Matfei 8
8
IISUSAN SUURET RUAVOT 8-9
Iisus piästäy prokuazal voimattoman
(Mark. 1:40-45; Luk. 5:12-16)
1Konzu Iisus heityi alah mäilpäi, Hänenke astui suuri rahvasjoukko. 2Sit Hänen rinnale tuli mies, kudai oli voimatoi prokuazal. Mies heityi polvilleh Iisusan edeh da sanoi: «Ižändy, ku tahtozit, Sinä voizit puhtastua minuu.» 3Iisus oijendi käin, kosketti miesty da sanoi: «Minä tahton. Puhtastu.» Mies kerras puhtastui prokuazas. 4Iisus sanoi hänele: «Kačo, ku nikelle et sanos tädä. Mene vai ozuttamahes papile da vie lahju, kudaman käski tuvva Moisei, ku kaikin nähtäs sinun puhtastundu.»
Iisus da Kapernauman suanpiällikkö
(Luk. 7:1-10)
5Konzu Iisus tuli Kapernaumah, yksi suanpiällikkö tuli Hänen luo da kyzyi Hänel abuu. 6Häi sanoi: «Ižändy, minun kazakkua hullai. Häi viruu kois da on suuris goris.» 7Iisus sanoi: «Minä tulen da piästän händy.» 8No suanpiällikkö vastai: «Ižändy, Sinul ei maksa tulla minun taloih. Sano vai sana, i kazakku paranou. 9Minä ičegi kuundelen suurembien käskylöi da käsken omile saldatoile. Ku sanon yhtele: ‘Mene’, häi menöy, libo toizele: ‘Tule’, häi tulou, libo omale käskyläzele: ‘Rua se’, i häi ruadau.» 10Tämän kuultuu Iisus diivuiččihes i sanoi rinnal astujile: «Toven sanon teile: nengostu lujua uskuo en ole nähnyh ni yhtel izrail՚alazel. 11Minä sanon teile, äijät tullah päivännouzu- da päivänlaskupuolespäi, da syvväh yhtes Avraaman, Isakan da Juakoinke#8:11 Avraam, Isakku da Juakoi ollah Izrail՚an kolme enzimästy ezituattua. Taivahallizen valdukunnas. 12No tämän muan lapsii, kudamil roindua myöte pidänys piästä sinne, lykätäh pihale pimieh. Sie hyö itkietäh da kridžaitetah hambahii.» 13Sit Iisus sanoi suanpiälliköle: «Mene. Roikkah muga, kui sinä uskot.» Sil sanal kazakku parani.
Iisus piästäy Pedrin muatkoin da toizii voimattomii
(Mark. 1:29-34; Luk. 4:38-41)
14Iisus tuli Pedrin kodih i nägi hänen muatkoidu virumas alasijas suures žuarus. 15Iisus kosketti hänen kätty, i žuaru lähti hänes. Naine nouzi magavosijal da rubei gostittamah Händy. 16A konzu tuli ehty, Iisusan luo tuodih äijii, kudamat oldih karuloin vallas. Häi ajoi omal sanal heis karut i piästi kai voimattomat. 17Muga stuaniihes se, mi on sanottu Jumalan iänenkandajan Isaijan kniigas:
– Häi otti iččeh piäle meijän voimattomuot,
Häi kandoi meijän kivut.
Astu minule jälles!
(Luk. 9:57-62)
18Konzu Iisus nägi, mi äijy rahvastu on Hänes ymbäri, käski Häi opastujile mennä toizele rannale. 19Yksi zakonanopastai tuli sit Hänen luo da sanoi: «Opastai, minä novvan Sinuu, kunne vai Sinä et menne.» 20Iisus vastai hänele: «Reboloil on kolot i taivahan linduzil pezät, a Ristikanzan Poijal ei ole, kunne piädy painua.» 21Toine ristikanzu, yksi Hänen opastujis, sanoi Hänele: «Ižändy, minä enzimäi kävyzin tuattua muah panemah.» 22No Iisus sanoi hänele: «Astu minule jälles! Anna kuolluot pannah muah omii kuolluzii.»
