Mateo 12
12
E disipulura ikanen lliu ando sabado
(Mk 2.23-28; Lk 6.1-5)
1Iek llive sabado o Jesus ppirela maskar o lliu. Leke disipulura sea bokkale ta ttodepe te chirden o lliu te jan le. 2E fariseura kana dikkle le, ppende leke:
—A che disipulura cheren so nasti cherdol ando sabado.
3A vou ppenda lenge:
—¿Tumen ni chitisarden so cherda o David kana vou ta i gola kai sea lea bokkaile?#1 S 21.1-6; cf. Ex 35.13; Lv 24.5-9. 4Sar dia ande Devleko cher ta jala e marrne kai sea chinade e Devleke, kai von nasti jana ni vou ta ni gola kai sea lea ta kai gola marrne sai jana len samo e popura. 5¿A tumen ni chitisarden ando zakono sar ando cher e Devleko e popura radin ando sabado ta inai dosale?#Nm 28.9-10. 6Goleke ppenau tumenge kai kate si iek mai baro neko o cher e Devleko. 7Te llanena so si: ‘zalba mangau a na kurbanura’#Os 6.6; cf. Mt 9.13. ni dosarena golen kai inai len dos. 8Soke o Chavo e manuseko si gazda katar o sabado.
O manus kai saia le iek va suko
(Mk 3.1-6; Lk 6.6-11)
9Kana o Jesus llelotar kotar dia ande kkanlliri e judionengi kai saia kote. 10Ta kote saia iek manus kai leko va saia suko, ta te sai dosaren e Jesuse puche le:
—¿Sai sastardol ando sabado?
11O Jesus ppenda lenge:
—¿Ko tumendar te si le iek bakro ta o bakro te perel ande iek bunari ando sabado ni istarel le pe vastea ta ikanel le?#Lk 14.5. 12A iek manus mol mai but neko iek bakro. Goleke sai cherdol o lachipe ando sabado.
13Ondaka o Jesus ppenda gole manuseke:
—Inzar cho va.
Vou inzarda po va ta leko va sastilo sar o gua va. 14A kana e fariseura lleletar die pe orba te dikken sar ka mundaren e Jesuse.
O esluga esvirime
15Kana o Jesus llangla gaia ezgoda llelotar kotar a but baro sueto llelo pala le ta saurren sastarela. 16Ta ppenela lenge te na den orba letar angla e llene. 17Te sai cherdol so ppendaia o porauko Isaias:#Is 42.1-4.
18“Etalo kote mo esluga kai me esvirisardem,
vou kai voliu le, vou kai veselil mo zivoto;
Ka ttovau mo Duo upral pe lete,
ta ka del orba katar e kris e llenenge kai inai judiura.
19Ni ka jalpe
ta ni ka urkil,
ta niko ni ka asunel leko avazi pe droma.
20Ni ka ppagel o kas kai si ppagorro;
ta ni ka mundarel o ttau e memeliako kai ttuvarel
llik kana ka cherel te dobil e kris.
21Ande leko anau ka aduricharen gola kai inai judiura.”
Kana kusen e Santo Duo
(Mk 3.20-30; Lk 11.14-23; 12.10)
22Ondaka inllarde kai o Jesus iekke manuse kai saia o llavolo ande lete, gua lleno saia korro ta i nemao, ta o Jesus sastarda le ta gua lleno dikkla ta dia orba.#Mt 9.32-33. 23Sa o sueto chudilape ta ppenela: “¿Sai avel gava o Chavo e Davideko?”
24A kana asunde gava e fariseura ppende: “Gava chudel avri e llavolonen soke o Beelzebu, o gazda e llavolonengo del le e zor te cherel le.”#Mt 9.34; 10.25.
25A o Jesus sar llanela lenge mislura ppenda lenge: “Suako ppuv kai si fuladi voi pea zatrilpe, ta nisavo foro o familia kai si fuladi voi pea ni ka achel. 26A isto gia, o Satanas te tradel avri isto vou pe ta te fuladol isto vou pea, vou pea si fulado, a te si gia ¿sar ka achel leki zor? 27A me te tradau avri e llavolonen e zoraia katar o Beelzebu, ¿ande kaki zor traden e llavolonen tumare disipulura? Goleke, von ka chinen tumenge e kris. 28A te si kai o Duo e Devleko del man zor te tradau e llavolonen, chachimaia avila tumende e charoina e Devleki.
