Juan 13
13
Jesús rgiibe ni'a'ke bënni useed kie'
1Zia'a gdxin lni ki Pascua len Jesús guk'be'i'de ki chi bdxin dza rala jka'ane yëdz'lyu ni naar tzajdzaage Xuuze. Len Le' bdxi'i'tikz'de bënni'a da'ke Le' lu yëdz'lyu ni, ni guti'de bdxi'i'de leke.
2-4Bënni xëwi chik'z glu'e ikj'laadxi'dau'e Judas bënni xi'ine Simón Iscariote gdëëde Jesús lu naa'ke bunach. Nëëz'de Jesús ki Dios nusë'le'e Le', ati rala wëëje len Dios, len Xuuz'ru nunëëdzje kie' gdu yëla rnabe'; lena'a tzal ta'we xhtzë', gyase, gdue' laari'a nuxue' kuudze'e ati beege'e lsiine'e tu laari tzala'a. 5Chi nak ka gde'e nis lu xhiiga na' gdiibe ni'a'ke bënni useed kie' len buspiidx'de len laari tzala'a nuuge'e lsiine'e.
6Kati gula kiibe ni'e Simón Pedro, bënni ni gne'
—Xan ¿Naru Li' kiibu nia'a?
7Jesús bubi'e kie' diidza.
—Na'a ti rajni'i'du bixha ruuna, utzajni'i'du na' chi gdëëd.
8Pedro gudxe Le':
—¡Ti gi'en'kzda kiibu nia'a!
Jesús bubi'e diidza:
—Xhki ti kiiba ni'u, ti gunn gaki'du kia'.
9Simón Pedro gudxe Le':
—¡Xan, xhki ka nak, keg ni'a'za kiibu, gdiib lekz'ka' na'a len ikja!
10Ati Jesús bubi'e kie' diidza:
—Bënni zia'a buudx guuzje tuuz ni'e nayaadzji kiibe; koma chi nu'ueake dxia'a, ati lbi'ili chi nak'li dxia'a, san la'li' ti nak'li dxia'a.
11Gne': «Keg yugute'li nak'li dxia'a», koma nëëz'de nuxha' rala gdëëd Le' lu naa'ke bunach.
12Buudx gdiibe ni'a'ke, Jesús buxue' laari kuudze'e len bubë'e ga ta'we ati gudxe leke:
—¿Ba rajni'i'li bixha beena kieeli? 13Lbi'ili re'li neda Bënni useed len Xan, len bliili ka' nak, koma leel naka lea rnaali'a. 14Len xhki neda Bënni useed len Xan chi gdiiba ni'a'li lekz'ka' lbi'ili rala kiib'li ni'a' lza'a'li. 15Neda chi blui'da lbi'ili ka rala gun'li naar lekz'ka' lbi'ili gun'li larakz lea chi beena kieeli. 16Le nak'te rea' lbi'ili ki gat'ga zue' bënni useed nak're xhën ka bënni pseed'de le', len nutunu gbaaz nak're xhën ka bënni nusë'le'e le'. 17Bixhgaba'li xhki rajni'i'li le ni len run'li ka rna.
18»Keg ki yugute'li rui'a diidza; nëëz'da nuxha' grëa'. San rala gak ka nayoj lu Diidza La'ay: “Bënni'a raagu'leene neda, rudabaage'e neda” 19Rgixhji'ti'da lbi'ili na'a le ni naar kati lakgak, lbi'ili tzajle'li ki Neda naka Le' Cristo. 20Le nak'te rea' lbi'ili ki bënni rzi'e bënni'a nusë'la'ne, neda rzi'e; len bënni rzi'e neda rzi'e nu nusë'la neda.»
Jesús rgixhjë'e ki Judas udëëde Le' lu naa'ke bunach
(Mt 26:20-25; Mr 14:17-21; Lc 22:21-23)
21Gdëëd gne' le ni, Jesús bui'i'ni'tzki'de, ati gne':
—Le nak'te rea' lbi'ili ki tuuli lbi'ili udëëd'li neda lu naa'ke bunach.
22Bënni useed kie' gulazulau'e tuyu lza'a'ke, ati ti nëëzi'kde nuxh ki'a rui'e diidza. 23Tue' kieke bënni useed kie', bënni'a Jesús nadxi'i'tzki'de, rë'e kuiti'le'e tzal ta'we xhtzë' 24ati Simón Pedro ben ni'a'ne'e naar gnaab'de Le' nuxh ki'a rui'e diidza. 25Le' gbiige'e ye lati ga rë'e Jesús na' bnaab'de Le':
—Xan, ¿Nuxha'a?
26Jesús bubi'e diidza:
—Bënni'a gnëëdzja kie' tzarua'a yët'xhtiil le guspisa, bënni na'a.
Buspis'tie' tzarua'a yët'xhtiil len bnëëdzje kie' Judas bënni xi'ine Simón Iscariote. 27Ka buudx gxhi'e yët'xhtiil'a Judas, bënni xëwi gne'e lu laadxi'dau'e. Ati Jesús gudxe le':
Ben'te le rala guunu.
