Jaratılıs 15
15
Qudaydıń Ibram menen kelisim dúziwi
1Bul waqıyalardan soń, Jaratqan Iye Ibramǵa bılay dep ayan berdi:
– Qorqpa, Ibram. Men – seniń qalqanıńman. Saǵan beriletuǵın sıylıq oǵada ullı boladı.
2Biraq Ibram bılay dedi:
– Quday Iye! Sen maǵan ne bereseń? Men ele biyperzentpen-ǵo! Meniń úyim damaskli Eliezerge qaladı. 3Sen maǵan perzent bermegeniń sebepli, úyimdegi bir xızmetshim miyrasxorım boladı.
4Sonda Jaratqan Iye Ibramǵa:
– Seniń miyrasxorıń ol emes, al ózińnen tuwılatuǵın balań boladı, – dedi. 5Sońınan Ibramdı sırtqa shıǵarıp bılay dedi:
– Aspanǵa qara! Eger juldızlardı sanay alsań, olardı sanap kór. Mine, seniń urpaqlarıń da sonday kóp boladı.
6Ibram Jaratqan Iyege isendi, Jaratqan Iye isenimi ushın onı haq dep sanadı.
7Sońınan Ol Ibramǵa:
– Bul jerdi saǵan menshik etip beriw ushın, seni kaldeylerdiń Ur qalasınan shıǵarǵan Jaratqan Iyeń Men bolaman, – dedi.
8Biraq Ibram Onnan:
– Quday Iye, bul jerlerdi menshik etip alatuǵınımdı qalay bilemen? – dep soradı.
9Sonda Jaratqan Iye oǵan:
– Maǵan hár biriniń jası úsh jasar bolǵan qashar, eshki, qoshqar, jáne de, bir qumırı hám kepterdiń palapanın alıp kel.
10Ibram hámmesin alıp keldi hám olardı dál ortasınan bólip, bóleklerdi bir-birine qarama-qarsı qoydı. Al quslardı bólmedi. 11Soyılǵan mallardıń denesine jırtqısh quslar ushıp kelip, qona basladı, biraq Ibram olardı quwıp jiberdi.
12Kún batar waqıtta, Ibram tereń uyqıǵa ketti. Sonda qorqınıshlı bir qara túnek onı qorshap aldı. 13Jaratqan Iye Ibramǵa bılay dedi: «Mınanı jaqsı bilip qoy: seniń urpaqlarıń jat elde kelgindi bolıp jasaydı. Olar tórt júz jıl qulshılıqta bolıp, eziwshilik kóredi. 14Biraq Men olardı qul etken xalıqtı jazalayman. Sonnan soń, olar sol jerden kóp mal-múlik penen shıǵıp ketedi. 15Al sen ǵarrılıq dáwranın súrip, ólip jerleneseń hám tınıshlıq penen ata-babalarıńnıń janına barasań. 16Seniń urpaqlarıńnıń tek tórtinshi áwladı ǵana bul jaqqa qaytıp keledi, sebebi amorlardıń gúnası ele tolıw mólsherine jetken joq».
17Kún batıp, qarańǵılıq shókkende, ishi tútep turǵan ıdıs hám lawlaǵan jalın payda bolıp, bólingen mallardıń arasınan júrip ótti. 18Usı kúni Jaratqan Iye Ibram menen kelisim dúzip bılay dedi: «Men seniń urpaqlarıńa Mısır dáryasınan ullı Evfrat dáryasına shekem sozılǵan jerdi, 19yaǵnıy ken, keniz, qadmon, 20xet, periz, refa, 21amor, qanan, girgash hám ebus xalıqlarınıń jerlerin beremen».
Valgt i Øjeblikket:
Jaratılıs 15: QrqMK22
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Институт перевода Библии, 2022
Jaratılıs 15
15
Qudaydıń Ibram menen kelisim dúziwi
1Bul waqıyalardan soń, Jaratqan Iye Ibramǵa bılay dep ayan berdi:
– Qorqpa, Ibram. Men – seniń qalqanıńman. Saǵan beriletuǵın sıylıq oǵada ullı boladı.
2Biraq Ibram bılay dedi:
– Quday Iye! Sen maǵan ne bereseń? Men ele biyperzentpen-ǵo! Meniń úyim damaskli Eliezerge qaladı. 3Sen maǵan perzent bermegeniń sebepli, úyimdegi bir xızmetshim miyrasxorım boladı.
4Sonda Jaratqan Iye Ibramǵa:
– Seniń miyrasxorıń ol emes, al ózińnen tuwılatuǵın balań boladı, – dedi. 5Sońınan Ibramdı sırtqa shıǵarıp bılay dedi:
– Aspanǵa qara! Eger juldızlardı sanay alsań, olardı sanap kór. Mine, seniń urpaqlarıń da sonday kóp boladı.
6Ibram Jaratqan Iyege isendi, Jaratqan Iye isenimi ushın onı haq dep sanadı.
7Sońınan Ol Ibramǵa:
– Bul jerdi saǵan menshik etip beriw ushın, seni kaldeylerdiń Ur qalasınan shıǵarǵan Jaratqan Iyeń Men bolaman, – dedi.
8Biraq Ibram Onnan:
– Quday Iye, bul jerlerdi menshik etip alatuǵınımdı qalay bilemen? – dep soradı.
9Sonda Jaratqan Iye oǵan:
– Maǵan hár biriniń jası úsh jasar bolǵan qashar, eshki, qoshqar, jáne de, bir qumırı hám kepterdiń palapanın alıp kel.
10Ibram hámmesin alıp keldi hám olardı dál ortasınan bólip, bóleklerdi bir-birine qarama-qarsı qoydı. Al quslardı bólmedi. 11Soyılǵan mallardıń denesine jırtqısh quslar ushıp kelip, qona basladı, biraq Ibram olardı quwıp jiberdi.
12Kún batar waqıtta, Ibram tereń uyqıǵa ketti. Sonda qorqınıshlı bir qara túnek onı qorshap aldı. 13Jaratqan Iye Ibramǵa bılay dedi: «Mınanı jaqsı bilip qoy: seniń urpaqlarıń jat elde kelgindi bolıp jasaydı. Olar tórt júz jıl qulshılıqta bolıp, eziwshilik kóredi. 14Biraq Men olardı qul etken xalıqtı jazalayman. Sonnan soń, olar sol jerden kóp mal-múlik penen shıǵıp ketedi. 15Al sen ǵarrılıq dáwranın súrip, ólip jerleneseń hám tınıshlıq penen ata-babalarıńnıń janına barasań. 16Seniń urpaqlarıńnıń tek tórtinshi áwladı ǵana bul jaqqa qaytıp keledi, sebebi amorlardıń gúnası ele tolıw mólsherine jetken joq».
17Kún batıp, qarańǵılıq shókkende, ishi tútep turǵan ıdıs hám lawlaǵan jalın payda bolıp, bólingen mallardıń arasınan júrip ótti. 18Usı kúni Jaratqan Iye Ibram menen kelisim dúzip bılay dedi: «Men seniń urpaqlarıńa Mısır dáryasınan ullı Evfrat dáryasına shekem sozılǵan jerdi, 19yaǵnıy ken, keniz, qadmon, 20xet, periz, refa, 21amor, qanan, girgash hám ebus xalıqlarınıń jerlerin beremen».
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Институт перевода Библии, 2022