San Lucas 5
5
Jesús kána ra nda taa nda xáꞌni tiaka ya kundikun ñaꞌa nda
(Mt. 4:18-22; Mr. 1:16-20)
1Iin kivi ndíchi Jesús yuꞌu nduta ñûꞌu náni Genesaret, ta yáꞌa ni kuaꞌan naꞌa nuu ra ya kuni soꞌo na tuꞌun Ndioxi, ndakua iin chíndaꞌa taꞌan mií na kuaꞌan na. 2Ta saa xi̱ni Jesús uvi itun barco ndíta nu yuꞌu tikuii ikán, ke̱e nda xáꞌni tiaka ini nu, xa̱á nda ndíkata nda ñunu nda. 3Saa ndi̱keta Jesús ini iin nu, ta barco ra Simón Pedro, ku nu. Saa ndu̱ku Jesús ya mani nuu ra ya sikutaꞌa loꞌo ka ra nu chí maꞌñu tikuii ya kuchiñu kaꞌan ra xiꞌin ndiꞌi na ndíta yuꞌu tikuii ikán. Ta saa si̱kutaꞌa ra nu. Ñaa ndi̱kunduꞌu Jesús ini nu xa̱á ra sínaꞌa ra. 4Tá si̱ndiꞌi ra ndi̱kaꞌan ra xiꞌin na, ta saa ndi̱kaꞌan ra xiꞌin ra Simón Pedro káchi ra saa:
―Vaꞌa sikutaꞌa ndo barco siloꞌo ka chí nuu kunu vaꞌa. Ta ñaa chikaa ndo ñunu ndo ya ná kee tiaka ini ya ―káchi ra xiꞌin ra.
5Saa ndi̱kuiin ra, káchi ra saa:
―Tata Maestro, iniun ñǔu xa̱a chiñu nde, ta nda iin ri köo ndi̱tiin nde. Ta vaꞌa chikaa tuku va nde ya saa chi yóꞌo̱ káꞌan ―káchi ra.
6Saa chi̱kaa tuku nda ya ta chu̱tu ndaa ya. Tá ndi̱xita nda ya ta xa̱á ya táꞌnda ya xiꞌin tiaka, xaꞌa ya kuaꞌa ni ri ndi̱kee ini ya. 7Ta saa i̱kan nda seña nuu nda taꞌan nda, nda ñúꞌu ini inka barco, ya ná kuꞌun nda chindee ñaꞌa nda. Saa ndi̱xaa nda ta̱va nda ya. Si̱kutu ndaa nda uvi saa tun barco xiꞌin ri, siloꞌo ndikava nu ini tikuii chi ku̱u vee nu xiꞌin ri. 8Ta saa tá xi̱ni ra Simón Pedro ya ndo̱ꞌo nda, ñaa ndi̱xaa ra si̱kusiti ra nuu Jesús, káchi ra saa:
―Tata, yóꞌo̱ ta ra vaꞌa ku un, ra i̱í ku un, yakan vaꞌa ka kuataꞌa nuu i chi küvi kitaꞌan i xiꞌin un chi süvi ra vaꞌa ku i, ra íyo kuachi ku i ―káchi ra xiꞌin Jesús.
9Xaꞌa ya kuaꞌa ni tiaka ti̱in nda yakan ndi̱ndiꞌvi ni ra, saa ndo̱ꞌo ndiꞌi tu nda ítaꞌan xiꞌin va ra, ndi̱ndiꞌvi ni nda xíto nda chu̱tu ndaa tun barco nda xiꞌin tiaka. 10Saa tu ra Jacobo va xiꞌin ra Juan, nda seꞌe ra Zebedeo xiꞌin ra Símón, íꞌvi ka vi nda. Saa ndi̱kaꞌan Jesús xiꞌin ra Simón Pedro, káchi ra saa:
―Simón, ku ïꞌvi un, saa chi käꞌni ka un tiaka, taxi i inka chiñu ndaꞌa un, kivi vitin xáa chiñu ya taxi i ndaꞌa un, kuꞌun un ndikaya un naꞌa, ya kundikun na ichí Ndioxi ―káchi Jesús xiꞌin ra.
