Juan 8
8
1Ati Jesús glu'e nëëz ziije Gia'a ki Olivos, 2bueikj dza'a kati gyeni zuwëëje lu gdou'. Bunach gulabiige'e kuiti'le'e len Le' grë'e len gzulau'e rseed'de leke.
3Bënni useed xhba kie' Dios len bënni fariseo glëxhj'de'nu tuunu nguul yu'u'leen'nu'ne bënni ti rak bënni kieenu. Guluche'ke'nu ga zue' Jesús len guluze'ke'nu gatzj'lau'i'a 4ati gle'ke Le':
—Bënni Useed, nguul ni bëxhji'tu'nu na'teez ga yu'u'leen'nu'ne bënni ti rak bënni kieenu. 5Lu xhba kie' Dios, Moisés gnabe'e ki nguul'a tabëëz'nu ki rala gdëëdik'tu'nu tzka kchiajz'tu'nu ka' giaj. ¿Bixh rnou' li'?
6Leke gulunaabe le ni naar lazi'be'e Le' len gunn ludxia'ke Le' xhgia'. San Le' gyechue' len gzulau'e rzooje len xhbënni'ne'e lu yu. 7Ati le nakua'tekze tunaabe buzui'de len gudxe leke:
—Xhki ga zue' bënni tibi dula nape, le' kie'le'e giaj'a zia'a len kchiije'nu.
8Ati yubl gyechue' len buzulau'e rzooje lu yu. 9Kati bënni ni gulayëën'de le ni, tu tu'ke gulazulau'e tuza'ke, zia'a bënni guul'a guluza'ke. Kati Jesús chi buga'ane leeze dzaage'nu nguul ni, 10buzui'de len bnaab'de'nu:
—Nguul, ¿Gaxh gla'a'ke? ¿Nutunu bënni buspaage'e li xhgia'?
11Leenu bubi'i'nu kie' diidza:
—Nutunu bënni, Xan.
Jesús gudxe'nu:
—Lekz'ka' neda ti uspaaga'a li xhgia'; na'a, buaj len tir guunu dula.]
Jesús nake yëla yeni ki yëdz'lyu
12Jesús yubl ka be'leene diidza bunach, gne':
—Neda naka yëla yeni ki yëdz'lyu; bënni riid'leene neda, wa'pe yëla yeni le gnëëdzj kie' yëla naban ati ti te' ga nak chul.
13Bënni Fariseo gle'ke Le':
—Li' rdujxaka'lau'u larakz kiu': len le ni ti yui'i.
14Jesús bubi'e kieke diidza:
—Le rdujxaka'lau'a neda yui'i, zala runna ley neda. Koma neda nëëz'da gaxh za'a len gaxh ziija; san, lbi'ili ti nëëzi'li. 15Lbi'ili rchuug'be'li ka tuchuug'be'ke bunach, neda nutunu rchuug'be'a; 16san xhki rchuug'be'a, ruuna ley len yëla li koma keg tuuza rchuug'be'a, dzaaga'ne Xuuza bënni nusë'le'e neda rchuug'be'tu. 17Lu xhba kieeli nayoj ki kati chop'ke bënni tujxaka'lau'ke len tuuz ka tanáke, le tujxaka'lau'ke'a yui'i. 18Len na'a larakz neda rdujxaka'lau'a ulaaz kia', len Xuuza nusë'le'e neda, Le' lekz'ka' rdujxaka'lau'e ulaaz kia'.
19Gulunaab'de Le':
—¿Gaxh zue' Xuuzu?
Jesús bubi'e kieke diidza:
—Lbi'ili ti numbe'li neda, lekz'ka' ti numbe'li'ne Xuuza; nar'la numbe'li neda lekz'ka' numbe'li'ne Xuuza.
20Jesús be'e diidza ni tzal rseed'de lu latj ga nakua'k gi'in ki gun ki gdou'. San nutunu gxhën Le', koma ti rdxiini dza kie'.
Lbi'ili ti gun sa'li ga neda ziija
21Jesús yubl gudxe leke:
—Neda wëëja, len lbi'ili ugiilj'li neda san lu xhtu'la'li gat'li. Lbi'ili ti gunn sa'li ga neda ziija.
22Bënni Judea gulane':
—¿Naru nuune gdëëd'de kuine ati rne' ki ti gunn tziaj'ru ga ziije?
23Jesús gudxe leke:
—Lbi'ili naki'li ki zga dxi'il ni, san neda naki'da ki xhtza'; Lbi'ili naki'li ki yëdz'lyu ni, san neda ti naki'da ki yëdz'lyu ni. 24Lena'a guudxa lbi'ili ki lu xhtu'la'li gat'li; koma xhki ti rajle'li ki neda naka Le' Cristo, lu xhtu'la'li gat'li.
