Lukab 24
24
Jesub di khâis
(Mateub 28:1-10; Markub 16:1-8; Johaneb 20:1-10)
1Sâtsēkam ǃnauǁgoaga di ge tarade ǀhobas ǁga ge ǃgû, ǃgâihamǁnui-i hîa di ge ǂhomi hâ i-i ǀkha. 2ǁÎdi ge ǀuisa ǀhobasa xu garibēhe hâse ge hō, 3tsî ǂgâ di ge xawe di ge ǃKhūb Jesub sorosa hō tama ge i. 4Tare-e di nî dī ǃkhaisa ǀūse di ǁnāpa mâ hîa kha ge ǃnapetamase ǀgam khoekha ǂkhai ra saran ǃnâ hā ge mâ. 5Taradi ge ǃaob xa ǃkhōhe hâse aidi âde ǃhūb kōse ge ǃgam. O kha ge khoekha ǁîdi ǃoa ge mî: “Tare-i ǃaroma so ûitsamaba ǁō hân tawa ra ôa? 6#Mat. 16:21; 17:22-23; 20:18-19; Mrk. 8:31; 9:31; 10:33-34; Luk. 9:22; 18:31-33Nēpab ge a ǀkhai; ǁîb ge ǁōba xu go khâi. ǂÂi-oa re mâtib ge ganupeb Galileab ǃnâ hâ hîa sado a mîbasa: 7‘Khoen Ôab ge ǁore-aon ǃomǁae māǁnâhe tsî nî ǃgâuhe tsîb ge ǃnonaǁî tsēs ai ǁōba xu nî khâi.’ ”
8O di ge tarade mîdi âba ge ǂâihō, 9tsî di ge ǀhobasa xu oa tsî nēn hoana disiǀguiǀa ǁkhāǁkhāsabegu* tsî nau khoen hoana ge mîba. 10Maria Magdalenas tsî Johanas tsî Marias Jakobub îs tsî ǀnî taradi ǁîdi ǀkha ge hâ idi ge apostelga sī nēna ge mîba. 11Xawe gu ge apostelga ge ǂâi nē taradi ra ǃhoan a ǀnoreǃhoa-ai ti, tsî gu ge ǁîdi ge ǂgom tama hâ i. [12Xaweb ge Petruba khâi tsî ǀhobas ǁga ge ǃkhoe tsî ǃgamǃgâ tsîb ge ǀhobas ǃnâ a ǂui, ob ge lapin ǀguina ge mûǁgoe. Nē go īn xa burugâ hâseb ge oms ǁga ge ǁaru.]#24:12 Nē ǁaraǃās ge ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai.
Emmaus ǁga garu ǃgûs
(Markub 16:12-13)
13ǁKhā tsēs ai kha ge Jesub di ǁkhāǁkhāsabegu di ǀgamkha, Emmaus ti ra ǀonǂgaihe ǃāros hîa disiǀgamǀa kilometerga Jerusalemsa xu ǁgoes ǁga ge garu i, 14tsî kha ge ǁîǃnābe ī gen xa garu gere ǁgam. 15ǁNāti kha garu ra ǁgam tsî nēna ǃhoaǃgao hîab ge Jesuba ǀgūse hā tsî ǁîkha ǀkha ge ǃgû. 16ǁÎba kha ge mû, xawe kha ge ge mûǃā bi tama hâ i. 17Ob ge Jesuba ǁîkha ge dî: “Tare-i xa kho kha nēti ǁkhōǁkhōsase garu ra ǁgam?”
O kha ge ǃoa hâ aidi ǀkha ge ǃnōmâ. 18Ob ge ǁîkha ǀguib Kleopab ti ǀon hâba ge ǃeream bi: “Sats ǀguitsa kha Jerusalems ǃnâ a ǃhaokhoe, ots ǁîs ǃnâ go nē tsēdi ǃnâ īna ǀū?”
19“Mâ xūna?” tib ge Jesuba ge dî kha. O kha ge “Jesub Nasaretǁîb, Elob tsî ǁaes hoas aiǃâ sîsenni tsî mîdi tsîn ǃnâ ǀgaisa kēbo-ao ge ib din xa. 20Sida di danapristergu tsî danaǂgaeǂgui-aogu ge ǁîba ǁōb ǃoa ge māǁnâ, ǀgoraǃgâhe tsîb nî ǃgâuhese. 21Tsî sida ge gere ǃâubasen, ǁîb Israelǁîna nî ǃnora kai ǃkhaisa. Xawes ge nēsa ǀnai a ǃnonaǁî tsē, nēn hoan ge īs khaoǃgâ. 22ǀNî taradi sida didi ge go ǃhuri kai da. ǃNauǁgoaga di go ǀhobas tawa a sī, 23xawe di ge soros âba hō tama go i. ǁÎdi ge oa tsî ǀhomǃgākha, ǁîb ûi hâ ti ra mî kha di go mû ti go mî. 24ǀNîge âge tsîn ge ǁkhāti ǀhobas ǁga ǃgû tsî ǁîsa taradi go mî hā khami sī go hō, xawe ge ge ǁîba mû tama hâ.”
