Psom 6
6
Ed mwa Segner Bondie
Pou sef koral. Servi instriman wit lakord. Enn Psom David.
1SEGNER, mem to ankoler, pa kondann mwa;
malgre to gran koler, pa pini mwa.
2Pitie mwa, SEGNER,
parski mo finn deperi net;
geri mwa SEGNER
parski tou mo lezo pe tranble.
3Mo lekor ek mo lespri dan tourman,
ziska kan, O SEGNER, ziska kan?
4Retourne, SEGNER, vinn sov mwa;
akoz to lamour infini vinn sov mo lavi.
5Dan lemond lemor, dimounn pa rapel;
ki pou kapav selebre twa laba?
6Soufrans ek lapenn pe fini mwa;
touleswar mo dra tranpe
e mo lili inonde ar mo larm.
7Mo lizie finn vinn feb telman sagrin finn gonfle li;
mo nepli trouv kler telman mo ena adverser.
8Tire ale, zot ki bann trafikan lemal!
Mo SEGNER finn tann mo soufrans;
9LESEGNER finn ekout mo siplikasion,
LESEGNER finn akeyir mo lapriyer.
10Mo lennmi pou zwenn defet ek imiliasion;
enn sel kou zot pou rekile, kouver ar laont.
Valgt i Øjeblikket:
Psom 6: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 6
6
Ed mwa Segner Bondie
Pou sef koral. Servi instriman wit lakord. Enn Psom David.
1SEGNER, mem to ankoler, pa kondann mwa;
malgre to gran koler, pa pini mwa.
2Pitie mwa, SEGNER,
parski mo finn deperi net;
geri mwa SEGNER
parski tou mo lezo pe tranble.
3Mo lekor ek mo lespri dan tourman,
ziska kan, O SEGNER, ziska kan?
4Retourne, SEGNER, vinn sov mwa;
akoz to lamour infini vinn sov mo lavi.
5Dan lemond lemor, dimounn pa rapel;
ki pou kapav selebre twa laba?
6Soufrans ek lapenn pe fini mwa;
touleswar mo dra tranpe
e mo lili inonde ar mo larm.
7Mo lizie finn vinn feb telman sagrin finn gonfle li;
mo nepli trouv kler telman mo ena adverser.
8Tire ale, zot ki bann trafikan lemal!
Mo SEGNER finn tann mo soufrans;
9LESEGNER finn ekout mo siplikasion,
LESEGNER finn akeyir mo lapriyer.
10Mo lennmi pou zwenn defet ek imiliasion;
enn sel kou zot pou rekile, kouver ar laont.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.