11Ta saa ta̱va nda tun barco nda nuu íchi yuꞌu tikuii, ikán ki̱ꞌin nda nu si̱ndikoo nda, si̱ndikoo ndiꞌi nda ndaꞌa chiñu nda. Ñaa ndi̱kiꞌin nda kuaꞌan nda xiꞌin Jesús.
Jesús síndaꞌa ra iin ra táꞌi
(Mt. 8:1-4; Mr. 1:40-45)
12Iin kivi íin Jesús iin ñuu, ta saa xa̱a iin ra taa nuu ra, ta ndee ni ndóꞌo ra ikán xiꞌin kueꞌe táꞌi, ya náni lepra. Tá xi̱ni ra Jesús ta ndi̱kuita ndee ra nuu Jesús nda nuu ñuꞌú, xáku ndaꞌvi ra nuu ra, káchi ra saa:
―Tata, xíni i kuchiñu un sindaꞌa un yeꞌe, ta köo xíni i án kúni un ikan un ya vaꞌa xiꞌin i ―káchi ra.
13Ta saa chi̱nuu ndaꞌa Jesús xiní ra, ndi̱kaꞌan ra xiꞌin ra, káchi ra saa:
―Kúni i sindaꞌa i yóꞌo̱, ná nduvaꞌa un ―káchi ra xiꞌin ra.
Ta saa ndikun ki̱ndaa kueꞌe táꞌi ñií xiꞌin ra. 14Ñaa ndi̱kaꞌan Jesús xiꞌin ra, ya ná käꞌan ra xiꞌin nda iin naꞌa ya ndu̱vaꞌa ra. Saa ndi̱kaꞌan ka Jesús xiꞌin ra, káchi ra saa:
―Xa ndu̱vaꞌa un ta vaꞌa kuꞌun un nuu sutu, ná koto ra yóꞌo̱. Saa taxi un kiti ndaꞌa ra xiꞌin inka ñaꞌa tá íyo ya káꞌan ley Ndioxi ya ta̱a ra Moisés, saa koo ya taxi un ndaꞌa ra. Tá sindiꞌi xa̱a nduvi ndiꞌi un ya, ta saa kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.
15Saa ndi̱xita ndiꞌi tuꞌun xaꞌa Jesús, kuaꞌa ni naꞌa xi̱ni soꞌo xaꞌa ra. Saa ndi̱kitaꞌan kuaꞌa ni na kuaꞌan na nuu Jesús ya kuni soꞌo na tuꞌun káꞌan ra, chi kúni tu na sindaꞌa ra na xiꞌin kueꞌe ndóꞌo va na. 16Ta kuaꞌa ni ichí ku̱xika ra nuu naꞌa, kuaꞌan ra iku yuyu nuu köo nda iin naꞌa, ikán káꞌan ra xiꞌin Ndioxi.
Síndaꞌa Jesús iin taa ra küvi kaka
(Mt. 9:1-8; Mr. 2:1-2)
17Iin kivi íyo Jesús sínaꞌa ra naꞌa, ta ndóo sava nda fariseo xiꞌin nda ndíchi ni, nda sínaꞌa ley Ndioxi ya ta̱a ra Moisés. Ta sava nda ke̱e ñuu ya ñúꞌu estado Galilea xiꞌin ñuu Jerusalén tin inka ka ñuu ya ñúꞌu estado Judea, ndóo ndiꞌi nda xíni soꞌo nda ya káꞌan Jesús. Ta kúu mií Jesús ndee Ndioxi ya sindaꞌa ra naꞌa. 18Ta saa ku̱u xa̱a sava nda taa, ndíso nda iin ra küvi kaka, ínuu ra nuu xito xa̱a ra xiꞌin nda, ndúku nda kiꞌvi nda xiꞌin ra ini veꞌe, ta chinduꞌu nda ra nuu Jesús ya sindaꞌa ñaꞌa ra. 19Sundi köo ndi̱kuvi kiꞌvi nda xiꞌin ra, saa chi chútu ndaa naꞌa. Ta saa nda̱a nda, nda xiní veꞌe. Xu̱na nda xiní ya, ikán ki̱ꞌin nda ra si̱nuu nda, ñaa ki̱ꞌin nda ra chi̱nduꞌu nda maꞌñu naꞌa nuu Jesús. 20Ta saa ku̱ndaa ini Jesús ya kándixa nda ra kuchiñu ra sindaꞌa ñaꞌa ra. Ñaa ndi̱kaꞌan ra xiꞌin ra kánduꞌu nuu xito ikán, káchi ra saa:
―Tata, xáa kaꞌnu ini i xaꞌa kuachi un ―káchi ra xiꞌin ra.