29Goleke “¿Sar ka del vareko ando cher katar iek manus kai si zuralo ta te chorel peke leke ezgode te na ppandela le mai anglal? Ondaka kote sai ka chorel peke e ezgode katar o cher.
30“O lleno kai inai manchar, marelpe manchar; ta o lleno kai ni chidel manchar rispil.#Mk 9.40; Lk 9.50.
31“Goleke ppenau tumenge: Suako bilachipe ta e orba bilache ka avel prostime e manusenge, a te kusen e Santone Duo ni ka aven prostime.#Mk 3.28-29; Lk 12.10. 32Vareko i te ppenela varesavo alau bilacho katar o Chavo e manuseko, ka avel prostime; a ko dela orba bilachi katar o Santo Duo, ni ka avel prostime, ni akana ni mai angle.
O kas pinllardol prema leki septelia
(Lk 6.43-45)
33“A o kas te si lacho, leke septelie si lache; a o kas te si bilacho leke septelie si bilache, soke pala e septelie pinllardol o kas.#Mt 7.20; Lk 6.44. 34¡Vicha sapengi! ¿Sar ka den orba lachi, kana sen bilache? soke katar so si mai but ando lio del orba o mui. 35O manus lacho del orbe lache soke o lachipe si ande leko lio, a o manus bilacho del orbe bilache soke o bilachipe si ande leko lio. 36A me ppenau tumenge kai ando llive e krisako ka avel krisime suako alau bilacho kai den orba e manusa. 37Goleke pala che alava pe kris ka ave llindo bi dosako o pala che alava ka ave dosalo pe kris.”
Nesave llene mangen iek bari ezgoda Devlikani
(Mk 8.12; Lk 11.29-32)
38Ondaka nesave fariseura ta i nesave kovacha e zakonoke ppende:
—Kovachi manga dikka iek bari ezgoda Devlikani.
39O Jesus ppenda lenge:
—Gala llene bilache ta kurvaria mangen te dikken iek bari ezgoda Devlikani, a so ka delpe lenge te dikken si so avilape e Jonasea o porauko. 40Soke isto gia sar o Jonas saia ando lli e macheko trin llive ta trin racha, isto gia ka avel o Chavo e manuseko ando lio e ppuviako, trin llive ta trin racha. 41E manusa katar o Ninive ka usten pe kris gale vichaia ta ka dosaren la; soke von irisaile katar pe bilache droma kana asunde e Jonase, a kate si iek mai baro neko o Jonas.#Jon 3.5. 42I e charoina katar o Sur ka ustel ando llive e krisako gale vichaia ta ka dosarel la soke voi avili katar o goia rig e ppuviaki te sai asunel o bizaipe katar o Salomon,#1 R 10.1-10; 2 Krn 9.1-12. a so si kate si mai baro neko o Salomon.
O duo bilacho kai irilpe
(Lk 11.24-26)
43“Kana iek duo bilacho likel katar iek lleno, llal pe ttana suke ta rodel kai te besel te lelpe letar o chiñipe, ta ni malavel le. 44Ondaka ppenel: ka iriuman kai mo cher katar likistem.’ Ta kana irilpe, malavel gole llene sargo iek cher chucho, metime, ta lachardo. 45Ondaka llal ta anel efta duonen mai bilache neko vou, ta sa den te zivin ande gua lleno, ta achel mai bilacho neko omanglal. Isto gia ka avel pe gale bilache vichaia.
E dei ta e pplal katar o Jesus
(Mk 3.31-35; Lk 8.19-21)
46Kana o Jesus dela orba e suetoke, leki dei ta leke pplal sea avri ta mangena te den lea orba. 47Ondaka iek lleno ppenda leke:
—Chi dei ta che pplal si avri ta mangen te den tuia orba.
48A o Jesus ppenda gole lleneke:
—¿Ko si mi dei ta ko si me pplal?
49Vazdia po va kai pe disipulura ta ppenda:
—Gala si mi dei ta me pplal; 50soke kogo cherela e volia me Dadeki kai si ando miloso, gua si mo pplal, mi ppei ta mi dei.
Valgt i Øjeblikket:
Mateo 12: ROM07
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nuevo Testamento en Romané © Sociedad Bíblica Chilena, 2007.
