Markub 15
15
Jesub ge Pilatub aiǃâ ra sī-ūhe
(Mateub 27:1-2; Lukab 23:1; Johaneb 18:28)
1Nautsēkamǁgoaga gu ge danapristergu, Moseb ǂhanub* di ǁkhāǁkhā-aogu tsî ǂnomdomga* hoaraga ǀapemāǃnans ǀkha ǀapeǀhaos di ǂnûsa ge dī. Nēs khaoǃgâ gu ge Jesuba ǃgaeǃnon tsî Pilatub ai ge māǁnâ.
2Ob ge Pilatuba Jesuba ge dî: “Satsa kha a Jodeǁîn di gao-ao?”
Ob ge Jesuba ge ǃeream bi: “Sats ra mî.”
3O gu ge danapristerga Jesuba ǂgui xūna ge ǀhapiǂnûiǀkhā. 4Ob ge Pilatuba Jesuba ge dî: “Ots kha ǂnoasen tama hâ? ǂAn tamats kha ǁnâi hâ mâtikō ǂgui xūn aits ra ǀhapiǂnûiǀkhāhe ǃkhaisa?” 5Ob ge Jesuba ǂnoasen tama ge i tsîb ge Pilatuba nēs xa kaise ge buru.
Jesub ge ǁōb ǃoa ra ǀgoraǃgâhe
(Mateub 27:15-26; Lukab 23:13-25; Johaneb 18:39—19:16)
6Mâ Pasxaǁâudīb di ǁaeb hoab aib ge Pilatuba ǀgui ǃkhōsabe-i hîa khoen xa ra ǁhûiǂuihe-e gere ǃnoraǃnora. 7Tsîb ge ǁnā ǁaeb ǃnâ ǀgui khoeb, Barabab ti ǀon hâba ge hâ i, Romeǁî ǂgaeǂguis ǃoagu hâ khâikhâisens ǃnâ ǀhapixase hōhe tsî ge ǃkhōsis ǃnâ ūheba. 8Os ge ǂnubisa Pilatub ǃoa hā tsî ǁnaetisaseb ra dī khami ǃkhōsabe-e ǃnoraǃnorasa gere ǂgan bi. 9Ob ge Pilatuba ǁîna ge dî: “Jodeǁîn di gao-aoba ta nî ǃnoraǃnoraba du?” 10Pilatub ge danapristergu ge suriba xu Jesuba māǁnâ ǃkhaisa ge ǂan i.
11Xawe gu ge danapristerga ǀnai ǂnubisa ge khâikhâiǃnâ hâ i, în Barabab di ǁnāxūhesa ǂgan, Jesub ǃās ǃnâ.
12“Sadu di ǂgans ai ta ga Barababa ǃnoraǃnorao, Jodeǁîn di gao-aoba ta tare-e nî dī-ū ǃkhaisa du ra ǂgao?” tib ge Pilatuba nē ra khâikhâisen ǁaesa ge dî.
13On ge “ǃGâu bi!” ti ge ǂgaiǂuitsoatsoa.
14Ob ge Pilatuba ge dî: “Tare-i ǃaroma, tare-eb ǁnâi tsūdī hâ?”
Xawen ge ǃaruǀîǀgui ǃgarise ge ǂgaiǂui: “ǃGâu bi!”
15Tsîb ge Pilatuba nē ǁaesab gere ǂkhîǂkhî ǂgao xui-ao ǁîna Barababa ge ǁnāxūba. Tsîb ge Jesub nî samib ǀkha ǂnauhe ǃkhaisa mîmā tsî ǁnās khaoǃgâ Romeǁî toroǃkhamaoga ge māǁnâ bi, ǃgâuheb nîse.
