San Marcos 10
10
Jesús yaj'u̶xpú̶ky ko je̱'e̱ ja'ay tyo'oxyu̶jk u̶xmach
(Mt 19.1-12; Lc 16.18)
1Chi je̱'e̱ Jesús jim Capernaum choñ y ñu̶kxy jim Judea naaxjooty jim Jordán mu̶jnu̶u̶'awiimb xu̶u̶bu̶dzu̶my'eemby. Jim je̱'e̱ mayjya'ay ja'adu'ook ñayyo'oymyujku̶ ajku̶xy, chi je̱'e̱ mayjya'ay jim ja'adu'ook yaj'u̶xpu̶jktu̶gu̶u̶y du'un neby najty kostumbre'atyu̶ñ. 2Chi je̱'e̱ fariseotu̶jk nije̱' nimu̶jwa'kku̶xy je̱'e̱ Jesús, y neby mu̶baad joot'ijxku̶xy winma'añ'ijxku̶xyu̶ñ, chi yajtu̶u̶y ajku̶xy pu̶nu̶ mu̶baad tu'ug ya'aydyu̶jk u̶xmach je̱'e̱ tyo'oxyu̶jk. 3Chi je̱'e̱ Jesús y'adzoowu̶ ajku̶xy:
—¿Neby je̱'e̱ Moisés xy'ane'emy ajku̶xy ma je̱'e̱ ñakyu̶ñ?
4Chi y'adzooy ajku̶xy:
—Du'un je̱'e̱ Moisés y'ane̱'e̱mu̶ñ yejky ko mu̶baad tu'ug ya'aydyu̶jk u̶xmach je̱'e̱ tyo'oxyu̶jk cham je̱'e̱ ñaky mo'oy tii gyu̶xpu̶ ko mu̶dnay'u̶xmachyiiju̶ñ.
5Mu̶'it je̱'e̱ Jesús ñu̶maayu̶ ajku̶xy:
—Xymyooygyu̶x je̱'e̱ Moisés adaa ane̱'e̱mu̶ñ du'un, je̱' ko je̱'e̱ mjoot mgu'ubajk miich jyanchxé̱xu̶ch ajku̶xy. 6Peru̶ ko je̱'e̱ Dios je̱'e̱ naaxwiimbu̶ aga'an yajkojy ya'aydyu̶jk y to'oxyu̶jk je̱'e̱ Dios yajkojy. 7Paady je̱'e̱ ya'aydyu̶jk je̱'e̱ tyaj tyeedy u̶xmádzu̶ch y pudu̶gu̶'u̶wu̶ch je̱'e̱ tyo'oxyu̶jk, 8y je̱'e̱ nime̱tzkpu̶ du'un naty je̱'e̱ ajku̶xyu̶ñ neby tu'ugpu̶ju̶ñ.’ Y ka'p naty du'un y'oknimé̱tzku̶chu̶ñ, tu'ug naty je̱'e̱ du'un je'eyu̶ju̶ñ. 9Y paady je̱'e̱ ja'ay ka'p mu̶baad yajnay'u̶xmachii je̱'e̱ mu̶dyiibu̶ je̱'e̱ Dios tu̶ wijtzmúkyu̶ñ.
10Ko najty tu̶ jya'tku̶xnu̶ ma je̱'e̱ tu̶jku̶ñ, chi je̱'e̱ dyiscípulotu̶jk ja'adu'ook yajtu̶u̶wu̶mbijtu̶ ajku̶xy je̱'e̱ mu̶dyiibu̶ najty tu̶ yaj'u̶xpú̶kyu̶ñ ma je̱'e̱ pu̶gyii winma'añdyu̶ñ. 11Chi je̱'e̱ Jesús ñu̶maayu̶ ajku̶xy:
—Je̱'e̱ ya'aydyu̶jk mu̶dyiibu̶ je̱'e̱ tyo'oxyu̶jk u̶xmajtzpu̶ñ y pyu̶jktu̶gách mu̶u̶d je̱'e̱ wiingpu̶ to'oxyu̶jk, je̱'e̱ tyo'oxyu̶jk naty je̱'e̱ du'un myu̶duundu̶gooby je̱'e̱ mu̶dyiibu̶ jayu̶jp pyu̶jku̶ñ; 12pu̶nu̶ je̱'e̱ to'oxyu̶jk je̱'e̱ ñiya'aydyu̶jk u̶xmajtzp y pyu̶jktu̶gách mu̶u̶d je̱'e̱ wiingpu̶ ya'aydyu̶jk, nan je̱'e̱ ñiya'aydyu̶jk naty je̱'e̱ du'un myu̶duundu̶gooby je̱'e̱ mu̶dyiibu̶ jayu̶jp pyu̶jku̶ñ.
Jesús pi'k'ana'ktu̶jk kunukxy
(Mt 19.13-15; Lc 18.15-17)
13Mu̶'it je̱'e̱ pi'k'ana'ktu̶jk nije̱' yajnú̶kxy ajku̶xy ma je̱'e̱ Jesúsu̶ñ ko wan ku̶'u̶ni'ixajy ajku̶xy, peru̶ chi je̱'e̱ discípulotu̶jk je̱'e̱ ja'ay tu̶gu̶'u̶y ojtu̶gu̶u̶ygyu̶xpu̶ mu̶dyiibu̶ je̱'e̱ pi'k'ana'ktu̶jk najty mu̶dmiingu̶xpu̶ñ. 14Jesús y'ijx je̱'e̱ du'un neby je̱'e̱ dyiscípulotu̶jk najty y'adu̶u̶tzku̶xyu̶ñ, chi jyootma'ty y ñu̶maayu̶ ajku̶xy:
—U̶xmajtzku̶x, wan u̶u̶ch yu̶'u̶ pi'k'ana'ktu̶jk xyñimiingu̶xy y ka'p m'agapxtujkku̶xy, je̱' ko je̱'e̱ ja'ay jiiby tu̶gu̶'u̶waangu̶xp ma je̱'e̱ Dios y'ane̱'e̱mu̶ñ je̱'e̱ mu̶dyiibu̶ du'un yajpaatku̶xpu̶ñ neby yu̶'u̶ pi'k'ana'ktu̶jk ajku̶xyu̶ñ. 15Janch tu̶y'ajtu̶ñ du'un nnu̶maaygyu̶xy ko pu̶n je̱'e̱ Dios y'ane̱'e̱mu̶ñ ka'p ku'ubu̶jku̶, du'un neby je̱'e̱ pi'k'ana'k tu'ug ku'ubú̶kyu̶ñ, ka'p je̱'e̱ du'umbu̶ ja'ay tyu̶gu̶'u̶wu̶ch ma je̱'e̱ Dios y'ane'emyu̶ñ.
16Chi je̱'e̱ Jesús je̱'e̱ pi'k'ana'ktu̶jk amu̶ne̱e̱nmujktaay ajku̶xy y kunukxy ajku̶xy; pu̶daaky je̱'e̱ kyu̶'u̶ ma je̱' ajku̶xyu̶ñ.
