Psom 69
69
Pa abandonn mwa, Segner Bondie
Pou sef koral, dapre lis. Enn sante David.
1Bondie, sov mwa!
Dilo pe tous mo manton;
2mo lipie pe fons dan labou
parski dan fon tou finn vinn mou;
mo pe perdi pie
e bann vag ot pe vinn nway mwa.
3Mo finn fatige kriye osekour
e mo lagorz sek ek amare.
Mo lizie finn vinn feb
afors mo pe atann Bondie.
4Bann ki ayir mwa san rezon
zot pli boukou ki seve lor latet.
Mo lennmi koz manti lor mwa;
zot for, e zot pe konplote pou touy mwa.
Zot ti oule mo rann seki zame mo ti kokin.
5To konn bien, Bondie,
tou erer ki mo finn fer;
to konn bien kouma mo ti bet.
6Pa les mo erer fer dimounn ki esper dan twa
gagn laont, O Segner BONDIE Toupwisan!
Pa les mo febles fer dimounn ki ador twa perdi loner,
O Bondie, Souvrin Izrael!
7Mo finn aksepte insilt ek kalomni akoz twa;
laont ek imiliasion kouver mwa.
8Personn pa konn mwa parmi mo bann frer dan vilaz;
mo enn etranze parmi garson mo mama dan mo prop lakaz.
9Lamour pou to lakaz devor mwa kouma laflam;
bann insilt ki avoy lor twa tom lor mwa.
10Ler mo plore ek zene
la osi zot insilte mwa.
11Mo met linz dey
bann la rakont zistwar foutan lor mwa.
12Bann ki asiz dan lantre vilaz koz kont mwa,
e bann soular sant sante boufon lor mwa.
13Me mwa, SEGNER, mo priye twa.
Bondie, dan letan ki twa to trouv bon,
reponn mwa, dan labondans to lamour infini,
twa ki fidel pou sov nou.
14Anpes mwa koul dan labou;
protez mwa kont mo lennmi;
pa les dilo bwar mwa.
15Pa les debordman nway mwa,
ris mwa dan fon
ouswa may mwa dan trou lamor.
16Reponn mwa, SEGNER, dan to lamour infini;
dan to mizerikord tourn ver mwa.
17Pa kasiet to figir, get to serviter,
mo dan gran lapenn, reponn mwa!
18Koste pre ar mwa, sov mwa,
liber mwa, mo ena lennmi.
19To kone kouma zot pe insilte mwa;
kouma zot zet labou lor mwa, dezonor mwa.
To bien konn mo bann lennmi.
20Kalomni kas mo leker,
dezespwar trap mwa par lagorz.
Mo ti rod sinpati, pena personn!
Mo ti rod konsolasion me dan vid!
21Ler mo ti fin mo ti gagn pwazon pou manze;
ler mo ti gagn swaf zot ti donn mwa vineg pou bwar.
22Letan zot dres latab divan zot ar bon repa, ki sa vinn zot piez,
e seremoni ansam ar zot invite vinn enn latrap.
23Tengn lalimier dan zot lizie!
Kabos zot ledo ar douler!
24Vers to koler lor zot;
fer to malediksion pini zot.
25Devid zot vilaz net
e pa les personn res vivan dan zot lakaz.
26Zot martiriz bann ki to finn pini;
zot tortir bann ki finn blese.
27Gard enn kont tou zot pese;
pena okenn pitie pou zot.
28Efas zot nom dan liv lavi.
Pa kont zot parmi bann zis.
29Mo pe soufer, mo dan lapenn;
par to sekour, Bondie, sov mwa.
30Mo pou loue nom Bondie par enn kantik;
mo pou proklam so grander avek aksiondegras.
31LESEGNER pou plis kontan sa ki bann sakrifis zanimo,
plis ki enn toro ar so korn ek so sabo.
32Kan bann ki pe soufer trouv sa
zot pou kontan;
bann ki zot leker pe rod Bondie
pou regagn kouraz.
33LESEGNER ekout dimounn ki bizin led
e li pa bliye so pep ki dan prizon.
34Zot tou, bann kreatir lesiel, later, lamer,
loue Bondie.
35Li pou sov Zerizalem
e re-konstrir bann lavil dan Zide.
So pep pou viv laba, zot pou pran posesion later la.
36Desandan so bann serviter fidel
pou erit sa later la
e bann ki kontan LESEGNER pou viv ere laba.
