Psom 115
115
Ena enn sel vre Bondie
1SEGNER, zis twa ki merit laglwar; zis twa, pa nou,
parski twa ki lasours lamour infini ek fidelite.
2Kifer bann nasion dimande,
“Kot zot Bondie, zot?”
3Nou Bondie, limem viv dan lesiel
e li fer tou seki li anvi fer.
4Bann-la zot bondie fabrike ar metal kouma lor ek larzan
par lame imin.
5Zot ena labous me zot pa kapav koze;
zot ena lizie me zot pa trouv kler.
6Zot ena zorey me zot pa tande;
zot ena nene me zot pa santi loder.
7Zot ena lame me zot pa tous nanye;
zot ena lipie me zot pa kapav marse;
okenn son pa sorti dan zot lagorz.
8Bann artizan ki fabrik idol
e met zot konfians dan metal,
pou vinn parey kouma zot idol ki zot finn fabrike.
9Twa pep Izrael, met to konfians dan LESEGNER.
Limem to protekter ek to sekour.
10Zot, bann pret dan tanp Lesegner,
met zot konfians dan lame LESEGNER.
Limem zot protekter ek zot sekour.
11Zot tou ki respekte LESEGNER,
met zot konfians dan LESEGNER.
Limem zot protekter ek zot sekour.
12LESEGNER rapel ki nou ete e li beni nou;
li pou beni pep Izrael,
li pou beni bann desandan Aaron.
13Li pou beni tou dimounn ki respekte li,
ti-dimounn kouma gran-dimounn.
14SEGNER donn zot boukou zanfan;
parey pou zot desandan!
15Ki LESEGNER beni zot,
LESEGNER ki finn kree later ek lesiel.
16Lesiel, sa li lesiel LESEGNER
me li finn donn limanite later pou li viv.
17Dimounn mor pa loue LESEGNER;
ni bann ki desann dan lemond gran silans.
18Me nou, nou remersie LESEGNER
aster, pli divan ek touletan.
Alelouya, nou sant louanz LESEGNER!
Valgt i Øjeblikket:
Psom 115: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 115
115
Ena enn sel vre Bondie
1SEGNER, zis twa ki merit laglwar; zis twa, pa nou,
parski twa ki lasours lamour infini ek fidelite.
2Kifer bann nasion dimande,
“Kot zot Bondie, zot?”
3Nou Bondie, limem viv dan lesiel
e li fer tou seki li anvi fer.
4Bann-la zot bondie fabrike ar metal kouma lor ek larzan
par lame imin.
5Zot ena labous me zot pa kapav koze;
zot ena lizie me zot pa trouv kler.
6Zot ena zorey me zot pa tande;
zot ena nene me zot pa santi loder.
7Zot ena lame me zot pa tous nanye;
zot ena lipie me zot pa kapav marse;
okenn son pa sorti dan zot lagorz.
8Bann artizan ki fabrik idol
e met zot konfians dan metal,
pou vinn parey kouma zot idol ki zot finn fabrike.
9Twa pep Izrael, met to konfians dan LESEGNER.
Limem to protekter ek to sekour.
10Zot, bann pret dan tanp Lesegner,
met zot konfians dan lame LESEGNER.
Limem zot protekter ek zot sekour.
11Zot tou ki respekte LESEGNER,
met zot konfians dan LESEGNER.
Limem zot protekter ek zot sekour.
12LESEGNER rapel ki nou ete e li beni nou;
li pou beni pep Izrael,
li pou beni bann desandan Aaron.
13Li pou beni tou dimounn ki respekte li,
ti-dimounn kouma gran-dimounn.
14SEGNER donn zot boukou zanfan;
parey pou zot desandan!
15Ki LESEGNER beni zot,
LESEGNER ki finn kree later ek lesiel.
16Lesiel, sa li lesiel LESEGNER
me li finn donn limanite later pou li viv.
17Dimounn mor pa loue LESEGNER;
ni bann ki desann dan lemond gran silans.
18Me nou, nou remersie LESEGNER
aster, pli divan ek touletan.
Alelouya, nou sant louanz LESEGNER!
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.