San Marcos 3
3
Je̱'e̱ ja'ay mu̶dyiibu̶ kyu̶'u̶ najty tu̶'u̶dzu̶ñ
(Mt 12.9-14; Lc 6.6-11)
1Jesús ja'adu'ook tyu̶gu̶u̶y ma je̱'e̱ judío ja'ay ñaymyujktaakt ajku̶xyu̶ñ, y jiiby najty ja'ay tu'ug mu̶dyiibu̶ kyu̶'u̶ najty tu'k'adu'um tu̶'u̶dzu̶ñ. 2Y je̱'e̱ fariseotu̶jk y'u̶x'ijxypy pya'ijxku̶xypy najty je̱'e̱ Jesús pu̶nu̶ okja'ayyajtzo'ogaamb pokxyxyu̶u̶, y mu̶'it najty xu̶'u̶waangu̶xy. 3Chi je̱'e̱ Jesús nu̶maay je̱'e̱ ja'ay mu̶dyiibu̶ je̱'e̱ kyu̶'u̶ najty tu̶'u̶dzu̶ñ:
—Pu̶du̶'u̶g y naybyu̶da'agu̶u̶ jim mayjya'ay'agujk.
4Mu̶'it je̱'e̱ Jesús yajtu̶u̶y je̱'e̱ fariseotu̶jk ajku̶xy:
—¿Ti mu̶baad nduunu̶m pokxyxyu̶u̶, je̱'e̱ oybyu̶ o je̱'e̱ ju̶bu̶kpu̶? ¿Nyajtzooku̶mu̶py je̱'e̱ ja'ay o nyajku'udu̶gooyu̶yu̶py je̱'e̱ jyuugy'ajtu̶ñ?
Peru̶ je̱' ka'p je̱'e̱ ni tu'k'aa y'adzooy ajku̶xy. 5Mu̶'it je̱'e̱ Jesús windu̶kxpe̱jttaay adzip ama'ad y jootmaymyu̶u̶d je̱'e̱ ja'ay mu̶dyiibu̶ najty ju'uwu̶dítyu̶ tu̶naaygyu̶xpu̶ñ, je̱' ko mu̶k jyanchjyootjuuñu̶ch ajku̶xy, y chi je̱'e̱ pa'amja'ay nu̶maay:
—Xajtu̶w yu̶'u̶ mgu̶'u̶.
Chi je̱'e̱ pa'amja'ay kyu̶'u̶ xajtu̶u̶y, y mu̶'it je̱'e̱ kyu̶'u̶ chooky. 6Y ko je̱'e̱ fariseotu̶jk pyu̶dzu̶u̶mgu̶xy ma je̱'e̱ naymyujktaaktu̶ñ, chi mu̶k'eemby ñu̶kxy naymyujku̶ba ajku̶xy mu̶u̶d je̱'e̱ mu̶dyiibu̶ tu'ugyu̶ naybyu̶jku̶gu̶xpu̶ñ mu̶u̶d je̱'e̱ mu̶j'ane̱'e̱mbu̶ Herodes; winma'añ u̶xtaaygyu̶xy neby mu̶baad ok'yaj'o'kku̶xyu̶ñ je̱'e̱ Jesús.
Mayjya'ay ma je̱'e̱ mejypya'aju̶ñ
7Mu̶'it je̱'e̱ Jesús pyadzonu̶ janch nimay je̱'e̱ galilea ja'ay, ñu̶kxy mu̶u̶d je̱'e̱ dyiscípulotu̶jk ajku̶xy mejypya'a. 8Ko je̱'e̱ mu̶jwinma'añ nejwu̶u̶y ajku̶xy je̱'e̱ mu̶dyiibu̶ je̱'e̱ Jesús najty tyuumbyu̶ñ, chi nandu'un ñu̶kxy ajku̶xy mu̶dyiibu̶ tzóngu̶xpu̶ñ jim Judea, jim Jerusalén, jim Idumea, jim Jordán mu̶jnu̶u̶'awiimb xu̶u̶bu̶dzu̶my'eemby y mu̶dyiibu̶ tzóngu̶xpu̶ñ jim Tiro y jim Sidón naaxjooty. 9Paady je̱'e̱ Jesús ni'ane'emy ma je̱'e̱ dyiscípulotu̶jku̶ñ ñi'ixu̶u̶yu̶xu̶ch je̱'e̱ barcu̶ tu'ug ajku̶xy, ka'pu̶ je̱'e̱ mayjya'ay tyiju̶u̶ yogu̶u̶ju̶ch. 10Je̱' ko tu̶ najty je̱'e̱ ja'ay may yajtzo'ogy, paady je̱'e̱ pa'amja'aydyu̶jk nimay nimujkku̶xy je̱'e̱ Jesús; janch ni'idonaangu̶xy adzip.
