Ruuta Ɓaarən

Ɓaarən

Ma Ləkaləkatə ŋga Rutə agi dzəgunətən nə cə sha sət ɗii saa'itə mala guŋwanyin ka ɗa ŋwaŋuunatii an hanyin ŋga Isərayiila. Ma ka tsaakəy, əndə Isərayiila waato Elimelek da minaakəy Na'omi da manjevənatii bəra'i huyi satii acii maɗəfən aanə hanyin ŋga Mo'ab. Ma tii ma'ə davə, kə əntəgi ŋgurii Na'omi. Ma manjevəətatii bəra'i əs waato Mahəlon da Kiliyon, kə fə'i tii makkin davə də Mo'ab. Rutə nə ləmə ŋga miitə ŋgirə Kiliyon, Orəpa nə ŋga Mahəlon. Agi ɓaariin nə ləkaləkatənə makə sət zhi'ugərə Rutə mitə Mo'ab, məshipətə ənda aagi ənjə ŋga Əntaŋfə waato ənjə Isərayiila.

Makə məətəgi ŋguyirənatii, poshə Rutə bwase ka sərəhwatii Na'omi. Kə nə'uunə ki tə ki aanə hanyin ŋga Isərayiila. Ma davə əs, kə ŋgirə ki ŋgura, Bowaz nə ləməkəy, duurə ŋga Elimelek nə cə. Kə pwayi i Bowaz da Rutə tə Obed. Ma ca, dzədzəci ŋwaŋwə Dawuda nə cə. Də ha'ə ɓaarii ləkaləkatənə o'i kə ki'i Əntaŋfə ka Rutə shikwatə makə zhi'ugi ki aagi ənjaakəy, kya paslə tə cə əs.

Aciikəy ha'ə, agi ɓaariin nə ləkaləkatənə o'i maɗa kə uugyuun ləɓən da ənda, gaha alə sət ca təke kon da cə acii upaa uushə tə cə amma, aluu sət ca ənə ka haɗatəgin duun. Kə dəɓe ka ənjə a uuɗə ndzəkuŋushi'inətii makə sət uu'i tii natiina. Kə ndzaa misaali ŋga Rutə ka ŋu'i misaali ka makkin da yatii da ndzaanatii da hara ənja.

Sət asəkə ləkaləkatəna

Elimelek da yaakəy anə hanyin ŋga Mo'ab 1.1-22

Guŋun ŋga Rutə da Bowaz 2.1—3.18

Ŋgərən ŋga Bowaz tə Rutə da pon tə Obed 4.1-22

Valgt i Øjeblikket:

Ruuta Ɓaarən: Ruth BGD

Markering

Del

Kopiér