Psom 66
66
Enn sante pou dir mersi Bondie
Pou sef koral. Enn sante. Enn Psom.
1Sant louanz Bondie avek lazwa
tou dimounn ki lor later;
2sant laglwar so nom;
donn li laglwar.
3Dir Bondie,
“Tou seki to fer, zot extraordiner.
To lafors sitan gran ki to lennmi
kapitile e tranble divan twa.
4Tou dimounn lor later tom azenou divan twa;
zot sant to louanz,
zot beni to nom.”
5Vinn gete seki Bondie finn fer!
Vinn admir so explwa pou bann dimounn!
6Li ti fer lamer sek
pou ki nou bann anset kapav traverse.
Anou selebre so explwa.
7Par so pwisans so regn eternel
e li vey lor tou nasion.
So lennmi pa pou kapav dres kont li.
8Tou dimounn, zot bizin dir mersi nou Bondie.
Sant so louanz for-for!
9Li finn prezerv nou lavi
e li pa finn les nou tonbe.
10To finn teste nou, Bondie;
parey kouma bizoutie pirifie larzan ar dife.
11To ti les nou rant dan piez;
to ti met gro fardo lor nou ledo.
12To ti les nou lennmi pil lor nou;
to ti les nou travers dife ek debordman
me to finn met nou dan enn landrwa an abondans.
13Mo pou ofer sakrifis konple dan to Tanp;
mo pou donn ofrand kouma mo ti promet.
14Mo pa pou bliye promes mo ti dir
ler mo ti dan detres.
15Mo pou ofer sakrifis zanimo gra!
Ler mouton, toro ek bouk brile
lafime pou mont ziska lesiel.
16Vinn ekout mwa
zot tou ki ena lakrint Bondie
e mo pou dir zot seki Bondie
finn fer pou mwa.
17Mo ti sipliy li vinn ed mwa;
mo ti sant so louanz.
18Si mo ti gard pese dan mo leker,
Lesegner pa ti pou vinn ed mwa.
19Me Bondie ti ekoute, li ti tann mwa
e li ti exos mo lapriyer.
20Mo loue Bondie
parski li pa ti rezet mo siplikasion;
li pa ti repran so lamour infini.
Valgt i Øjeblikket:
Psom 66: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 66
66
Enn sante pou dir mersi Bondie
Pou sef koral. Enn sante. Enn Psom.
1Sant louanz Bondie avek lazwa
tou dimounn ki lor later;
2sant laglwar so nom;
donn li laglwar.
3Dir Bondie,
“Tou seki to fer, zot extraordiner.
To lafors sitan gran ki to lennmi
kapitile e tranble divan twa.
4Tou dimounn lor later tom azenou divan twa;
zot sant to louanz,
zot beni to nom.”
5Vinn gete seki Bondie finn fer!
Vinn admir so explwa pou bann dimounn!
6Li ti fer lamer sek
pou ki nou bann anset kapav traverse.
Anou selebre so explwa.
7Par so pwisans so regn eternel
e li vey lor tou nasion.
So lennmi pa pou kapav dres kont li.
8Tou dimounn, zot bizin dir mersi nou Bondie.
Sant so louanz for-for!
9Li finn prezerv nou lavi
e li pa finn les nou tonbe.
10To finn teste nou, Bondie;
parey kouma bizoutie pirifie larzan ar dife.
11To ti les nou rant dan piez;
to ti met gro fardo lor nou ledo.
12To ti les nou lennmi pil lor nou;
to ti les nou travers dife ek debordman
me to finn met nou dan enn landrwa an abondans.
13Mo pou ofer sakrifis konple dan to Tanp;
mo pou donn ofrand kouma mo ti promet.
14Mo pa pou bliye promes mo ti dir
ler mo ti dan detres.
15Mo pou ofer sakrifis zanimo gra!
Ler mouton, toro ek bouk brile
lafime pou mont ziska lesiel.
16Vinn ekout mwa
zot tou ki ena lakrint Bondie
e mo pou dir zot seki Bondie
finn fer pou mwa.
17Mo ti sipliy li vinn ed mwa;
mo ti sant so louanz.
18Si mo ti gard pese dan mo leker,
Lesegner pa ti pou vinn ed mwa.
19Me Bondie ti ekoute, li ti tann mwa
e li ti exos mo lapriyer.
20Mo loue Bondie
parski li pa ti rezet mo siplikasion;
li pa ti repran so lamour infini.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.