21Saa tá xi̱ni soꞌo nda fariseo xiꞌin nda maestro ikán ya ndi̱kaꞌan Jesús, ta xa̱á nda káꞌan nda: “¿Unku ra yóꞌó kua, yakan kánaꞌa ra xaꞌa Ndioxi? Köo naꞌa kuchiñu xaa kaꞌnu ini xaꞌa kuachi na ivi, iindaa Ndioxi ku ra xáa kaꞌnu ini xaꞌa kuachi naꞌa”, káchi nda.
22Saa ku̱ndaa ini Jesús ya ndíkani ini nda, ta ndi̱kaꞌan ra xiꞌin nda, káchi ra saa:
―¿Ndachu ndíkani ini ndo saa? 23¿Unkua ndíchi ka kaꞌan i xiꞌin ra yóꞌó? ¿Án vaꞌa ka káꞌan i xiꞌin ra: Xáa kaꞌnu ini i xaꞌa kuachi ra? ¿Án vaꞌa ka kaꞌan i xiꞌin ra: Ndikoo ra kuꞌun ra? 24Ta vaꞌa ná kundaa ini ndo chi yeꞌe ku Taa ra xa̱a ñuu ivi yóꞌó ta kúu mií i ndee Ndioxi ya xaa kaꞌnu ini i xaꞌa kuachi na ivi ―káchi ra.
Ta saa ndi̱kaꞌan ra xiꞌin ra ikán káchi ra saa:
―Kuándikoo, ndikiꞌin xito un, ta kuanuꞌu veꞌe un ―káchi ra xiꞌin ra.
25Saa ndikun ndi̱koo ra. Ta nuu ndiꞌi na ndi̱kundichi ra, ta ndi̱kiꞌin ra xito ra nuu xi̱nduꞌu ra ta ndi̱kiꞌin ra kuanuꞌu ra veꞌe ra. Saa káꞌan ni ra ya vaꞌa xaꞌa Ndioxi xaꞌa ya ndu̱vaꞌa ra. 26Ta ndiꞌi na ndóo ikán xi̱ni ndu̱vaꞌa ra, ñaa ndi̱kanda ni ini na xa̱á na káꞌan na ya vaꞌa xaꞌa Ndioxi, ta íꞌvi ni na, káchi na saa:
―Nda iin kivi täꞌan kuni yo taꞌan ya xíto yo kivi vitin ―káchi na.
Jesús kána ra ra Leví ya kundikun ñaꞌa ra
(Mt. 9:9-13; Mr. 2:13-17)
27Sindiꞌi ikán ke̱e Jesús kuaꞌan ra, ndi̱yaꞌa ra nuu ndíkaa iin ra náni Leví, ra xáa chiñu nuu gobierno ñuu Roma ku ra, saa índuꞌu ra nuu cháꞌvi na xuꞌun. Tá ndi̱yaꞌa Jesús ta ndi̱kaꞌan ra xiꞌin ra, káchi ra saa:
―Naꞌa koꞌyo xiꞌin i ―káchi ra.
28Ta saa ndi̱kiꞌin ra kuaꞌan ra xiꞌin Jesús, si̱ndoo ndiꞌi ra chiñu ra ta ndi̱kiꞌin ra kuaꞌan ra xiꞌin ra.