11Y ko najty je̱'e̱ Jesús je̱'e̱ ja'ay ka'a'oybyu̶mu̶u̶dpu̶ y'ijxpaattu̶gu̶xyu̶, mu̶k'eemby najty je̱'e̱ ñayñajtzkojxtu̶na'awu̶u̶yu̶gu̶xy ma je̱' wyinduuyu̶ñ, cham mu̶k yaaxke̱e̱kku̶xy:
—Miich je̱' je̱'e̱ Dios y'Ung.
12Peru̶ je̱'e̱ Jesús mu̶kta'agy najty je̱'e̱ ka'a'óybyu̶ ane̱'e̱mgu̶xy ko ka'p mu̶baad ñigapxy ñimu̶dya'agyii ajku̶xy ma je̱'e̱ mayjya'ayu̶ñ pu̶n najty je̱'e̱ju̶ñ.
Jesús win'ixy je̱'e̱ nimajmé̱tzkpu̶ apóstolestu̶jk ajku̶xy
(Mt 10.1-4; Lc 6.12-16)
13Mu̶'it je̱'e̱ Jesús pya'ttu̶gu̶u̶y ma tu'ug koptu̶ñ, y mu̶jwooy je̱'e̱ dyiscípulotu̶jk ajku̶xy mu̶dyiibu̶ najty y'oy'ijxypyu̶ñ. Y ko najty tu̶ yo'oymyujktaaygyu̶xy, 14chi majmé̱tzk win'ijxy ma je̱' ajku̶xyu̶ñ je̱'e̱ mu̶dyiibu̶ jaymyu̶u̶d'adu̶u̶wu̶bu̶ñ y je̱'e̱ mu̶dyiibu̶ kye̱xe̱e̱mbyu̶ñ ayuuk kapxwa'kxpu̶. Chi xu̶u̶mooy apóstolestu̶jk. 15Y myooygyu̶x je̱'e̱ ane̱'e̱mu̶ñ neby je̱'e̱ ka'a'óybyu̶ mu̶baad u̶x'ojku̶xy ma je̱'e̱ ja'ay ajku̶xyu̶ñ#3.15 Nije̱' wiingpu̶ versión myu̶na'añ: y neby je̱'e̱ pa'amja'ay mu̶baad yajtzookku̶xyu̶ñ. 16Adaa je̱' je̱'e̱ nimajmé̱tzkpu̶ ajku̶xy mu̶dyiibu̶ wyin'ijxu̶ñ: Simón mu̶dyiibu̶ xyu̶u̶mooy Pedro; 17Santiago y mu̶u̶d je̱'e̱ pyuya'ay Juan, je̱'e̱ Zebedeo y'ung ajku̶xy, je̱'e̱ mu̶dyiibu̶ xyu̶u̶mooyu̶ñ ajku̶xy Boanerges, (je̱'e̱ mu̶dyiibu̶ wimbu̶dzu̶u̶mbu̶ñ, “ane̱e̱ y'ung”); 18Andrés, Felipe, Bartolomé, Mateo, Tomás y Santiago, je̱'e̱ Alfeo y'ung, Tadeo, Simón je̱'e̱ judío tzipja'ay, je̱'e̱ celote, 19y mu̶u̶d je̱'e̱ Judas Iscariote je̱'e̱ mu̶dyiibu̶ je̱'e̱ Jesús ku̶'u̶ye̱jk ma je̱'e̱ myu̶dzipu̶ñ.