Iisus tyynisköittäy järven
(Mark. 4:35-41; Luk. 8:22-25)
23Iisus astui veneheh i Hänen opastujat mendih Hänele jälles. 24Sit kerras järvele nouzi suuri bauhu. Allot lyödih piäliči venehen laijois, a Iisus magai. 25Sit opastujat nostatettih Händy da sanottih: «Ižändy, piästä meidy, myö uppuommo!» 26«Miksebo oletto nengozet varačut, työ vähäuskozet?» sanoi Iisus. Sit Häi nouzi, käski tuulele da aldoloile azettuo, i rodih ihan tyyni. 27Rahvas diivuittihes sidä da sanottih: «Mibo miehii tämä on, ku Händy kuunnellah tuuli dai allot?»
Iisus Gadaran muas
(Mark. 5:1-20; Luk. 8:26-39)
28Konzu Iisus tuli kohturannale, Gadaran muah, Hänele vastah tuli kaksi kalmukololois#8:28 Kuolluzii pandih ei vai muah, a kallivokololoihgi. eläjiä miesty, kudamii muokattih karut. Hyö oldih moizet äriet, ga niken ei voinnuh mennä sidä dorogua myöte. 29Hyö ruvettih kirgumah: «Midä sinä meis tahtot, Jumalan Poigu? Tulitgo tänne muokkuamah meidy enne sanottuu aigua?» 30A palazen piäs oli suuri poččikarju niityl. 31Karut pokoroittihes Iisusale: «Gu kerran ajat meidy tiäpäi, ga työnnä sit meidy poččikarjah.» 32«Mengiä!» sanoi Iisus. Sit henget lähtiettih miehispäi da mendih poččiloih, i kai poččikarju karahtih jyrkändehelpäi järveh da uppoi. 33Poččiloin paimoit pajettih. Hyö mendih linnah da saneltih sie, midä nähtih da midä rodih niilöin miehienke, kudamii muokattih karut. 34Sit kaikin lähtiettih linnaspäi Iisusale vastah. Hänen nähtyy hyö pokoroittihes, ku Häi menis iäre heijän lohkolpäi.
Valgt i Øjeblikket:
Matfei 8: LIVVI
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
(c) Biblienkiännändyinstituuttu, Helsinki 2003
Matfei 8
8
IISUSAN SUURET RUAVOT 8-9
Iisus piästäy prokuazal voimattoman
(Mark. 1:40-45; Luk. 5:12-16)
1Konzu Iisus heityi alah mäilpäi, Hänenke astui suuri rahvasjoukko. 2Sit Hänen rinnale tuli mies, kudai oli voimatoi prokuazal. Mies heityi polvilleh Iisusan edeh da sanoi: «Ižändy, ku tahtozit, Sinä voizit puhtastua minuu.» 3Iisus oijendi käin, kosketti miesty da sanoi: «Minä tahton. Puhtastu.» Mies kerras puhtastui prokuazas. 4Iisus sanoi hänele: «Kačo, ku nikelle et sanos tädä. Mene vai ozuttamahes papile da vie lahju, kudaman käski tuvva Moisei, ku kaikin nähtäs sinun puhtastundu.»
Iisus da Kapernauman suanpiällikkö
(Luk. 7:1-10)
5Konzu Iisus tuli Kapernaumah, yksi suanpiällikkö tuli Hänen luo da kyzyi Hänel abuu. 6Häi sanoi: «Ižändy, minun kazakkua hullai. Häi viruu kois da on suuris goris.» 7Iisus sanoi: «Minä tulen da piästän händy.» 8No suanpiällikkö vastai: «Ižändy, Sinul ei maksa tulla minun taloih. Sano vai sana, i kazakku paranou. 9Minä ičegi kuundelen suurembien käskylöi da käsken omile saldatoile. Ku sanon yhtele: ‘Mene’, häi menöy, libo toizele: ‘Tule’, häi tulou, libo omale käskyläzele: ‘Rua se’, i häi ruadau.» 10Tämän kuultuu Iisus diivuiččihes i sanoi rinnal astujile: «Toven sanon teile: nengostu lujua uskuo en ole nähnyh ni yhtel izrail՚alazel. 11Minä sanon teile, äijät tullah päivännouzu- da päivänlaskupuolespäi, da syvväh yhtes Avraaman, Isakan da Juakoinke#8:11 Avraam, Isakku da Juakoi ollah Izrail՚an kolme enzimästy ezituattua. Taivahallizen valdukunnas. 12No tämän muan lapsii, kudamil roindua myöte pidänys piästä sinne, lykätäh pihale pimieh. Sie hyö itkietäh da kridžaitetah hambahii.» 13Sit Iisus sanoi suanpiälliköle: «Mene. Roikkah muga, kui sinä uskot.» Sil sanal kazakku parani.