Toroǃkhamaogu ge Jesuba ra ǃhō
(Mateub 27:27-30; Johaneb 19:2-3)
16Tsî gu ge toroǃkhamaoga Jesuba ǀgoraǃgâ-ommi, Praetorium ti gere ǂgaiheb ǃnâ ǂgâ-ū tsî hoaraga toroǂnubisa ge ǂgaiǀhao. 17ǁÎgu ge Jesuba ǂgaeǂuiǀkhā tsî ǂhoaǀapa anaǂamsaraba#15:17 ǂHoaǀapa anaǂamsaraba: Nēb ge ǀnîsi Romeǁî toroǃkhamaob di sara ge iba. ana tsî ǁkhūgu ǀkha gu kuru hâ kronsa ge ǀgapa bi. 18Tsî gu ge nēti ǃhō rase ge tawede bi tsoatsoa: “Tawede tsi ge ra, Jodeǁîn di gao-aotse!” 19Danas ai haib ǀkha ǂnau bi, ǂāra-ai bi tsî gu ge ǃhō bi rase ǁîb aiǃâ gere ǃhon. 20Tsî ǃhōtoa bi gu ge, o gu ge ǂhoaǀapa anaǂamsaraba ǂgaeǂuiǀkhā bi tsî ǁkhawa ǁîb di ǂhunuma sarana ge ana bi. Tsî gu ge ǃgâuheb nîse ge ǃgû-ū bi.
Jesub ge ra ǃgâuhe
(Mateub 27:32-44; Lukab 23:26-43; Johaneb 19:17-27)
21ǁNā ǁaeb aib ge Simonni, Sireneǁîb #Mat. 27:32Aleksanderi tsî Rufub tsîkha di îba ǃgaroǃāro-e xu ge ǃgoaxa i, tsî gu ge ǁîba ge ǁgari Jesub di ǃgâuhaiba* tanisa. 22Tsî gu ge Jesuba Golgota ti ra ǂgaihe ǃnâub, #Mat. 27:33danaǂkhōs di ǃkhaib tis tsîna a ǂansab ǃoa ge sī-ū. 23Tsî gu ge ǁîba mireǂauxûi-e ge āsi, xaweb ge ā ǂgao tama ge i. 24Jesuba gu ge ǃgâutoas khaoǃgâ gu ge ǂnōgusa ge ao, saran âba nî ǀgoraguse.#Mat. 27:35; Psa. 22:18
25ǁGoas di khoese irs ge Jesub ge ǃgâuhesa. 26Tsîs ge ǁîb di danaǂam ǀhapimās “Nēb ge Jodeǁîn gao-aoba” ti hâsa ge ǂgāmâihe. 27Tsî gu ge ǁîb ǀkha ǀgam tsūdī-aokha ge ǃgâu, ǀguiba amǀkhāb ai tsî nauba ǁareǀkhāb ai. [28Tsîs ge xoas hîa “Tsîb ge ǁîba ǃûǂamaon ǀkha ge ǃgôahe” ti hâsa ge a ǀoa.]#15:28 Nē ǁaraǃās ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai. Jes. 53:12 tawa sī kō re. 29Tsî ǁnāpa-u gere ǃgû-īn ge Jesuba ǃkhāǃkhā tsî ǃnabindana tsî gere mî: “Ehē! Sats kom Tempela khôaǁnâ tsî ǃnona tsēdi ǃnâ omkhâis ǀkha ra koaseno, 30aitsama oresen, îts ǁnā ǃgâuhaiba xu ǁgôaxa re!”
31Tsî gu ge Moseb ǂhanub di ǁkhāǁkhā-aogu* tsî danapristergu tsîgu ona Jesuba gere ǃhō. “Naunab kom gere huiǂuio, xaweb ge aitsama a huisen ǁoa. 32Ab Xristub,* Israeli gao-aoba ǃgâuhaiba xu ǁgôaxa, î da mû tsî ǂgom bi re!” ti gu ge gere ǃhō bi. Jesub ǀkha ge ǃgâuhe tsūdī-aokha tsîn ge gere ǃkhāǃkhā bi.