25Ob ge Jesuba ǁîkha ǃoa ge mî: “Sa gâ tsî ǁgarasa ǂgaob â-ikho, xū-i hoa-i kēbo-aob ge mî-e kho nî ǂgoms ǃoa. 26Xristuba kha nēna tsâ tsîb ǁnāti ǁîb ǂkhaisib ǃnâ ǂgâ tide?” 27Tsî Jesub ge ǁîb xa ra ǃgû Xoadi hoade Moseb ǂkhanidi ǀkha tsoatsoa tsî kēbo-aogu xoadi kōse ǁîkha ge ǁguiǃāba.
28Tsî ǃgûba gu garu ǃārosa gu ge ǀgū, ob ge Jesuba ǃkharu ǂgao ra khami ge dī, 29xawe kha ge ǂgan bi tsî ge mî: “Sikhom ǀkha hâ re, tsēs go ǃkharu tsî i ǀnai ra ǃui xuige.” Ob ge ǂgâ tsî ǁîkha ǀkha ge hâ. 30ǂÛs ǃaromab ge ǁîkha ǀkha tāb tawa sī ǂnû, ob ge pereba ū, ǀkhaeba gowaǂui, khôa tsî ge mā kha. 31O di ge mûdi âkha ge ǁkhowa-amsen tsî kha ge ge mûǂan bi, xaweb ge ǁîkha xu ge kā. 32O kha ge ǁîǃnābe ge mî: “Sakhom ǂgaokha go khauǃnâ khom tama hâ i, daob aib goro ǃhoa-ū khom tsî Xoade ǁguiǃāba khomo?”
33O kha ge ǁnātimîsi khâi tsî Jerusalems ǁga ge oa. Tsî ǁnāpa kha ge disiǀguiǀa ǁkhāǁkhāsabegu tsî ǀnî khoen ǁîgu ǀkha ǀhû hân tsîna ge ǀhao-ū 34tsîn ge ǁîna gere mî: “ǃKhūb ge amase khâi hâ! ǁÎb ge Simonni ai go ǂhaiǂhaisen.”
35Nē ǀgamkha ge daob ai ge īn tsî mâti kha ge perebab ge khôa ǃnubai ǃKhūba mûǂan ǃkhaisa ǁîna ge mîba.
Jesub ge ǁîb ǁkhāǁkhāsabega ra ǂhai
(Mateub 28:16-20; Markub 16:14-18; Johaneb 20:19-23; ǃNaeǃkhaidi 1:6-8)
36Tsî ganupe kha nēn xa ra ǃhoa hîab ge Jesuba ǃnapetamase ǁîn ǁaegu hā mâ tsî ǁîn ǃoa ge mî: “ǂKhîba ab sadu ǀkha hâ!”#24:36 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai.
37Kaisen ge ǃhuri tsî ge ǃao tsî ǀnore-en ra mû ti ge ǂâi. 38Xaweb ge ǁîn ǃoa ge mî: “Tare-i xa du ǁnāti ra ǃao? Tsî tare-i xa du ǂgaogu âdu ǃnâ ra îganǀgē? 39Kō re ti ǃomkha tsî ti ǂaira, î mû tita ǂûta a ǃkhaisa. Tsâǀkhā te, î du mû, ǀnore-i kom ǁgan-i tsî ǂkhōn tsîna ūhâ tamao, tita tawa du ra mû khami.”
40Tsî nēnab ra mî hîab ge ǃomkha tsî ǂaira âba ǁîna ge ǁgau. 41ǃGâiaǂgaob tsî burugâs xan ge ganupe ge ǂgom ǁoa i, ob ge Jesuba ǁîn ǃoa ge mî: “ǂÛxū-e nēpa ū du hâ?” 42On ge amhe hâ ǁau-i di ǃâro-e ge mā bi, 43tsîb ge mûn ra hîa ge ǂû.