Tu'ug kumeeñjya'ay mu̶dmu̶dya'agy je̱'e̱ Jesús
(Mt 19.16-30; Lc 18.18-30)
17Ko najty je̱'e̱ Jesús jyaktu'uyo'oya'añ, chi je̱'e̱ ja'ay tu'ug janch poyu̶'u̶gyu̶ ñimiinu̶, chi ñayñajtzkojxtu̶na'awu̶u̶yu̶ ma je̱' wyinduuyu̶ñ y yajtu̶u̶wu̶:
—Miich oyjya'aybyu̶ Windzú̶n, ¿ti u̶u̶ch mu̶baad nduñ neby u̶u̶ch je̱'e̱ jugy'ajtu̶ñ nbaadu̶chu̶ñ je̱'e̱ mu̶dyiibu̶ ka'p nimu̶naaxu̶u̶ kyu̶xy tyu̶goyu̶ñ?
18Chi je̱'e̱ Jesús y'adzoowu̶:
—¿Ti u̶u̶ch ko oyjya'ay xytyijy? Ni pu̶n kya'a'oyjya'ayu̶ch, je'eyu̶ je̱'e̱ Dios tu'kpajk y'oyjya'ayu̶ch. 19Miich mnejwu̶u̶by je̱'e̱ Dios y'ane̱'e̱mu̶ñ: ‘Ka'p mja'ayyaj'o'ogu̶ch, ka'p je̱'e̱ wiingpu̶ to'oxyu̶jk mmu̶dtuundu̶góyu̶ch, ka'p mme̱e̱dzu̶ch, ka'p ni pu̶n mni'iwaambé̱du̶ch, y ka'p ni pu̶n mwin'u̶u̶nu̶ch; yajmu̶j'át je̱'e̱ mdaj mdeedy.’
20Chi je̱'e̱ kumeeñjya'ay je̱'e̱ Jesús nu̶maay:
—Windzú̶n, tu̶ u̶u̶ch adaa ku̶xyu̶ nguydyuunda'ay, y adaa u̶u̶ch tu̶ nmu̶mutzk'aty.
21Chi je̱'e̱ Jesús je̱'e̱ kumeeñjya'ay windu̶kxpejty mu̶u̶d je̱'e̱ tzojku̶ñ ju̶wu̶u̶yu̶ñ, y chi adzooy:
—Ja'adu'ug je'eyu̶ xyjyaktu̶goy'ajtu̶ mu̶dyiibu̶ ka'p mdúñu̶ju̶ñ. Nu̶kx, ku̶xyu̶ tokta'a tijaty mmu̶dajtypyu̶ñ y ni'imo'o je̱'e̱ ayoobu̶du̶jk ajku̶xy. Mu̶'it je̱'e̱ oy'ajtu̶ñ jiiby tzajpjooty mbaadu̶ch. Y ko du'un mdúnu̶ch, mu̶'íttu̶tz miinu̶ch ma u̶u̶chu̶ñ y xypyanú̶kxu̶chu̶ch.
22Chi je̱'e̱ kumeeñjya'ay tyajtu̶gu̶u̶y myaaydyu̶gu̶u̶y ko adaa du'un mu̶dooy, y ñu̶kxnu̶ taj may, je̱'e̱ ko mu̶jkumeeñ je̱'e̱ najty.
23Mu̶'it je̱'e̱ Jesús ju'uwu̶dítyu̶ y'ijxwu̶dijty, y nu̶maay je̱'e̱ dyiscípulotu̶jk ajku̶xy:
—¡Mu̶k jyanchtzípu̶ch tyu̶gu̶u̶ygyu̶xu̶ch je̱'e̱ kumeeñjya'aydyu̶jk ma je̱'e̱ Dios y'ane'emyu̶ñ!
24Je̱'e̱ discípulotu̶jk mu̶k adayaaba ayuuk yajnú̶kxy yajju̶wu̶u̶y ajku̶xy, peru̶ chi je̱'e̱ Jesús ja'adu'ook ñu̶maayu̶ ajku̶xy:
—Miich mu̶gu'uktu̶jk ajku̶xy, ¡mu̶k jyanchtzípu̶ch tyu̶gu̶u̶ygyu̶xu̶ch je̱'e̱ ja'ay#10.24 Nije̱' jaaybyu̶du̶jk myu̶naangu̶xy: mu̶dyiibu̶ je̱'e̱ kumeeñ'adu̶u̶ janch nijoot'ajtku̶xpu̶ñ. ma je̱'e̱ Dios y'ane'emyu̶ñ! 25Ni'igu̶ ka'p je̱'e̱ camello tu'ug tzip ñáxu̶ch ma je̱'e̱ xu'uñdy'u̶jx xyútu̶chu̶ñ, jak tzip tyu̶gu̶'u̶wu̶ch tu'ug je̱'e̱ kumeeñjya'ay ma je̱'e̱ Dios y'ane'emyu̶ñ.
26Ko du'un mu̶dooy ajku̶xy, chi ni'igyu̶ mu̶k yajnú̶kxy yajju̶wu̶u̶y ajku̶xy, y ñayyajtu̶u̶wu̶gu̶xy amíñ u̶xyu̶py:
—¿Y pu̶n je̱'e̱ y'aanu̶mu̶ da'a mu̶baad y'okni'idzo'ogy?
27Chi je̱'e̱ Jesús wyindu̶kxpe̱jttaayu̶ ajku̶xy y y'adzoowu̶ ajku̶xy:
—Mu̶u̶d je̱'e̱ naaxwiiñjya'ay tzip adayaaba, peru̶ mu̶u̶d je̱'e̱ Dios ka'p je̱'e̱ chípu̶ch, mu̶u̶d je̱' ka'p ni tii chípu̶ch.
28Mu̶'it je̱'e̱ Pedro je̱'e̱ Jesús nu̶maaydyu̶gu̶u̶y:
—U̶u̶ch tu̶ u̶u̶ch je̱'e̱ nbu̶da'agy ku̶xyu̶ n'u̶xyo'oydyaaygyu̶xy je̱'e̱ mu̶dyiibu̶ u̶u̶ch ijty nmu̶dajtku̶xypyu̶ñ, y miich nbanú̶kxku̶xypy.