Jesús ni'iwaambe̱jtku̶xy ko je̱'e̱ mu̶jku'u myu̶k'ajt mu̶dajtu̶yu̶
(Mt 12.22-32; Lc 11.14-23; 12.10)
20Mu̶'it je̱'e̱ Jesús tyu̶gu̶u̶y ma je̱'e̱ tu̶jk tu'ugu̶ñ, y chi je̱'e̱ mayjya'ay ja'adu'ook yo'oymyujkku̶xnu̶ba y ka'p je̱'e̱ kyayu̶u̶ y'u'ugu̶u̶ y'oyu̶u̶y ajku̶xy je̱' y mu̶u̶d je̱'e̱ dyiscípulotu̶jk. 21Ko je̱'e̱ Jesús jyuugy myu̶gu'ug ñejwu̶u̶yu̶ ajku̶xy, chi ñinu̶kxu̶ ajku̶xy yajnu̶kxaanu̶gu̶xy najty mach, myu̶naangu̶xy ko najty tu̶ lyooku̶ju̶'u̶y.
22Nandu'un je̱'e̱ Dios y'ane̱'e̱mu̶ñ windzu̶ndu̶jk mu̶dyiibu̶ najty jim Jerusalén tu̶ chóngu̶xy najty myu̶naangu̶xy: “Jesús mu̶jwinma'añ yu̶'u̶ tyuumby mu̶u̶d je̱'e̱ Beelzebú myu̶k'ajt, je̱'e̱ ka'a'óybyu̶ windzú̶n, paady je̱'e̱ ka'a'óybyu̶ u̶x'ojy.”
23Chi je̱'e̱ Jesús woomiiñ je̱'e̱ Moisés y'ane̱'e̱mu̶ñ windzu̶ndu̶jk ajku̶xy, y yajmu̶dmu̶dyaaky tu'ug ijxpe̱jtu̶ñ ajku̶xy, myu̶naañ: “¿Neby'eemby je̱'e̱ ka'a'óybyu̶ windzú̶n mu̶baad ku̶'u̶m ñay'u̶x'óju̶gu̶xy mu̶u̶d je̱'e̱ myu̶mu̶jku'u? 24Pu̶nu̶ je̱'e̱ naax kajpt naymyu̶dzibu̶u̶yu̶gu̶xp, ka'p je̱'e̱ ja'ay oy tu'ugmúky y'idaangu̶xy. 25Y nan pu̶nu̶ naymyu̶dzibu̶u̶yu̶gu̶xp je̱'e̱ ja'ay tu'kjuugy tu'kmu̶gu'ug, ka'p je̱'e̱ oy tu'ugmúky y'idaangu̶xy. 26Nan pu̶nu̶ je̱'e̱ mu̶jku'u naymyu̶dzibu̶u̶yu̶gu̶xp ku̶'u̶m ajku̶xy mu̶u̶d je̱'e̱ myu̶mu̶jku'u, ka'p je̱'e̱ oy tu'ugmúky y'idaangu̶xy. Adáju̶tz tu̶y tu̶y'ajtu̶ñ nayyajkú̶x nayyajku'udu̶goyu̶u̶wu̶p je̱'e̱ ajku̶xy.
27“Ka'p mu̶baad ni pu̶n tyu̶gu̶'u̶y ma tu'ug mu̶kja'ay tyu̶jku̶ñ y pu̶jku̶ch tijaty naty myu̶u̶du̶ñ, pu̶nu̶ ka'p jayu̶jp ku̶'u̶xóch tekyxyoch. Pu̶nu̶ tyuumby du'un, mu̶'íttu̶tz tu̶y mu̶mada'agu̶ch y pu̶jku̶yu̶ch tijaty naty myu̶u̶du̶ñ.
28“Janch tu̶y'ajtu̶ñ du'un nnu̶maaygyu̶xy ko je̱'e̱ Dios je̱'e̱ ja'ay pyoky ku̶xyu̶ winme̱kxaanu̶ y ku̶xyu̶ je̱'e̱ ju̶bu̶kpu̶ mu̶dyiibu̶ kyapxypy myu̶dyaakku̶xypyu̶ñ: 29peru̶ je̱'e̱ mu̶dyiibu̶ je̱'e̱ y'Espíritu Santo mu̶gapxtu̶gooygyu̶xpu̶ñ, nimu̶naaxu̶u̶ je̱'e̱ ka'apokywyinmé̱kxu̶ch, wiinu̶u̶xu̶u̶ je̱'e̱ pokymyu̶u̶d y'ídu̶ch.”
30Paady je̱'e̱ Jesús du'un myu̶naañ, je̱' ko je̱'e̱ ja'ay najty du'un jyanchmu̶naangu̶xy ko je̱'e̱ Jesús je̱'e̱ ka'a'óybyu̶ mu̶u̶du̶ch.