29Sindiꞌi saa xa̱kin ra viko veꞌe ra, ta saa ka̱na ndiꞌi ra na xíni taꞌan xiꞌin ra, na ndíkaya xuꞌun nuu gobierno, ta ka̱na tu ra inka va na, ndi̱xaa na ndóo na xíxi na nuu mesa ra. 30Saa xi̱ni nda fariseo xiꞌin nda maestro nda sínaꞌa ley ya ta̱a ra Moisés ya xíxi Jesús xiꞌin na ikán. Ta ñaa ndi̱kaꞌan nda xiꞌin nda ítaꞌan xiꞌin ra, káchi nda saa:
―¿Ndachu xíxi ndo xiꞌin na ndíkaya xuꞌun nuu gobierno? Ta na väꞌa ku ndiꞌi na ñaa ―káchi nda.
31Saa ku̱ndaa ini Jesús ta ndi̱kuiin ra káꞌan ra xiꞌin nda fariseo, káchi ra saa:
―Naꞌa, na íyo vaꞌa ini, ta köo xíniñuꞌu na kuꞌun na kutatan na, na kúꞌvi ku na xíniñuꞌu kuꞌun kutatan. 32Ta yeꞌe växi i chindee i na vaꞌa, na köo kuachi. Na íyo kuachi ku na vaxi i chindee i, ya ná ndiko koo ini na kuꞌun na ichí Ndioxi ―káchi ra xiꞌin nda.
Ndá xaꞌa kua köo xíxi suꞌun nda ítaꞌan xiꞌin Jesús
(Mt. 9:14-17; Mr. 2:18-22)
33Ta saa ndi̱kaꞌan sava nda ikán xiꞌin Jesús, káchi nda saa:
―Nda ítaꞌan xiꞌin ra Juan xiꞌin nda ítaꞌan xiꞌin nda fariseo ta xíxi suꞌun ni nda saa káꞌan nda xiꞌin Ndioxi. Ta nda ítaꞌan xiꞌin yóꞌo̱ ta ndiꞌi saa ichí xíxi ni nda saa xíꞌi nda, ¿ndachu köo xíxi suꞌun nda? ―káchi nda ikán xiꞌin Jesús.
34Saa ndi̱kuiin Jesús, káchi ra saa:
―Tá káa iin taa ra tíndaꞌa, saa káa i, chi tá íyo viko tíndaꞌa ta nda iin na köo xíxi suꞌun. Ta saa yeꞌe, kivi íyo i xiꞌin nda ítaꞌan xiꞌin i ta tá káa viko tíndaꞌa saa káa ya. 35Sundi vaxi kivi ta tiin naꞌa yeꞌe kuꞌun i xiꞌin na. Ta saa kua kuxi suꞌun nda ítaꞌan xiꞌin i ―káchi Jesús.
36Ñaa ndi̱kaꞌan ka ra uvi tuꞌun ndíchi ya sínaꞌa ra nda, káchi ra saa:
―Nda iin naꞌa köo xáꞌnda na iin ñaꞌñu tikoto xa̱á ya ndikaꞌma na toto yata. Saa chi tá ná kaꞌnda na tikoto xa̱á kiku na xiꞌin ya yata, ta sitivi taꞌan ya chi küchiñu ka na kundixi na ya xa̱á, ta ni ya yata väꞌa kunaꞌa ya xiꞌin ya xa̱á. 37Saa tu vinu xa̱á va, nda iin naꞌa köo táan rá ini ñií yata, saa chi ìyo ni kaꞌnda rá xa̱á ñií yata ta ndiꞌi xaꞌa ya, ñaa kuita ndiꞌi rá. 38Yakan kua táan na rá xa̱á ini ñií xa̱á, ta ni rá xa̱á ta küita ra ni ñií nuu ñúꞌu ra ta täꞌnda ya. 39Ta nda iin na xíꞌi rá yata köo kúni na koꞌo na nduta xa̱á, saa chi káchi na saa: “Vaꞌa ka rá yata va, nuu rá xa̱á”, káchi na ―káchi Jesús xiꞌin nda.
Valgt i Øjeblikket:
San Lucas 5: xta
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.