29Chi je̱'e̱ Jesús y'adzoowu̶:
—Janch tu̶y'ajtu̶ñ du'un nnu̶maaygyu̶xy, ko wanpú̶nu̶ch pu̶n tu̶ ku'ugue̱e̱kku̶xyu̶ñ mu̶u̶d u̶u̶ch kyu̶xpu̶ y mu̶u̶d je̱'e̱ ayuuk tu̶y'ajt kyu̶xpu̶ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ je̱'e̱ tyu̶jk ajku̶xy, o je̱'e̱ pyuya'ay ajku̶xy, o je̱'e̱ pyudo'oxy ajku̶xy, o je̱'e̱ tyaj tyeedy ajku̶xy,#10.29 Nije̱' wiingpu̶ versión myu̶na'añ: o je̱'e̱ tyo'oxyu̶jk ajku̶xy. o je̱'e̱ y'ung y'ana'k ajku̶xy, o je̱'e̱ ñaax ajku̶xy, 30pyaattu̶gajtzku̶xu̶py je̱'e̱ y'oy'ajtu̶ñ ni'igyu̶ ajku̶xy cham, ma adayaaba naaxwiiñu̶ñ mu̶go'px du'uñdyu̶ je̱'e̱ tyu̶jk ajku̶xy, je̱'e̱ pyuya'ay ajku̶xy, je̱'e̱ pyudo'oxy ajku̶xy, je̱'e̱ tyaj ajku̶xy, je̱'e̱ y'ung y'ana'k ajku̶xy y je̱'e̱ ñaax ajku̶xy, oy naty jya'ayyaj'u̶xwu̶dijt jya'ayyajpawu̶dijtku̶xpu̶; y ma je̱'e̱ tzu̶naay jugy'ajtu̶ñ je̱'e̱ mu̶dyiibu̶ miimb ku̶daakpu̶ñ, pyaatku̶xu̶py je̱'e̱ jyugy'ajtu̶ñ je̱'e̱ mu̶dyiibu̶ ka'p nimu̶naaxu̶u̶ kyu̶xy tyu̶goyu̶ñ. 31Peru̶ cham may je̱'e̱ ja'ay jii ajku̶xy je̱'e̱ mu̶dyiibu̶ jayu̶jp'ajtku̶xpu̶ñ, y je̱' u̶x'aam'ádu̶p ajku̶xy; y nan may je̱'e̱ ja'ay jii cham ajku̶xy je̱'e̱ mu̶dyiibu̶ u̶x'aam'ajtku̶xpu̶ñ, y je̱' jayu̶jp'ádu̶p ajku̶xy.
Jesús mu̶du̶gu̶u̶g'ook nigapxy ko y'o'oga'añ
(Mt 20.17-19; Lc 18.31-34)
32Jesús mu̶u̶d je̱'e̱ dyiscípulotu̶jk jim Jerusalén najty je̱'e̱ ñú̶kxku̶xy, jayu̶jp najty je̱'e̱ Jesús ñu̶kxy y u̶x'aam je̱'e̱ dyiscípulotu̶jk ajku̶xy. Je̱' mu̶k najty je̱'e̱ yajnú̶kx yajju̶wu̶u̶ygyu̶xy y je̱'e̱ mayjya'ay mu̶dyiibu̶ je̱'e̱ Jesús najty u̶x'aam panú̶kxku̶xpu̶ñ janch mu̶k najty je̱'e̱ chu̶gu̶u̶ygyu̶xy. Chi je̱'e̱ Jesús je̱'e̱ nimajmé̱tzkpu̶ dyiscípulotu̶jk ja'adu'ook abu̶ky woodzooñ, y yajmu̶dmu̶dyaaktu̶gu̶u̶y ajku̶xy du'un neby najty jyat y'abe̱da'añu̶ñ: 33“Du'un neby m'ijxku̶xy mnejwu̶u̶ygyu̶xyu̶ñ, cham jim Jerusalén nnú̶kxu̶m ajku̶xy, ma u̶u̶ch nyajku̶'u̶yé̱gu̶chu̶ñ ma je̱'e̱ teedy windzu̶ndu̶jk y ma je̱'e̱ Dios y'ane̱'e̱mu̶ñ windzu̶ndu̶jk ajku̶xyu̶ñ, y je̱'e̱ju̶ch xykyu̶'u̶yé̱gu̶p ajku̶xy ko u̶u̶ch wan xyaj'o'kku̶xy, u̶u̶ch je̱' je̱'e̱ ja'ay mu̶dyiibu̶ tzon tzajpjooty, y xykyu̶'u̶ye̱jkku̶xu̶bu̶ch ma je̱'e̱ ja'ay mu̶dyiibu̶ ka'p jyudíoja'ayu̶chu̶ñ ajku̶xy. 34Xyñixi'ig xyajxi'igu̶bu̶ch ajku̶xy, xywyindzuj xyjyu̶jptzuju̶bu̶ch ajku̶xy, xywyóbu̶bu̶ch xykyóxu̶bu̶ch ajku̶xy y xyaj'o'ogu̶bu̶ch ajku̶xy; peru̶ kudu̶gu̶u̶g xu̶u̶ u̶u̶ch ja'adu'ook njuugypyú̶gu̶ch.”
Santiago mu̶u̶d je̱'e̱ Juan may'ajt tu'ug yujkwaangu̶xy
(Mt 20.20-28)
35Chi je̱'e̱ Santiago y je̱'e̱ Juan, je̱'e̱ Zebedeo y'ung ajku̶xy, nimu̶jwa'kku̶xy je̱'e̱ Jesús y nu̶maay ajku̶xy:
—Windzú̶n, je̱'e̱ u̶u̶ch ndzojkku̶xypy ko je̱'e̱ may'ajt tu'ug mdúnu̶ch je̱'e̱ mu̶dyiibu̶ yam nyujkwa'anaanu̶byu̶ñ ajku̶xy.
36Chi je̱'e̱ Jesús yajtu̶u̶wu̶ ajku̶xy:
—¿Ti mdzojkku̶xypy ndúnu̶chu̶ch mu̶u̶d miich kyu̶xpu̶ ajku̶xy?
37Chi y'adzooy ajku̶xy:
—Tun je̱'e̱ may'ajt ko naty je̱'e̱ m'ane̱'e̱mu̶ñ oybyu̶ mbaady, xyaj'u̶ña'awu̶bu̶ch ajku̶xy ma je̱'e̱ mnamu̶jku̶ñ tu'ug a'oy'eemby y ja'adu'ug anajty'eemby.
38Chi je̱'e̱ Jesús y'adzoowu̶ ajku̶xy:
—Miich ajku̶xy ka'p mnejwu̶u̶ygyu̶xy tii myujkwaangu̶xypyu̶ñ. ¿Nej mmu̶najx myajnajxku̶xu̶py je̱'e̱ tzaachpyu̶ ayo'on je̱'e̱ mu̶dyiibu̶ u̶u̶ch nmu̶nax nyajnaxe̱e̱mbyu̶ñ, y mmu̶najx myajnajxku̶xu̶py je̱'e̱ o'ku̶ñ je̱'e̱ mu̶dyiibu̶ u̶u̶ch nmu̶nax nyajnaxe̱e̱mbyu̶ñ?
39Chi je̱' y'adzooy ajku̶xy:
—Nmu̶nax nyajnáxu̶byu̶ch du'un ajku̶xy.