25Na' gulunaab'kde Le':
—¿Nuxh naku li'?
Jesús bubi'e kieke diidza:
—Le gia lbi'ili zia'a nak, neda ti rala ubi'a kieeli diidza 26De'tzka bi gnia' len bi kchuug'be'a kieeli san Xuuza nusë'le'e neda ti rzi'ye'e, ati le neda rgixhji'da yëdz'lyu ni nak larakz le byëën'da rne' Le'.
27San leke ti gulayajni'i'de ki rue'e diidza kie' Xuuz'ru Dios. 28Lena'a gudxe leke:
—Kati lbi'ili kchis'li'ne xhtza' Xi'ine Bënni, umbe'li ki neda naka nu rnia' naka len ti za'a guuna le gnaaz kia'; rnaaza le pseed'de neda Xuuz'ru. 29Koma Xuuza nusë'le'e neda zue' len neda; Xuuza ti rka'ane neda tuuza koma neda run'tekza le ryaazlaadxe'e Le'.
30Kati Jesús gne' le ni; bënni zian gulayajle'ke Le'.
Bënni Xi'ine Dios len bënni naaga'ke lu dula
31Jesús gudxe bënni Judea bënni'a gulayajle'ke Le':
—Xhki lbi'ili gzenaagi'li xhtiidza'a, gdulei'ti bënni useed kia' gak'li; 32umbe'li yëla li len yëla li ni ksan lbi'ili.
33Leke gulubi'i'ke kie' diidza:
—Netu nak'tu xi'in'xhzue' Abraham len nutunu ki nado'u'tu; ¿bixhkia' rnou' Li' ki udzan'tu?
34Jesús gudxe leke:
—Le nak'te rea' lbi'ili ki yugute'ke bënni tuune dula nado'u'ke lu dula 35Tue' bënni nado'u'e ti rga'ane tzalzu liidx'xhlatje tue' bënni; san bënni xi'ine tzalzu rga'ane liidx'xhlatje'a. 36Lena'a xhki Xi'ine Dios ksaane lbi'ili, gdulei'ti bënni nadzan'ke gak'li. 37Nëëz'da ki lbi'ili nak'li xi'in'xhzue' Abraham; san re'eni'li gdëëdi'li neda koma ti ryaaz lbi'ili xhtiidza'a. 38Neda rui'a diidza ki le chi blui'de neda Xuuza; lekz'ka' lbi'ili, run'li le chi byëëni'li kie' xuuz'li.
39Leke gle'ke Le':
—¡Abraham nake Xuuz'tu!
Ati Jesús bubi'e kieke diidza:
—Nar'la nak'li gdulei'ti xi'ine Abraham gun'li le beene le'. 40Ati zala rgixhji'da lbi'ili ka'teez nak le Dios chi pseed'de neda, lbi'ili re'eni'li gdëëdi'li neda. ¡Gat'ga beene ki Abraham! 41Ka'teez ruune xuuz'li run'li.
Leke gle'ke le':
—¡Netu ti nak'tu bi laagu'; tuuze Dios nake Xuuz'tu!
42Jesús bubi'e kieke diidza:
—Nar'la nak'li xi'ine Dios, lbi'ili udxi'i'li neda koma kie' Dios za'a len ni zua'. Ti za'a guuna le gnaaz kia', Dios nusë'le'e neda. 43¿Bixhkia' ti rajni'i'li diidza rui'leena lbi'ili? Koma ti ryaaz'kz lbi'ili xhtiidza'a. 44Bënni Xëwi rak xuuz'li; lbi'ili naki'li kie' len run'li le ryaazlaadxe'e le'. Bënni Xëwi zia'at nak'kze bënni rdëëd'de bunach len bënni gxhi'ye' ti zua' len le' yëla li. Kati rzi'ye'e, tibi ruuni le', koma le' nak'kze bënni rzi'ye'e len nake xuuzi yëla rzi'ye'. 45San le neda rnia' le nak li, lbi'ili ti rajle'li neda. 46¿Nuul'li lbi'ili gunn gnaali ki neda napa dula? Len xhki ba rnia' le nak li, ¿Bixhkia' ti rajle'li neda? 47Bënni naki'de kie' Dios rzenaage xhtiidze'e Dios; san lbi'ili ti naki'li kie' Dios, lena'a ti re'eni'li gzenaag'li.
