متّی 13
13
بیج چھَٹݨ آلے دی مثال
(رَلدا مِلدا حوالہ: مرقس 4:1-9؛ لُوقا 8:4-8)
1اُوں ݙینہہ یِسُوع گھر کنُوں نِکل کرائیں جھیل دے کنارے تعلیم ݙیوَݨ کیتے ٻَہہ تھِیا۔ 2اَتے ٻَہُوں وَݙّی بھِیڑ اُوندے چَودھاروں کٹھی تھی ڳئی اَتے او ٻیڑی اِچ وَنڄ ٻیٹھا اَتے بھِیڑ کنارے اُتے کھڑی ریہی۔ 3اَتے اُوں ٻَہُوں ساریاں ڳالھیں، مثالیں اِچ اُنہیں کُوں ݙسائیاں، ”ݙیکھو! ہِک بیج چھَٹݨ آلا بیج چھَٹݨ نِکتا۔ 4اَتے بیج چھَٹیندے ویلے کُجھ داݨے راہ دے کنارے اِچ ڈھہہ پئے اَتے پَکھئیں آ کرائیں او بیج چُڳ گھِدا۔ 5اَتے کُجھ بیج پَتھریلی زمین اِچ وَنڄ ڈھٹے جِتھاں اُونکُوں ڈھیر مٹی نہ مِلی اَتے او جلدی رَہیڄ آئے پَر جِھکی زمین نہ مِلݨ دی وجہ کنُوں، 6جݙّاں سِجھ نِکلیا تاں تِکھی دُھپ لڳݨ نال او ٻُوٹے سَڑ ڳئے کیوں جو اُنہیں دی پاڑاں اَڄݨ جِھکیاں نہ تھِیاں ہَن۔ 7کُجھ بیج کَنڈیاں آلئیں کنڈئیں آلی بوٹئیں اِچ ڈھٹے۔ اَتے اُنہیں دے کٹھے وَدھݨ لڳے پَر کنڈئیں آلئیں کنڈئیں آلی بوٹئیں اُنہیں کُوں وَدھݨ نہ ݙِتا۔ 8اَتے کُجھ بیج چَنڳی زمین تے ڈھٹے اَتے پَھل پُھل کرائیں، کِتھائیں سَو گُنا کِتھائیں سَٹھ گُنا اَتے کِتھائیں تریِہہ گُنا پیداوار ݙِتی۔
9کَن لا کرائیں سُݨو اَتے سمجھو۔“
مثالاں ݙیوَݨ دا مقصد
(رَلدا مِلدا حوالہ: مرقس 4:10-12؛ لُوقا 8:9-10)
10وَل اُوندے خاص شاگِرد کولھ آ کرائیں پُچھݨ لڳے،”تُساں لوکیں نال مثالیں اِچ کیوں ڳالھیں کریندو؟“ 11یِسُوع جواب ݙِتا، ”تُہاکُوں اَسمان دی بادشاہی دے رازیں دی سمجھ ݙِتی ڳئی ہے پَر اُنہیں کُوں ایہ سمجھ نَئیِں ݙِتی ڳئی۔ 12جَیندے کولھ ہے اُونکُوں ٻِیا ݙِتا وی ویسی اَتے اُوندے کولھ ڈھیر تھی ویسی پَر جَیندے کولھ کَینی اُوں کنُوں او وی گھِن گھِدا ویسی جیرھا کُجھ اُوندے کولھ ہے۔ 13اِیں کیتے مَیں اُنہیں نال مثالیں اِچ ڳالھیں کرینداں کیوں جو او ݙیہدئیں ہوئیں نَئیِں ݙیہدے اَتے سُݨدے ہوئیں وی کُجھ نَئیِں سُݨدے اَتے نہ ای کُجھ سمجھدِن۔ 14اُنہیں دے بارے یسعیاہ نبی دی آکھی ہوئی ڳالھ پوری تھِیندی ہے،
’تُساں کَنیں کنُوں سُݨسو پَر کُجھ نہ سمجھسو۔
اَتے تُساں اَکھیں نال ݙیکھسو پَر کُجھ نہ ڄاݨ سَڳسو۔
15کیوں جو اِیں اُمّت دا دِل بےحِس تھی ڳئے۔ اَتے او مُشکل نال اپݨے کَنیں کنُوں سُݨدِن اَتے اُنہیں اپݨی اَکھیں کُوں بند کیتا ہوئے جو اِیویں نہ تِھیوے جو او اپݨی اَکھیں کنُوں ݙیکھݨ اَتے کَنیں کنُوں سُنݨ اَتے دِل کنُوں سمجھݨ اَتے میݙے کولھ وَل آوَݨ تاں جو مَیں اُنہیں کُوں شِفا بَخشاں۔‘
