San Lucas 3:4-6

Adaa du'un ada tyuunu̶ jyajtu̶ neby je̱'e̱ Dios y'ayuuknajtzkapxu̶u̶ybyu̶ Isaías najty tu̶ kuja'ayu̶ñ: “Jim adu'ugtuum yajmu̶dooy tu'ug je̱'e̱ ja'ay myu̶na'añ: ‘Yaj'oyu̶u̶ygyu̶x je̱'e̱ Windzú̶n Dios ñu̶u̶'aa tyu'u'aa. Yajtu̶u̶wu̶ je̱'e̱ ñu̶u̶'aa tyu'u'aa ajku̶xy je̱'e̱ mu̶dyiibu̶ mu̶j aney axu̶guetyu̶ñ. Ku̶xyu̶ ma ñu̶u̶náxy wyoknaxyu̶ñ wan joyu̶u̶ydya'ay. Ku̶xyu̶ je̱'e̱ tun kopt wan nandu'un joyu̶u̶ydya'ay, Y ku̶xyu̶ je̱'e̱ nu̶u̶'aa tu'u'aa mu̶dyiibu̶ mu̶j aney axu̶guetyu̶ñ yajtu̶u̶gu̶x. Y ku̶xyu̶ nu̶u̶'aa tu'u'aa mu̶dyiibu̶ ka'p kipxyjyátyu̶chu̶ñ, wan kipxyjyajtta'ay. Ku̶xyu̶ je̱'e̱ ja'ay íxu̶ch nejwu̶'u̶wu̶ch ajku̶xy je̱'e̱ niwaambu̶ yajtzookpu̶ mu̶dyiibu̶ je̱'e̱ Dios kye̱xe̱e̱mbyu̶ñ.’ ”