Chi je̱'e̱ Jesús ñu̶maayu̶ ajku̶xy:
—Miich ajku̶xy mja'amu̶najx mja'ayajnajxku̶xu̶py je̱'e̱ tzaachpyu̶ ayo'on je̱'e̱ mu̶dyiibu̶ u̶u̶ch nmu̶nax nyajnaxe̱e̱mbyu̶ñ, y mja'amu̶najx mja'ayajnajxku̶xu̶py je̱'e̱ o'ku̶ñ je̱'e̱ mu̶dyiibu̶ u̶u̶ch nmu̶nax nyajnaxe̱e̱mbyu̶ñ; 40peru̶ u̶u̶ch ka'p u̶u̶ch je̱'e̱ ane̱'e̱mu̶ñ nmu̶u̶du̶ch ko nmooygyu̶xu̶ch m'u̶ñaaygyu̶xu̶ch ma u̶u̶ch je̱'e̱ namu̶jku̶ñ; tu'ug a'oy'eemby y ja'adu'ug anajty'eemby, je̱' je̱'e̱ yajmo'owaamb ajku̶xy je̱'e̱ mu̶dyiibu̶ je̱'e̱ Dios Teedy du'un tu̶ nibu̶dagu̶'u̶yu̶ñ.
41Ko je̱'e̱ nimajkpu̶ discípulotu̶jk adaa du'un mu̶dooy ajku̶xy, chi je̱'e̱ Santiago y je̱'e̱ Juan mu̶jootma'ty ajku̶xy. 42Chi je̱'e̱ Jesús myu̶j'yaaxu̶ ajku̶xy, y ñu̶maayu̶ ajku̶xy:
—Du'un neby miich mnejwu̶u̶ygyu̶xyu̶ñ, jii je̱'e̱ naaxwiiñjya'ay windzu̶ndu̶jk mu̶dyiibu̶ mu̶j ku̶xp nayjyu̶wu̶u̶yu̶gu̶xpu̶ñ ko je̱'e̱ naax kajpt janch mu̶k ane̱'e̱mgu̶xy, y je̱'e̱ mu̶jtuungmu̶u̶dpu̶du̶jk ajku̶xy jakmu̶k je̱'e̱ ni'igyu̶ y'ane̱'e̱mgu̶xy ma je̱' ajku̶xyu̶ñ. 43Peru̶ ma miich ajku̶xyu̶ñ ka'p du'un mja'ay'ajtku̶xu̶ch. Je̱' je̱'e̱ tu̶y'ajtu̶ñ ko je̱'e̱ mu̶dyiibu̶ je̱'e̱ mu̶jtuung tzojkp ma miich ajku̶xyu̶ñ, wan je̱'e̱ myu̶gu'ugtu̶jk mu̶dúñ; 44y pu̶n tii nigu'ubajk'adaamb ma miich ajku̶xyu̶ñ, wan je̱'e̱ myu̶gu'ugtu̶jk mu̶dúñ neby je̱'e̱ tuumbu̶ ni'idoogypyu̶ju̶ñ. 45Je̱' ko ni u̶u̶ch, u̶u̶ch je̱' je̱'e̱ ja'ay mu̶dyiibu̶ tzon tzajpjooty ka'p u̶u̶ch ya naaxwiiñ tu̶ nmiñ ko u̶u̶ch je̱'e̱ ja'ay xypyube̱jtku̶xu̶ch, tu̶ nmíñu̶ch ya naaxwiiñ neby u̶u̶ch je̱'e̱ ja'ay nbubé̱du̶chu̶ñ y nyé̱gu̶chu̶ch je̱'e̱ njuugy'ajtu̶ñ ma je̱'e̱ o'ku̶ñ mu̶u̶d je̱'e̱ mayjya'ay gyu̶xpu̶ ajku̶xy, wan du'un y'awa'adzpu̶dzu̶u̶mgu̶xu̶ch.
Jesús je̱'e̱ Bartimeo yajwindu̶kxu̶'u̶gy mu̶dyiibu̶ najty wiindzu̶ñ
(Mt 20.29-34; Lc 18.35-43)
46Chi je̱'e̱ Jesús oy jya'tku̶xy jim Jericó. Y ko najty kyajptpu̶dzu̶u̶mgu̶xnu̶ mu̶u̶d je̱'e̱ discípulotu̶jk y mu̶u̶d je̱'e̱ mayjya'ay ajku̶xy, tu'uba'a najty wiindzja'ay tu'ug y'u̶ña'ay lyimoosnu̶ yujkwa'añ najty, mu̶dyiibu̶ xu̶u̶'ajtpu̶ñ Bartimeo, je̱'e̱ Timeo y'ung. 47Ko je̱'e̱ wiindzja'ay mu̶dooy ko je̱'e̱ Jesús Nazaretpu̶ najtyu̶ch, chi yaaxke̱e̱ktu̶gu̶u̶y:
—¡Jesús, David y'ok'ung y'ok'ana'k, u̶u̶ch pa'a''ayoog!
48Je̱'e̱ mayjya'ay y'ojku̶xypy najty je̱'e̱ wiindzja'ay ko wan amóñ, peru̶ je̱' ni'igyu̶ najty je̱'e̱ mu̶k jyak'yaaxke'egy:
—¡David y'ok'ung y'ok'ana'k, u̶u̶ch pa'a''ayoog!
49Mu̶'it je̱'e̱ Jesús tyu̶naayxyu̶jpy, y myu̶naañ:
—Mu̶j'yaaxku̶x:
Chi je̱'e̱ wiindzja'ay mu̶j'yaaxy ajku̶xy, cham nu̶maaygyu̶xy:
—Jootkugu̶'u̶, pu̶du̶'u̶g; je̱'e̱ Jesús jim xyaaxtzoob.
50Chi je̱'e̱ wiindzja'ay ñi'ibe̱'e̱n mu̶k'eemby najtzne̱bu̶u̶y, y chi tu'ktú̶py ñajtztu̶bu̶u̶y nimu̶jwa'ky je̱'e̱ Jesús. 51Chi je̱'e̱ Jesús yajtu̶u̶wu̶:
—¿Ti mdzojkypy ndúnu̶chu̶ch mu̶u̶d miich kyu̶xpu̶?
Chi je̱'e̱ wiindzja'ay y'adzooy:
—Windzú̶n, u̶u̶ch yajwiindu̶kxu̶'k.
52Chi je̱'e̱ Jesús ñu̶maayu̶:
—Mu̶baad mnu̶kxnu̶, tu̶ mdzo'ogy, je̱' ko u̶u̶ch tu̶ xymyu̶bu̶ky.
Je̱'e̱ timymyu̶'ityu̶ je̱'e̱ wiindzja'ay wyindu̶kxu̶'ky, y chi je̱'e̱ Jesús padu'ubu̶jky tu'ktu'u.