16پَر تُساں چَنڳے ہِوے جیرھے اَکھیں کنُوں ݙیہدو اَتے کَنیں کنُوں سُݨدو۔ 17مَیں تُہاکُوں سچّ اَہداں جیرھا کُجھ تُساں ݙیہدو، ٻَہُوں سارے نبی اَتے نیک لوک اِینکُوں نہ ݙیکھ سڳے پَر او اِینکُوں ݙیکھݨ چاہندے ہَن اَتے جیرھیاں ڳالھیں او سُنݨ چاہندے ہَن او نہ سُݨ سڳے۔“
یِسُوع بیج چھَٹݨ دی مثال سَمجھیندِن
(رَلدا مِلدا حوالہ: مرقس 4:13-20؛ لُوقا 8:11-15)
18”ہُݨ سݨو جو بیج چھَٹݨ آلے دی مثال دا کیا مطلب ہے۔ 19جیرھے بادشاہی دا پیغام تاں سُݨدِن پَر اُونکُوں سمجھدے نَئیِں ایہ اُنہیں بیجیں وانگوں ہِن جیرھے راہ دے نال چھَٹیج ڳئے اَتے وَل بُرا آ کرائیں او پیغام دِلیں اِچوں کڈھ ویندے جیرھا اُنہیں دے دِلیں اِچ رَہا ݙِتا ڳیا ہا۔ 20جیرھے لوک تعلیم کُوں سُݨدے ای خُشی نال مَن گھِندِن اُوں بیج وانگوں ہِن جیرھے پَتھریلی جاہ تے چھَٹیج ڳئے۔ 21اُنہیں اِچ تعلیم دی پاڑ نَئیِں پھَپھَڑدی اِیں کیتے او ڈھیر عرصہ تعلیم اُتے قائم نَئیِں رَہندے اَتے جݙّاں کُوئی مُصیبت یا ݙُکھ دا شکار تھِیندِن تاں او گُمراہ تھی کرائیں اِیمان کنُوں پِھر ویندِن۔ 22اَتے جیرھے بیج کنڈئیں آلی بوٹئیں اِچ چھَٹیج ڳئے ایہ او لوک ہِن جیرھے تعلیم کُوں سُݨدے تاں ہِن پرَ دُنیاں دی فکر اَتے دولت دا دھوکہ اُوں تعلیم کُوں دبا گھِندے اَتے او پَھل نَئیِں چیندی۔ 23پَر چَنڳی مٹی اِچ چھَٹیے ڳئے بیج او ہِن جیرھے تعلیم کُوں سُݨ کرائیں اُونکُوں سمجھ گھِندِن اَتے وَدھدے وَدھدے تریِہہ گُنا، سَٹھ گُنا اَتے سو گُنا پَھل چا گھِندِن۔“
کَوڑے داݨیں دی مثال
24یِسُوع ٻئی مثال سُݨائی، ”اَسمان دی بادشاہی اُوں بندے وانگوں ہے جَیں اپݨے کھیت اِچ چَنڳاں بیج چھَٹیا۔ 25پَر جݙّاں لوک سُتے پئے ہَن تاں اُوندا دُشمن آیا اَتے کݨک اِچ کَوڑے داݨیں دا بیج رَہا ڳیا۔ 26جیویں ای کݨک پھَپھَڑ پَئی اَتے سِٹے نِکلݨ لڳے تاں کَوڑے داݨے وی ݙِسے۔ 27ایہ ݙیکھ کرائیں ٻاہنے اپݨے مالک کولھ آئے اَتے پُچھݨ لڳے،’سَئیِں! کیا تَیں اپݨے کھیت اِچ چَنڳاں بیج نہ چھَٹیا ہا؟ تاں وَل ایہ کَوڑے داݨے کِتھوں آ ڳئین؟‘ 28اُوں جواب ݙِتا،’کہیں دُشمن ایہ کَم کیتے‘ تاں ٻاہنے پُچھیا،’کیا اَساں وَنڄ کرائیں اُنہیں کُوں پَٹ چھوڑوں؟‘ 29اُوں آکھیا،’اِیویں نہ تِھیوے جو کَوڑے داݨے آلی ٻُوٹیاں پَٹیندے ویلے کݨک وی پَٹیڄ پووے۔ 30رَڑھ کپیڄݨ تَئیِں اُنہیں کُوں کݨک دے کٹھے وَدھݨ ݙیو، اُوں ویلے مَیں کپݨ آلیاں کُوں آکھ ݙیساں جو پہلے کَوڑے داݨے کٹھے کر گھِنو اَتے اُنہیں کُوں ساڑݨ کیتے گٹھیں ٻَدھ گھِنو وَل کݨک کُوں کَٹھا کر کرائیں میݙے گودام اِچ جمع کر ݙیو۔‘“
سَرم دے داݨے دی مثال
(رَلدا مِلدا حوالہ: مرقس 4:30-32؛ لُوقا 13:18-19)
