San Mateo 17
17
Ndi̱nama Jesús ndu̱u ra tá kuꞌva káa ra kivi ndi̱xiyo ra nuu ndivi
(Mr. 9:2-13; Lc. 9:28-36)
1Ndi̱yaꞌa iñu kivi saa ndi̱kundaka Jesús ra Pedro xiꞌin ra Jacobo tin ra Juan ñani ra, ndi̱kundaka ra nda kuaꞌan nda xiꞌin ra iin iku sukun ni, ta ikán ndóo uni mií nda xiꞌin ra. 2Ta ikán xi̱ni nda ndee ni ndi̱yeꞌe taxan nuu ra ndi̱nama ndiꞌi ra, nda tá kuꞌva yéꞌe̱ ñu̱ꞌù tá kaꞌñu sava, saa ndi̱yeꞌe nuu ra. Saa tu toto ra, ndee ni ndu̱yaa sami ya tá kuꞌva yéꞌe̱ ñu̱ꞌù, saa nduu ya. 3Ta iin ku̱u soꞌva, ndi̱tuvi ra Moisés xiꞌin ra Elías ndítuꞌun nda xiꞌin Jesús. 4Saa ndi̱kaꞌan ra Pedro xiꞌin Jesús, káchi ra saa:
―Tata, vaꞌa ni ku̱u ndóo nde xiꞌin un. Tá tu kúni un ta sikuaꞌa nde uni veꞌe ita vali, iin ya koo yóꞌo̱ ta iin ya koo ra Moisés inka ya koo ra Elías ―káchi ra xiꞌin ra.
5Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa:
―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.
6Tá xi̱ni soꞌo nda ítaꞌan xiꞌin Jesús tuꞌun ikán, ñaa si̱kusiti nda nda nuu ñuꞌú, ta íꞌvi ka vi nda. 7Saa ku̱yati Jesús nuu nda, ti̱in ndaa ñaꞌa ra ndi̱kaꞌan ra xiꞌin nda, káchi ra saa:
―Kundita ndo, ku ïꞌvi ndo ―káchi ra xiꞌin nda.
8Tá ndi̱koto nda ta nda iin ka naꞌa köo xiꞌin Jesús, iindaa mií ra xi̱ni nda. 9Tá ndi̱ko koo nda vaxi nda nuu xiki ikán, saa ndi̱kaꞌan Jesús xiꞌin nda, káchi ra saa:
―Nda iin naꞌa käꞌan ndo xiꞌin xaꞌa ya xi̱ni ndo. Nda kivi tá ná nditaku yeꞌe, Taa ra xaa ñuu ivi yóꞌó, tañu na ndíi, nda kivi saa ndituꞌun ndo xiꞌin na xaꞌa ya xi̱ni ndo ―káchi ra xiꞌin nda.
10Saa ndi̱kaꞌan nda ítaꞌan xiꞌin ra, káchi nda:
―Ta ¿Ndachu káꞌan nda sínaꞌa ley Ndioxi, ya kixi xiꞌna ra Elías, ta sindiꞌi, saa kixi ra sikaku na ñuu ivi yóꞌó? ―káchi nda xiꞌin ra.
11Saa ndi̱kuiin ra, káꞌan ra:
―Ya ndixa saa íyo ya, ra Elías ku ra xa ki̱xi xa̱a vií ichí nuu ra. 12Ta yeꞌe káꞌan xiꞌin ndo, ra Elías ta xa ki̱xi ra. Ta nda iin naꞌa köo ndi̱kuni ñaꞌa, i̱kan na xiꞌin ra ya kúni mií na. Saa ikan tu na xiꞌin yeꞌe, Taa ra xa̱a ñuu ivi yóꞌó va, saa xaa nduvaꞌa ni na xiꞌin i ―káchi ra xiꞌin nda.
13Saa ku̱ndaa ini nda ya ndi̱kaꞌan ra xiꞌin nda xaꞌa ra Juan, ra si̱kuchi naꞌa ya kúu ra ikán, ra Elías.
Síndaꞌa Jesús iin ra loꞌo kúu mií tachi nduvaꞌa
(Mr. 9:14-29; Lc. 9:37-43)
14Tá ndi̱xaa nda nuu ndóo naꞌa, saa ku̱yati iin ra nuu Jesús. Ñaa si̱kusiti ra nuu ra, káchi ra saa:
15―¡Tata, kundaꞌvi ini un kuni un seꞌe i, ta chindee un ra! Ndee ni ndee ndóꞌo ra, xáꞌni too ya ra. Tá xáa ya xáꞌni too ñaꞌa ya, ta chíkaa ya ra ini tikuii án nuu ñu̱ꞌu̱. 16Yakan ndáka i ra vaxi xiꞌin i nuu nda ítaꞌan xiꞌin un, ta köo ndi̱kuchiñu nda sindaꞌa nda ra ―káchi ra xiꞌin Jesús.