Cristo chik'z zue' zia'at ka Abraham
48Na' bënni Judea gle'ke le':
—Bli'tu kati rnátu ki naku bënni Samaria len yu'u li bë' xëwi.
49Jesús bubi'e kieke diidza:
—Nutunu bë' xëwi yu'a'ne. Rui'za'ne bala'an xuuza; san lbi'ili ti run'li kia' bala'an. 50Neda ti ruuna kuina xhën; zue' bënni re'en'de guune neda xhën, len le' nake bënni rchuug'be'e. 51Le nak'te rea' lbi'ili ki bënni gzenaage xhtiidza'a ti gatie'.
52Bënni Judea gulubi'ke kie' diidza
—Na'a buudx guk'be'i'tu ki leel yu'u li' bë' xëwi. Abraham len yugute'ke bënni glui'ke diidza ulaaz kie' Dios glatie', ati Li' rnou': “Bënni gzenaage xhtiidza'a, ti gatie'.” 53¿Naru nak'ru li' xhën ka xuuz'tu Abraham? Le' gutie' len lekz'ka' bënni glui'ke diidza ulaaz kie' Dios glatie'. ¿Nuxh rnëëzi kuinu li'?
54Jesús bubi'e kieke diidza:
—Xhki larakz tuuza guuna kuina xhën, le ni tibi yui'i. Xuuza nake bënni ruune neda xhën, larakz bënni'a lbi'ili rnaali ki nake Dios kieeli. 55San lbi'ili ti numbe'li'ne. Neda numbe'a'ne; len xhki gnia' ki ti numbe'a'ne gaka bënni gxhi'ye' ka nak'li lbi'ili. San neda numbe'a'ne ati rzenaaga xhtiidze'e. 56Xuuz'xhtau'li guul Abraham budziij'de koma rala gle'i'de dza gdxiina len ble'i'de ley ati buzakalaadxi'tzke.
57Bënni Judea gle'ke Jesús:
—Ti yui'i'du chi'un iz, ¿Len rnou' ki ble'i'du'ne Abraham?
58Jesús bubi'e kieke diidza:
—Le nak'te rea' lbi'ili ki neda chik'z zua' zia'at ka Abraham.
59Na' leke gulagie'le'e giaj naar luchiije Le'; ati Jesús pka'chi' lau'e len burooje lu gdou'a
Valgt i Øjeblikket:
Juan 8: PZD
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Sociedad Biblica de México AC
Juan 8
8
1Ati Jesús glu'e nëëz ziije Gia'a ki Olivos, 2bueikj dza'a kati gyeni zuwëëje lu gdou'. Bunach gulabiige'e kuiti'le'e len Le' grë'e len gzulau'e rseed'de leke.
3Bënni useed xhba kie' Dios len bënni fariseo glëxhj'de'nu tuunu nguul yu'u'leen'nu'ne bënni ti rak bënni kieenu. Guluche'ke'nu ga zue' Jesús len guluze'ke'nu gatzj'lau'i'a 4ati gle'ke Le':
—Bënni Useed, nguul ni bëxhji'tu'nu na'teez ga yu'u'leen'nu'ne bënni ti rak bënni kieenu. 5Lu xhba kie' Dios, Moisés gnabe'e ki nguul'a tabëëz'nu ki rala gdëëdik'tu'nu tzka kchiajz'tu'nu ka' giaj. ¿Bixh rnou' li'?
6Leke gulunaabe le ni naar lazi'be'e Le' len gunn ludxia'ke Le' xhgia'. San Le' gyechue' len gzulau'e rzooje len xhbënni'ne'e lu yu. 7Ati le nakua'tekze tunaabe buzui'de len gudxe leke:
—Xhki ga zue' bënni tibi dula nape, le' kie'le'e giaj'a zia'a len kchiije'nu.
8Ati yubl gyechue' len buzulau'e rzooje lu yu. 9Kati bënni ni gulayëën'de le ni, tu tu'ke gulazulau'e tuza'ke, zia'a bënni guul'a guluza'ke. Kati Jesús chi buga'ane leeze dzaage'nu nguul ni, 10buzui'de len bnaab'de'nu:
—Nguul, ¿Gaxh gla'a'ke? ¿Nutunu bënni buspaage'e li xhgia'?
11Leenu bubi'i'nu kie' diidza:
—Nutunu bënni, Xan.
Jesús gudxe'nu:
—Lekz'ka' neda ti uspaaga'a li xhgia'; na'a, buaj len tir guunu dula.]
Jesús nake yëla yeni ki yëdz'lyu
12Jesús yubl ka be'leene diidza bunach, gne':
—Neda naka yëla yeni ki yëdz'lyu; bënni riid'leene neda, wa'pe yëla yeni le gnëëdzj kie' yëla naban ati ti te' ga nak chul.