Valgt i Øjeblikket:
Psom 69: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 69
69
Pa abandonn mwa, Segner Bondie
Pou sef koral, dapre lis. Enn sante David.
1Bondie, sov mwa!
Dilo pe tous mo manton;
2mo lipie pe fons dan labou
parski dan fon tou finn vinn mou;
mo pe perdi pie
e bann vag ot pe vinn nway mwa.
3Mo finn fatige kriye osekour
e mo lagorz sek ek amare.
Mo lizie finn vinn feb
afors mo pe atann Bondie.
4Bann ki ayir mwa san rezon
zot pli boukou ki seve lor latet.
Mo lennmi koz manti lor mwa;
zot for, e zot pe konplote pou touy mwa.
Zot ti oule mo rann seki zame mo ti kokin.
5To konn bien, Bondie,
tou erer ki mo finn fer;
to konn bien kouma mo ti bet.
6Pa les mo erer fer dimounn ki esper dan twa
gagn laont, O Segner BONDIE Toupwisan!
Pa les mo febles fer dimounn ki ador twa perdi loner,
O Bondie, Souvrin Izrael!
7Mo finn aksepte insilt ek kalomni akoz twa;
laont ek imiliasion kouver mwa.
8Personn pa konn mwa parmi mo bann frer dan vilaz;
mo enn etranze parmi garson mo mama dan mo prop lakaz.
9Lamour pou to lakaz devor mwa kouma laflam;
bann insilt ki avoy lor twa tom lor mwa.
10Ler mo plore ek zene
la osi zot insilte mwa.
11Mo met linz dey
bann la rakont zistwar foutan lor mwa.
12Bann ki asiz dan lantre vilaz koz kont mwa,
e bann soular sant sante boufon lor mwa.
13Me mwa, SEGNER, mo priye twa.
Bondie, dan letan ki twa to trouv bon,
reponn mwa, dan labondans to lamour infini,
twa ki fidel pou sov nou.
14Anpes mwa koul dan labou;
protez mwa kont mo lennmi;
pa les dilo bwar mwa.
15Pa les debordman nway mwa,
ris mwa dan fon
ouswa may mwa dan trou lamor.
16Reponn mwa, SEGNER, dan to lamour infini;
dan to mizerikord tourn ver mwa.
17Pa kasiet to figir, get to serviter,
mo dan gran lapenn, reponn mwa!
18Koste pre ar mwa, sov mwa,
liber mwa, mo ena lennmi.
19To kone kouma zot pe insilte mwa;
kouma zot zet labou lor mwa, dezonor mwa.
To bien konn mo bann lennmi.
20Kalomni kas mo leker,
dezespwar trap mwa par lagorz.
Mo ti rod sinpati, pena personn!
Mo ti rod konsolasion me dan vid!
21Ler mo ti fin mo ti gagn pwazon pou manze;
ler mo ti gagn swaf zot ti donn mwa vineg pou bwar.
22Letan zot dres latab divan zot ar bon repa, ki sa vinn zot piez,
e seremoni ansam ar zot invite vinn enn latrap.
23Tengn lalimier dan zot lizie!
Kabos zot ledo ar douler!
24Vers to koler lor zot;
fer to malediksion pini zot.
25Devid zot vilaz net
e pa les personn res vivan dan zot lakaz.
26Zot martiriz bann ki to finn pini;
zot tortir bann ki finn blese.
27Gard enn kont tou zot pese;
pena okenn pitie pou zot.
28Efas zot nom dan liv lavi.
Pa kont zot parmi bann zis.
29Mo pe soufer, mo dan lapenn;
par to sekour, Bondie, sov mwa.
30Mo pou loue nom Bondie par enn kantik;
mo pou proklam so grander avek aksiondegras.
31LESEGNER pou plis kontan sa ki bann sakrifis zanimo,
plis ki enn toro ar so korn ek so sabo.
32Kan bann ki pe soufer trouv sa
zot pou kontan;
bann ki zot leker pe rod Bondie
pou regagn kouraz.
33LESEGNER ekout dimounn ki bizin led
e li pa bliye so pep ki dan prizon.
34Zot tou, bann kreatir lesiel, later, lamer,
loue Bondie.
35Li pou sov Zerizalem
e re-konstrir bann lavil dan Zide.
So pep pou viv laba, zot pou pran posesion later la.
36Desandan so bann serviter fidel
pou erit sa later la
e bann ki kontan LESEGNER pou viv ere laba.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.