Mateo 12
12
E disipulura ikanen lliu ando sabado
(Mk 2.23-28; Lk 6.1-5)
1Iek llive sabado o Jesus ppirela maskar o lliu. Leke disipulura sea bokkale ta ttodepe te chirden o lliu te jan le. 2E fariseura kana dikkle le, ppende leke:
—A che disipulura cheren so nasti cherdol ando sabado.
3A vou ppenda lenge:
—¿Tumen ni chitisarden so cherda o David kana vou ta i gola kai sea lea bokkaile?#1 S 21.1-6; cf. Ex 35.13; Lv 24.5-9. 4Sar dia ande Devleko cher ta jala e marrne kai sea chinade e Devleke, kai von nasti jana ni vou ta ni gola kai sea lea ta kai gola marrne sai jana len samo e popura. 5¿A tumen ni chitisarden ando zakono sar ando cher e Devleko e popura radin ando sabado ta inai dosale?#Nm 28.9-10. 6Goleke ppenau tumenge kai kate si iek mai baro neko o cher e Devleko. 7Te llanena so si: ‘zalba mangau a na kurbanura’#Os 6.6; cf. Mt 9.13. ni dosarena golen kai inai len dos. 8Soke o Chavo e manuseko si gazda katar o sabado.
O manus kai saia le iek va suko
(Mk 3.1-6; Lk 6.6-11)
9Kana o Jesus llelotar kotar dia ande kkanlliri e judionengi kai saia kote. 10Ta kote saia iek manus kai leko va saia suko, ta te sai dosaren e Jesuse puche le:
—¿Sai sastardol ando sabado?
11O Jesus ppenda lenge:
—¿Ko tumendar te si le iek bakro ta o bakro te perel ande iek bunari ando sabado ni istarel le pe vastea ta ikanel le?#Lk 14.5. 12A iek manus mol mai but neko iek bakro. Goleke sai cherdol o lachipe ando sabado.
13Ondaka o Jesus ppenda gole manuseke:
—Inzar cho va.
Vou inzarda po va ta leko va sastilo sar o gua va. 14A kana e fariseura lleletar die pe orba te dikken sar ka mundaren e Jesuse.
O esluga esvirime
15Kana o Jesus llangla gaia ezgoda llelotar kotar a but baro sueto llelo pala le ta saurren sastarela. 16Ta ppenela lenge te na den orba letar angla e llene. 17Te sai cherdol so ppendaia o porauko Isaias:#Is 42.1-4.
18“Etalo kote mo esluga kai me esvirisardem,
vou kai voliu le, vou kai veselil mo zivoto;
Ka ttovau mo Duo upral pe lete,
ta ka del orba katar e kris e llenenge kai inai judiura.
19Ni ka jalpe
ta ni ka urkil,
ta niko ni ka asunel leko avazi pe droma.
20Ni ka ppagel o kas kai si ppagorro;
ta ni ka mundarel o ttau e memeliako kai ttuvarel
llik kana ka cherel te dobil e kris.
21Ande leko anau ka aduricharen gola kai inai judiura.”
Kana kusen e Santo Duo
(Mk 3.20-30; Lk 11.14-23; 12.10)
22Ondaka inllarde kai o Jesus iekke manuse kai saia o llavolo ande lete, gua lleno saia korro ta i nemao, ta o Jesus sastarda le ta gua lleno dikkla ta dia orba.#Mt 9.32-33. 23Sa o sueto chudilape ta ppenela: “¿Sai avel gava o Chavo e Davideko?”
24A kana asunde gava e fariseura ppende: “Gava chudel avri e llavolonen soke o Beelzebu, o gazda e llavolonengo del le e zor te cherel le.”#Mt 9.34; 10.25.
25A o Jesus sar llanela lenge mislura ppenda lenge: “Suako ppuv kai si fuladi voi pea zatrilpe, ta nisavo foro o familia kai si fuladi voi pea ni ka achel. 26A isto gia, o Satanas te tradel avri isto vou pe ta te fuladol isto vou pea, vou pea si fulado, a te si gia ¿sar ka achel leki zor? 27A me te tradau avri e llavolonen e zoraia katar o Beelzebu, ¿ande kaki zor traden e llavolonen tumare disipulura? Goleke, von ka chinen tumenge e kris. 28A te si kai o Duo e Devleko del man zor te tradau e llavolonen, chachimaia avila tumende e charoina e Devleki.