13Bënni Fariseo gle'ke Le':
—Li' rdujxaka'lau'u larakz kiu': len le ni ti yui'i.
14Jesús bubi'e kieke diidza:
—Le rdujxaka'lau'a neda yui'i, zala runna ley neda. Koma neda nëëz'da gaxh za'a len gaxh ziija; san, lbi'ili ti nëëzi'li. 15Lbi'ili rchuug'be'li ka tuchuug'be'ke bunach, neda nutunu rchuug'be'a; 16san xhki rchuug'be'a, ruuna ley len yëla li koma keg tuuza rchuug'be'a, dzaaga'ne Xuuza bënni nusë'le'e neda rchuug'be'tu. 17Lu xhba kieeli nayoj ki kati chop'ke bënni tujxaka'lau'ke len tuuz ka tanáke, le tujxaka'lau'ke'a yui'i. 18Len na'a larakz neda rdujxaka'lau'a ulaaz kia', len Xuuza nusë'le'e neda, Le' lekz'ka' rdujxaka'lau'e ulaaz kia'.
19Gulunaab'de Le':
—¿Gaxh zue' Xuuzu?
Jesús bubi'e kieke diidza:
—Lbi'ili ti numbe'li neda, lekz'ka' ti numbe'li'ne Xuuza; nar'la numbe'li neda lekz'ka' numbe'li'ne Xuuza.
20Jesús be'e diidza ni tzal rseed'de lu latj ga nakua'k gi'in ki gun ki gdou'. San nutunu gxhën Le', koma ti rdxiini dza kie'.
Lbi'ili ti gun sa'li ga neda ziija
21Jesús yubl gudxe leke:
—Neda wëëja, len lbi'ili ugiilj'li neda san lu xhtu'la'li gat'li. Lbi'ili ti gunn sa'li ga neda ziija.
22Bënni Judea gulane':
—¿Naru nuune gdëëd'de kuine ati rne' ki ti gunn tziaj'ru ga ziije?
23Jesús gudxe leke:
—Lbi'ili naki'li ki zga dxi'il ni, san neda naki'da ki xhtza'; Lbi'ili naki'li ki yëdz'lyu ni, san neda ti naki'da ki yëdz'lyu ni. 24Lena'a guudxa lbi'ili ki lu xhtu'la'li gat'li; koma xhki ti rajle'li ki neda naka Le' Cristo, lu xhtu'la'li gat'li.
25Na' gulunaab'kde Le':
—¿Nuxh naku li'?
Jesús bubi'e kieke diidza:
—Le gia lbi'ili zia'a nak, neda ti rala ubi'a kieeli diidza 26De'tzka bi gnia' len bi kchuug'be'a kieeli san Xuuza nusë'le'e neda ti rzi'ye'e, ati le neda rgixhji'da yëdz'lyu ni nak larakz le byëën'da rne' Le'.
27San leke ti gulayajni'i'de ki rue'e diidza kie' Xuuz'ru Dios. 28Lena'a gudxe leke:
—Kati lbi'ili kchis'li'ne xhtza' Xi'ine Bënni, umbe'li ki neda naka nu rnia' naka len ti za'a guuna le gnaaz kia'; rnaaza le pseed'de neda Xuuz'ru. 29Koma Xuuza nusë'le'e neda zue' len neda; Xuuza ti rka'ane neda tuuza koma neda run'tekza le ryaazlaadxe'e Le'.
30Kati Jesús gne' le ni; bënni zian gulayajle'ke Le'.
Bënni Xi'ine Dios len bënni naaga'ke lu dula
31Jesús gudxe bënni Judea bënni'a gulayajle'ke Le':
—Xhki lbi'ili gzenaagi'li xhtiidza'a, gdulei'ti bënni useed kia' gak'li; 32umbe'li yëla li len yëla li ni ksan lbi'ili.
33Leke gulubi'i'ke kie' diidza:
—Netu nak'tu xi'in'xhzue' Abraham len nutunu ki nado'u'tu; ¿bixhkia' rnou' Li' ki udzan'tu?
34Jesús gudxe leke:
—Le nak'te rea' lbi'ili ki yugute'ke bënni tuune dula nado'u'ke lu dula 35Tue' bënni nado'u'e ti rga'ane tzalzu liidx'xhlatje tue' bënni; san bënni xi'ine tzalzu rga'ane liidx'xhlatje'a. 36Lena'a xhki Xi'ine Dios ksaane lbi'ili, gdulei'ti bënni nadzan'ke gak'li. 37Nëëz'da ki lbi'ili nak'li xi'in'xhzue' Abraham; san re'eni'li gdëëdi'li neda koma ti ryaaz lbi'ili xhtiidza'a. 38Neda rui'a diidza ki le chi blui'de neda Xuuza; lekz'ka' lbi'ili, run'li le chi byëëni'li kie' xuuz'li.
