MARK 8
8
Hajar-phili Arleng Kapacho
(Mot. 15:32-39)
1Labang arni ako-ong arleng chingrumsi, anali kicho apot kangwesi, Jisu anang adun hel yok anang dung taramsi analiyok pulo, 2“Ne labang arleng helyok kachineng-ot wangdo, piyok pu tene anali ne pensi mini ni-thom arniyok do, aro anali kichoyok jatsi ingjong. 3Ne analiyok abithang ahem ayok pangchirne tol, tene duwar ibengsi an alek hlonge, piyok pu tene angkhan ke kaholo para wangdo.” 4Lasi anang adun hel anangyok angpu phak ngo, “Labang nisotjot athem long inghote mehel arelngyok him pacho une?” 5Jisu analiyok arjulo, “Nalipen plangkan him do?” Lahel thano, “Plang thorok-isi do.” 6Laparake anang ratyok lungle long kangning ayok thano; aro anang plang thorok-isi him eno, aro Arnam yok kardom pajir tangsi, anang mehel ingbengo, aro anang adun helyok kapathak yok pilo; aro anali arleng helyok thak pono. 7Anali bekso aso ok ta kido; aro mehel yok bor-eh batsi, anang mehelyok ta pathak yok thano. 8Arleng hel chosi neng ingsamo aro ingkrango; aro kicho kiri abeng anohel humsi, pachik thorok-isi paplengo. 9Minon ke lalong hajar phili arleng kido. Aro anang analiyok tol phlungo. 10Aro jongsi anang adun helpen tilong arlulo, aro Dalmunatha alongri yok damo.
Pharisihel Asombhik Asin Kihang
(Mot. 16:1-4)
11La-amun Pharisi hel wangsi, Jisu yok honjat langsi, suneng para penebak isi asin anang para chohangsi, anang pen lam chingjelo. 12La-amun anang ajiuli long asithe pading hrimsi pulo, “Labang owe arleng hel piyokte asin hangdo? Khanangsi ne nali thando, labang owepo arlengyok jatsi asin paklangkle ye.” 13Aro anang analiyok tikango, aro tilong arlu dam phaksi, ha aga aparyok damo.
Pharisi hel Pen Herod po Athengkur
(Mot. 16:5-12)
14Minon ke adun hel jatsi him kachiwan tenge jango; aro tilong along analiphan iplang detsi him kido. 15Aro amunsi anang lahelyok arsaksi kipu alam thano, “Pharisi hel athengkur aro Herod po athengkur para chilang wen.” 16Labang apor lahel ihut para ihutyok chithan prupsi chirwalsi thano, “Oh ili long him ingjong apotsi thano.” 17Aro bang alamthe chithan uno apot, Jisu analiyok pulo, “Nalipen him ingjong pusi piyokte chithan dolang? Nali minon hokta abhu hlonghle lang ma? Nali ingthin chiparthat kulsi dolang ma? 18Nali amekdo yong ta, nali thekthe ma? Nali ano doyong ta, arjuje ma? Aro nali neng chiri-re ma? 19Konam ne hajar phongo arleng asitem plang phongo him ingbengsi kipi, la-amun nali abeng ano hel pachik-kan nali kapapleng?” Anali pulo, “Kere hini.” 20“Aro konam hajar phili arleng asitem plang thorok-isi him ingbengsi kipi, la-amun abeng ano pachik kante kapangrum?” Aro lahel anangyok pulo, “Thorok isi.” 21Laparake anang analiyok pulo, “Nali minon hokta abhu hlonghle lang ma?”
Jisu Bethsaida Long Chotok Ihut Kapame
22Anali Bethsaida arongyok wango. Angkhan arleng Jisu adungyok ihut chotok poyok wano, aro anangyok ki-otyok Jisu yok chihango. 23Aro Jisu la chotokpo arilong otsi, anangyok rong para mokol yok pono; aro konam anang amek long ingthi ingthokngo, aro abanglong ari bisi, anang arjulo, “Nang pene bak thekdo ma?” 24Aro arlengpo lang chaksi pulo, “Arleng helyok thek hlongdo, manta anali thengpe arong hel badi, keng-kamdo.” 25Laparake Jisu anang mek long ari bat phakngo; aro anang lang-etno aro anang mephleno aro anang ahuwityok thek phleno. 26La-aphel Jisu anangyok abithang ahemyok tolsi pulo,“Rongso long dam phaknge not.”