Valgt i Øjeblikket:
San Marcos 10: MIXE
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
San Marcos 10
10
Jesús yaj'u̶xpú̶ky ko je̱'e̱ ja'ay tyo'oxyu̶jk u̶xmach
(Mt 19.1-12; Lc 16.18)
1Chi je̱'e̱ Jesús jim Capernaum choñ y ñu̶kxy jim Judea naaxjooty jim Jordán mu̶jnu̶u̶'awiimb xu̶u̶bu̶dzu̶my'eemby. Jim je̱'e̱ mayjya'ay ja'adu'ook ñayyo'oymyujku̶ ajku̶xy, chi je̱'e̱ mayjya'ay jim ja'adu'ook yaj'u̶xpu̶jktu̶gu̶u̶y du'un neby najty kostumbre'atyu̶ñ. 2Chi je̱'e̱ fariseotu̶jk nije̱' nimu̶jwa'kku̶xy je̱'e̱ Jesús, y neby mu̶baad joot'ijxku̶xy winma'añ'ijxku̶xyu̶ñ, chi yajtu̶u̶y ajku̶xy pu̶nu̶ mu̶baad tu'ug ya'aydyu̶jk u̶xmach je̱'e̱ tyo'oxyu̶jk. 3Chi je̱'e̱ Jesús y'adzoowu̶ ajku̶xy:
—¿Neby je̱'e̱ Moisés xy'ane'emy ajku̶xy ma je̱'e̱ ñakyu̶ñ?
4Chi y'adzooy ajku̶xy:
—Du'un je̱'e̱ Moisés y'ane̱'e̱mu̶ñ yejky ko mu̶baad tu'ug ya'aydyu̶jk u̶xmach je̱'e̱ tyo'oxyu̶jk cham je̱'e̱ ñaky mo'oy tii gyu̶xpu̶ ko mu̶dnay'u̶xmachyiiju̶ñ.
5Mu̶'it je̱'e̱ Jesús ñu̶maayu̶ ajku̶xy:
—Xymyooygyu̶x je̱'e̱ Moisés adaa ane̱'e̱mu̶ñ du'un, je̱' ko je̱'e̱ mjoot mgu'ubajk miich jyanchxé̱xu̶ch ajku̶xy. 6Peru̶ ko je̱'e̱ Dios je̱'e̱ naaxwiimbu̶ aga'an yajkojy ya'aydyu̶jk y to'oxyu̶jk je̱'e̱ Dios yajkojy. 7Paady je̱'e̱ ya'aydyu̶jk je̱'e̱ tyaj tyeedy u̶xmádzu̶ch y pudu̶gu̶'u̶wu̶ch je̱'e̱ tyo'oxyu̶jk, 8y je̱'e̱ nime̱tzkpu̶ du'un naty je̱'e̱ ajku̶xyu̶ñ neby tu'ugpu̶ju̶ñ.’ Y ka'p naty du'un y'oknimé̱tzku̶chu̶ñ, tu'ug naty je̱'e̱ du'un je'eyu̶ju̶ñ. 9Y paady je̱'e̱ ja'ay ka'p mu̶baad yajnay'u̶xmachii je̱'e̱ mu̶dyiibu̶ je̱'e̱ Dios tu̶ wijtzmúkyu̶ñ.
10Ko najty tu̶ jya'tku̶xnu̶ ma je̱'e̱ tu̶jku̶ñ, chi je̱'e̱ dyiscípulotu̶jk ja'adu'ook yajtu̶u̶wu̶mbijtu̶ ajku̶xy je̱'e̱ mu̶dyiibu̶ najty tu̶ yaj'u̶xpú̶kyu̶ñ ma je̱'e̱ pu̶gyii winma'añdyu̶ñ. 11Chi je̱'e̱ Jesús ñu̶maayu̶ ajku̶xy:
—Je̱'e̱ ya'aydyu̶jk mu̶dyiibu̶ je̱'e̱ tyo'oxyu̶jk u̶xmajtzpu̶ñ y pyu̶jktu̶gách mu̶u̶d je̱'e̱ wiingpu̶ to'oxyu̶jk, je̱'e̱ tyo'oxyu̶jk naty je̱'e̱ du'un myu̶duundu̶gooby je̱'e̱ mu̶dyiibu̶ jayu̶jp pyu̶jku̶ñ; 12pu̶nu̶ je̱'e̱ to'oxyu̶jk je̱'e̱ ñiya'aydyu̶jk u̶xmajtzp y pyu̶jktu̶gách mu̶u̶d je̱'e̱ wiingpu̶ ya'aydyu̶jk, nan je̱'e̱ ñiya'aydyu̶jk naty je̱'e̱ du'un myu̶duundu̶gooby je̱'e̱ mu̶dyiibu̶ jayu̶jp pyu̶jku̶ñ.
Jesús pi'k'ana'ktu̶jk kunukxy
(Mt 19.13-15; Lc 18.15-17)
13Mu̶'it je̱'e̱ pi'k'ana'ktu̶jk nije̱' yajnú̶kxy ajku̶xy ma je̱'e̱ Jesúsu̶ñ ko wan ku̶'u̶ni'ixajy ajku̶xy, peru̶ chi je̱'e̱ discípulotu̶jk je̱'e̱ ja'ay tu̶gu̶'u̶y ojtu̶gu̶u̶ygyu̶xpu̶ mu̶dyiibu̶ je̱'e̱ pi'k'ana'ktu̶jk najty mu̶dmiingu̶xpu̶ñ. 14Jesús y'ijx je̱'e̱ du'un neby je̱'e̱ dyiscípulotu̶jk najty y'adu̶u̶tzku̶xyu̶ñ, chi jyootma'ty y ñu̶maayu̶ ajku̶xy:
—U̶xmajtzku̶x, wan u̶u̶ch yu̶'u̶ pi'k'ana'ktu̶jk xyñimiingu̶xy y ka'p m'agapxtujkku̶xy, je̱' ko je̱'e̱ ja'ay jiiby tu̶gu̶'u̶waangu̶xp ma je̱'e̱ Dios y'ane̱'e̱mu̶ñ je̱'e̱ mu̶dyiibu̶ du'un yajpaatku̶xpu̶ñ neby yu̶'u̶ pi'k'ana'ktu̶jk ajku̶xyu̶ñ. 15Janch tu̶y'ajtu̶ñ du'un nnu̶maaygyu̶xy ko pu̶n je̱'e̱ Dios y'ane̱'e̱mu̶ñ ka'p ku'ubu̶jku̶, du'un neby je̱'e̱ pi'k'ana'k tu'ug ku'ubú̶kyu̶ñ, ka'p je̱'e̱ du'umbu̶ ja'ay tyu̶gu̶'u̶wu̶ch ma je̱'e̱ Dios y'ane'emyu̶ñ.
16Chi je̱'e̱ Jesús je̱'e̱ pi'k'ana'ktu̶jk amu̶ne̱e̱nmujktaay ajku̶xy y kunukxy ajku̶xy; pu̶daaky je̱'e̱ kyu̶'u̶ ma je̱' ajku̶xyu̶ñ.