39Leke gle'ke Le':
—¡Abraham nake Xuuz'tu!
Ati Jesús bubi'e kieke diidza:
—Nar'la nak'li gdulei'ti xi'ine Abraham gun'li le beene le'. 40Ati zala rgixhji'da lbi'ili ka'teez nak le Dios chi pseed'de neda, lbi'ili re'eni'li gdëëdi'li neda. ¡Gat'ga beene ki Abraham! 41Ka'teez ruune xuuz'li run'li.
Leke gle'ke le':
—¡Netu ti nak'tu bi laagu'; tuuze Dios nake Xuuz'tu!
42Jesús bubi'e kieke diidza:
—Nar'la nak'li xi'ine Dios, lbi'ili udxi'i'li neda koma kie' Dios za'a len ni zua'. Ti za'a guuna le gnaaz kia', Dios nusë'le'e neda. 43¿Bixhkia' ti rajni'i'li diidza rui'leena lbi'ili? Koma ti ryaaz'kz lbi'ili xhtiidza'a. 44Bënni Xëwi rak xuuz'li; lbi'ili naki'li kie' len run'li le ryaazlaadxe'e le'. Bënni Xëwi zia'at nak'kze bënni rdëëd'de bunach len bënni gxhi'ye' ti zua' len le' yëla li. Kati rzi'ye'e, tibi ruuni le', koma le' nak'kze bënni rzi'ye'e len nake xuuzi yëla rzi'ye'. 45San le neda rnia' le nak li, lbi'ili ti rajle'li neda. 46¿Nuul'li lbi'ili gunn gnaali ki neda napa dula? Len xhki ba rnia' le nak li, ¿Bixhkia' ti rajle'li neda? 47Bënni naki'de kie' Dios rzenaage xhtiidze'e Dios; san lbi'ili ti naki'li kie' Dios, lena'a ti re'eni'li gzenaag'li.
Cristo chik'z zue' zia'at ka Abraham
48Na' bënni Judea gle'ke le':
—Bli'tu kati rnátu ki naku bënni Samaria len yu'u li bë' xëwi.
49Jesús bubi'e kieke diidza:
—Nutunu bë' xëwi yu'a'ne. Rui'za'ne bala'an xuuza; san lbi'ili ti run'li kia' bala'an. 50Neda ti ruuna kuina xhën; zue' bënni re'en'de guune neda xhën, len le' nake bënni rchuug'be'e. 51Le nak'te rea' lbi'ili ki bënni gzenaage xhtiidza'a ti gatie'.
52Bënni Judea gulubi'ke kie' diidza
—Na'a buudx guk'be'i'tu ki leel yu'u li' bë' xëwi. Abraham len yugute'ke bënni glui'ke diidza ulaaz kie' Dios glatie', ati Li' rnou': “Bënni gzenaage xhtiidza'a, ti gatie'.” 53¿Naru nak'ru li' xhën ka xuuz'tu Abraham? Le' gutie' len lekz'ka' bënni glui'ke diidza ulaaz kie' Dios glatie'. ¿Nuxh rnëëzi kuinu li'?
54Jesús bubi'e kieke diidza:
—Xhki larakz tuuza guuna kuina xhën, le ni tibi yui'i. Xuuza nake bënni ruune neda xhën, larakz bënni'a lbi'ili rnaali ki nake Dios kieeli. 55San lbi'ili ti numbe'li'ne. Neda numbe'a'ne; len xhki gnia' ki ti numbe'a'ne gaka bënni gxhi'ye' ka nak'li lbi'ili. San neda numbe'a'ne ati rzenaaga xhtiidze'e. 56Xuuz'xhtau'li guul Abraham budziij'de koma rala gle'i'de dza gdxiina len ble'i'de ley ati buzakalaadxi'tzke.
57Bënni Judea gle'ke Jesús:
—Ti yui'i'du chi'un iz, ¿Len rnou' ki ble'i'du'ne Abraham?
58Jesús bubi'e kieke diidza:
—Le nak'te rea' lbi'ili ki neda chik'z zua' zia'at ka Abraham.
59Na' leke gulagie'le'e giaj naar luchiije Le'; ati Jesús pka'chi' lau'e len burooje lu gdou'a
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© Sociedad Biblica de México AC