Jesús tyaj, y je̱'e̱ myu̶gue̱'e̱xk ajku̶xy
(Mt 12.46-50; Lc 8.19-21)
31Mu̶'it je̱'e̱ Jesús tyaj y je̱'e̱ myu̶gue̱'e̱xk oy jya'tku̶xy ma najty je̱' yajpaadyu̶ñ, chi tu̶ba'ay wyu̶'u̶mu̶u̶ygyu̶xy y kapxyñigue̱jxku̶xy. 32Je̱'e̱ mayjya'ay mu̶dyiibu̶ najty ju'uwu̶dítyu̶ u̶ñaaygyu̶xpu̶ñ ma je̱'e̱ Jesúsu̶ñ, je̱' nu̶maayu̶ ajku̶xy:
—Cheeby je̱'e̱ mdaj y je̱'e̱ mbuya'ay y je̱'e̱ mbudo'oxy ajku̶xy tu̶ba'ay, miich je̱'e̱ xy'u̶xtaaygyu̶xp.
33Chi je̱'e̱ Jesús y'adzoowu̶ ajku̶xy:
—¿Pu̶n du'un mdijpy ajku̶xy ko u̶u̶ch ndaj'adyii y ko u̶u̶ch nmu̶gue̱'e̱xk'adyii ajku̶xy?
34Mu̶'it je̱'e̱ ja'ay windu̶kxpe̱jttaay je̱'e̱ mu̶dyiibu̶ najty ju'uwu̶dítyu̶ u̶ñaaygyu̶xpu̶ñ ma je̱'e̱ju̶ñ, y myu̶naañ:
—Adayaaba ja'ay u̶u̶ch ndaj'ajtypy ajku̶xy y nmu̶gue̱'e̱xk'ajtypy ajku̶xy. 35Wanpú̶nu̶ch pu̶n je̱'e̱ Dios chojku̶ñ kuydyuumbu̶ñ; je̱' u̶u̶ch nbuya'ay'ajtypy, nbudo'oxy'ajtypy y ndaj'ajtypy.
Valgt i Øjeblikket:
San Marcos 3: MIXE
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
San Marcos 3
3
Je̱'e̱ ja'ay mu̶dyiibu̶ kyu̶'u̶ najty tu̶'u̶dzu̶ñ
(Mt 12.9-14; Lc 6.6-11)
1Jesús ja'adu'ook tyu̶gu̶u̶y ma je̱'e̱ judío ja'ay ñaymyujktaakt ajku̶xyu̶ñ, y jiiby najty ja'ay tu'ug mu̶dyiibu̶ kyu̶'u̶ najty tu'k'adu'um tu̶'u̶dzu̶ñ. 2Y je̱'e̱ fariseotu̶jk y'u̶x'ijxypy pya'ijxku̶xypy najty je̱'e̱ Jesús pu̶nu̶ okja'ayyajtzo'ogaamb pokxyxyu̶u̶, y mu̶'it najty xu̶'u̶waangu̶xy. 3Chi je̱'e̱ Jesús nu̶maay je̱'e̱ ja'ay mu̶dyiibu̶ je̱'e̱ kyu̶'u̶ najty tu̶'u̶dzu̶ñ:
—Pu̶du̶'u̶g y naybyu̶da'agu̶u̶ jim mayjya'ay'agujk.
4Mu̶'it je̱'e̱ Jesús yajtu̶u̶y je̱'e̱ fariseotu̶jk ajku̶xy:
—¿Ti mu̶baad nduunu̶m pokxyxyu̶u̶, je̱'e̱ oybyu̶ o je̱'e̱ ju̶bu̶kpu̶? ¿Nyajtzooku̶mu̶py je̱'e̱ ja'ay o nyajku'udu̶gooyu̶yu̶py je̱'e̱ jyuugy'ajtu̶ñ?
Peru̶ je̱' ka'p je̱'e̱ ni tu'k'aa y'adzooy ajku̶xy. 5Mu̶'it je̱'e̱ Jesús windu̶kxpe̱jttaay adzip ama'ad y jootmaymyu̶u̶d je̱'e̱ ja'ay mu̶dyiibu̶ najty ju'uwu̶dítyu̶ tu̶naaygyu̶xpu̶ñ, je̱' ko mu̶k jyanchjyootjuuñu̶ch ajku̶xy, y chi je̱'e̱ pa'amja'ay nu̶maay:
—Xajtu̶w yu̶'u̶ mgu̶'u̶.
