हमाकिन कसड़ जुवाःता। 40चेला अनँयग गुरुजी अते मरंग कोवाया। गुरुजी चेलाय चेडगोडता हना तयोमरे हाँयग चेला गुरुजी इयाय होयाःता।
41आम सउंगताराः मेडरे चुबाः बोलोकिया हना गुंडाम ञेलतना मनदो अनम मेडरे बोलोकिया हना चइला चिला लगा मेरेम ञेञेलतना? 42आम अनम मेडराः चइला मेरेम ञेलता दो, करा उड़ी आम सउंगता एचेरेम कता अवेयता, ईंग आम मेडरे बोलोकिया हना गुंडायिंग उडुंगगोडता, माःआन? ने पचघुचिया होड़, मड़ंगरे आम मेडरे बोलोकिया हना चइलाम उडुंगवा। हनाते आम सउंगताराः मेडरे बोलोकिया हना गुंडा उडुंग लगा नपायतेम ञेल अवेयता।
43तोनोंगाः नपाय सींग दूबरे आड जोःओ मेर जोःता अरू आड सींग दूबरे नपाय जोःओ ओरो जोनेना। 44जमा सींग दूब जोःओत ञेलकेडखनबू सिनहागोडता। पोटवा दूबते लुवा जोःओ अरू पुटूस दूबते अंगूर जोःओ मेरबू गोडता। 45नपाय होड़ अनँयग नपाय जीवते नपाय नपाय बड़राय कताता अरू नपाये एचेयता। अरू आड होड़ अनँयग आड जीवते बेलूर बेलूर बड़राय कताता अरू बेलूरे एचेयता। आहते उडुंगगुःता हना बड़राराः सोर जीव हवे।
ओड़ाः तुलाकिनराः कहड़ी
(मती 7:24-27)
46ईंग ईसूरीग चेला हवे, माःआन अपे कतनता, मनदो ईंगराः बड़रा मेरपे मनाःता दो चिला लगा परबू परबू, माःआन ईंगपे राःतना? 47ईंग एचेरे वेगकियानखन ईंगराः कताय मनाःता, हाँय करा इयायीग होड़ हवे हना ईंग अपे एचेरे उदुःगेतिंग। 48हाँय, ओड़ाः तुला मेला गनाहीर गडाकेडखन चटइन चोटरेय नेवतेरा हाँयग होड़ इया इदानिया। दो नईरे दाः पेरेगकियानखन ओड़ाःरे टपूयान। हना ओड़ाः बड़ियाड़ तुलात दोहोना हना अते ओड़ाः मेर रूबगान। 49ईंग बड़रा मेरेय मनाःता हाँयग होड़, बेगर नेवते बितीलरे ओड़ाःए तुलातेरा, हाँयग होड़ इया इदानिया। दो नईरे दाः पेरेगकियानखन ओड़ाःरे टपूयान। दो हना ओड़ाः रूब एंडायान अरू ओड़ाःराः कहिसाः मेर बनसावगान।”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© (Active) Wycliffe Bible Translators, Inc. All rights reserved.