Tu'ug kumeeñjya'ay mu̶dmu̶dya'agy je̱'e̱ Jesús
(Mt 19.16-30; Lc 18.18-30)
17Ko najty je̱'e̱ Jesús jyaktu'uyo'oya'añ, chi je̱'e̱ ja'ay tu'ug janch poyu̶'u̶gyu̶ ñimiinu̶, chi ñayñajtzkojxtu̶na'awu̶u̶yu̶ ma je̱' wyinduuyu̶ñ y yajtu̶u̶wu̶:
—Miich oyjya'aybyu̶ Windzú̶n, ¿ti u̶u̶ch mu̶baad nduñ neby u̶u̶ch je̱'e̱ jugy'ajtu̶ñ nbaadu̶chu̶ñ je̱'e̱ mu̶dyiibu̶ ka'p nimu̶naaxu̶u̶ kyu̶xy tyu̶goyu̶ñ?
18Chi je̱'e̱ Jesús y'adzoowu̶:
—¿Ti u̶u̶ch ko oyjya'ay xytyijy? Ni pu̶n kya'a'oyjya'ayu̶ch, je'eyu̶ je̱'e̱ Dios tu'kpajk y'oyjya'ayu̶ch. 19Miich mnejwu̶u̶by je̱'e̱ Dios y'ane̱'e̱mu̶ñ: ‘Ka'p mja'ayyaj'o'ogu̶ch, ka'p je̱'e̱ wiingpu̶ to'oxyu̶jk mmu̶dtuundu̶góyu̶ch, ka'p mme̱e̱dzu̶ch, ka'p ni pu̶n mni'iwaambé̱du̶ch, y ka'p ni pu̶n mwin'u̶u̶nu̶ch; yajmu̶j'át je̱'e̱ mdaj mdeedy.’
20Chi je̱'e̱ kumeeñjya'ay je̱'e̱ Jesús nu̶maay:
—Windzú̶n, tu̶ u̶u̶ch adaa ku̶xyu̶ nguydyuunda'ay, y adaa u̶u̶ch tu̶ nmu̶mutzk'aty.
21Chi je̱'e̱ Jesús je̱'e̱ kumeeñjya'ay windu̶kxpejty mu̶u̶d je̱'e̱ tzojku̶ñ ju̶wu̶u̶yu̶ñ, y chi adzooy:
—Ja'adu'ug je'eyu̶ xyjyaktu̶goy'ajtu̶ mu̶dyiibu̶ ka'p mdúñu̶ju̶ñ. Nu̶kx, ku̶xyu̶ tokta'a tijaty mmu̶dajtypyu̶ñ y ni'imo'o je̱'e̱ ayoobu̶du̶jk ajku̶xy. Mu̶'it je̱'e̱ oy'ajtu̶ñ jiiby tzajpjooty mbaadu̶ch. Y ko du'un mdúnu̶ch, mu̶'íttu̶tz miinu̶ch ma u̶u̶chu̶ñ y xypyanú̶kxu̶chu̶ch.
22Chi je̱'e̱ kumeeñjya'ay tyajtu̶gu̶u̶y myaaydyu̶gu̶u̶y ko adaa du'un mu̶dooy, y ñu̶kxnu̶ taj may, je̱'e̱ ko mu̶jkumeeñ je̱'e̱ najty.
23Mu̶'it je̱'e̱ Jesús ju'uwu̶dítyu̶ y'ijxwu̶dijty, y nu̶maay je̱'e̱ dyiscípulotu̶jk ajku̶xy:
—¡Mu̶k jyanchtzípu̶ch tyu̶gu̶u̶ygyu̶xu̶ch je̱'e̱ kumeeñjya'aydyu̶jk ma je̱'e̱ Dios y'ane'emyu̶ñ!
24Je̱'e̱ discípulotu̶jk mu̶k adayaaba ayuuk yajnú̶kxy yajju̶wu̶u̶y ajku̶xy, peru̶ chi je̱'e̱ Jesús ja'adu'ook ñu̶maayu̶ ajku̶xy:
—Miich mu̶gu'uktu̶jk ajku̶xy, ¡mu̶k jyanchtzípu̶ch tyu̶gu̶u̶ygyu̶xu̶ch je̱'e̱ ja'ay#10.24 Nije̱' jaaybyu̶du̶jk myu̶naangu̶xy: mu̶dyiibu̶ je̱'e̱ kumeeñ'adu̶u̶ janch nijoot'ajtku̶xpu̶ñ. ma je̱'e̱ Dios y'ane'emyu̶ñ! 25Ni'igu̶ ka'p je̱'e̱ camello tu'ug tzip ñáxu̶ch ma je̱'e̱ xu'uñdy'u̶jx xyútu̶chu̶ñ, jak tzip tyu̶gu̶'u̶wu̶ch tu'ug je̱'e̱ kumeeñjya'ay ma je̱'e̱ Dios y'ane'emyu̶ñ.
26Ko du'un mu̶dooy ajku̶xy, chi ni'igyu̶ mu̶k yajnú̶kxy yajju̶wu̶u̶y ajku̶xy, y ñayyajtu̶u̶wu̶gu̶xy amíñ u̶xyu̶py:
—¿Y pu̶n je̱'e̱ y'aanu̶mu̶ da'a mu̶baad y'okni'idzo'ogy?
27Chi je̱'e̱ Jesús wyindu̶kxpe̱jttaayu̶ ajku̶xy y y'adzoowu̶ ajku̶xy:
—Mu̶u̶d je̱'e̱ naaxwiiñjya'ay tzip adayaaba, peru̶ mu̶u̶d je̱'e̱ Dios ka'p je̱'e̱ chípu̶ch, mu̶u̶d je̱' ka'p ni tii chípu̶ch.
28Mu̶'it je̱'e̱ Pedro je̱'e̱ Jesús nu̶maaydyu̶gu̶u̶y:
—U̶u̶ch tu̶ u̶u̶ch je̱'e̱ nbu̶da'agy ku̶xyu̶ n'u̶xyo'oydyaaygyu̶xy je̱'e̱ mu̶dyiibu̶ u̶u̶ch ijty nmu̶dajtku̶xypyu̶ñ, y miich nbanú̶kxku̶xypy.