31یِسُوع اُنہیں کُوں ہِک ٻئی مثال سُݨائی، ”اَسمان دی بادشاہی سَرم دے داݨے وانگوں ہے جَینکُوں ہِک بندے گھِن تے اپݨے کھیت اِچ چھَٹ ݙِتا۔ 32بھانویں ایہ سارئیں بیجیں کنُوں نِکا ہوندے پَر وَدھدئیں ہوئیں ایہ سارے ٻُوٹیئیں کنُوں وَݙّا تھی کرائیں وَݨ وانگوں تھی ویندے اَتے ہوا دے پَکھی آ کرائیں اِیندی لَڑئیں اُتے آلھݨے بݨا گھِندِن۔“
خمیر دی مثال
(رَلدا مِلدا حوالہ: لُوقا 13:20-21)
33یِسُوع ٻئی مثال وی سُݨائی، ”اَسمان دی بادشاہی اِیویں ہے جو ہِک تریمت تھوڑا جیہاں خمیر گھِن کرائیں اُونکُوں اَدھ مَݨ اَٹا لُویندئیں ویلے اُوندے اِچ رَلا ݙِتا جَیں سارے اَٹے کُوں خمیرا کر ݙِتا۔“
یِسُوع مثالیں اِچ کلام کریندِن
(رَلدا مِلدا حوالہ: مرقس 4:33-34)
34یِسُوع ایہ سارئیں ڳالھیں بِھیڑ نال مثالیں اِچ کیتیاں اَتے او مثالیں دے بغیر اُنہیں نال ڳالھیں نہ کریندا ہا۔ 35تاں جو نبی دی راہِیں آکھی ڳالھ پوری تِھیوے،
”مَیں مثالیں اِچ ڳالھیں کریساں، مَیں دُنیاں دے مُنڈھ لا کنُوں لُکیاں ڳالھیں بیان کریساں۔“
یِسُوع کَوڑے داݨیں والی مثال سَمجھیندِن
36اِیندے بعد او بِھیڑ کُوں چھوڑ کرائیں گھر اِچ ڳیا اَتے اُوندے خاص شاگِردئیں اُوندے کولھ آ کرائیں آکھیا، ”ساکُوں کھیت دے کَوڑے داݨیں دی مثال سمجھا ݙے۔“
37اُوں جواب ݙِتا، ”چَنڳاں بیج چھَٹݨ آلا اِبنِآدم یعنی مَیں ہاں۔ 38اَتے کھیت دا مطلب دُنیاں ہے پَر چَنڳے بیج دا مطلب بادشاہی دے پُتر ہِن اَتے کَوڑے داݨیں دا مطلب بُرے دے پُتر ہِن۔ 39اَتے اُنہیں کُوں چھَٹݨ آلا دُشمن اِبلیس ہے رَڑھ کپیڄݨ دا مطلب مَحشر دا ݙینہہ ہے پَر رَڑھ کُوں کپݨ آلے فرِشتے ہِن۔ 40جیویں رَڑھ اِچوں کَوڑے داݨیں کَٹھے کیتے اَتے بھاہ اِچ ساڑ ݙِتے ویندِن اُونویں ای مَحشر دے ݙینہہ تھیسی۔ 41اِبنِآدم یعنی مَیں اپݨے فرِشتئیِں کُوں بھیڄ ݙیساں جو او میݙی بادشاہی اِچوں گُناہ دی وجہ اَتے شریعت دی خلاف ورزی کرَݨ آلئیں کُوں کڈھیسِن۔ 42اَتے اُنہیں کُوں ٻَلدی بھاہ دی ٻَٹھی اِچ سَٹ ݙیسِن جِتھاں رووَݨ تے ݙَند پیہوَݨ ہوسی۔ 43اِیندے بعد چَنڳیں لوک اپݨے اَسمانی باپ دی بادشاہی اِچ سِجھ وانگوں چمکسِن، کَن لا کرائیں سُݨو اَتے سمجھو۔“
اوݙھر خزانے دی مثال
44یِسُوع ہِک ٻئی مثال سُݨائی، ”اَسمان دی بادشاہی کھیت اِچ لُکیے خزانے وانگوں ہے جیرھا کہیں بندے کُوں مِلیا اَتے اُوں اُونکُوں وَلا لُکا ݙِتا اَتے او ٻَہُوں خُش تھِیا اَتے اپݨی ساری جائیداد ویچ کرائیں اُوں کھیت کُوں مُل گھِن گھِدا۔“
قیمتی موتی دی مثال