17Saa ndi̱kuiin Jesús ndi̱kaꞌan ra:
―¡Ndachu tuun ni ini ndo, köo xíin ndo kandixa ndo Ndioxi! ¿Án ndiꞌi saa vi kivi koo i xiꞌin ndo, kaꞌán ndo? ¡Ni kündee ka ini i xiꞌin ndo! ¡Vaꞌa! ¡Taxi ndo ra loꞌo ñaa ná kixi ra nuu i! ―káchi ra xiꞌin nda.
18Saa xa̱ꞌnda Jesús chiñu nuu tachi nduvaꞌa ikán, ndi̱kaꞌan ra xiꞌin ya keta ya kuꞌun ya. Saa ke̱ta ya kuaꞌan ya, ta ndikun ndu̱vaꞌa ra loꞌo ikán mí hora ikán. 19Saa ku̱yati nda ítaꞌan xiꞌin Jesús nuu ra, ñaa ndi̱kaꞌan sěꞌe nda xiꞌin ra, káchi nda:
―¿Ndachu köo ndíkuchiñu nde tava nde tachi nduvaꞌa kúu mií ra? ―káchi nda xiꞌin ra.
20Saa ndi̱kaꞌan ra xiꞌin nda, káchi ra saa:
―Köo kándixa ndo Ndioxi yakan köo ndi̱kuchiñu ndo tava ndo ya. Saa chi vani loꞌo ni kándixa ndo ra án nda tá káa iin ndikin loꞌo mostaza kuꞌva saa kándixa ndo ra, ta kuchiñu ndo kaꞌan ndo xiꞌin iku yóꞌó ya kutaꞌa ya, ta xaa súvi ya tuꞌun káꞌan ndo xiꞌin ya, kutaꞌa ya. Saa chi tá kándixa ndo Ndioxi, vani loꞌo ni kándixa ñaꞌa ndo, ta kuchiñu ndo xaa súvi ndiꞌi ndo ya, chi nda iin ñaꞌa köo uꞌvi tá kándixa ndo ra. 21Saa chi tachi nduvaꞌa taꞌan ya yóꞌó, ta xíniñuꞌu ndo kaꞌan ni ndo xiꞌin Ndioxi tin kuxi suꞌun ndo, saa kuchiñu ndo tava ndo ya ―káchi Jesús xiꞌin nda.
Káꞌan tuku Jesús ya kuvi ra
(Mr. 9:30-32; Lc. 9:43-45)
22Tá xíka Jesús xiꞌin nda ítaꞌan xiꞌin ra estado Galilea, saa ndi̱kaꞌan ra xiꞌin nda, káchi ra saa:
―Vaxi kivi ta iin taa taxi ra yeꞌe kúu Taa ra xa̱a ñuu ivi yóꞌó, nditaxi ra yeꞌe ndaꞌa na sáa ini xíni yeꞌe. 23Ta na ikán kaꞌni na yeꞌe, sundi kivi uni nditaku i ―káchi ra xiꞌin nda.
Tá xi̱ni soꞌo nda ítaꞌan xiꞌin ra ya ndi̱kaꞌan ra, saa ku̱chiꞌña ni ini nda.
Cháꞌvi Jesús xuꞌun nuu na veꞌe ñuꞌu
24Tá ndi̱xaa Jesús xiꞌin nda ítaꞌan xiꞌin ra ñuu Capernaum, saa ndi̱xaa nda ndíkaya xuꞌun veꞌe ñuꞌu nuu ra Pedro, saa ndi̱ndakan tuꞌun nda ra, káchi nda saa:
―¿Án cháꞌvi ra maestro un xuꞌun veꞌe ñuꞌu? ―káchi nda xiꞌin ra.
25Saa ndi̱kuiin ra, káꞌan ra xiꞌin nda:
―Cháꞌvi va ra ya ―káchi ra xiꞌin nda.
Saa tá ndi̱kiꞌvi ra Pedro veꞌe nuu ndóo nda, ta xiꞌna Jesús ndi̱kaꞌan xiꞌin ra, káchi ra saa:
―¿Unkua ndíkani ini un Simón? Nda rey ñuu ivi yóꞌó, ¿ta unku nuu ndúku nda xuꞌun? ¿Án nuu mií na ñuu nda ndúku nda ya, án na inka ñuu ndúku nda ya nuu? ―káchi Jesús xiꞌin ra.
26Saa ndi̱kuiin ra Pedro káꞌan ra:
―Nuu na inka ñuu ndúku nda ya ―káchi ra.