San Lucas 5
5
Jesús kána ra nda taa nda xáꞌni tiaka ya kundikun ñaꞌa nda
(Mt. 4:18-22; Mr. 1:16-20)
1Iin kivi ndíchi Jesús yuꞌu nduta ñûꞌu náni Genesaret, ta yáꞌa ni kuaꞌan naꞌa nuu ra ya kuni soꞌo na tuꞌun Ndioxi, ndakua iin chíndaꞌa taꞌan mií na kuaꞌan na. 2Ta saa xi̱ni Jesús uvi itun barco ndíta nu yuꞌu tikuii ikán, ke̱e nda xáꞌni tiaka ini nu, xa̱á nda ndíkata nda ñunu nda. 3Saa ndi̱keta Jesús ini iin nu, ta barco ra Simón Pedro, ku nu. Saa ndu̱ku Jesús ya mani nuu ra ya sikutaꞌa loꞌo ka ra nu chí maꞌñu tikuii ya kuchiñu kaꞌan ra xiꞌin ndiꞌi na ndíta yuꞌu tikuii ikán. Ta saa si̱kutaꞌa ra nu. Ñaa ndi̱kunduꞌu Jesús ini nu xa̱á ra sínaꞌa ra. 4Tá si̱ndiꞌi ra ndi̱kaꞌan ra xiꞌin na, ta saa ndi̱kaꞌan ra xiꞌin ra Simón Pedro káchi ra saa:
―Vaꞌa sikutaꞌa ndo barco siloꞌo ka chí nuu kunu vaꞌa. Ta ñaa chikaa ndo ñunu ndo ya ná kee tiaka ini ya ―káchi ra xiꞌin ra.
5Saa ndi̱kuiin ra, káchi ra saa:
―Tata Maestro, iniun ñǔu xa̱a chiñu nde, ta nda iin ri köo ndi̱tiin nde. Ta vaꞌa chikaa tuku va nde ya saa chi yóꞌo̱ káꞌan ―káchi ra.
6Saa chi̱kaa tuku nda ya ta chu̱tu ndaa ya. Tá ndi̱xita nda ya ta xa̱á ya táꞌnda ya xiꞌin tiaka, xaꞌa ya kuaꞌa ni ri ndi̱kee ini ya. 7Ta saa i̱kan nda seña nuu nda taꞌan nda, nda ñúꞌu ini inka barco, ya ná kuꞌun nda chindee ñaꞌa nda. Saa ndi̱xaa nda ta̱va nda ya. Si̱kutu ndaa nda uvi saa tun barco xiꞌin ri, siloꞌo ndikava nu ini tikuii chi ku̱u vee nu xiꞌin ri. 8Ta saa tá xi̱ni ra Simón Pedro ya ndo̱ꞌo nda, ñaa ndi̱xaa ra si̱kusiti ra nuu Jesús, káchi ra saa:
―Tata, yóꞌo̱ ta ra vaꞌa ku un, ra i̱í ku un, yakan vaꞌa ka kuataꞌa nuu i chi küvi kitaꞌan i xiꞌin un chi süvi ra vaꞌa ku i, ra íyo kuachi ku i ―káchi ra xiꞌin Jesús.
9Xaꞌa ya kuaꞌa ni tiaka ti̱in nda yakan ndi̱ndiꞌvi ni ra, saa ndo̱ꞌo ndiꞌi tu nda ítaꞌan xiꞌin va ra, ndi̱ndiꞌvi ni nda xíto nda chu̱tu ndaa tun barco nda xiꞌin tiaka. 10Saa tu ra Jacobo va xiꞌin ra Juan, nda seꞌe ra Zebedeo xiꞌin ra Símón, íꞌvi ka vi nda. Saa ndi̱kaꞌan Jesús xiꞌin ra Simón Pedro, káchi ra saa:
―Simón, ku ïꞌvi un, saa chi käꞌni ka un tiaka, taxi i inka chiñu ndaꞌa un, kivi vitin xáa chiñu ya taxi i ndaꞌa un, kuꞌun un ndikaya un naꞌa, ya kundikun na ichí Ndioxi ―káchi Jesús xiꞌin ra.