44ǃAruǀîb ge ǁîn ǃoa ge mî: “Nēs ge ǂâibasens ǁnā mîdi, ganupe ta sadu ǀkha hâ hîa ta ge mîba du hâ idi disa. Moseb ǂhanub* ǃnâ tsî kēbo-aogu ǃnâ tsî Psalmdi ǃnâ tita xa xoahe hân hoan nî dīǀoaǀoahesa.”
45Ob ge ǁnâuǃāgu âna ge ǁkhowa-am, Xoaden nî ǁnâuǃāse, 46tsî ǁîn ǃoa ge mî: “Nēti i ge xoamâisa; Xristub ge nî tsâ tsîb ge ǃnonaǁî tsēs ai ǁōba xu nî khâi, 47tsî ǁîb di ǀons ǃnâ di ge hoaraga ǁaede, ǃhobasens tsî ǁoren ǀûbas tsîna nî aoǁnâbahe, Jerusalemsa xu tsoatsoa tsî. 48Sadu ge nē xūn di ǀhûǀguitimî-ao. 49#ǃNǃkh. 1:4Tsî Tita ge mîmâis ti Îb disa sado nî sîba. Xawe du ge nēpa ǃās ǃnâ nî ǃâu, ǀgapiseba xu hâ ǀgaib ǀkha du nî ǀgaiǀgaihes kōse.”
Jesub di ǀhomǃapas
(Markub 16:19-20; ǃNaeǃkhaidi 1:9-11)
50 #
ǃNǃkh. 1:9-11
ǁÎb ge ǁnās khaoǃgâ ǁîna ǃāsa xu Betanis kōse ge ǂgaeǂgui, tsîb ge ǁnāpa ǃomkha âba ūkhâi tsî ǁîna ge ǀkhae. 51#Sir. 50:20ǁÎnab ra ǀkhae hîab ge ǁîna xu ge bē tsî ǀhommi ǃoa ge ūǃapahe,#24:51 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai. 52ǁÎn ge ǀgoreǀî bi tsî kai ǃgâiaǂgaob ǀkha Jerusalems ǁga oa, 53tsî hoaraga ǁaeba ǁnāpa Tempeli ǃnâ hâ tsî Eloba gere koa.
Valgt i Øjeblikket:
Lukab 24: KKG20
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khoekhoegowab Elobmîs © Bible Society in Namibia, 2020.
Lukab 24
24
Jesub di khâis
(Mateub 28:1-10; Markub 16:1-8; Johaneb 20:1-10)
1Sâtsēkam ǃnauǁgoaga di ge tarade ǀhobas ǁga ge ǃgû, ǃgâihamǁnui-i hîa di ge ǂhomi hâ i-i ǀkha. 2ǁÎdi ge ǀuisa ǀhobasa xu garibēhe hâse ge hō, 3tsî ǂgâ di ge xawe di ge ǃKhūb Jesub sorosa hō tama ge i. 4Tare-e di nî dī ǃkhaisa ǀūse di ǁnāpa mâ hîa kha ge ǃnapetamase ǀgam khoekha ǂkhai ra saran ǃnâ hā ge mâ. 5Taradi ge ǃaob xa ǃkhōhe hâse aidi âde ǃhūb kōse ge ǃgam. O kha ge khoekha ǁîdi ǃoa ge mî: “Tare-i ǃaroma so ûitsamaba ǁō hân tawa ra ôa? 6#Mat. 16:21; 17:22-23; 20:18-19; Mrk. 8:31; 9:31; 10:33-34; Luk. 9:22; 18:31-33Nēpab ge a ǀkhai; ǁîb ge ǁōba xu go khâi. ǂÂi-oa re mâtib ge ganupeb Galileab ǃnâ hâ hîa sado a mîbasa: 7‘Khoen Ôab ge ǁore-aon ǃomǁae māǁnâhe tsî nî ǃgâuhe tsîb ge ǃnonaǁî tsēs ai ǁōba xu nî khâi.’ ”
8O di ge tarade mîdi âba ge ǂâihō, 9tsî di ge ǀhobasa xu oa tsî nēn hoana disiǀguiǀa ǁkhāǁkhāsabegu* tsî nau khoen hoana ge mîba. 10Maria Magdalenas tsî Johanas tsî Marias Jakobub îs tsî ǀnî taradi ǁîdi ǀkha ge hâ idi ge apostelga sī nēna ge mîba. 11Xawe gu ge apostelga ge ǂâi nē taradi ra ǃhoan a ǀnoreǃhoa-ai ti, tsî gu ge ǁîdi ge ǂgom tama hâ i. [12Xaweb ge Petruba khâi tsî ǀhobas ǁga ge ǃkhoe tsî ǃgamǃgâ tsîb ge ǀhobas ǃnâ a ǂui, ob ge lapin ǀguina ge mûǁgoe. Nē go īn xa burugâ hâseb ge oms ǁga ge ǁaru.]#24:12 Nē ǁaraǃās ge ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai.