Saa ndi̱kaꞌan Jesús xiꞌin ra, káchi ra saa:
Tá tu saa, ta na ñuu mií nda rey ta köo cháꞌvi na nuu nda. 27Ni saa va íyo ya, ta ya ná sïsaa yo nda ndíkaya xuꞌun, ta vaꞌa kuaꞌan yuꞌu nduta ñûꞌu chikaa un iꞌva ya tíin kàà chikiꞌi yuꞌu. Tá ka̱kuꞌun iin tiaka saa kuna un yuꞌu ri, ta ikán nditaꞌan un xuꞌun ndíkaa ya yuꞌu ri. Nani ya ikán chaꞌvi un nuu i xiꞌin nuu mií un ―káchi Jesús xiꞌin ra Pedro.
Valgt i Øjeblikket:
San Mateo 17: xta
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.
San Mateo 17
17
Ndi̱nama Jesús ndu̱u ra tá kuꞌva káa ra kivi ndi̱xiyo ra nuu ndivi
(Mr. 9:2-13; Lc. 9:28-36)
1Ndi̱yaꞌa iñu kivi saa ndi̱kundaka Jesús ra Pedro xiꞌin ra Jacobo tin ra Juan ñani ra, ndi̱kundaka ra nda kuaꞌan nda xiꞌin ra iin iku sukun ni, ta ikán ndóo uni mií nda xiꞌin ra. 2Ta ikán xi̱ni nda ndee ni ndi̱yeꞌe taxan nuu ra ndi̱nama ndiꞌi ra, nda tá kuꞌva yéꞌe̱ ñu̱ꞌù tá kaꞌñu sava, saa ndi̱yeꞌe nuu ra. Saa tu toto ra, ndee ni ndu̱yaa sami ya tá kuꞌva yéꞌe̱ ñu̱ꞌù, saa nduu ya. 3Ta iin ku̱u soꞌva, ndi̱tuvi ra Moisés xiꞌin ra Elías ndítuꞌun nda xiꞌin Jesús. 4Saa ndi̱kaꞌan ra Pedro xiꞌin Jesús, káchi ra saa:
―Tata, vaꞌa ni ku̱u ndóo nde xiꞌin un. Tá tu kúni un ta sikuaꞌa nde uni veꞌe ita vali, iin ya koo yóꞌo̱ ta iin ya koo ra Moisés inka ya koo ra Elías ―káchi ra xiꞌin ra.
5Saa káꞌan ka ra Pedro xiꞌin ra, ñaa iin ndi̱kava nduu ndiꞌi viko yéꞌe taxan sata nda, ta tañu viko ikán xi̱ni soꞌo nda tachi Ndioxi, ndi̱kaꞌan ya xiꞌin nda, káchi ya saa:
―Ra yóꞌó ku seꞌe i, ra kúꞌvi ni ini i xíni i, ta kúsini ni i xiꞌin ra. Kuni soꞌo ndo ya káꞌan ra xiꞌin ndo ―káchi tachi Ndioxi xiꞌin nda.
6Tá xi̱ni soꞌo nda ítaꞌan xiꞌin Jesús tuꞌun ikán, ñaa si̱kusiti nda nda nuu ñuꞌú, ta íꞌvi ka vi nda. 7Saa ku̱yati Jesús nuu nda, ti̱in ndaa ñaꞌa ra ndi̱kaꞌan ra xiꞌin nda, káchi ra saa:
―Kundita ndo, ku ïꞌvi ndo ―káchi ra xiꞌin nda.
8Tá ndi̱koto nda ta nda iin ka naꞌa köo xiꞌin Jesús, iindaa mií ra xi̱ni nda. 9Tá ndi̱ko koo nda vaxi nda nuu xiki ikán, saa ndi̱kaꞌan Jesús xiꞌin nda, káchi ra saa:
―Nda iin naꞌa käꞌan ndo xiꞌin xaꞌa ya xi̱ni ndo. Nda kivi tá ná nditaku yeꞌe, Taa ra xaa ñuu ivi yóꞌó, tañu na ndíi, nda kivi saa ndituꞌun ndo xiꞌin na xaꞌa ya xi̱ni ndo ―káchi ra xiꞌin nda.
10Saa ndi̱kaꞌan nda ítaꞌan xiꞌin ra, káchi nda:
―Ta ¿Ndachu káꞌan nda sínaꞌa ley Ndioxi, ya kixi xiꞌna ra Elías, ta sindiꞌi, saa kixi ra sikaku na ñuu ivi yóꞌó? ―káchi nda xiꞌin ra.
11Saa ndi̱kuiin ra, káꞌan ra:
―Ya ndixa saa íyo ya, ra Elías ku ra xa ki̱xi xa̱a vií ichí nuu ra. 12Ta yeꞌe káꞌan xiꞌin ndo, ra Elías ta xa ki̱xi ra. Ta nda iin naꞌa köo ndi̱kuni ñaꞌa, i̱kan na xiꞌin ra ya kúni mií na. Saa ikan tu na xiꞌin yeꞌe, Taa ra xa̱a ñuu ivi yóꞌó va, saa xaa nduvaꞌa ni na xiꞌin i ―káchi ra xiꞌin nda.