45وَل یِسُوع آکھیا، ”اَسمان دی بادشاہی اِیویں ہے جو ہِک وَپاری ہَئی جیرھا ٻَہُوں قیمتی موتی دی ڳول اِچ ہا۔ 46جݙّاں اُونکُوں ہِک ٻَہُوں قیمتی موتی مِلیا تاں اُوں وَنڄ کرائیں اپݨی ساری جائیداد ویچ ݙِتی اَتے او موتی مُل گھِن گھِدا۔“
ڄال دی مثال
47یِسُوع ہِک ٻئی مثال سُݨائی، ”اَسمان دی بادشاہی اِیویں ہے جو ہِک وَݙّا ڄال ہَئی جَینکُوں جھیل اِچ سَٹیا ڳیا تاں ہر قِسم دیاں مچھیاں ڄال اِچ آ ڳئیاں۔ 48اَتے جیویں ای او بھریڄ ڳیا تاں اُونکُوں کنارے اُتے چِھک آئے وَلا اُنہیں ٻَہہ کرائیں وَݙّیاں وَݙّیاں مچھیاں چُݨ کرائیں ٹوکرئیں اِچ پا گھِدیاں اَتے چھوٹیاں بُھکا سَٹیاں۔ 49مَحشر دے ݙینہہ اِیویں تھیسی فرِشتے نِکلسِن اَتے بُرے لوکیں کُوں چَنڳیں لوکیں کنُوں اَنجھ کریسِن۔ 50اَتے اُنہیں کُوں بھَڑکدی بھاہ دی ٻَٹھی اِچ سَٹ ڈیسِن جِتھاں رووݨ اَتے ݙَند پیہوَݨ ہوسی۔“
نَواں اَتے پُراݨا خزانہ
51یِسُوع اُنہیں کنُوں پُچھیا، ”تُہاکُوں سارئیں ڳالھیں دی سمجھ آ ڳئی ہے؟“
اُنہیں جواب ݙِتا،”جِیا۔“
52اُوں اُنہیں کُوں آکھیا، ”اِیں کیتے ہر شرع دا عالم جیرھا اَسمان دی بادشاہی اِچ شاگِرد بݨ ڳئے اِینجھے مالک مکان وانگوں ہے جیرھا اپݨے خزانے کنُوں نَویاں اَتے پُراݨیاں شئیں کڈھیندے۔“
یِسُوع دا شہر ناصرت اِچ قبول نہ کیتا وَنڄن
(رَلدا مِلدا حوالہ: مرقس 6:1-6؛ لُوقا 4:16-30)
53اَتے جیویں ای یِسُوع ایہ مثالاں سُݨا ݙِتیاں تاں او اُتھوں چلیا ڳیا۔ 54اَتے اپݨے وطن شہر ناصرت اِچ آ کرائیں او اُنہیں دی عبادت گاہ اِچ اِینجھی تعلیم ݙیوَݨ لڳا جو لوک اُوندی ڳالھیں سُݨ کرائیں حیران تھئے اَتے اُنہیں پُچھیا، ”اِینکُوں ایہ دَنائی اَتے مُعجِزے کرَݨ دی قُدرت کِتھوں مِلی ہے؟ 55کیا ایہ دَرکھاݨ دا پُتر نَئیِں؟ کیا اُوندی ماء دا ناں مریم نَئیِں اَتے کیا اُوندے بِھرا یعقُوب، یُوسف، شمعُون اَتے یہُوداہ نَئیِں؟ 56اَتے کیا اُوندیاں بھیݨیں اِیں شہر اِچ نَئیِں رَہندیاں؟ وَل اِیندے اِچ ایہ سارا کُجھ کِتھوں آ ڳئے؟“ 57اَتے اِیں وجہ کنُوں او بےیقینے تھی کرائیں اِیمان نہ گھِن آئے۔
اَتے یِسُوع اُنہیں کُوں آکھیا، ”نبی اپݨے وطن اَتے اپݨے خاندان دے علاوہ ٻِیا کِتھائیں بےعزت نَئیِں تھِیندا۔“ 58اَتے اُنہیں دے اِیمان نہ گھِن آوَݨ دی وجہ کنُوں اُوں اُتھاں ڈھیر مُعجِزے نہ ݙِکھائے۔
Valgt i Øjeblikket:
متّی 13: سرائیکی
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY
متّی 13
13
بیج چھَٹݨ آلے دی مثال
(رَلدا مِلدا حوالہ: مرقس 4:1-9؛ لُوقا 8:4-8)
