Mataio 7
7
Karu ve kaiae la seseōvi tava levi miaraia
(Luka 6:37–38, 41–42)
1E karu ve kaiae la seseōvi tava miarai auke leitita, a—, Ualare ta eve kaiae la seseōvi tava levi miarai roi. 2Ipi e seseōvi kaiae o karu vei omoita, a—, lōfeare seseōvi kaiae o feare Ualare sa ero ta omoi roi. E sa karu haria la seseōvaita mai feare, Ualare sa ero lōfeare seseōvai roi.#Mak 4:24 3A ave marehari ve ofae voa eaeipeta lea tola eloe la eavaita, a—, ave elore ofae kofa voa eaeipeta lea tola hōru la ore leiti auke leipeta ipi levea? 4Aeata a ave marehari la o mō leafeare moitore, Ara ave ofae voa lea tola eloe la hopa fareovai ao, a—, eite tola hōru ave elore ofae kofa voa la eaea. 5Aiera‐aiera karu e, lea tola hōru la ave elore ofae kofa voa fareovai ao, aea aite ave marehari ve ofae voa eaeita lea tola eloe la fareovai vei a ofae ovava ita lōri eavai roi.
6Taivotaita etau ave la levi miaraia, aea eve isave fare ita ve omopa voa levi toapaia, ere erero mora sa patei, kerori ero kea sa titai ave.
7Loki leitia, soka ero miarai roi; elia, soka e eavai roi; utape totoaia, soka are e vei fapai roi. 8Ipi loki leita lea karu foromai ovaitore; aea elita lea karu ta eavaitore; aea utape la totoaita lea karu vei ta fapaitore. 9E voa karu leisa, areve atute arero poi vei loki leitita, a—, are fave arero miarai roi ei? 10Aea are arero ekaka vei loki leitita, a—, are ikaroa arero miarai roi ei? 11Soka e karu maealolo, a—, e meru etau lareva eve atutemori la miaraita ore, lōfeare mai ve arori voa eve kauri voa peita Oa sa etau lareva‐lareva arero loki leita lea karu la aiorai roi.
12Soka karu sa ero leiti vei haikaeaita lea etau foromai, lōfeare erero ta leitia; ipi Mose ve Safu O aeata peroveta o ita ve eite kofa reha.#Luk 6:31
Otiharo kofa
13Otiape koko voa oropaia, ipi saroroapaita soa voa teraita lea otiharo are pisasa aea lōvoa oropi teraita karu rauapo. 14A—, makuri soa voa teraita otiape are koko aeata otiharo ta tero; lōvoa oropi teraita karu ere fafareso reha.
15E apeva peroveta karu vei kiva lei vovo roroava; ere pisiri voa mamoe ve maea feare lei, ero tai forerai roi, a—, iri voa ere ero la’ haroavaita furuka ave ve maea feare. 16E erero ereve fare voa ore leiti roi. Karu vine fare la makaisa voa sarapi fareovai roi ei, ō haue fare la kiriraua voa itōvai roi ei? 17Soka tola tepa lareva foromai fare lareva tai vovea. A—, tola tepa maealolo fare maealolo tai vovea. 18Tola tepa lareva fare maealolo tai sore, aeata tola tepa maealolo fare lareva tai sore. 19Fare lareva tai auke leita tola foromai la fei fei a voa sukapai roi.#Mat 3:10; Luk 3:9 20Soka e erero ereve fare voa ore leiti roi.#Mat 12:33
21Papuvita e, Papuvita e, o lōri arita karu foromai kauri ve basileia voa levi oropai roi; a—, arave kauri voa peita Oa sa haikaeaita mai la leita lea karu sa haria. 22Lea sare voa karu rauapo araro o mō ari roi, Papuvita e, Papuvita e, ela ave rare ita peroveta o itoro ari kao ei? Ela ave rare ita harisu rauapo la maria voa larivati oroai kao ei? Ela ave rare ita haihava leita etau rauapo la leiti kao ei? 23A—, ara tava o erero mō ari roi, Ara ero ore leiti sore; araro kiripi oroaia, e mai maealolo leita karu e.#Sal 6:8
24Lea vei arave mea o la mapi aea leitita lea karu foromai, ara ere farafarapo vei mōfeare ari roi; are areve uvi la fave kere arori voa turōpe haiore karu feare. 25Soka lai a’ a’, lorara ve ma farea, mea fareōvi aea uvi la toaiape; a—, are marukapi foforukai kasirau, ipi areve ipi la fave kere ve arori voa turōpe eavia. 26A—, arave mea o la mapi leiti auke leitita lea karu foromai, ara ere farafarapo vei mō ari roi: are areve uvi la miri‐folo arori voa turōpe haiivavu karu feare. 27Soka lai a’ a’, lorara ve ma farea, mea fareōvi aea uvi la toaiape; soka are marukapi foforukōpe, aea areve marukapaita hohororo rovaeka reha.
28Soka Iesu lea o mei mei kaleipe lea mea, lea karu sitavu are sa satiriaraiape lea o vei haihava leipe.#Mak 1:22; Luk 4:32 29Ipi are erero o siahu ita satiriaraiape, Safu Karoro ore karu ve mai lōfeare kao.
Valgt i Øjeblikket:
Mataio 7: TQO1983
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Published by the Bible Society of Papua New Guinea in 1983.