Jesub di ǁōb
(Mateub 27:45-56; Lukab 23:44-49; Johaneb 19:28-30)
33Tsî disiǀgamǀa irsa xub ge hoaraga ǃhūb ai ǃkhaenaba ge hā, tsēǃgâǁaeb di ǃnona irs kōse. 34Tsî ǁnā ǁaeb aib ge Jesuba ǃgari dommi ǀkha ǂgaiǂui tsî ge mî: “Eloi, Eloi lama sabaxtani?” ǁNās ge “Ti Elotse, ti Elotse, tare-i ǃaromats go ǁnāxū te?” ti ra ǂâibasen.#Psa. 22:1
35On ge ǁnāpa ge mâǂnami hâ i khoena ǂâisā tsî “Eliabab kom ra ǂgaio” ti gere mî. 36Ob ge ǀguiba ǃkhoe tsî sponsa ǀkhuru xûib ǃnâ ǀhari tsî ǂāb ai ǃkhāmâi tsî ge mā bi, āb nîse. Tsîb ge “ǁNāxū bi! A da aibe kō re kēbo-aob Eliab hā nî ūǁnâ bi ǃkhaisa” ti ge mî.
37ǁKhawab ge Jesuba ǃgari dommi ǀkha ǂgaiǂui tsî ǀoms âba ge ǃnâiǂui. 38#Eks. 26:31ǁNā ǁaeb ǁkhāb aib ge Tempeli di mâiǁkhaeba ǀgam ǃâkha ǃnâ, ǀgapiseba xu ǃnakab kōse ge doaǃā. 39Tsî Romeǁî toroǃkhamaob hîa Jesub ǃoagu ge mâ ib ge ǁîb di ǁōǀgaubab ge mûo “Nēb ge amase go Elob Ôa i!” ti ge mî.
40O di ge ǁnāpa tarade ge hâ i ǃnūseba xu gere kōde, ǁîdi ge Maria Magdalenas, Marias, Jakobub tsî Josesi tsîkha îs tsî Salomes tsîde. 41ǁÎdi ge Jesub di saoǃgonaodi, ǁîba ge Galileab ǃnâb ge hâ i ǁaeb ai gere ǃoabade. ǁÎdi tsî ǀnî ǂgui taradi tsîn ge ǁîb ǀkha Jerusalems ǃnâ ge sī.
Jesub di ǁkhōs
(Mateub 27:57-61; Lukab 23:50-56; Johaneb 19:38-42)
42Tsîn ge nēn hoana Aiǂhomisentsēs ai ge ī, nēs ge Sabbattsēsa* tsuxuǃgû i ra hîa, 43ob ge ǀapemāǃnans di ǁanib, kaise ge ǃgôahe hâ ib, Josef ti ǀon hâ Arimateaǁîb, Elob Gaosiba kaise ge ǃâu hâ iba ge hā. Tsîb ge Pilatub tawa sī tsî Jesub di sorosa ge ǂgan, ǁîb ǀguib ge ǁnā ǁkhoasiba ūhâ i xui-ao. 44Kaiseb ge Pilatuba Jesub go ǀnai ǁō ǃkhais xa buru tsî Romeǁî toroǃkhamaob hîa ǃereamsa ge ūhâ iba ge ǂgaiǀgū. 45Nē toroǃkhamaob ge ǁapoǁapotoas khaoǃgâb ge Pilatuba Josefa sorosab nî ū ǃkhaisa ge mā-am. 46Josefi ge ǃuri, tsaura lapiba ǁama, Jesub di sorosa ǃgâuhaiba xu ūǁnâ, tsaura lapib ǃnâ ǃgami tsî ǃhaob ǃnâ ǃnamǂuisa ǀhobas ǃnâ ge ǁguiǂgā. ǁNās khaoǃgâb ge kai ǀui-e ǀhoba-ās dao-ams tawa ge garisī. 47Maria Magdalenas tsî Marias Josesi îs tsîra ge mâpab go Jesuba ǁguiǂgāhe ǃkhaisa ge mû.
Valgt i Øjeblikket:
Markub 15: KKG20
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khoekhoegowab Elobmîs © Bible Society in Namibia, 2020.
