San Mateo 11
11
1Toj ka ts'o'k u ts'ek u t'ʌn a Jesús ti' u doce u apóstoles, bini tu tiʌ, ti' u laj tsikbʌtik y u kʌ'sik u t'ʌn K'uj ti' tu woro a kʌjta a tiʌ xok'o tita yok'o a lay a lu'm.
YAP' BA' TU META JESÚS
(11.2—12.50)
U tuchi' winik a Juan
(Lc. 7.18-35)
2Y tuk'in tu yua a Juan tu mʌkʌ', a ba' ku metik a Cristo, tu tuchi'ta ti' ka'to' u kʌ'sa winik, 3ti' u k'atik ti':
—¿Lʌji' jach tech a ku bin u tar ix K'uj o yʌnti' in ch'uktiko' u jer?
4Ka tu nuka Jesús: «Lik'ene'x y xene'x a tsikbʌte'x ti' a Juan a ba' ka wirke'x y ka wui'ke'x. 5A mok muj yirik u ber laj sasichʌ u wich, a mo' uts u xima beje' ku ki xima, laj ch'eni a mok yʌn u ya'ji a bex ku pok'o u yot'e, a muj yui'k ba' beje' laj je'chʌ u xikin, a mok kimen beje' ka laj lik'i ka' kuxta y a mok mʌnʌ' u tak'in beje' ku laj tsikbʌta ti' u jach tsoyi u t'ʌn K'uj. 6Ne ku bin jach tsoyta u yor a mok muj p'ʌtken tu ki metik tu woro a je' a ba'.»
7Tuk'in kaj bino', Jesús chu'mpʌ u yei'k bex ti' a winik yok'o a Juan: «¿Baij bine'x a wire'x yok'o u lu'mi tu mʌnʌ' nukuch che' woro tikin lu'm yʌn? ¿Yʌn lʌji' bine'x a wire'x a bex u yiji a oj a bex ku yusta ten a ik'? 8Wo mo' lʌji', ¿Baij bine'x a wire'x? ¿Wa lʌji' junturi' xi'ra a ku bukintik u nok' a bex ne ko'o? Ch'ex ta wue in wei'k, a mok ku bukintik ne tsoy u nok' ti' kʌjo' ix u palacio wes. 9Chen ¿baij bine'x a wire'x ¿Yʌn wa lʌji' junturi' profeta? Ten kin wei'k tech, jach lʌji', y más nuk u meaj a ti'. 10A Juan lʌji' a ts'ibʌ' yok'o ju'ni u t'ʌn K'uj a ku yei'k bex:
»“Bin in yʌn tuchi'tik pʌten a ku mʌsik in t'ʌn
Lʌji' ku bin u ki metik u beri tuka bin k'uchu.”
11Jach taj kin wei'k teche'x, mʌnʌ' tu jer xi'ra ne k'ux nuk bex a Juan a ku but'ik ja' a winik; Chen a mok a más ma' t'oj yok'o tu ku wesintik K'uj a tiʌ kʌ' lʌji' más t'oj u ka' sut ti' a Juan.
12»Toj u chuni kaj chu'mpʌ a Juan a ku but'ik ja' a winik u kʌ'sik u t'ʌn K'uj hasta beje', a tuku wesintik K'uj a tiʌ kʌ' ne ya'p ku tar ts'iki ti', jay a mok chich u yor y ku warik u bʌj lʌji' ku jach oko' tuku wesintik K'uj. 13Tu woro a moko' profetas, y u t'ʌn K'uj a u ts'ibtamʌ a Moisés uchik tu toj tsikbʌto' a ba' ku bij tar, hasta kaj tar a Juan; 14A teche'x o ka ki' ch'eik a je', a Juan lʌji' a profeta Elías a ku bij tar. 15A mok yʌn u xikin ti u yui'k, u ki ue.