11Ta saa ta̱va nda tun barco nda nuu íchi yuꞌu tikuii, ikán ki̱ꞌin nda nu si̱ndikoo nda, si̱ndikoo ndiꞌi nda ndaꞌa chiñu nda. Ñaa ndi̱kiꞌin nda kuaꞌan nda xiꞌin Jesús.
Jesús síndaꞌa ra iin ra táꞌi
(Mt. 8:1-4; Mr. 1:40-45)
12Iin kivi íin Jesús iin ñuu, ta saa xa̱a iin ra taa nuu ra, ta ndee ni ndóꞌo ra ikán xiꞌin kueꞌe táꞌi, ya náni lepra. Tá xi̱ni ra Jesús ta ndi̱kuita ndee ra nuu Jesús nda nuu ñuꞌú, xáku ndaꞌvi ra nuu ra, káchi ra saa:
―Tata, xíni i kuchiñu un sindaꞌa un yeꞌe, ta köo xíni i án kúni un ikan un ya vaꞌa xiꞌin i ―káchi ra.
13Ta saa chi̱nuu ndaꞌa Jesús xiní ra, ndi̱kaꞌan ra xiꞌin ra, káchi ra saa:
―Kúni i sindaꞌa i yóꞌo̱, ná nduvaꞌa un ―káchi ra xiꞌin ra.
Ta saa ndikun ki̱ndaa kueꞌe táꞌi ñií xiꞌin ra. 14Ñaa ndi̱kaꞌan Jesús xiꞌin ra, ya ná käꞌan ra xiꞌin nda iin naꞌa ya ndu̱vaꞌa ra. Saa ndi̱kaꞌan ka Jesús xiꞌin ra, káchi ra saa:
―Xa ndu̱vaꞌa un ta vaꞌa kuꞌun un nuu sutu, ná koto ra yóꞌo̱. Saa taxi un kiti ndaꞌa ra xiꞌin inka ñaꞌa tá íyo ya káꞌan ley Ndioxi ya ta̱a ra Moisés, saa koo ya taxi un ndaꞌa ra. Tá sindiꞌi xa̱a nduvi ndiꞌi un ya, ta saa kundaa ini ndiꞌi naꞌa ya ndu̱vaꞌa un ―káchi Jesús xiꞌin ra.
15Saa ndi̱xita ndiꞌi tuꞌun xaꞌa Jesús, kuaꞌa ni naꞌa xi̱ni soꞌo xaꞌa ra. Saa ndi̱kitaꞌan kuaꞌa ni na kuaꞌan na nuu Jesús ya kuni soꞌo na tuꞌun káꞌan ra, chi kúni tu na sindaꞌa ra na xiꞌin kueꞌe ndóꞌo va na. 16Ta kuaꞌa ni ichí ku̱xika ra nuu naꞌa, kuaꞌan ra iku yuyu nuu köo nda iin naꞌa, ikán káꞌan ra xiꞌin Ndioxi.
Síndaꞌa Jesús iin taa ra küvi kaka
(Mt. 9:1-8; Mr. 2:1-2)
17Iin kivi íyo Jesús sínaꞌa ra naꞌa, ta ndóo sava nda fariseo xiꞌin nda ndíchi ni, nda sínaꞌa ley Ndioxi ya ta̱a ra Moisés. Ta sava nda ke̱e ñuu ya ñúꞌu estado Galilea xiꞌin ñuu Jerusalén tin inka ka ñuu ya ñúꞌu estado Judea, ndóo ndiꞌi nda xíni soꞌo nda ya káꞌan Jesús. Ta kúu mií Jesús ndee Ndioxi ya sindaꞌa ra naꞌa. 18Ta saa ku̱u xa̱a sava nda taa, ndíso nda iin ra küvi kaka, ínuu ra nuu xito xa̱a ra xiꞌin nda, ndúku nda kiꞌvi nda xiꞌin ra ini veꞌe, ta chinduꞌu nda ra nuu Jesús ya sindaꞌa ñaꞌa ra. 19Sundi köo ndi̱kuvi kiꞌvi nda xiꞌin ra, saa chi chútu ndaa naꞌa. Ta saa nda̱a nda, nda xiní veꞌe. Xu̱na nda xiní ya, ikán ki̱ꞌin nda ra si̱nuu nda, ñaa ki̱ꞌin nda ra chi̱nduꞌu nda maꞌñu naꞌa nuu Jesús. 20Ta saa ku̱ndaa ini Jesús ya kándixa nda ra kuchiñu ra sindaꞌa ñaꞌa ra. Ñaa ndi̱kaꞌan ra xiꞌin ra kánduꞌu nuu xito ikán, káchi ra saa:
―Tata, xáa kaꞌnu ini i xaꞌa kuachi un ―káchi ra xiꞌin ra.
