Psom 108
108
Enn lapriyer pou gagn led kont nou lennmi
Enn sante. Enn Psom David.
1Mo leker ferm ar konfians, O Bondie!
Mo pou sante, mo pou fer melodi ar tou mo leker!
2Leve, twa mo lagitar ek mo sitar!
Mo pou fer soley leve.
3Mo pou dir twa mersi, O SEGNER, divan tou bann pep.
Mo pou sant to louanz parmi bann nasion.
4To lamour infini depas oter lesiel;
to fidelite travers tou bann domenn seles.
5O Bondie, montre to grander dan lesiel;
montre to laglwar partou lor later.
6Sov nou ar to lafors; ekout mo lapriyer
pou ki lepep ki to kontan gagn so liberasion.
7Depi dan so sanktier Bondie finn dir,
“Pou montre mo pouvwar, mo pou diviz Sikem
e mo pou donn mo pep Vale Soukot.
8Mo pou gard pou mwa Galaad ek Manase;
Efraim vinn mo kask
e Zide vinn mo sinbol rwayote.
9Mo pou servi Moab kouma mo kivet
e mo pou lans mo savat lor Edom
pou montre ki mwa ki so proprieter.
Mo pou kriye for-for mo viktwar lor bann Filistin.”
10Kisann-la pou amenn mwa dan lavil fortifie?
Kisann-la pou amenn mwa Edom?
11Eski vremem to finn rezet nou, O Bondie?
Vremem to pa pou mars ar nou larme?
12Ed nou, O Bondie, kont nou lennmi;
koudme dimounn pena gran valer.
13Avek Bondie nou pou ranport laviktwar.
Li pou kraz nou lennmi.
Valgt i Øjeblikket:
Psom 108: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 108
108
Enn lapriyer pou gagn led kont nou lennmi
Enn sante. Enn Psom David.
1Mo leker ferm ar konfians, O Bondie!
Mo pou sante, mo pou fer melodi ar tou mo leker!
2Leve, twa mo lagitar ek mo sitar!
Mo pou fer soley leve.
3Mo pou dir twa mersi, O SEGNER, divan tou bann pep.
Mo pou sant to louanz parmi bann nasion.
4To lamour infini depas oter lesiel;
to fidelite travers tou bann domenn seles.
5O Bondie, montre to grander dan lesiel;
montre to laglwar partou lor later.
6Sov nou ar to lafors; ekout mo lapriyer
pou ki lepep ki to kontan gagn so liberasion.
7Depi dan so sanktier Bondie finn dir,
“Pou montre mo pouvwar, mo pou diviz Sikem
e mo pou donn mo pep Vale Soukot.
8Mo pou gard pou mwa Galaad ek Manase;
Efraim vinn mo kask
e Zide vinn mo sinbol rwayote.
9Mo pou servi Moab kouma mo kivet
e mo pou lans mo savat lor Edom
pou montre ki mwa ki so proprieter.
Mo pou kriye for-for mo viktwar lor bann Filistin.”
10Kisann-la pou amenn mwa dan lavil fortifie?
Kisann-la pou amenn mwa Edom?
11Eski vremem to finn rezet nou, O Bondie?
Vremem to pa pou mars ar nou larme?
12Ed nou, O Bondie, kont nou lennmi;
koudme dimounn pena gran valer.
13Avek Bondie nou pou ranport laviktwar.
Li pou kraz nou lennmi.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.