Markub 15
15
Jesub ge Pilatub aiǃâ ra sī-ūhe
(Mateub 27:1-2; Lukab 23:1; Johaneb 18:28)
1Nautsēkamǁgoaga gu ge danapristergu, Moseb ǂhanub* di ǁkhāǁkhā-aogu tsî ǂnomdomga* hoaraga ǀapemāǃnans ǀkha ǀapeǀhaos di ǂnûsa ge dī. Nēs khaoǃgâ gu ge Jesuba ǃgaeǃnon tsî Pilatub ai ge māǁnâ.
2Ob ge Pilatuba Jesuba ge dî: “Satsa kha a Jodeǁîn di gao-ao?”
Ob ge Jesuba ge ǃeream bi: “Sats ra mî.”
3O gu ge danapristerga Jesuba ǂgui xūna ge ǀhapiǂnûiǀkhā. 4Ob ge Pilatuba Jesuba ge dî: “Ots kha ǂnoasen tama hâ? ǂAn tamats kha ǁnâi hâ mâtikō ǂgui xūn aits ra ǀhapiǂnûiǀkhāhe ǃkhaisa?” 5Ob ge Jesuba ǂnoasen tama ge i tsîb ge Pilatuba nēs xa kaise ge buru.
Jesub ge ǁōb ǃoa ra ǀgoraǃgâhe
(Mateub 27:15-26; Lukab 23:13-25; Johaneb 18:39—19:16)
6Mâ Pasxaǁâudīb di ǁaeb hoab aib ge Pilatuba ǀgui ǃkhōsabe-i hîa khoen xa ra ǁhûiǂuihe-e gere ǃnoraǃnora. 7Tsîb ge ǁnā ǁaeb ǃnâ ǀgui khoeb, Barabab ti ǀon hâba ge hâ i, Romeǁî ǂgaeǂguis ǃoagu hâ khâikhâisens ǃnâ ǀhapixase hōhe tsî ge ǃkhōsis ǃnâ ūheba. 8Os ge ǂnubisa Pilatub ǃoa hā tsî ǁnaetisaseb ra dī khami ǃkhōsabe-e ǃnoraǃnorasa gere ǂgan bi. 9Ob ge Pilatuba ǁîna ge dî: “Jodeǁîn di gao-aoba ta nî ǃnoraǃnoraba du?” 10Pilatub ge danapristergu ge suriba xu Jesuba māǁnâ ǃkhaisa ge ǂan i.
11Xawe gu ge danapristerga ǀnai ǂnubisa ge khâikhâiǃnâ hâ i, în Barabab di ǁnāxūhesa ǂgan, Jesub ǃās ǃnâ.
12“Sadu di ǂgans ai ta ga Barababa ǃnoraǃnorao, Jodeǁîn di gao-aoba ta tare-e nî dī-ū ǃkhaisa du ra ǂgao?” tib ge Pilatuba nē ra khâikhâisen ǁaesa ge dî.
13On ge “ǃGâu bi!” ti ge ǂgaiǂuitsoatsoa.
14Ob ge Pilatuba ge dî: “Tare-i ǃaroma, tare-eb ǁnâi tsūdī hâ?”
Xawen ge ǃaruǀîǀgui ǃgarise ge ǂgaiǂui: “ǃGâu bi!”
15Tsîb ge Pilatuba nē ǁaesab gere ǂkhîǂkhî ǂgao xui-ao ǁîna Barababa ge ǁnāxūba. Tsîb ge Jesub nî samib ǀkha ǂnauhe ǃkhaisa mîmā tsî ǁnās khaoǃgâ Romeǁî toroǃkhamaoga ge māǁnâ bi, ǃgâuheb nîse.