1اُوں ݙینہہ یِسُوع گھر کنُوں نِکل کرائیں جھیل دے کنارے تعلیم ݙیوَݨ کیتے ٻَہہ تھِیا۔ 2اَتے ٻَہُوں وَݙّی بھِیڑ اُوندے چَودھاروں کٹھی تھی ڳئی اَتے او ٻیڑی اِچ وَنڄ ٻیٹھا اَتے بھِیڑ کنارے اُتے کھڑی ریہی۔ 3اَتے اُوں ٻَہُوں ساریاں ڳالھیں، مثالیں اِچ اُنہیں کُوں ݙسائیاں، ”ݙیکھو! ہِک بیج چھَٹݨ آلا بیج چھَٹݨ نِکتا۔ 4اَتے بیج چھَٹیندے ویلے کُجھ داݨے راہ دے کنارے اِچ ڈھہہ پئے اَتے پَکھئیں آ کرائیں او بیج چُڳ گھِدا۔ 5اَتے کُجھ بیج پَتھریلی زمین اِچ وَنڄ ڈھٹے جِتھاں اُونکُوں ڈھیر مٹی نہ مِلی اَتے او جلدی رَہیڄ آئے پَر جِھکی زمین نہ مِلݨ دی وجہ کنُوں، 6جݙّاں سِجھ نِکلیا تاں تِکھی دُھپ لڳݨ نال او ٻُوٹے سَڑ ڳئے کیوں جو اُنہیں دی پاڑاں اَڄݨ جِھکیاں نہ تھِیاں ہَن۔ 7کُجھ بیج کَنڈیاں آلئیں کنڈئیں آلی بوٹئیں اِچ ڈھٹے۔ اَتے اُنہیں دے کٹھے وَدھݨ لڳے پَر کنڈئیں آلئیں کنڈئیں آلی بوٹئیں اُنہیں کُوں وَدھݨ نہ ݙِتا۔ 8اَتے کُجھ بیج چَنڳی زمین تے ڈھٹے اَتے پَھل پُھل کرائیں، کِتھائیں سَو گُنا کِتھائیں سَٹھ گُنا اَتے کِتھائیں تریِہہ گُنا پیداوار ݙِتی۔
9کَن لا کرائیں سُݨو اَتے سمجھو۔“
مثالاں ݙیوَݨ دا مقصد
(رَلدا مِلدا حوالہ: مرقس 4:10-12؛ لُوقا 8:9-10)
10وَل اُوندے خاص شاگِرد کولھ آ کرائیں پُچھݨ لڳے،”تُساں لوکیں نال مثالیں اِچ کیوں ڳالھیں کریندو؟“ 11یِسُوع جواب ݙِتا، ”تُہاکُوں اَسمان دی بادشاہی دے رازیں دی سمجھ ݙِتی ڳئی ہے پَر اُنہیں کُوں ایہ سمجھ نَئیِں ݙِتی ڳئی۔ 12جَیندے کولھ ہے اُونکُوں ٻِیا ݙِتا وی ویسی اَتے اُوندے کولھ ڈھیر تھی ویسی پَر جَیندے کولھ کَینی اُوں کنُوں او وی گھِن گھِدا ویسی جیرھا کُجھ اُوندے کولھ ہے۔ 13اِیں کیتے مَیں اُنہیں نال مثالیں اِچ ڳالھیں کرینداں کیوں جو او ݙیہدئیں ہوئیں نَئیِں ݙیہدے اَتے سُݨدے ہوئیں وی کُجھ نَئیِں سُݨدے اَتے نہ ای کُجھ سمجھدِن۔ 14اُنہیں دے بارے یسعیاہ نبی دی آکھی ہوئی ڳالھ پوری تھِیندی ہے،
’تُساں کَنیں کنُوں سُݨسو پَر کُجھ نہ سمجھسو۔
اَتے تُساں اَکھیں نال ݙیکھسو پَر کُجھ نہ ڄاݨ سَڳسو۔
15کیوں جو اِیں اُمّت دا دِل بےحِس تھی ڳئے۔ اَتے او مُشکل نال اپݨے کَنیں کنُوں سُݨدِن اَتے اُنہیں اپݨی اَکھیں کُوں بند کیتا ہوئے جو اِیویں نہ تِھیوے جو او اپݨی اَکھیں کنُوں ݙیکھݨ اَتے کَنیں کنُوں سُنݨ اَتے دِل کنُوں سمجھݨ اَتے میݙے کولھ وَل آوَݨ تاں جو مَیں اُنہیں کُوں شِفا بَخشاں۔‘
16پَر تُساں چَنڳے ہِوے جیرھے اَکھیں کنُوں ݙیہدو اَتے کَنیں کنُوں سُݨدو۔ 17مَیں تُہاکُوں سچّ اَہداں جیرھا کُجھ تُساں ݙیہدو، ٻَہُوں سارے نبی اَتے نیک لوک اِینکُوں نہ ݙیکھ سڳے پَر او اِینکُوں ݙیکھݨ چاہندے ہَن اَتے جیرھیاں ڳالھیں او سُنݨ چاہندے ہَن او نہ سُݨ سڳے۔“