Chi je̱'e̱ pa'amja'ay kyu̶'u̶ xajtu̶u̶y, y mu̶'it je̱'e̱ kyu̶'u̶ chooky. 6Y ko je̱'e̱ fariseotu̶jk pyu̶dzu̶u̶mgu̶xy ma je̱'e̱ naymyujktaaktu̶ñ, chi mu̶k'eemby ñu̶kxy naymyujku̶ba ajku̶xy mu̶u̶d je̱'e̱ mu̶dyiibu̶ tu'ugyu̶ naybyu̶jku̶gu̶xpu̶ñ mu̶u̶d je̱'e̱ mu̶j'ane̱'e̱mbu̶ Herodes; winma'añ u̶xtaaygyu̶xy neby mu̶baad ok'yaj'o'kku̶xyu̶ñ je̱'e̱ Jesús.
Mayjya'ay ma je̱'e̱ mejypya'aju̶ñ
7Mu̶'it je̱'e̱ Jesús pyadzonu̶ janch nimay je̱'e̱ galilea ja'ay, ñu̶kxy mu̶u̶d je̱'e̱ dyiscípulotu̶jk ajku̶xy mejypya'a. 8Ko je̱'e̱ mu̶jwinma'añ nejwu̶u̶y ajku̶xy je̱'e̱ mu̶dyiibu̶ je̱'e̱ Jesús najty tyuumbyu̶ñ, chi nandu'un ñu̶kxy ajku̶xy mu̶dyiibu̶ tzóngu̶xpu̶ñ jim Judea, jim Jerusalén, jim Idumea, jim Jordán mu̶jnu̶u̶'awiimb xu̶u̶bu̶dzu̶my'eemby y mu̶dyiibu̶ tzóngu̶xpu̶ñ jim Tiro y jim Sidón naaxjooty. 9Paady je̱'e̱ Jesús ni'ane'emy ma je̱'e̱ dyiscípulotu̶jku̶ñ ñi'ixu̶u̶yu̶xu̶ch je̱'e̱ barcu̶ tu'ug ajku̶xy, ka'pu̶ je̱'e̱ mayjya'ay tyiju̶u̶ yogu̶u̶ju̶ch. 10Je̱' ko tu̶ najty je̱'e̱ ja'ay may yajtzo'ogy, paady je̱'e̱ pa'amja'aydyu̶jk nimay nimujkku̶xy je̱'e̱ Jesús; janch ni'idonaangu̶xy adzip.
11Y ko najty je̱'e̱ Jesús je̱'e̱ ja'ay ka'a'oybyu̶mu̶u̶dpu̶ y'ijxpaattu̶gu̶xyu̶, mu̶k'eemby najty je̱'e̱ ñayñajtzkojxtu̶na'awu̶u̶yu̶gu̶xy ma je̱' wyinduuyu̶ñ, cham mu̶k yaaxke̱e̱kku̶xy:
—Miich je̱' je̱'e̱ Dios y'Ung.
12Peru̶ je̱'e̱ Jesús mu̶kta'agy najty je̱'e̱ ka'a'óybyu̶ ane̱'e̱mgu̶xy ko ka'p mu̶baad ñigapxy ñimu̶dya'agyii ajku̶xy ma je̱'e̱ mayjya'ayu̶ñ pu̶n najty je̱'e̱ju̶ñ.