21Saa tá xi̱ni soꞌo nda fariseo xiꞌin nda maestro ikán ya ndi̱kaꞌan Jesús, ta xa̱á nda káꞌan nda: “¿Unku ra yóꞌó kua, yakan kánaꞌa ra xaꞌa Ndioxi? Köo naꞌa kuchiñu xaa kaꞌnu ini xaꞌa kuachi na ivi, iindaa Ndioxi ku ra xáa kaꞌnu ini xaꞌa kuachi naꞌa”, káchi nda.
22Saa ku̱ndaa ini Jesús ya ndíkani ini nda, ta ndi̱kaꞌan ra xiꞌin nda, káchi ra saa:
―¿Ndachu ndíkani ini ndo saa? 23¿Unkua ndíchi ka kaꞌan i xiꞌin ra yóꞌó? ¿Án vaꞌa ka káꞌan i xiꞌin ra: Xáa kaꞌnu ini i xaꞌa kuachi ra? ¿Án vaꞌa ka kaꞌan i xiꞌin ra: Ndikoo ra kuꞌun ra? 24Ta vaꞌa ná kundaa ini ndo chi yeꞌe ku Taa ra xa̱a ñuu ivi yóꞌó ta kúu mií i ndee Ndioxi ya xaa kaꞌnu ini i xaꞌa kuachi na ivi ―káchi ra.
Ta saa ndi̱kaꞌan ra xiꞌin ra ikán káchi ra saa:
―Kuándikoo, ndikiꞌin xito un, ta kuanuꞌu veꞌe un ―káchi ra xiꞌin ra.
25Saa ndikun ndi̱koo ra. Ta nuu ndiꞌi na ndi̱kundichi ra, ta ndi̱kiꞌin ra xito ra nuu xi̱nduꞌu ra ta ndi̱kiꞌin ra kuanuꞌu ra veꞌe ra. Saa káꞌan ni ra ya vaꞌa xaꞌa Ndioxi xaꞌa ya ndu̱vaꞌa ra. 26Ta ndiꞌi na ndóo ikán xi̱ni ndu̱vaꞌa ra, ñaa ndi̱kanda ni ini na xa̱á na káꞌan na ya vaꞌa xaꞌa Ndioxi, ta íꞌvi ni na, káchi na saa:
―Nda iin kivi täꞌan kuni yo taꞌan ya xíto yo kivi vitin ―káchi na.
Jesús kána ra ra Leví ya kundikun ñaꞌa ra
(Mt. 9:9-13; Mr. 2:13-17)
27Sindiꞌi ikán ke̱e Jesús kuaꞌan ra, ndi̱yaꞌa ra nuu ndíkaa iin ra náni Leví, ra xáa chiñu nuu gobierno ñuu Roma ku ra, saa índuꞌu ra nuu cháꞌvi na xuꞌun. Tá ndi̱yaꞌa Jesús ta ndi̱kaꞌan ra xiꞌin ra, káchi ra saa:
―Naꞌa koꞌyo xiꞌin i ―káchi ra.
28Ta saa ndi̱kiꞌin ra kuaꞌan ra xiꞌin Jesús, si̱ndoo ndiꞌi ra chiñu ra ta ndi̱kiꞌin ra kuaꞌan ra xiꞌin ra.