Iisus piästäy Pedrin muatkoin da toizii voimattomii
(Mark. 1:29-34; Luk. 4:38-41)
14Iisus tuli Pedrin kodih i nägi hänen muatkoidu virumas alasijas suures žuarus. 15Iisus kosketti hänen kätty, i žuaru lähti hänes. Naine nouzi magavosijal da rubei gostittamah Händy. 16A konzu tuli ehty, Iisusan luo tuodih äijii, kudamat oldih karuloin vallas. Häi ajoi omal sanal heis karut i piästi kai voimattomat. 17Muga stuaniihes se, mi on sanottu Jumalan iänenkandajan Isaijan kniigas:
– Häi otti iččeh piäle meijän voimattomuot,
Häi kandoi meijän kivut.
Astu minule jälles!
(Luk. 9:57-62)
18Konzu Iisus nägi, mi äijy rahvastu on Hänes ymbäri, käski Häi opastujile mennä toizele rannale. 19Yksi zakonanopastai tuli sit Hänen luo da sanoi: «Opastai, minä novvan Sinuu, kunne vai Sinä et menne.» 20Iisus vastai hänele: «Reboloil on kolot i taivahan linduzil pezät, a Ristikanzan Poijal ei ole, kunne piädy painua.» 21Toine ristikanzu, yksi Hänen opastujis, sanoi Hänele: «Ižändy, minä enzimäi kävyzin tuattua muah panemah.» 22No Iisus sanoi hänele: «Astu minule jälles! Anna kuolluot pannah muah omii kuolluzii.»
Iisus tyynisköittäy järven
(Mark. 4:35-41; Luk. 8:22-25)
23Iisus astui veneheh i Hänen opastujat mendih Hänele jälles. 24Sit kerras järvele nouzi suuri bauhu. Allot lyödih piäliči venehen laijois, a Iisus magai. 25Sit opastujat nostatettih Händy da sanottih: «Ižändy, piästä meidy, myö uppuommo!» 26«Miksebo oletto nengozet varačut, työ vähäuskozet?» sanoi Iisus. Sit Häi nouzi, käski tuulele da aldoloile azettuo, i rodih ihan tyyni. 27Rahvas diivuittihes sidä da sanottih: «Mibo miehii tämä on, ku Händy kuunnellah tuuli dai allot?»
Iisus Gadaran muas
(Mark. 5:1-20; Luk. 8:26-39)
28Konzu Iisus tuli kohturannale, Gadaran muah, Hänele vastah tuli kaksi kalmukololois#8:28 Kuolluzii pandih ei vai muah, a kallivokololoihgi. eläjiä miesty, kudamii muokattih karut. Hyö oldih moizet äriet, ga niken ei voinnuh mennä sidä dorogua myöte. 29Hyö ruvettih kirgumah: «Midä sinä meis tahtot, Jumalan Poigu? Tulitgo tänne muokkuamah meidy enne sanottuu aigua?» 30A palazen piäs oli suuri poččikarju niityl. 31Karut pokoroittihes Iisusale: «Gu kerran ajat meidy tiäpäi, ga työnnä sit meidy poččikarjah.» 32«Mengiä!» sanoi Iisus. Sit henget lähtiettih miehispäi da mendih poččiloih, i kai poččikarju karahtih jyrkändehelpäi järveh da uppoi. 33Poččiloin paimoit pajettih. Hyö mendih linnah da saneltih sie, midä nähtih da midä rodih niilöin miehienke, kudamii muokattih karut. 34Sit kaikin lähtiettih linnaspäi Iisusale vastah. Hänen nähtyy hyö pokoroittihes, ku Häi menis iäre heijän lohkolpäi.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
(c) Biblienkiännändyinstituuttu, Helsinki 2003