Toroǃkhamaogu ge Jesuba ra ǃhō
(Mateub 27:27-30; Johaneb 19:2-3)
16Tsî gu ge toroǃkhamaoga Jesuba ǀgoraǃgâ-ommi, Praetorium ti gere ǂgaiheb ǃnâ ǂgâ-ū tsî hoaraga toroǂnubisa ge ǂgaiǀhao. 17ǁÎgu ge Jesuba ǂgaeǂuiǀkhā tsî ǂhoaǀapa anaǂamsaraba#15:17 ǂHoaǀapa anaǂamsaraba: Nēb ge ǀnîsi Romeǁî toroǃkhamaob di sara ge iba. ana tsî ǁkhūgu ǀkha gu kuru hâ kronsa ge ǀgapa bi. 18Tsî gu ge nēti ǃhō rase ge tawede bi tsoatsoa: “Tawede tsi ge ra, Jodeǁîn di gao-aotse!” 19Danas ai haib ǀkha ǂnau bi, ǂāra-ai bi tsî gu ge ǃhō bi rase ǁîb aiǃâ gere ǃhon. 20Tsî ǃhōtoa bi gu ge, o gu ge ǂhoaǀapa anaǂamsaraba ǂgaeǂuiǀkhā bi tsî ǁkhawa ǁîb di ǂhunuma sarana ge ana bi. Tsî gu ge ǃgâuheb nîse ge ǃgû-ū bi.
Jesub ge ra ǃgâuhe
(Mateub 27:32-44; Lukab 23:26-43; Johaneb 19:17-27)
21ǁNā ǁaeb aib ge Simonni, Sireneǁîb #Mat. 27:32Aleksanderi tsî Rufub tsîkha di îba ǃgaroǃāro-e xu ge ǃgoaxa i, tsî gu ge ǁîba ge ǁgari Jesub di ǃgâuhaiba* tanisa. 22Tsî gu ge Jesuba Golgota ti ra ǂgaihe ǃnâub, #Mat. 27:33danaǂkhōs di ǃkhaib tis tsîna a ǂansab ǃoa ge sī-ū. 23Tsî gu ge ǁîba mireǂauxûi-e ge āsi, xaweb ge ā ǂgao tama ge i. 24Jesuba gu ge ǃgâutoas khaoǃgâ gu ge ǂnōgusa ge ao, saran âba nî ǀgoraguse.#Mat. 27:35; Psa. 22:18
25ǁGoas di khoese irs ge Jesub ge ǃgâuhesa. 26Tsîs ge ǁîb di danaǂam ǀhapimās “Nēb ge Jodeǁîn gao-aoba” ti hâsa ge ǂgāmâihe. 27Tsî gu ge ǁîb ǀkha ǀgam tsūdī-aokha ge ǃgâu, ǀguiba amǀkhāb ai tsî nauba ǁareǀkhāb ai. [28Tsîs ge xoas hîa “Tsîb ge ǁîba ǃûǂamaon ǀkha ge ǃgôahe” ti hâsa ge a ǀoa.]#15:28 Nē ǁaraǃās ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai. Jes. 53:12 tawa sī kō re. 29Tsî ǁnāpa-u gere ǃgû-īn ge Jesuba ǃkhāǃkhā tsî ǃnabindana tsî gere mî: “Ehē! Sats kom Tempela khôaǁnâ tsî ǃnona tsēdi ǃnâ omkhâis ǀkha ra koaseno, 30aitsama oresen, îts ǁnā ǃgâuhaiba xu ǁgôaxa re!”
31Tsî gu ge Moseb ǂhanub di ǁkhāǁkhā-aogu* tsî danapristergu tsîgu ona Jesuba gere ǃhō. “Naunab kom gere huiǂuio, xaweb ge aitsama a huisen ǁoa. 32Ab Xristub,* Israeli gao-aoba ǃgâuhaiba xu ǁgôaxa, î da mû tsî ǂgom bi re!” ti gu ge gere ǃhō bi. Jesub ǀkha ge ǃgâuhe tsūdī-aokha tsîn ge gere ǃkhāǃkhā bi.