Pitor po Jisu Aphan Kithandak
(Mot. 16:13-20; Luk. 9:18-21)
27Jisu anang adun hel pen Sisiriya Philipi arong helyok olesi damo; aro duwar ibeng along anang adun helyok arjulo, “Arleng hel neyok ingho pusi ili pudo?” 28Aro lahel Jisu yok angpu duno, “Johon Baptist po; aro kamprek helke puman Elija po; aro kamprek abangke katurki hel ihutpo pusi pudo.” 29Anang analiyok arjulo, “Manta nalike ne yok ingho pusi pudo?” Pitor po pulo, “Nango Ral Hemphu.” 30aro analiyok anang lam bang ango kithanthe ayok, than klakngo.
Jisu Kidukpen Kithi Alam Kithan
(Mot. 16:21-28; Luk. 9:21-27)
31Laparake Jisu analiyok pachirli ponhilo, lake Arleng Aso ako-ong duk choye, aro kithe-kiding abang aro bor-bangthe hel aro kanong kapaklang abang nesimme aro mariye, manta ni-thom aphel burphaknge.” 32Anang labang pachiklan daksi thano. Aro Pitor po, Jisu yok prek aga pono, aro ingjelo. 33Manta anang chirtingwul si, adun hel yok thek hlongsi, Pitor po yok tamo aro pulo, “Ne phel dam, si-ikpo! Piyok pu tene nang nengpo Arnam aphan chironre si, munusi alamsi chiron do.” 34Anang dungyok rat aro adung helyok taramsi thano, “Inghone bak nephel-phel wang kidun anengdo, anali abithang yok chipangdom, aro anang kros po rungsi nephel-phel wang dunnot. 35Piyok pu tene inghosi abithang ajiu chirale, anang labang chipangbo ye, aro ingho ne nat, aro kime-alamthe anat abithang ajiu chipangbo ye, labang joknge. 36Piyok pu tene ihut arleng pirthepe dung hlong phrotsi, abithang ajiuli chipangbo det, tene bangpo anali pot alap hlonge? 37Khanangke, anali abithang ajiu aholan pot te pi une? 38Inghosi labang owelong kidoner aro papi arleng hel, inghone bak neyok aro ne lamthe long tharaknge, Arleng Aso konam tharlon helpen anang Apa jortang pen wange, la-amun anangta labang arleng poyok tharaknge.”
Valgt i Øjeblikket:
MARK 8: AMRI-BSI
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.
MARK 8
8
Hajar-phili Arleng Kapacho
(Mot. 15:32-39)
1Labang arni ako-ong arleng chingrumsi, anali kicho apot kangwesi, Jisu anang adun hel yok anang dung taramsi analiyok pulo, 2“Ne labang arleng helyok kachineng-ot wangdo, piyok pu tene anali ne pensi mini ni-thom arniyok do, aro anali kichoyok jatsi ingjong. 3Ne analiyok abithang ahem ayok pangchirne tol, tene duwar ibengsi an alek hlonge, piyok pu tene angkhan ke kaholo para wangdo.” 4Lasi anang adun hel anangyok angpu phak ngo, “Labang nisotjot athem long inghote mehel arelngyok him pacho une?” 5Jisu analiyok arjulo, “Nalipen plangkan him do?” Lahel thano, “Plang thorok-isi do.” 6Laparake anang ratyok lungle long kangning ayok thano; aro anang plang thorok-isi him eno, aro Arnam yok kardom pajir tangsi, anang mehel ingbengo, aro anang adun helyok kapathak yok pilo; aro anali arleng helyok thak pono. 7Anali bekso aso ok ta kido; aro mehel yok bor-eh batsi, anang mehelyok ta pathak yok thano. 8Arleng hel chosi neng ingsamo aro ingkrango; aro kicho kiri abeng anohel humsi, pachik thorok-isi paplengo. 9Minon ke lalong hajar phili arleng kido. Aro anang analiyok tol phlungo. 10Aro jongsi anang adun helpen tilong arlulo, aro Dalmunatha alongri yok damo.
Pharisihel Asombhik Asin Kihang
(Mot. 16:1-4)
11La-amun Pharisi hel wangsi, Jisu yok honjat langsi, suneng para penebak isi asin anang para chohangsi, anang pen lam chingjelo. 12La-amun anang ajiuli long asithe pading hrimsi pulo, “Labang owe arleng hel piyokte asin hangdo? Khanangsi ne nali thando, labang owepo arlengyok jatsi asin paklangkle ye.” 13Aro anang analiyok tikango, aro tilong arlu dam phaksi, ha aga aparyok damo.