29Chi je̱'e̱ Jesús y'adzoowu̶:
—Janch tu̶y'ajtu̶ñ du'un nnu̶maaygyu̶xy, ko wanpú̶nu̶ch pu̶n tu̶ ku'ugue̱e̱kku̶xyu̶ñ mu̶u̶d u̶u̶ch kyu̶xpu̶ y mu̶u̶d je̱'e̱ ayuuk tu̶y'ajt kyu̶xpu̶ mu̶dyiibu̶ je̱'e̱ aanu̶mu̶ ni'idzooku̶ñ ye̱jkpu̶ñ je̱'e̱ tyu̶jk ajku̶xy, o je̱'e̱ pyuya'ay ajku̶xy, o je̱'e̱ pyudo'oxy ajku̶xy, o je̱'e̱ tyaj tyeedy ajku̶xy,#10.29 Nije̱' wiingpu̶ versión myu̶na'añ: o je̱'e̱ tyo'oxyu̶jk ajku̶xy. o je̱'e̱ y'ung y'ana'k ajku̶xy, o je̱'e̱ ñaax ajku̶xy, 30pyaattu̶gajtzku̶xu̶py je̱'e̱ y'oy'ajtu̶ñ ni'igyu̶ ajku̶xy cham, ma adayaaba naaxwiiñu̶ñ mu̶go'px du'uñdyu̶ je̱'e̱ tyu̶jk ajku̶xy, je̱'e̱ pyuya'ay ajku̶xy, je̱'e̱ pyudo'oxy ajku̶xy, je̱'e̱ tyaj ajku̶xy, je̱'e̱ y'ung y'ana'k ajku̶xy y je̱'e̱ ñaax ajku̶xy, oy naty jya'ayyaj'u̶xwu̶dijt jya'ayyajpawu̶dijtku̶xpu̶; y ma je̱'e̱ tzu̶naay jugy'ajtu̶ñ je̱'e̱ mu̶dyiibu̶ miimb ku̶daakpu̶ñ, pyaatku̶xu̶py je̱'e̱ jyugy'ajtu̶ñ je̱'e̱ mu̶dyiibu̶ ka'p nimu̶naaxu̶u̶ kyu̶xy tyu̶goyu̶ñ. 31Peru̶ cham may je̱'e̱ ja'ay jii ajku̶xy je̱'e̱ mu̶dyiibu̶ jayu̶jp'ajtku̶xpu̶ñ, y je̱' u̶x'aam'ádu̶p ajku̶xy; y nan may je̱'e̱ ja'ay jii cham ajku̶xy je̱'e̱ mu̶dyiibu̶ u̶x'aam'ajtku̶xpu̶ñ, y je̱' jayu̶jp'ádu̶p ajku̶xy.
Jesús mu̶du̶gu̶u̶g'ook nigapxy ko y'o'oga'añ
(Mt 20.17-19; Lc 18.31-34)
32Jesús mu̶u̶d je̱'e̱ dyiscípulotu̶jk jim Jerusalén najty je̱'e̱ ñú̶kxku̶xy, jayu̶jp najty je̱'e̱ Jesús ñu̶kxy y u̶x'aam je̱'e̱ dyiscípulotu̶jk ajku̶xy. Je̱' mu̶k najty je̱'e̱ yajnú̶kx yajju̶wu̶u̶ygyu̶xy y je̱'e̱ mayjya'ay mu̶dyiibu̶ je̱'e̱ Jesús najty u̶x'aam panú̶kxku̶xpu̶ñ janch mu̶k najty je̱'e̱ chu̶gu̶u̶ygyu̶xy. Chi je̱'e̱ Jesús je̱'e̱ nimajmé̱tzkpu̶ dyiscípulotu̶jk ja'adu'ook abu̶ky woodzooñ, y yajmu̶dmu̶dyaaktu̶gu̶u̶y ajku̶xy du'un neby najty jyat y'abe̱da'añu̶ñ: 33“Du'un neby m'ijxku̶xy mnejwu̶u̶ygyu̶xyu̶ñ, cham jim Jerusalén nnú̶kxu̶m ajku̶xy, ma u̶u̶ch nyajku̶'u̶yé̱gu̶chu̶ñ ma je̱'e̱ teedy windzu̶ndu̶jk y ma je̱'e̱ Dios y'ane̱'e̱mu̶ñ windzu̶ndu̶jk ajku̶xyu̶ñ, y je̱'e̱ju̶ch xykyu̶'u̶yé̱gu̶p ajku̶xy ko u̶u̶ch wan xyaj'o'kku̶xy, u̶u̶ch je̱' je̱'e̱ ja'ay mu̶dyiibu̶ tzon tzajpjooty, y xykyu̶'u̶ye̱jkku̶xu̶bu̶ch ma je̱'e̱ ja'ay mu̶dyiibu̶ ka'p jyudíoja'ayu̶chu̶ñ ajku̶xy. 34Xyñixi'ig xyajxi'igu̶bu̶ch ajku̶xy, xywyindzuj xyjyu̶jptzuju̶bu̶ch ajku̶xy, xywyóbu̶bu̶ch xykyóxu̶bu̶ch ajku̶xy y xyaj'o'ogu̶bu̶ch ajku̶xy; peru̶ kudu̶gu̶u̶g xu̶u̶ u̶u̶ch ja'adu'ook njuugypyú̶gu̶ch.”
Santiago mu̶u̶d je̱'e̱ Juan may'ajt tu'ug yujkwaangu̶xy
(Mt 20.20-28)
35Chi je̱'e̱ Santiago y je̱'e̱ Juan, je̱'e̱ Zebedeo y'ung ajku̶xy, nimu̶jwa'kku̶xy je̱'e̱ Jesús y nu̶maay ajku̶xy:
—Windzú̶n, je̱'e̱ u̶u̶ch ndzojkku̶xypy ko je̱'e̱ may'ajt tu'ug mdúnu̶ch je̱'e̱ mu̶dyiibu̶ yam nyujkwa'anaanu̶byu̶ñ ajku̶xy.
36Chi je̱'e̱ Jesús yajtu̶u̶wu̶ ajku̶xy:
—¿Ti mdzojkku̶xypy ndúnu̶chu̶ch mu̶u̶d miich kyu̶xpu̶ ajku̶xy?
37Chi y'adzooy ajku̶xy:
—Tun je̱'e̱ may'ajt ko naty je̱'e̱ m'ane̱'e̱mu̶ñ oybyu̶ mbaady, xyaj'u̶ña'awu̶bu̶ch ajku̶xy ma je̱'e̱ mnamu̶jku̶ñ tu'ug a'oy'eemby y ja'adu'ug anajty'eemby.
38Chi je̱'e̱ Jesús y'adzoowu̶ ajku̶xy:
—Miich ajku̶xy ka'p mnejwu̶u̶ygyu̶xy tii myujkwaangu̶xypyu̶ñ. ¿Nej mmu̶najx myajnajxku̶xu̶py je̱'e̱ tzaachpyu̶ ayo'on je̱'e̱ mu̶dyiibu̶ u̶u̶ch nmu̶nax nyajnaxe̱e̱mbyu̶ñ, y mmu̶najx myajnajxku̶xu̶py je̱'e̱ o'ku̶ñ je̱'e̱ mu̶dyiibu̶ u̶u̶ch nmu̶nax nyajnaxe̱e̱mbyu̶ñ?
39Chi je̱' y'adzooy ajku̶xy:
—Nmu̶nax nyajnáxu̶byu̶ch du'un ajku̶xy.
