Psom 35
35
Osekour Segner Bondie
Enn Psom David.
1SEGNER, atak bann ki pe atak mwa;
lager ar seki lager ar mwa.
2Met to larmir e pran to lepe
pou vinn ed mwa.
3Servi to lans ek to lars
kont lennmi ki pe pourswiv mwa.
Dir mwa, “Momem ki pou sov twa.”
4Fer bann ki rod touy mwa
zwenn defet ek laont;
fer bann ki konplote kont mwa
oblize sove dan konfizion;
5fer ki divan balie zot kouma lapay
ler mesaze LESEGNER tay deryer zot;
6fer zot sime vinn nwar ek glisan
ler mesaze LESEGNER tay deryer zot.
7San okenn rezon zot finn met latrap pou may mwa;
San okenn rezon zot finn fouy trou profon pou piez mwa.
8Me larwinn pou kraz zot avan zot realize;
zot pou may dan zot prop piez
e fini dan trou ki zot finn fouye.
9Lerla mo pou dan lazwa akoz LESEGNER,
e dan gran boner, parski LESEGNER finn sov mwa.
10Ar lazwa dan leker mo pou dir for-for,
“SEGNER, pena to segon!
To anpes seki for fer dominer ar seki feb;
To anpes bann ris kraz seki pov.”
11Bann fos temwin leve kont mwa;
zot interoz mwa lor zafer ki zame mo finn fer.
12Pou dibien ki mo fer, zot rann mwa lemal;
zot tou abandonn mwa.
13Me kan zot ti dan douler,
mo ti met linz dey;
mo ti zene ek priye.
Mo ti azenou pou priye,
14kouma mo ti pou fer pou enn kamarad ouswa enn frer.
Mo ti kourbe ar sagrin koumadir mo mama ti mor.
15Me kan mwa mo kogne mo tonbe, zot bien riy mwa,
dan lazwa zot rasanble kont mwa;
bann vwayou ki mo mem pa rekonet
maltret mwa san pitie.
16San pitie zot boufonn mwa kouma bann ti-lespri;
zot grins zot ledan pou montre zot laenn.
17Komie letan ankor to pou les zot fer mwa mizer?
Defann mwa e sov mo lavi;
aras mo lavi dan grif lion.
18Mo pou remersie twa dan gran lasanble;
mo pou dir to louanz omilie lafoul.
19Pa les mo lennmi selebre laviktwar lor mwa,
Pa les bann ki ena zis laenn dan leker
gagn lamizman dan mo maler.
20Zot pena okenn koze lor lape,
zot pas zot letan fer fos akizasion
lor dimounn ki viv trankil dan pei.
21Zot ouver zot labous an gran,
zot dir, “Nou kone ki to ti fer!”
22O SEGNER, to finn bien trouv tousala;
pa gard silans.
Pa res lwin ar mwa, Segner!
23Lev twa, Bondie, pou fer zistis pou mwa;
Revey twa, Segner, pou defann mwa mo drwa!
24Twa ki vre drwatir, SEGNER, mo Bondie,
proklam mo inosans;
pa les mo lennmi pran plezir dan mo soufrans.
25Pa donn zot porte pou dir,
“Aster nou finn avoy li manze pou touletan.
Samem nou ti le.”
26Bann ki kontan kan mwa mo soufer
ki zot konn laont ek konfizion;
Bann ki reklam viktwar lor mwa
ki zot antoure ar laont ek dezoner.
27Bann ki dezir trouv lazistis dan mo faver
ki zot kriye ar boner ek lazwa;
zot pou dir ek re-dir, “LESEGNER, limem pli gran.
Li trouv plezir dan boner so serviter!”
28E mwa mo pou proklam to drwatir
e sant to louanz tout lazourne.
Valgt i Øjeblikket:
Psom 35: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 35
35
Osekour Segner Bondie
Enn Psom David.
1SEGNER, atak bann ki pe atak mwa;
lager ar seki lager ar mwa.
2Met to larmir e pran to lepe
pou vinn ed mwa.
3Servi to lans ek to lars
kont lennmi ki pe pourswiv mwa.
Dir mwa, “Momem ki pou sov twa.”
4Fer bann ki rod touy mwa
zwenn defet ek laont;
fer bann ki konplote kont mwa
oblize sove dan konfizion;
5fer ki divan balie zot kouma lapay
ler mesaze LESEGNER tay deryer zot;
6fer zot sime vinn nwar ek glisan
ler mesaze LESEGNER tay deryer zot.
7San okenn rezon zot finn met latrap pou may mwa;
San okenn rezon zot finn fouy trou profon pou piez mwa.
8Me larwinn pou kraz zot avan zot realize;
zot pou may dan zot prop piez
e fini dan trou ki zot finn fouye.
9Lerla mo pou dan lazwa akoz LESEGNER,
e dan gran boner, parski LESEGNER finn sov mwa.
10Ar lazwa dan leker mo pou dir for-for,
“SEGNER, pena to segon!
To anpes seki for fer dominer ar seki feb;
To anpes bann ris kraz seki pov.”
11Bann fos temwin leve kont mwa;
zot interoz mwa lor zafer ki zame mo finn fer.
12Pou dibien ki mo fer, zot rann mwa lemal;
zot tou abandonn mwa.
13Me kan zot ti dan douler,
mo ti met linz dey;
mo ti zene ek priye.
Mo ti azenou pou priye,
14kouma mo ti pou fer pou enn kamarad ouswa enn frer.
Mo ti kourbe ar sagrin koumadir mo mama ti mor.
15Me kan mwa mo kogne mo tonbe, zot bien riy mwa,
dan lazwa zot rasanble kont mwa;
bann vwayou ki mo mem pa rekonet
maltret mwa san pitie.
16San pitie zot boufonn mwa kouma bann ti-lespri;
zot grins zot ledan pou montre zot laenn.
17Komie letan ankor to pou les zot fer mwa mizer?
Defann mwa e sov mo lavi;
aras mo lavi dan grif lion.
18Mo pou remersie twa dan gran lasanble;
mo pou dir to louanz omilie lafoul.
19Pa les mo lennmi selebre laviktwar lor mwa,
Pa les bann ki ena zis laenn dan leker
gagn lamizman dan mo maler.
20Zot pena okenn koze lor lape,
zot pas zot letan fer fos akizasion
lor dimounn ki viv trankil dan pei.
21Zot ouver zot labous an gran,
zot dir, “Nou kone ki to ti fer!”
22O SEGNER, to finn bien trouv tousala;
pa gard silans.
Pa res lwin ar mwa, Segner!
23Lev twa, Bondie, pou fer zistis pou mwa;
Revey twa, Segner, pou defann mwa mo drwa!
24Twa ki vre drwatir, SEGNER, mo Bondie,
proklam mo inosans;
pa les mo lennmi pran plezir dan mo soufrans.
25Pa donn zot porte pou dir,
“Aster nou finn avoy li manze pou touletan.
Samem nou ti le.”
26Bann ki kontan kan mwa mo soufer
ki zot konn laont ek konfizion;
Bann ki reklam viktwar lor mwa
ki zot antoure ar laont ek dezoner.
27Bann ki dezir trouv lazistis dan mo faver
ki zot kriye ar boner ek lazwa;
zot pou dir ek re-dir, “LESEGNER, limem pli gran.
Li trouv plezir dan boner so serviter!”
28E mwa mo pou proklam to drwatir
e sant to louanz tout lazourne.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.