Emmaus ǁga garu ǃgûs
(Markub 16:12-13)
13ǁKhā tsēs ai kha ge Jesub di ǁkhāǁkhāsabegu di ǀgamkha, Emmaus ti ra ǀonǂgaihe ǃāros hîa disiǀgamǀa kilometerga Jerusalemsa xu ǁgoes ǁga ge garu i, 14tsî kha ge ǁîǃnābe ī gen xa garu gere ǁgam. 15ǁNāti kha garu ra ǁgam tsî nēna ǃhoaǃgao hîab ge Jesuba ǀgūse hā tsî ǁîkha ǀkha ge ǃgû. 16ǁÎba kha ge mû, xawe kha ge ge mûǃā bi tama hâ i. 17Ob ge Jesuba ǁîkha ge dî: “Tare-i xa kho kha nēti ǁkhōǁkhōsase garu ra ǁgam?”
O kha ge ǃoa hâ aidi ǀkha ge ǃnōmâ. 18Ob ge ǁîkha ǀguib Kleopab ti ǀon hâba ge ǃeream bi: “Sats ǀguitsa kha Jerusalems ǃnâ a ǃhaokhoe, ots ǁîs ǃnâ go nē tsēdi ǃnâ īna ǀū?”
19“Mâ xūna?” tib ge Jesuba ge dî kha. O kha ge “Jesub Nasaretǁîb, Elob tsî ǁaes hoas aiǃâ sîsenni tsî mîdi tsîn ǃnâ ǀgaisa kēbo-ao ge ib din xa. 20Sida di danapristergu tsî danaǂgaeǂgui-aogu ge ǁîba ǁōb ǃoa ge māǁnâ, ǀgoraǃgâhe tsîb nî ǃgâuhese. 21Tsî sida ge gere ǃâubasen, ǁîb Israelǁîna nî ǃnora kai ǃkhaisa. Xawes ge nēsa ǀnai a ǃnonaǁî tsē, nēn hoan ge īs khaoǃgâ. 22ǀNî taradi sida didi ge go ǃhuri kai da. ǃNauǁgoaga di go ǀhobas tawa a sī, 23xawe di ge soros âba hō tama go i. ǁÎdi ge oa tsî ǀhomǃgākha, ǁîb ûi hâ ti ra mî kha di go mû ti go mî. 24ǀNîge âge tsîn ge ǁkhāti ǀhobas ǁga ǃgû tsî ǁîsa taradi go mî hā khami sī go hō, xawe ge ge ǁîba mû tama hâ.”
25Ob ge Jesuba ǁîkha ǃoa ge mî: “Sa gâ tsî ǁgarasa ǂgaob â-ikho, xū-i hoa-i kēbo-aob ge mî-e kho nî ǂgoms ǃoa. 26Xristuba kha nēna tsâ tsîb ǁnāti ǁîb ǂkhaisib ǃnâ ǂgâ tide?” 27Tsî Jesub ge ǁîb xa ra ǃgû Xoadi hoade Moseb ǂkhanidi ǀkha tsoatsoa tsî kēbo-aogu xoadi kōse ǁîkha ge ǁguiǃāba.
28Tsî ǃgûba gu garu ǃārosa gu ge ǀgū, ob ge Jesuba ǃkharu ǂgao ra khami ge dī, 29xawe kha ge ǂgan bi tsî ge mî: “Sikhom ǀkha hâ re, tsēs go ǃkharu tsî i ǀnai ra ǃui xuige.” Ob ge ǂgâ tsî ǁîkha ǀkha ge hâ. 30ǂÛs ǃaromab ge ǁîkha ǀkha tāb tawa sī ǂnû, ob ge pereba ū, ǀkhaeba gowaǂui, khôa tsî ge mā kha. 31O di ge mûdi âkha ge ǁkhowa-amsen tsî kha ge ge mûǂan bi, xaweb ge ǁîkha xu ge kā. 32O kha ge ǁîǃnābe ge mî: “Sakhom ǂgaokha go khauǃnâ khom tama hâ i, daob aib goro ǃhoa-ū khom tsî Xoade ǁguiǃāba khomo?”