یِسُوع بیج چھَٹݨ دی مثال سَمجھیندِن
(رَلدا مِلدا حوالہ: مرقس 4:13-20؛ لُوقا 8:11-15)
18”ہُݨ سݨو جو بیج چھَٹݨ آلے دی مثال دا کیا مطلب ہے۔ 19جیرھے بادشاہی دا پیغام تاں سُݨدِن پَر اُونکُوں سمجھدے نَئیِں ایہ اُنہیں بیجیں وانگوں ہِن جیرھے راہ دے نال چھَٹیج ڳئے اَتے وَل بُرا آ کرائیں او پیغام دِلیں اِچوں کڈھ ویندے جیرھا اُنہیں دے دِلیں اِچ رَہا ݙِتا ڳیا ہا۔ 20جیرھے لوک تعلیم کُوں سُݨدے ای خُشی نال مَن گھِندِن اُوں بیج وانگوں ہِن جیرھے پَتھریلی جاہ تے چھَٹیج ڳئے۔ 21اُنہیں اِچ تعلیم دی پاڑ نَئیِں پھَپھَڑدی اِیں کیتے او ڈھیر عرصہ تعلیم اُتے قائم نَئیِں رَہندے اَتے جݙّاں کُوئی مُصیبت یا ݙُکھ دا شکار تھِیندِن تاں او گُمراہ تھی کرائیں اِیمان کنُوں پِھر ویندِن۔ 22اَتے جیرھے بیج کنڈئیں آلی بوٹئیں اِچ چھَٹیج ڳئے ایہ او لوک ہِن جیرھے تعلیم کُوں سُݨدے تاں ہِن پرَ دُنیاں دی فکر اَتے دولت دا دھوکہ اُوں تعلیم کُوں دبا گھِندے اَتے او پَھل نَئیِں چیندی۔ 23پَر چَنڳی مٹی اِچ چھَٹیے ڳئے بیج او ہِن جیرھے تعلیم کُوں سُݨ کرائیں اُونکُوں سمجھ گھِندِن اَتے وَدھدے وَدھدے تریِہہ گُنا، سَٹھ گُنا اَتے سو گُنا پَھل چا گھِندِن۔“
کَوڑے داݨیں دی مثال
24یِسُوع ٻئی مثال سُݨائی، ”اَسمان دی بادشاہی اُوں بندے وانگوں ہے جَیں اپݨے کھیت اِچ چَنڳاں بیج چھَٹیا۔ 25پَر جݙّاں لوک سُتے پئے ہَن تاں اُوندا دُشمن آیا اَتے کݨک اِچ کَوڑے داݨیں دا بیج رَہا ڳیا۔ 26جیویں ای کݨک پھَپھَڑ پَئی اَتے سِٹے نِکلݨ لڳے تاں کَوڑے داݨے وی ݙِسے۔ 27ایہ ݙیکھ کرائیں ٻاہنے اپݨے مالک کولھ آئے اَتے پُچھݨ لڳے،’سَئیِں! کیا تَیں اپݨے کھیت اِچ چَنڳاں بیج نہ چھَٹیا ہا؟ تاں وَل ایہ کَوڑے داݨے کِتھوں آ ڳئین؟‘ 28اُوں جواب ݙِتا،’کہیں دُشمن ایہ کَم کیتے‘ تاں ٻاہنے پُچھیا،’کیا اَساں وَنڄ کرائیں اُنہیں کُوں پَٹ چھوڑوں؟‘ 29اُوں آکھیا،’اِیویں نہ تِھیوے جو کَوڑے داݨے آلی ٻُوٹیاں پَٹیندے ویلے کݨک وی پَٹیڄ پووے۔ 30رَڑھ کپیڄݨ تَئیِں اُنہیں کُوں کݨک دے کٹھے وَدھݨ ݙیو، اُوں ویلے مَیں کپݨ آلیاں کُوں آکھ ݙیساں جو پہلے کَوڑے داݨے کٹھے کر گھِنو اَتے اُنہیں کُوں ساڑݨ کیتے گٹھیں ٻَدھ گھِنو وَل کݨک کُوں کَٹھا کر کرائیں میݙے گودام اِچ جمع کر ݙیو۔‘“
سَرم دے داݨے دی مثال
(رَلدا مِلدا حوالہ: مرقس 4:30-32؛ لُوقا 13:18-19)
31یِسُوع اُنہیں کُوں ہِک ٻئی مثال سُݨائی، ”اَسمان دی بادشاہی سَرم دے داݨے وانگوں ہے جَینکُوں ہِک بندے گھِن تے اپݨے کھیت اِچ چھَٹ ݙِتا۔ 32بھانویں ایہ سارئیں بیجیں کنُوں نِکا ہوندے پَر وَدھدئیں ہوئیں ایہ سارے ٻُوٹیئیں کنُوں وَݙّا تھی کرائیں وَݨ وانگوں تھی ویندے اَتے ہوا دے پَکھی آ کرائیں اِیندی لَڑئیں اُتے آلھݨے بݨا گھِندِن۔“