Jesús win'ixy je̱'e̱ nimajmé̱tzkpu̶ apóstolestu̶jk ajku̶xy
(Mt 10.1-4; Lc 6.12-16)
13Mu̶'it je̱'e̱ Jesús pya'ttu̶gu̶u̶y ma tu'ug koptu̶ñ, y mu̶jwooy je̱'e̱ dyiscípulotu̶jk ajku̶xy mu̶dyiibu̶ najty y'oy'ijxypyu̶ñ. Y ko najty tu̶ yo'oymyujktaaygyu̶xy, 14chi majmé̱tzk win'ijxy ma je̱' ajku̶xyu̶ñ je̱'e̱ mu̶dyiibu̶ jaymyu̶u̶d'adu̶u̶wu̶bu̶ñ y je̱'e̱ mu̶dyiibu̶ kye̱xe̱e̱mbyu̶ñ ayuuk kapxwa'kxpu̶. Chi xu̶u̶mooy apóstolestu̶jk. 15Y myooygyu̶x je̱'e̱ ane̱'e̱mu̶ñ neby je̱'e̱ ka'a'óybyu̶ mu̶baad u̶x'ojku̶xy ma je̱'e̱ ja'ay ajku̶xyu̶ñ#3.15 Nije̱' wiingpu̶ versión myu̶na'añ: y neby je̱'e̱ pa'amja'ay mu̶baad yajtzookku̶xyu̶ñ. 16Adaa je̱' je̱'e̱ nimajmé̱tzkpu̶ ajku̶xy mu̶dyiibu̶ wyin'ijxu̶ñ: Simón mu̶dyiibu̶ xyu̶u̶mooy Pedro; 17Santiago y mu̶u̶d je̱'e̱ pyuya'ay Juan, je̱'e̱ Zebedeo y'ung ajku̶xy, je̱'e̱ mu̶dyiibu̶ xyu̶u̶mooyu̶ñ ajku̶xy Boanerges, (je̱'e̱ mu̶dyiibu̶ wimbu̶dzu̶u̶mbu̶ñ, “ane̱e̱ y'ung”); 18Andrés, Felipe, Bartolomé, Mateo, Tomás y Santiago, je̱'e̱ Alfeo y'ung, Tadeo, Simón je̱'e̱ judío tzipja'ay, je̱'e̱ celote, 19y mu̶u̶d je̱'e̱ Judas Iscariote je̱'e̱ mu̶dyiibu̶ je̱'e̱ Jesús ku̶'u̶ye̱jk ma je̱'e̱ myu̶dzipu̶ñ.
Jesús ni'iwaambe̱jtku̶xy ko je̱'e̱ mu̶jku'u myu̶k'ajt mu̶dajtu̶yu̶
(Mt 12.22-32; Lc 11.14-23; 12.10)
20Mu̶'it je̱'e̱ Jesús tyu̶gu̶u̶y ma je̱'e̱ tu̶jk tu'ugu̶ñ, y chi je̱'e̱ mayjya'ay ja'adu'ook yo'oymyujkku̶xnu̶ba y ka'p je̱'e̱ kyayu̶u̶ y'u'ugu̶u̶ y'oyu̶u̶y ajku̶xy je̱' y mu̶u̶d je̱'e̱ dyiscípulotu̶jk. 21Ko je̱'e̱ Jesús jyuugy myu̶gu'ug ñejwu̶u̶yu̶ ajku̶xy, chi ñinu̶kxu̶ ajku̶xy yajnu̶kxaanu̶gu̶xy najty mach, myu̶naangu̶xy ko najty tu̶ lyooku̶ju̶'u̶y.
22Nandu'un je̱'e̱ Dios y'ane̱'e̱mu̶ñ windzu̶ndu̶jk mu̶dyiibu̶ najty jim Jerusalén tu̶ chóngu̶xy najty myu̶naangu̶xy: “Jesús mu̶jwinma'añ yu̶'u̶ tyuumby mu̶u̶d je̱'e̱ Beelzebú myu̶k'ajt, je̱'e̱ ka'a'óybyu̶ windzú̶n, paady je̱'e̱ ka'a'óybyu̶ u̶x'ojy.”
23Chi je̱'e̱ Jesús woomiiñ je̱'e̱ Moisés y'ane̱'e̱mu̶ñ windzu̶ndu̶jk ajku̶xy, y yajmu̶dmu̶dyaaky tu'ug ijxpe̱jtu̶ñ ajku̶xy, myu̶naañ: “¿Neby'eemby je̱'e̱ ka'a'óybyu̶ windzú̶n mu̶baad ku̶'u̶m ñay'u̶x'óju̶gu̶xy mu̶u̶d je̱'e̱ myu̶mu̶jku'u? 24Pu̶nu̶ je̱'e̱ naax kajpt naymyu̶dzibu̶u̶yu̶gu̶xp, ka'p je̱'e̱ ja'ay oy tu'ugmúky y'idaangu̶xy. 25Y nan pu̶nu̶ naymyu̶dzibu̶u̶yu̶gu̶xp je̱'e̱ ja'ay tu'kjuugy tu'kmu̶gu'ug, ka'p je̱'e̱ oy tu'ugmúky y'idaangu̶xy. 26Nan pu̶nu̶ je̱'e̱ mu̶jku'u naymyu̶dzibu̶u̶yu̶gu̶xp ku̶'u̶m ajku̶xy mu̶u̶d je̱'e̱ myu̶mu̶jku'u, ka'p je̱'e̱ oy tu'ugmúky y'idaangu̶xy. Adáju̶tz tu̶y tu̶y'ajtu̶ñ nayyajkú̶x nayyajku'udu̶goyu̶u̶wu̶p je̱'e̱ ajku̶xy.