29Goleke “¿Sar ka del vareko ando cher katar iek manus kai si zuralo ta te chorel peke leke ezgode te na ppandela le mai anglal? Ondaka kote sai ka chorel peke e ezgode katar o cher.
30“O lleno kai inai manchar, marelpe manchar; ta o lleno kai ni chidel manchar rispil.#Mk 9.40; Lk 9.50.
31“Goleke ppenau tumenge: Suako bilachipe ta e orba bilache ka avel prostime e manusenge, a te kusen e Santone Duo ni ka aven prostime.#Mk 3.28-29; Lk 12.10. 32Vareko i te ppenela varesavo alau bilacho katar o Chavo e manuseko, ka avel prostime; a ko dela orba bilachi katar o Santo Duo, ni ka avel prostime, ni akana ni mai angle.
O kas pinllardol prema leki septelia
(Lk 6.43-45)
33“A o kas te si lacho, leke septelie si lache; a o kas te si bilacho leke septelie si bilache, soke pala e septelie pinllardol o kas.#Mt 7.20; Lk 6.44. 34¡Vicha sapengi! ¿Sar ka den orba lachi, kana sen bilache? soke katar so si mai but ando lio del orba o mui. 35O manus lacho del orbe lache soke o lachipe si ande leko lio, a o manus bilacho del orbe bilache soke o bilachipe si ande leko lio. 36A me ppenau tumenge kai ando llive e krisako ka avel krisime suako alau bilacho kai den orba e manusa. 37Goleke pala che alava pe kris ka ave llindo bi dosako o pala che alava ka ave dosalo pe kris.”
Nesave llene mangen iek bari ezgoda Devlikani
(Mk 8.12; Lk 11.29-32)
38Ondaka nesave fariseura ta i nesave kovacha e zakonoke ppende:
—Kovachi manga dikka iek bari ezgoda Devlikani.
39O Jesus ppenda lenge:
—Gala llene bilache ta kurvaria mangen te dikken iek bari ezgoda Devlikani, a so ka delpe lenge te dikken si so avilape e Jonasea o porauko. 40Soke isto gia sar o Jonas saia ando lli e macheko trin llive ta trin racha, isto gia ka avel o Chavo e manuseko ando lio e ppuviako, trin llive ta trin racha. 41E manusa katar o Ninive ka usten pe kris gale vichaia ta ka dosaren la; soke von irisaile katar pe bilache droma kana asunde e Jonase, a kate si iek mai baro neko o Jonas.#Jon 3.5. 42I e charoina katar o Sur ka ustel ando llive e krisako gale vichaia ta ka dosarel la soke voi avili katar o goia rig e ppuviaki te sai asunel o bizaipe katar o Salomon,#1 R 10.1-10; 2 Krn 9.1-12. a so si kate si mai baro neko o Salomon.
O duo bilacho kai irilpe
(Lk 11.24-26)
43“Kana iek duo bilacho likel katar iek lleno, llal pe ttana suke ta rodel kai te besel te lelpe letar o chiñipe, ta ni malavel le. 44Ondaka ppenel: ka iriuman kai mo cher katar likistem.’ Ta kana irilpe, malavel gole llene sargo iek cher chucho, metime, ta lachardo. 45Ondaka llal ta anel efta duonen mai bilache neko vou, ta sa den te zivin ande gua lleno, ta achel mai bilacho neko omanglal. Isto gia ka avel pe gale bilache vichaia.
E dei ta e pplal katar o Jesus
(Mk 3.31-35; Lk 8.19-21)
46Kana o Jesus dela orba e suetoke, leki dei ta leke pplal sea avri ta mangena te den lea orba. 47Ondaka iek lleno ppenda leke:
—Chi dei ta che pplal si avri ta mangen te den tuia orba.
48A o Jesus ppenda gole lleneke:
—¿Ko si mi dei ta ko si me pplal?
49Vazdia po va kai pe disipulura ta ppenda:
—Gala si mi dei ta me pplal; 50soke kogo cherela e volia me Dadeki kai si ando miloso, gua si mo pplal, mi ppei ta mi dei.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nuevo Testamento en Romané © Sociedad Bíblica Chilena, 2007.