28San keg tue' kieke bënni'a ta'we xhtzë'a gulayajni'i'de bixhkia' gudxe ka' le'. 29Ati koma Judas nak lu ne'e yëxhj dumi, la'ke glaki'de ki Jesús gudxe le' bi ga'awe ki lni'a u gnëëdzje lati kieke bënni yechi.
30Ka buudx gda'we yët'xhtiil'a Judas brooje. Len chi na'chul.
Xhba kub kie' Dios
31Buudx brooje Judas, Jesús gne':
—Na'a glui' lau'i yëla xhën kie' Xi'ine Bënni, len yëla xhën kie' Dios glui' lau'i len Le'. 32Len xhki Xi'ine Bënni glui'e yëla xhën kie' Dios, lekz'ka' Dios ului'e yëla xhën kie' Xi'ine; len chi zua'te glui'e ley. 33Xi'ina'du, neda tir zua' xhtzei len lbi'ili. Ugiilj'li neda san ka guudx'ka'ne bënni Judea rea' lbi'ili na'a: Ti gunn sa'li ga neda ziija. 34Xhba kub kie' Dios runna kieeli: Gdxi'i lza'a'li. Ka nadxi'i'da lbi'ili neda, ka' rala gdxi'i lza'a'li. 35Xhki gdxi'i lza'a'li, yugute' bunach yëdz'lyu ulak'be'i'de ki nak'li bënni useed kia'.
Jesús rgixhjë'e ki Pedro ti si'lu'ne'e ki numbe'e Jesús
(Mt 26:31-35; Mr 14:27-31; Lc 22:31-34)
36Simón Pedro bnaab'de Jesús:
—Xan, ¿Gaxh tziiju?
—Jesús bubi'e diidza —Ga neda tziija ti gunn sa'leenu neda na'a; san na' tëëd ni gunn sa'leenu neda.
37Pedro gudxe Le':
—Xan, ¿Bixhkia' ti gunn sa'leena Li' na'a? ¡Zua' si'na gdëëda yëla naban kia' nia'a kiu'!
38Jesús bubi'e diidza:
—¿Blikz'du zu' si'na gdëëdu yëla naban kiu' nia'a kia'? Le nak'te rea' li' ki kati zia'a këëdx'ba xi'in'druuz, tson lzu ti si'luno'u ki numbe'u neda.
Valgt i Øjeblikket:
Juan 13: PZD
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Sociedad Biblica de México AC
Juan 13
13
Jesús rgiibe ni'a'ke bënni useed kie'
1Zia'a gdxin lni ki Pascua len Jesús guk'be'i'de ki chi bdxin dza rala jka'ane yëdz'lyu ni naar tzajdzaage Xuuze. Len Le' bdxi'i'tikz'de bënni'a da'ke Le' lu yëdz'lyu ni, ni guti'de bdxi'i'de leke.
2-4Bënni xëwi chik'z glu'e ikj'laadxi'dau'e Judas bënni xi'ine Simón Iscariote gdëëde Jesús lu naa'ke bunach. Nëëz'de Jesús ki Dios nusë'le'e Le', ati rala wëëje len Dios, len Xuuz'ru nunëëdzje kie' gdu yëla rnabe'; lena'a tzal ta'we xhtzë', gyase, gdue' laari'a nuxue' kuudze'e ati beege'e lsiine'e tu laari tzala'a. 5Chi nak ka gde'e nis lu xhiiga na' gdiibe ni'a'ke bënni useed kie' len buspiidx'de len laari tzala'a nuuge'e lsiine'e.
6Kati gula kiibe ni'e Simón Pedro, bënni ni gne'
—Xan ¿Naru Li' kiibu nia'a?
7Jesús bubi'e kie' diidza.
—Na'a ti rajni'i'du bixha ruuna, utzajni'i'du na' chi gdëëd.
8Pedro gudxe Le':
—¡Ti gi'en'kzda kiibu nia'a!
Jesús bubi'e diidza:
—Xhki ti kiiba ni'u, ti gunn gaki'du kia'.
9Simón Pedro gudxe Le':
—¡Xan, xhki ka nak, keg ni'a'za kiibu, gdiib lekz'ka' na'a len ikja!
10Ati Jesús bubi'e kie' diidza:
—Bënni zia'a buudx guuzje tuuz ni'e nayaadzji kiibe; koma chi nu'ueake dxia'a, ati lbi'ili chi nak'li dxia'a, san la'li' ti nak'li dxia'a.
11Gne': «Keg yugute'li nak'li dxia'a», koma nëëz'de nuxha' rala gdëëd Le' lu naa'ke bunach.