خمیر دی مثال
(رَلدا مِلدا حوالہ: لُوقا 13:20-21)
33یِسُوع ٻئی مثال وی سُݨائی، ”اَسمان دی بادشاہی اِیویں ہے جو ہِک تریمت تھوڑا جیہاں خمیر گھِن کرائیں اُونکُوں اَدھ مَݨ اَٹا لُویندئیں ویلے اُوندے اِچ رَلا ݙِتا جَیں سارے اَٹے کُوں خمیرا کر ݙِتا۔“
یِسُوع مثالیں اِچ کلام کریندِن
(رَلدا مِلدا حوالہ: مرقس 4:33-34)
34یِسُوع ایہ سارئیں ڳالھیں بِھیڑ نال مثالیں اِچ کیتیاں اَتے او مثالیں دے بغیر اُنہیں نال ڳالھیں نہ کریندا ہا۔ 35تاں جو نبی دی راہِیں آکھی ڳالھ پوری تِھیوے،
”مَیں مثالیں اِچ ڳالھیں کریساں، مَیں دُنیاں دے مُنڈھ لا کنُوں لُکیاں ڳالھیں بیان کریساں۔“
یِسُوع کَوڑے داݨیں والی مثال سَمجھیندِن
36اِیندے بعد او بِھیڑ کُوں چھوڑ کرائیں گھر اِچ ڳیا اَتے اُوندے خاص شاگِردئیں اُوندے کولھ آ کرائیں آکھیا، ”ساکُوں کھیت دے کَوڑے داݨیں دی مثال سمجھا ݙے۔“
37اُوں جواب ݙِتا، ”چَنڳاں بیج چھَٹݨ آلا اِبنِآدم یعنی مَیں ہاں۔ 38اَتے کھیت دا مطلب دُنیاں ہے پَر چَنڳے بیج دا مطلب بادشاہی دے پُتر ہِن اَتے کَوڑے داݨیں دا مطلب بُرے دے پُتر ہِن۔ 39اَتے اُنہیں کُوں چھَٹݨ آلا دُشمن اِبلیس ہے رَڑھ کپیڄݨ دا مطلب مَحشر دا ݙینہہ ہے پَر رَڑھ کُوں کپݨ آلے فرِشتے ہِن۔ 40جیویں رَڑھ اِچوں کَوڑے داݨیں کَٹھے کیتے اَتے بھاہ اِچ ساڑ ݙِتے ویندِن اُونویں ای مَحشر دے ݙینہہ تھیسی۔ 41اِبنِآدم یعنی مَیں اپݨے فرِشتئیِں کُوں بھیڄ ݙیساں جو او میݙی بادشاہی اِچوں گُناہ دی وجہ اَتے شریعت دی خلاف ورزی کرَݨ آلئیں کُوں کڈھیسِن۔ 42اَتے اُنہیں کُوں ٻَلدی بھاہ دی ٻَٹھی اِچ سَٹ ݙیسِن جِتھاں رووَݨ تے ݙَند پیہوَݨ ہوسی۔ 43اِیندے بعد چَنڳیں لوک اپݨے اَسمانی باپ دی بادشاہی اِچ سِجھ وانگوں چمکسِن، کَن لا کرائیں سُݨو اَتے سمجھو۔“
اوݙھر خزانے دی مثال
44یِسُوع ہِک ٻئی مثال سُݨائی، ”اَسمان دی بادشاہی کھیت اِچ لُکیے خزانے وانگوں ہے جیرھا کہیں بندے کُوں مِلیا اَتے اُوں اُونکُوں وَلا لُکا ݙِتا اَتے او ٻَہُوں خُش تھِیا اَتے اپݨی ساری جائیداد ویچ کرائیں اُوں کھیت کُوں مُل گھِن گھِدا۔“
قیمتی موتی دی مثال
45وَل یِسُوع آکھیا، ”اَسمان دی بادشاہی اِیویں ہے جو ہِک وَپاری ہَئی جیرھا ٻَہُوں قیمتی موتی دی ڳول اِچ ہا۔ 46جݙّاں اُونکُوں ہِک ٻَہُوں قیمتی موتی مِلیا تاں اُوں وَنڄ کرائیں اپݨی ساری جائیداد ویچ ݙِتی اَتے او موتی مُل گھِن گھِدا۔“