27“Ka'p mu̶baad ni pu̶n tyu̶gu̶'u̶y ma tu'ug mu̶kja'ay tyu̶jku̶ñ y pu̶jku̶ch tijaty naty myu̶u̶du̶ñ, pu̶nu̶ ka'p jayu̶jp ku̶'u̶xóch tekyxyoch. Pu̶nu̶ tyuumby du'un, mu̶'íttu̶tz tu̶y mu̶mada'agu̶ch y pu̶jku̶yu̶ch tijaty naty myu̶u̶du̶ñ.
28“Janch tu̶y'ajtu̶ñ du'un nnu̶maaygyu̶xy ko je̱'e̱ Dios je̱'e̱ ja'ay pyoky ku̶xyu̶ winme̱kxaanu̶ y ku̶xyu̶ je̱'e̱ ju̶bu̶kpu̶ mu̶dyiibu̶ kyapxypy myu̶dyaakku̶xypyu̶ñ: 29peru̶ je̱'e̱ mu̶dyiibu̶ je̱'e̱ y'Espíritu Santo mu̶gapxtu̶gooygyu̶xpu̶ñ, nimu̶naaxu̶u̶ je̱'e̱ ka'apokywyinmé̱kxu̶ch, wiinu̶u̶xu̶u̶ je̱'e̱ pokymyu̶u̶d y'ídu̶ch.”
30Paady je̱'e̱ Jesús du'un myu̶naañ, je̱' ko je̱'e̱ ja'ay najty du'un jyanchmu̶naangu̶xy ko je̱'e̱ Jesús je̱'e̱ ka'a'óybyu̶ mu̶u̶du̶ch.
Jesús tyaj, y je̱'e̱ myu̶gue̱'e̱xk ajku̶xy
(Mt 12.46-50; Lc 8.19-21)
31Mu̶'it je̱'e̱ Jesús tyaj y je̱'e̱ myu̶gue̱'e̱xk oy jya'tku̶xy ma najty je̱' yajpaadyu̶ñ, chi tu̶ba'ay wyu̶'u̶mu̶u̶ygyu̶xy y kapxyñigue̱jxku̶xy. 32Je̱'e̱ mayjya'ay mu̶dyiibu̶ najty ju'uwu̶dítyu̶ u̶ñaaygyu̶xpu̶ñ ma je̱'e̱ Jesúsu̶ñ, je̱' nu̶maayu̶ ajku̶xy:
—Cheeby je̱'e̱ mdaj y je̱'e̱ mbuya'ay y je̱'e̱ mbudo'oxy ajku̶xy tu̶ba'ay, miich je̱'e̱ xy'u̶xtaaygyu̶xp.
33Chi je̱'e̱ Jesús y'adzoowu̶ ajku̶xy:
—¿Pu̶n du'un mdijpy ajku̶xy ko u̶u̶ch ndaj'adyii y ko u̶u̶ch nmu̶gue̱'e̱xk'adyii ajku̶xy?
34Mu̶'it je̱'e̱ ja'ay windu̶kxpe̱jttaay je̱'e̱ mu̶dyiibu̶ najty ju'uwu̶dítyu̶ u̶ñaaygyu̶xpu̶ñ ma je̱'e̱ju̶ñ, y myu̶naañ:
—Adayaaba ja'ay u̶u̶ch ndaj'ajtypy ajku̶xy y nmu̶gue̱'e̱xk'ajtypy ajku̶xy. 35Wanpú̶nu̶ch pu̶n je̱'e̱ Dios chojku̶ñ kuydyuumbu̶ñ; je̱' u̶u̶ch nbuya'ay'ajtypy, nbudo'oxy'ajtypy y ndaj'ajtypy.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005