Mataio 7
7
Karu ve kaiae la seseōvi tava levi miaraia
(Luka 6:37–38, 41–42)
1E karu ve kaiae la seseōvi tava miarai auke leitita, a—, Ualare ta eve kaiae la seseōvi tava levi miarai roi. 2Ipi e seseōvi kaiae o karu vei omoita, a—, lōfeare seseōvi kaiae o feare Ualare sa ero ta omoi roi. E sa karu haria la seseōvaita mai feare, Ualare sa ero lōfeare seseōvai roi.#Mak 4:24 3A ave marehari ve ofae voa eaeipeta lea tola eloe la eavaita, a—, ave elore ofae kofa voa eaeipeta lea tola hōru la ore leiti auke leipeta ipi levea? 4Aeata a ave marehari la o mō leafeare moitore, Ara ave ofae voa lea tola eloe la hopa fareovai ao, a—, eite tola hōru ave elore ofae kofa voa la eaea. 5Aiera‐aiera karu e, lea tola hōru la ave elore ofae kofa voa fareovai ao, aea aite ave marehari ve ofae voa eaeita lea tola eloe la fareovai vei a ofae ovava ita lōri eavai roi.
6Taivotaita etau ave la levi miaraia, aea eve isave fare ita ve omopa voa levi toapaia, ere erero mora sa patei, kerori ero kea sa titai ave.
7Loki leitia, soka ero miarai roi; elia, soka e eavai roi; utape totoaia, soka are e vei fapai roi. 8Ipi loki leita lea karu foromai ovaitore; aea elita lea karu ta eavaitore; aea utape la totoaita lea karu vei ta fapaitore. 9E voa karu leisa, areve atute arero poi vei loki leitita, a—, are fave arero miarai roi ei? 10Aea are arero ekaka vei loki leitita, a—, are ikaroa arero miarai roi ei? 11Soka e karu maealolo, a—, e meru etau lareva eve atutemori la miaraita ore, lōfeare mai ve arori voa eve kauri voa peita Oa sa etau lareva‐lareva arero loki leita lea karu la aiorai roi.
12Soka karu sa ero leiti vei haikaeaita lea etau foromai, lōfeare erero ta leitia; ipi Mose ve Safu O aeata peroveta o ita ve eite kofa reha.#Luk 6:31
Otiharo kofa
13Otiape koko voa oropaia, ipi saroroapaita soa voa teraita lea otiharo are pisasa aea lōvoa oropi teraita karu rauapo. 14A—, makuri soa voa teraita otiape are koko aeata otiharo ta tero; lōvoa oropi teraita karu ere fafareso reha.
15E apeva peroveta karu vei kiva lei vovo roroava; ere pisiri voa mamoe ve maea feare lei, ero tai forerai roi, a—, iri voa ere ero la’ haroavaita furuka ave ve maea feare. 16E erero ereve fare voa ore leiti roi. Karu vine fare la makaisa voa sarapi fareovai roi ei, ō haue fare la kiriraua voa itōvai roi ei? 17Soka tola tepa lareva foromai fare lareva tai vovea. A—, tola tepa maealolo fare maealolo tai vovea. 18Tola tepa lareva fare maealolo tai sore, aeata tola tepa maealolo fare lareva tai sore. 19Fare lareva tai auke leita tola foromai la fei fei a voa sukapai roi.#Mat 3:10; Luk 3:9 20Soka e erero ereve fare voa ore leiti roi.#Mat 12:33
21Papuvita e, Papuvita e, o lōri arita karu foromai kauri ve basileia voa levi oropai roi; a—, arave kauri voa peita Oa sa haikaeaita mai la leita lea karu sa haria. 22Lea sare voa karu rauapo araro o mō ari roi, Papuvita e, Papuvita e, ela ave rare ita peroveta o itoro ari kao ei? Ela ave rare ita harisu rauapo la maria voa larivati oroai kao ei? Ela ave rare ita haihava leita etau rauapo la leiti kao ei? 23A—, ara tava o erero mō ari roi, Ara ero ore leiti sore; araro kiripi oroaia, e mai maealolo leita karu e.#Sal 6:8
24Lea vei arave mea o la mapi aea leitita lea karu foromai, ara ere farafarapo vei mōfeare ari roi; are areve uvi la fave kere arori voa turōpe haiore karu feare. 25Soka lai a’ a’, lorara ve ma farea, mea fareōvi aea uvi la toaiape; a—, are marukapi foforukai kasirau, ipi areve ipi la fave kere ve arori voa turōpe eavia. 26A—, arave mea o la mapi leiti auke leitita lea karu foromai, ara ere farafarapo vei mō ari roi: are areve uvi la miri‐folo arori voa turōpe haiivavu karu feare. 27Soka lai a’ a’, lorara ve ma farea, mea fareōvi aea uvi la toaiape; soka are marukapi foforukōpe, aea areve marukapaita hohororo rovaeka reha.
28Soka Iesu lea o mei mei kaleipe lea mea, lea karu sitavu are sa satiriaraiape lea o vei haihava leipe.#Mak 1:22; Luk 4:32 29Ipi are erero o siahu ita satiriaraiape, Safu Karoro ore karu ve mai lōfeare kao.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Published by the Bible Society of Papua New Guinea in 1983.