ڄال دی مثال
47یِسُوع ہِک ٻئی مثال سُݨائی، ”اَسمان دی بادشاہی اِیویں ہے جو ہِک وَݙّا ڄال ہَئی جَینکُوں جھیل اِچ سَٹیا ڳیا تاں ہر قِسم دیاں مچھیاں ڄال اِچ آ ڳئیاں۔ 48اَتے جیویں ای او بھریڄ ڳیا تاں اُونکُوں کنارے اُتے چِھک آئے وَلا اُنہیں ٻَہہ کرائیں وَݙّیاں وَݙّیاں مچھیاں چُݨ کرائیں ٹوکرئیں اِچ پا گھِدیاں اَتے چھوٹیاں بُھکا سَٹیاں۔ 49مَحشر دے ݙینہہ اِیویں تھیسی فرِشتے نِکلسِن اَتے بُرے لوکیں کُوں چَنڳیں لوکیں کنُوں اَنجھ کریسِن۔ 50اَتے اُنہیں کُوں بھَڑکدی بھاہ دی ٻَٹھی اِچ سَٹ ڈیسِن جِتھاں رووݨ اَتے ݙَند پیہوَݨ ہوسی۔“
نَواں اَتے پُراݨا خزانہ
51یِسُوع اُنہیں کنُوں پُچھیا، ”تُہاکُوں سارئیں ڳالھیں دی سمجھ آ ڳئی ہے؟“
اُنہیں جواب ݙِتا،”جِیا۔“
52اُوں اُنہیں کُوں آکھیا، ”اِیں کیتے ہر شرع دا عالم جیرھا اَسمان دی بادشاہی اِچ شاگِرد بݨ ڳئے اِینجھے مالک مکان وانگوں ہے جیرھا اپݨے خزانے کنُوں نَویاں اَتے پُراݨیاں شئیں کڈھیندے۔“
یِسُوع دا شہر ناصرت اِچ قبول نہ کیتا وَنڄن
(رَلدا مِلدا حوالہ: مرقس 6:1-6؛ لُوقا 4:16-30)
53اَتے جیویں ای یِسُوع ایہ مثالاں سُݨا ݙِتیاں تاں او اُتھوں چلیا ڳیا۔ 54اَتے اپݨے وطن شہر ناصرت اِچ آ کرائیں او اُنہیں دی عبادت گاہ اِچ اِینجھی تعلیم ݙیوَݨ لڳا جو لوک اُوندی ڳالھیں سُݨ کرائیں حیران تھئے اَتے اُنہیں پُچھیا، ”اِینکُوں ایہ دَنائی اَتے مُعجِزے کرَݨ دی قُدرت کِتھوں مِلی ہے؟ 55کیا ایہ دَرکھاݨ دا پُتر نَئیِں؟ کیا اُوندی ماء دا ناں مریم نَئیِں اَتے کیا اُوندے بِھرا یعقُوب، یُوسف، شمعُون اَتے یہُوداہ نَئیِں؟ 56اَتے کیا اُوندیاں بھیݨیں اِیں شہر اِچ نَئیِں رَہندیاں؟ وَل اِیندے اِچ ایہ سارا کُجھ کِتھوں آ ڳئے؟“ 57اَتے اِیں وجہ کنُوں او بےیقینے تھی کرائیں اِیمان نہ گھِن آئے۔
اَتے یِسُوع اُنہیں کُوں آکھیا، ”نبی اپݨے وطن اَتے اپݨے خاندان دے علاوہ ٻِیا کِتھائیں بےعزت نَئیِں تھِیندا۔“ 58اَتے اُنہیں دے اِیمان نہ گھِن آوَݨ دی وجہ کنُوں اُوں اُتھاں ڈھیر مُعجِزے نہ ݙِکھائے۔
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
متّی دی راہِیں اِنجِیل
سرائیکی بولی اِچ
Gospel of Matthew in Common Saraiki (Test edition for limited distribution)
Copyright © 2023 The Pakistan Bible Society
All rights reserved Gospel of Matthew, in Common Saraiki (Test edition for limited distribution) Copyright © 2023 by The Pakistan Bible Society
Typesetting: CAP Department, Pakistan Bible Society
PUBLISHER: THE PAKISTAN BIBLE SOCIETY