Pharisi hel Pen Herod po Athengkur
(Mot. 16:5-12)
14Minon ke adun hel jatsi him kachiwan tenge jango; aro tilong along analiphan iplang detsi him kido. 15Aro amunsi anang lahelyok arsaksi kipu alam thano, “Pharisi hel athengkur aro Herod po athengkur para chilang wen.” 16Labang apor lahel ihut para ihutyok chithan prupsi chirwalsi thano, “Oh ili long him ingjong apotsi thano.” 17Aro bang alamthe chithan uno apot, Jisu analiyok pulo, “Nalipen him ingjong pusi piyokte chithan dolang? Nali minon hokta abhu hlonghle lang ma? Nali ingthin chiparthat kulsi dolang ma? 18Nali amekdo yong ta, nali thekthe ma? Nali ano doyong ta, arjuje ma? Aro nali neng chiri-re ma? 19Konam ne hajar phongo arleng asitem plang phongo him ingbengsi kipi, la-amun nali abeng ano hel pachik-kan nali kapapleng?” Anali pulo, “Kere hini.” 20“Aro konam hajar phili arleng asitem plang thorok-isi him ingbengsi kipi, la-amun abeng ano pachik kante kapangrum?” Aro lahel anangyok pulo, “Thorok isi.” 21Laparake anang analiyok pulo, “Nali minon hokta abhu hlonghle lang ma?”
Jisu Bethsaida Long Chotok Ihut Kapame
22Anali Bethsaida arongyok wango. Angkhan arleng Jisu adungyok ihut chotok poyok wano, aro anangyok ki-otyok Jisu yok chihango. 23Aro Jisu la chotokpo arilong otsi, anangyok rong para mokol yok pono; aro konam anang amek long ingthi ingthokngo, aro abanglong ari bisi, anang arjulo, “Nang pene bak thekdo ma?” 24Aro arlengpo lang chaksi pulo, “Arleng helyok thek hlongdo, manta anali thengpe arong hel badi, keng-kamdo.” 25Laparake Jisu anang mek long ari bat phakngo; aro anang lang-etno aro anang mephleno aro anang ahuwityok thek phleno. 26La-aphel Jisu anangyok abithang ahemyok tolsi pulo,“Rongso long dam phaknge not.”
Pitor po Jisu Aphan Kithandak
(Mot. 16:13-20; Luk. 9:18-21)
27Jisu anang adun hel pen Sisiriya Philipi arong helyok olesi damo; aro duwar ibeng along anang adun helyok arjulo, “Arleng hel neyok ingho pusi ili pudo?” 28Aro lahel Jisu yok angpu duno, “Johon Baptist po; aro kamprek helke puman Elija po; aro kamprek abangke katurki hel ihutpo pusi pudo.” 29Anang analiyok arjulo, “Manta nalike ne yok ingho pusi pudo?” Pitor po pulo, “Nango Ral Hemphu.” 30aro analiyok anang lam bang ango kithanthe ayok, than klakngo.
Jisu Kidukpen Kithi Alam Kithan
(Mot. 16:21-28; Luk. 9:21-27)
31Laparake Jisu analiyok pachirli ponhilo, lake Arleng Aso ako-ong duk choye, aro kithe-kiding abang aro bor-bangthe hel aro kanong kapaklang abang nesimme aro mariye, manta ni-thom aphel burphaknge.” 32Anang labang pachiklan daksi thano. Aro Pitor po, Jisu yok prek aga pono, aro ingjelo. 33Manta anang chirtingwul si, adun hel yok thek hlongsi, Pitor po yok tamo aro pulo, “Ne phel dam, si-ikpo! Piyok pu tene nang nengpo Arnam aphan chironre si, munusi alamsi chiron do.” 34Anang dungyok rat aro adung helyok taramsi thano, “Inghone bak nephel-phel wang kidun anengdo, anali abithang yok chipangdom, aro anang kros po rungsi nephel-phel wang dunnot. 35Piyok pu tene inghosi abithang ajiu chirale, anang labang chipangbo ye, aro ingho ne nat, aro kime-alamthe anat abithang ajiu chipangbo ye, labang joknge. 36Piyok pu tene ihut arleng pirthepe dung hlong phrotsi, abithang ajiuli chipangbo det, tene bangpo anali pot alap hlonge? 37Khanangke, anali abithang ajiu aholan pot te pi une? 38Inghosi labang owelong kidoner aro papi arleng hel, inghone bak neyok aro ne lamthe long tharaknge, Arleng Aso konam tharlon helpen anang Apa jortang pen wange, la-amun anangta labang arleng poyok tharaknge.”
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Amri Karbi N.T. - AKIMI ANGTON N.T.
Copyright © 2017 by The Bible Society of India
Used by permission. All rights reserved worldwide.