16»¿Ba' yete kin bin in katkinte a beje' a winiko' a kuxo'? Ok bex a bex cho mejeno' a ku kuto' tu baxo' tuku kanik u bao' a winik y ku yʌjtik u bojo' y ku yei'k tio': 17“Tin pʌxo' chur, chen a teche'x mo ok'otne'x; tin k'ʌyo' u k'ayi tuku muka' winik y mix ok'one'x.” 18Kaj tari a Juan, muj jʌnʌ, y mix ku yuk'u, a teche'x ka wei'ke'x yʌn kisin ti'. 19Tari u Ti'a Xi'ra, a ti' ku jʌnʌ y ku yuk'u, y teche'x ka wei'ke'x: A je' a xi'ra ne ya'p ku jʌnʌ y ne ku yuk'uba', y ne ku mʌn yete a bex a ku k'atik u bo'ri u ba' u bojo' y yete a bex ne yʌn u k'ebo'. Chen u tuku a K'uj ku ye'sik tu ku metik tu woro a ba' ti' u tio'.»
U yaji ba' ku tar ti' a kʌjto' a muj yui'k u t'ʌn K'uj
(Lc. 10.13-16)
20Y chu'mpʌ u k'eyik Jesús u kʌjta tu tu meta ne yap' tsoy ba' yete u muk' K'uj, tu mo' tu jach yakso' tu yoro' ti K'uj. Bein tu ya'a Jesús:
21«¡Jach yaj ba' ka bin a wue'x, u winki Corazín! ¡Jach yaj ba' ka bin a wue'x, u winki Betsaida! Wa ix u kʌjta Tiro o ix Sidón in we'se in metik tsoy ba' yete u muk' K'uj, toj ne uch tu suto' u t'ʌno' ti K'uj y tu tʌko' u nok'o' a ts'ab y tu puro' u tʌ'ni k'ak' ix u jo'o. 22Chen ki wei'k te'x, ka k'uchuk u k'ini u bo'ta' si'pi, a bex mʌni ti Tiro y Sidón, teche'x más ne yaj ka bin a wue'x. 23A tech, Capernaum, ¿jach ka wui'k jeu bisech ix kʌ' o ti ka bine'x tu cha ne tʌm ix k'ak'? O toj ti Sodoma u yiro' u ye'sik u muk' K'uj a lay u kʌjta xuy tiʌ beje'. 24Kin toj ki' ei'k teche'x, chen ka k'uchuk u k'ini u bo'ta' si'pi, a bex mʌni ti' Sodoma, tech más ne yaj ka bin a wu'e.»
(Lc. 10.21-22)
25A lay u k'ini, tu nuka a Jesús:
«In tetech, ten kin k'ʌykech, tech lʌji' u Ts'uri a kʌ' y a lu'm, ta ta'ka tu woro a je' a ba' ti a mok ne u yue y se'p' ku kʌnik ba' y ta we'sa ti' a cho mejeno'. 26Tu bex tsoy ta wira tech Tet.
27»Tu woro a ba' tu ts'aten in Tet y mix mok u k'omʌ u Ti'a toj ja'ri' u k'o'mʌ u Tet y mix mok u k'o'mʌ u Tet toj ja'ri' u k'o'mʌ u Ti'a y jari u Ti'a ku ye'sik a mok poch u ye'sik ti' u k'o'ota u Tet. 28Ko'tene'x ti' ten tu woro a mok kʌ'ni tu ku meaj ij kʌ'ni tu kuch y ten kin bin in ts'ae a je'sa a bʌje'x. 29Ki' ue'x a ba' ki kʌ'sike'x y ki' mete'x, y kʌne'x ti' ten, a bex ten kin ch'uktik a ba' y tsoy in pixʌn, y bex ja' wirke'x tuka je'sik a bʌje'x 30A ba' ki kʌ'ske'x ten mo' ne yaj a metke'x y mo' ne ar a kuch a kin ts'ek a kuche'x.»
Valgt i Øjeblikket:
San Mateo 11: PLacNaha
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Sociedad Biblica de México AC