33O kha ge ǁnātimîsi khâi tsî Jerusalems ǁga ge oa. Tsî ǁnāpa kha ge disiǀguiǀa ǁkhāǁkhāsabegu tsî ǀnî khoen ǁîgu ǀkha ǀhû hân tsîna ge ǀhao-ū 34tsîn ge ǁîna gere mî: “ǃKhūb ge amase khâi hâ! ǁÎb ge Simonni ai go ǂhaiǂhaisen.”
35Nē ǀgamkha ge daob ai ge īn tsî mâti kha ge perebab ge khôa ǃnubai ǃKhūba mûǂan ǃkhaisa ǁîna ge mîba.
Jesub ge ǁîb ǁkhāǁkhāsabega ra ǂhai
(Mateub 28:16-20; Markub 16:14-18; Johaneb 20:19-23; ǃNaeǃkhaidi 1:6-8)
36Tsî ganupe kha nēn xa ra ǃhoa hîab ge Jesuba ǃnapetamase ǁîn ǁaegu hā mâ tsî ǁîn ǃoa ge mî: “ǂKhîba ab sadu ǀkha hâ!”#24:36 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai.
37Kaisen ge ǃhuri tsî ge ǃao tsî ǀnore-en ra mû ti ge ǂâi. 38Xaweb ge ǁîn ǃoa ge mî: “Tare-i xa du ǁnāti ra ǃao? Tsî tare-i xa du ǂgaogu âdu ǃnâ ra îganǀgē? 39Kō re ti ǃomkha tsî ti ǂaira, î mû tita ǂûta a ǃkhaisa. Tsâǀkhā te, î du mû, ǀnore-i kom ǁgan-i tsî ǂkhōn tsîna ūhâ tamao, tita tawa du ra mû khami.”
40Tsî nēnab ra mî hîab ge ǃomkha tsî ǂaira âba ǁîna ge ǁgau. 41ǃGâiaǂgaob tsî burugâs xan ge ganupe ge ǂgom ǁoa i, ob ge Jesuba ǁîn ǃoa ge mî: “ǂÛxū-e nēpa ū du hâ?” 42On ge amhe hâ ǁau-i di ǃâro-e ge mā bi, 43tsîb ge mûn ra hîa ge ǂû.
44ǃAruǀîb ge ǁîn ǃoa ge mî: “Nēs ge ǂâibasens ǁnā mîdi, ganupe ta sadu ǀkha hâ hîa ta ge mîba du hâ idi disa. Moseb ǂhanub* ǃnâ tsî kēbo-aogu ǃnâ tsî Psalmdi ǃnâ tita xa xoahe hân hoan nî dīǀoaǀoahesa.”
45Ob ge ǁnâuǃāgu âna ge ǁkhowa-am, Xoaden nî ǁnâuǃāse, 46tsî ǁîn ǃoa ge mî: “Nēti i ge xoamâisa; Xristub ge nî tsâ tsîb ge ǃnonaǁî tsēs ai ǁōba xu nî khâi, 47tsî ǁîb di ǀons ǃnâ di ge hoaraga ǁaede, ǃhobasens tsî ǁoren ǀûbas tsîna nî aoǁnâbahe, Jerusalemsa xu tsoatsoa tsî. 48Sadu ge nē xūn di ǀhûǀguitimî-ao. 49#ǃNǃkh. 1:4Tsî Tita ge mîmâis ti Îb disa sado nî sîba. Xawe du ge nēpa ǃās ǃnâ nî ǃâu, ǀgapiseba xu hâ ǀgaib ǀkha du nî ǀgaiǀgaihes kōse.”
Jesub di ǀhomǃapas
(Markub 16:19-20; ǃNaeǃkhaidi 1:9-11)
50 #
ǃNǃkh. 1:9-11
ǁÎb ge ǁnās khaoǃgâ ǁîna ǃāsa xu Betanis kōse ge ǂgaeǂgui, tsîb ge ǁnāpa ǃomkha âba ūkhâi tsî ǁîna ge ǀkhae. 51#Sir. 50:20ǁÎnab ra ǀkhae hîab ge ǁîna xu ge bē tsî ǀhommi ǃoa ge ūǃapahe,#24:51 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai. 52ǁÎn ge ǀgoreǀî bi tsî kai ǃgâiaǂgaob ǀkha Jerusalems ǁga oa, 53tsî hoaraga ǁaeba ǁnāpa Tempeli ǃnâ hâ tsî Eloba gere koa.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khoekhoegowab Elobmîs © Bible Society in Namibia, 2020.