29Sindiꞌi saa xa̱kin ra viko veꞌe ra, ta saa ka̱na ndiꞌi ra na xíni taꞌan xiꞌin ra, na ndíkaya xuꞌun nuu gobierno, ta ka̱na tu ra inka va na, ndi̱xaa na ndóo na xíxi na nuu mesa ra. 30Saa xi̱ni nda fariseo xiꞌin nda maestro nda sínaꞌa ley ya ta̱a ra Moisés ya xíxi Jesús xiꞌin na ikán. Ta ñaa ndi̱kaꞌan nda xiꞌin nda ítaꞌan xiꞌin ra, káchi nda saa:
―¿Ndachu xíxi ndo xiꞌin na ndíkaya xuꞌun nuu gobierno? Ta na väꞌa ku ndiꞌi na ñaa ―káchi nda.
31Saa ku̱ndaa ini Jesús ta ndi̱kuiin ra káꞌan ra xiꞌin nda fariseo, káchi ra saa:
―Naꞌa, na íyo vaꞌa ini, ta köo xíniñuꞌu na kuꞌun na kutatan na, na kúꞌvi ku na xíniñuꞌu kuꞌun kutatan. 32Ta yeꞌe växi i chindee i na vaꞌa, na köo kuachi. Na íyo kuachi ku na vaxi i chindee i, ya ná ndiko koo ini na kuꞌun na ichí Ndioxi ―káchi ra xiꞌin nda.
Ndá xaꞌa kua köo xíxi suꞌun nda ítaꞌan xiꞌin Jesús
(Mt. 9:14-17; Mr. 2:18-22)
33Ta saa ndi̱kaꞌan sava nda ikán xiꞌin Jesús, káchi nda saa:
―Nda ítaꞌan xiꞌin ra Juan xiꞌin nda ítaꞌan xiꞌin nda fariseo ta xíxi suꞌun ni nda saa káꞌan nda xiꞌin Ndioxi. Ta nda ítaꞌan xiꞌin yóꞌo̱ ta ndiꞌi saa ichí xíxi ni nda saa xíꞌi nda, ¿ndachu köo xíxi suꞌun nda? ―káchi nda ikán xiꞌin Jesús.
34Saa ndi̱kuiin Jesús, káchi ra saa:
―Tá káa iin taa ra tíndaꞌa, saa káa i, chi tá íyo viko tíndaꞌa ta nda iin na köo xíxi suꞌun. Ta saa yeꞌe, kivi íyo i xiꞌin nda ítaꞌan xiꞌin i ta tá káa viko tíndaꞌa saa káa ya. 35Sundi vaxi kivi ta tiin naꞌa yeꞌe kuꞌun i xiꞌin na. Ta saa kua kuxi suꞌun nda ítaꞌan xiꞌin i ―káchi Jesús.
36Ñaa ndi̱kaꞌan ka ra uvi tuꞌun ndíchi ya sínaꞌa ra nda, káchi ra saa:
―Nda iin naꞌa köo xáꞌnda na iin ñaꞌñu tikoto xa̱á ya ndikaꞌma na toto yata. Saa chi tá ná kaꞌnda na tikoto xa̱á kiku na xiꞌin ya yata, ta sitivi taꞌan ya chi küchiñu ka na kundixi na ya xa̱á, ta ni ya yata väꞌa kunaꞌa ya xiꞌin ya xa̱á. 37Saa tu vinu xa̱á va, nda iin naꞌa köo táan rá ini ñií yata, saa chi ìyo ni kaꞌnda rá xa̱á ñií yata ta ndiꞌi xaꞌa ya, ñaa kuita ndiꞌi rá. 38Yakan kua táan na rá xa̱á ini ñií xa̱á, ta ni rá xa̱á ta küita ra ni ñií nuu ñúꞌu ra ta täꞌnda ya. 39Ta nda iin na xíꞌi rá yata köo kúni na koꞌo na nduta xa̱á, saa chi káchi na saa: “Vaꞌa ka rá yata va, nuu rá xa̱á”, káchi na ―káchi Jesús xiꞌin nda.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.