Jesub di ǁōb
(Mateub 27:45-56; Lukab 23:44-49; Johaneb 19:28-30)
33Tsî disiǀgamǀa irsa xub ge hoaraga ǃhūb ai ǃkhaenaba ge hā, tsēǃgâǁaeb di ǃnona irs kōse. 34Tsî ǁnā ǁaeb aib ge Jesuba ǃgari dommi ǀkha ǂgaiǂui tsî ge mî: “Eloi, Eloi lama sabaxtani?” ǁNās ge “Ti Elotse, ti Elotse, tare-i ǃaromats go ǁnāxū te?” ti ra ǂâibasen.#Psa. 22:1
35On ge ǁnāpa ge mâǂnami hâ i khoena ǂâisā tsî “Eliabab kom ra ǂgaio” ti gere mî. 36Ob ge ǀguiba ǃkhoe tsî sponsa ǀkhuru xûib ǃnâ ǀhari tsî ǂāb ai ǃkhāmâi tsî ge mā bi, āb nîse. Tsîb ge “ǁNāxū bi! A da aibe kō re kēbo-aob Eliab hā nî ūǁnâ bi ǃkhaisa” ti ge mî.
37ǁKhawab ge Jesuba ǃgari dommi ǀkha ǂgaiǂui tsî ǀoms âba ge ǃnâiǂui. 38#Eks. 26:31ǁNā ǁaeb ǁkhāb aib ge Tempeli di mâiǁkhaeba ǀgam ǃâkha ǃnâ, ǀgapiseba xu ǃnakab kōse ge doaǃā. 39Tsî Romeǁî toroǃkhamaob hîa Jesub ǃoagu ge mâ ib ge ǁîb di ǁōǀgaubab ge mûo “Nēb ge amase go Elob Ôa i!” ti ge mî.
40O di ge ǁnāpa tarade ge hâ i ǃnūseba xu gere kōde, ǁîdi ge Maria Magdalenas, Marias, Jakobub tsî Josesi tsîkha îs tsî Salomes tsîde. 41ǁÎdi ge Jesub di saoǃgonaodi, ǁîba ge Galileab ǃnâb ge hâ i ǁaeb ai gere ǃoabade. ǁÎdi tsî ǀnî ǂgui taradi tsîn ge ǁîb ǀkha Jerusalems ǃnâ ge sī.
Jesub di ǁkhōs
(Mateub 27:57-61; Lukab 23:50-56; Johaneb 19:38-42)
42Tsîn ge nēn hoana Aiǂhomisentsēs ai ge ī, nēs ge Sabbattsēsa* tsuxuǃgû i ra hîa, 43ob ge ǀapemāǃnans di ǁanib, kaise ge ǃgôahe hâ ib, Josef ti ǀon hâ Arimateaǁîb, Elob Gaosiba kaise ge ǃâu hâ iba ge hā. Tsîb ge Pilatub tawa sī tsî Jesub di sorosa ge ǂgan, ǁîb ǀguib ge ǁnā ǁkhoasiba ūhâ i xui-ao. 44Kaiseb ge Pilatuba Jesub go ǀnai ǁō ǃkhais xa buru tsî Romeǁî toroǃkhamaob hîa ǃereamsa ge ūhâ iba ge ǂgaiǀgū. 45Nē toroǃkhamaob ge ǁapoǁapotoas khaoǃgâb ge Pilatuba Josefa sorosab nî ū ǃkhaisa ge mā-am. 46Josefi ge ǃuri, tsaura lapiba ǁama, Jesub di sorosa ǃgâuhaiba xu ūǁnâ, tsaura lapib ǃnâ ǃgami tsî ǃhaob ǃnâ ǃnamǂuisa ǀhobas ǃnâ ge ǁguiǂgā. ǁNās khaoǃgâb ge kai ǀui-e ǀhoba-ās dao-ams tawa ge garisī. 47Maria Magdalenas tsî Marias Josesi îs tsîra ge mâpab go Jesuba ǁguiǂgāhe ǃkhaisa ge mû.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Khoekhoegowab Elobmîs © Bible Society in Namibia, 2020.