12Buudx gdiibe ni'a'ke, Jesús buxue' laari kuudze'e len bubë'e ga ta'we ati gudxe leke:
—¿Ba rajni'i'li bixha beena kieeli? 13Lbi'ili re'li neda Bënni useed len Xan, len bliili ka' nak, koma leel naka lea rnaali'a. 14Len xhki neda Bënni useed len Xan chi gdiiba ni'a'li lekz'ka' lbi'ili rala kiib'li ni'a' lza'a'li. 15Neda chi blui'da lbi'ili ka rala gun'li naar lekz'ka' lbi'ili gun'li larakz lea chi beena kieeli. 16Le nak'te rea' lbi'ili ki gat'ga zue' bënni useed nak're xhën ka bënni pseed'de le', len nutunu gbaaz nak're xhën ka bënni nusë'le'e le'. 17Bixhgaba'li xhki rajni'i'li le ni len run'li ka rna.
18»Keg ki yugute'li rui'a diidza; nëëz'da nuxha' grëa'. San rala gak ka nayoj lu Diidza La'ay: “Bënni'a raagu'leene neda, rudabaage'e neda” 19Rgixhji'ti'da lbi'ili na'a le ni naar kati lakgak, lbi'ili tzajle'li ki Neda naka Le' Cristo. 20Le nak'te rea' lbi'ili ki bënni rzi'e bënni'a nusë'la'ne, neda rzi'e; len bënni rzi'e neda rzi'e nu nusë'la neda.»
Jesús rgixhjë'e ki Judas udëëde Le' lu naa'ke bunach
(Mt 26:20-25; Mr 14:17-21; Lc 22:21-23)
21Gdëëd gne' le ni, Jesús bui'i'ni'tzki'de, ati gne':
—Le nak'te rea' lbi'ili ki tuuli lbi'ili udëëd'li neda lu naa'ke bunach.
22Bënni useed kie' gulazulau'e tuyu lza'a'ke, ati ti nëëzi'kde nuxh ki'a rui'e diidza. 23Tue' kieke bënni useed kie', bënni'a Jesús nadxi'i'tzki'de, rë'e kuiti'le'e tzal ta'we xhtzë' 24ati Simón Pedro ben ni'a'ne'e naar gnaab'de Le' nuxh ki'a rui'e diidza. 25Le' gbiige'e ye lati ga rë'e Jesús na' bnaab'de Le':
—Xan, ¿Nuxha'a?
26Jesús bubi'e diidza:
—Bënni'a gnëëdzja kie' tzarua'a yët'xhtiil le guspisa, bënni na'a.
Buspis'tie' tzarua'a yët'xhtiil len bnëëdzje kie' Judas bënni xi'ine Simón Iscariote. 27Ka buudx gxhi'e yët'xhtiil'a Judas, bënni xëwi gne'e lu laadxi'dau'e. Ati Jesús gudxe le':
Ben'te le rala guunu.
28San keg tue' kieke bënni'a ta'we xhtzë'a gulayajni'i'de bixhkia' gudxe ka' le'. 29Ati koma Judas nak lu ne'e yëxhj dumi, la'ke glaki'de ki Jesús gudxe le' bi ga'awe ki lni'a u gnëëdzje lati kieke bënni yechi.
30Ka buudx gda'we yët'xhtiil'a Judas brooje. Len chi na'chul.
Xhba kub kie' Dios
31Buudx brooje Judas, Jesús gne':
—Na'a glui' lau'i yëla xhën kie' Xi'ine Bënni, len yëla xhën kie' Dios glui' lau'i len Le'. 32Len xhki Xi'ine Bënni glui'e yëla xhën kie' Dios, lekz'ka' Dios ului'e yëla xhën kie' Xi'ine; len chi zua'te glui'e ley. 33Xi'ina'du, neda tir zua' xhtzei len lbi'ili. Ugiilj'li neda san ka guudx'ka'ne bënni Judea rea' lbi'ili na'a: Ti gunn sa'li ga neda ziija. 34Xhba kub kie' Dios runna kieeli: Gdxi'i lza'a'li. Ka nadxi'i'da lbi'ili neda, ka' rala gdxi'i lza'a'li. 35Xhki gdxi'i lza'a'li, yugute' bunach yëdz'lyu ulak'be'i'de ki nak'li bënni useed kia'.
Jesús rgixhjë'e ki Pedro ti si'lu'ne'e ki numbe'e Jesús
(Mt 26:31-35; Mr 14:27-31; Lc 22:31-34)
36Simón Pedro bnaab'de Jesús:
—Xan, ¿Gaxh tziiju?
—Jesús bubi'e diidza —Ga neda tziija ti gunn sa'leenu neda na'a; san na' tëëd ni gunn sa'leenu neda.
37Pedro gudxe Le':
—Xan, ¿Bixhkia' ti gunn sa'leena Li' na'a? ¡Zua' si'na gdëëda yëla naban kia' nia'a kiu'!
38Jesús bubi'e diidza:
—¿Blikz'du zu' si'na gdëëdu yëla naban kiu' nia'a kia'? Le nak'te rea' li' ki kati zia'a këëdx'ba xi'in'druuz, tson lzu ti si'luno'u ki numbe'u neda.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Sociedad Biblica de México AC