Chi je̱'e̱ Jesús ñu̶maayu̶ ajku̶xy:
—Miich ajku̶xy mja'amu̶najx mja'ayajnajxku̶xu̶py je̱'e̱ tzaachpyu̶ ayo'on je̱'e̱ mu̶dyiibu̶ u̶u̶ch nmu̶nax nyajnaxe̱e̱mbyu̶ñ, y mja'amu̶najx mja'ayajnajxku̶xu̶py je̱'e̱ o'ku̶ñ je̱'e̱ mu̶dyiibu̶ u̶u̶ch nmu̶nax nyajnaxe̱e̱mbyu̶ñ; 40peru̶ u̶u̶ch ka'p u̶u̶ch je̱'e̱ ane̱'e̱mu̶ñ nmu̶u̶du̶ch ko nmooygyu̶xu̶ch m'u̶ñaaygyu̶xu̶ch ma u̶u̶ch je̱'e̱ namu̶jku̶ñ; tu'ug a'oy'eemby y ja'adu'ug anajty'eemby, je̱' je̱'e̱ yajmo'owaamb ajku̶xy je̱'e̱ mu̶dyiibu̶ je̱'e̱ Dios Teedy du'un tu̶ nibu̶dagu̶'u̶yu̶ñ.
41Ko je̱'e̱ nimajkpu̶ discípulotu̶jk adaa du'un mu̶dooy ajku̶xy, chi je̱'e̱ Santiago y je̱'e̱ Juan mu̶jootma'ty ajku̶xy. 42Chi je̱'e̱ Jesús myu̶j'yaaxu̶ ajku̶xy, y ñu̶maayu̶ ajku̶xy:
—Du'un neby miich mnejwu̶u̶ygyu̶xyu̶ñ, jii je̱'e̱ naaxwiiñjya'ay windzu̶ndu̶jk mu̶dyiibu̶ mu̶j ku̶xp nayjyu̶wu̶u̶yu̶gu̶xpu̶ñ ko je̱'e̱ naax kajpt janch mu̶k ane̱'e̱mgu̶xy, y je̱'e̱ mu̶jtuungmu̶u̶dpu̶du̶jk ajku̶xy jakmu̶k je̱'e̱ ni'igyu̶ y'ane̱'e̱mgu̶xy ma je̱' ajku̶xyu̶ñ. 43Peru̶ ma miich ajku̶xyu̶ñ ka'p du'un mja'ay'ajtku̶xu̶ch. Je̱' je̱'e̱ tu̶y'ajtu̶ñ ko je̱'e̱ mu̶dyiibu̶ je̱'e̱ mu̶jtuung tzojkp ma miich ajku̶xyu̶ñ, wan je̱'e̱ myu̶gu'ugtu̶jk mu̶dúñ; 44y pu̶n tii nigu'ubajk'adaamb ma miich ajku̶xyu̶ñ, wan je̱'e̱ myu̶gu'ugtu̶jk mu̶dúñ neby je̱'e̱ tuumbu̶ ni'idoogypyu̶ju̶ñ. 45Je̱' ko ni u̶u̶ch, u̶u̶ch je̱' je̱'e̱ ja'ay mu̶dyiibu̶ tzon tzajpjooty ka'p u̶u̶ch ya naaxwiiñ tu̶ nmiñ ko u̶u̶ch je̱'e̱ ja'ay xypyube̱jtku̶xu̶ch, tu̶ nmíñu̶ch ya naaxwiiñ neby u̶u̶ch je̱'e̱ ja'ay nbubé̱du̶chu̶ñ y nyé̱gu̶chu̶ch je̱'e̱ njuugy'ajtu̶ñ ma je̱'e̱ o'ku̶ñ mu̶u̶d je̱'e̱ mayjya'ay gyu̶xpu̶ ajku̶xy, wan du'un y'awa'adzpu̶dzu̶u̶mgu̶xu̶ch.
Jesús je̱'e̱ Bartimeo yajwindu̶kxu̶'u̶gy mu̶dyiibu̶ najty wiindzu̶ñ
(Mt 20.29-34; Lc 18.35-43)
46Chi je̱'e̱ Jesús oy jya'tku̶xy jim Jericó. Y ko najty kyajptpu̶dzu̶u̶mgu̶xnu̶ mu̶u̶d je̱'e̱ discípulotu̶jk y mu̶u̶d je̱'e̱ mayjya'ay ajku̶xy, tu'uba'a najty wiindzja'ay tu'ug y'u̶ña'ay lyimoosnu̶ yujkwa'añ najty, mu̶dyiibu̶ xu̶u̶'ajtpu̶ñ Bartimeo, je̱'e̱ Timeo y'ung. 47Ko je̱'e̱ wiindzja'ay mu̶dooy ko je̱'e̱ Jesús Nazaretpu̶ najtyu̶ch, chi yaaxke̱e̱ktu̶gu̶u̶y:
—¡Jesús, David y'ok'ung y'ok'ana'k, u̶u̶ch pa'a''ayoog!
48Je̱'e̱ mayjya'ay y'ojku̶xypy najty je̱'e̱ wiindzja'ay ko wan amóñ, peru̶ je̱' ni'igyu̶ najty je̱'e̱ mu̶k jyak'yaaxke'egy:
—¡David y'ok'ung y'ok'ana'k, u̶u̶ch pa'a''ayoog!
49Mu̶'it je̱'e̱ Jesús tyu̶naayxyu̶jpy, y myu̶naañ:
—Mu̶j'yaaxku̶x:
Chi je̱'e̱ wiindzja'ay mu̶j'yaaxy ajku̶xy, cham nu̶maaygyu̶xy:
—Jootkugu̶'u̶, pu̶du̶'u̶g; je̱'e̱ Jesús jim xyaaxtzoob.
50Chi je̱'e̱ wiindzja'ay ñi'ibe̱'e̱n mu̶k'eemby najtzne̱bu̶u̶y, y chi tu'ktú̶py ñajtztu̶bu̶u̶y nimu̶jwa'ky je̱'e̱ Jesús. 51Chi je̱'e̱ Jesús yajtu̶u̶wu̶:
—¿Ti mdzojkypy ndúnu̶chu̶ch mu̶u̶d miich kyu̶xpu̶?
Chi je̱'e̱ wiindzja'ay y'adzooy:
—Windzú̶n, u̶u̶ch yajwiindu̶kxu̶'k.
52Chi je̱'e̱ Jesús ñu̶maayu̶:
—Mu̶baad mnu̶kxnu̶, tu̶ mdzo'ogy, je̱' ko u̶u̶ch tu̶ xymyu̶bu̶ky.
Je̱'e̱ timymyu̶'ityu̶ je̱'e̱ wiindzja'ay wyindu̶kxu̶'ky, y chi je̱'e̱ Jesús padu'ubu̶jky tu'ktu'u.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005