13Saa ku̱ndaa ini nda ya ndi̱kaꞌan ra xiꞌin nda xaꞌa ra Juan, ra si̱kuchi naꞌa ya kúu ra ikán, ra Elías.
Síndaꞌa Jesús iin ra loꞌo kúu mií tachi nduvaꞌa
(Mr. 9:14-29; Lc. 9:37-43)
14Tá ndi̱xaa nda nuu ndóo naꞌa, saa ku̱yati iin ra nuu Jesús. Ñaa si̱kusiti ra nuu ra, káchi ra saa:
15―¡Tata, kundaꞌvi ini un kuni un seꞌe i, ta chindee un ra! Ndee ni ndee ndóꞌo ra, xáꞌni too ya ra. Tá xáa ya xáꞌni too ñaꞌa ya, ta chíkaa ya ra ini tikuii án nuu ñu̱ꞌu̱. 16Yakan ndáka i ra vaxi xiꞌin i nuu nda ítaꞌan xiꞌin un, ta köo ndi̱kuchiñu nda sindaꞌa nda ra ―káchi ra xiꞌin Jesús.
17Saa ndi̱kuiin Jesús ndi̱kaꞌan ra:
―¡Ndachu tuun ni ini ndo, köo xíin ndo kandixa ndo Ndioxi! ¿Án ndiꞌi saa vi kivi koo i xiꞌin ndo, kaꞌán ndo? ¡Ni kündee ka ini i xiꞌin ndo! ¡Vaꞌa! ¡Taxi ndo ra loꞌo ñaa ná kixi ra nuu i! ―káchi ra xiꞌin nda.
18Saa xa̱ꞌnda Jesús chiñu nuu tachi nduvaꞌa ikán, ndi̱kaꞌan ra xiꞌin ya keta ya kuꞌun ya. Saa ke̱ta ya kuaꞌan ya, ta ndikun ndu̱vaꞌa ra loꞌo ikán mí hora ikán. 19Saa ku̱yati nda ítaꞌan xiꞌin Jesús nuu ra, ñaa ndi̱kaꞌan sěꞌe nda xiꞌin ra, káchi nda:
―¿Ndachu köo ndíkuchiñu nde tava nde tachi nduvaꞌa kúu mií ra? ―káchi nda xiꞌin ra.
20Saa ndi̱kaꞌan ra xiꞌin nda, káchi ra saa:
―Köo kándixa ndo Ndioxi yakan köo ndi̱kuchiñu ndo tava ndo ya. Saa chi vani loꞌo ni kándixa ndo ra án nda tá káa iin ndikin loꞌo mostaza kuꞌva saa kándixa ndo ra, ta kuchiñu ndo kaꞌan ndo xiꞌin iku yóꞌó ya kutaꞌa ya, ta xaa súvi ya tuꞌun káꞌan ndo xiꞌin ya, kutaꞌa ya. Saa chi tá kándixa ndo Ndioxi, vani loꞌo ni kándixa ñaꞌa ndo, ta kuchiñu ndo xaa súvi ndiꞌi ndo ya, chi nda iin ñaꞌa köo uꞌvi tá kándixa ndo ra. 21Saa chi tachi nduvaꞌa taꞌan ya yóꞌó, ta xíniñuꞌu ndo kaꞌan ni ndo xiꞌin Ndioxi tin kuxi suꞌun ndo, saa kuchiñu ndo tava ndo ya ―káchi Jesús xiꞌin nda.
Káꞌan tuku Jesús ya kuvi ra
(Mr. 9:30-32; Lc. 9:43-45)
22Tá xíka Jesús xiꞌin nda ítaꞌan xiꞌin ra estado Galilea, saa ndi̱kaꞌan ra xiꞌin nda, káchi ra saa:
―Vaxi kivi ta iin taa taxi ra yeꞌe kúu Taa ra xa̱a ñuu ivi yóꞌó, nditaxi ra yeꞌe ndaꞌa na sáa ini xíni yeꞌe. 23Ta na ikán kaꞌni na yeꞌe, sundi kivi uni nditaku i ―káchi ra xiꞌin nda.
Tá xi̱ni soꞌo nda ítaꞌan xiꞌin ra ya ndi̱kaꞌan ra, saa ku̱chiꞌña ni ini nda.
Cháꞌvi Jesús xuꞌun nuu na veꞌe ñuꞌu
24Tá ndi̱xaa Jesús xiꞌin nda ítaꞌan xiꞌin ra ñuu Capernaum, saa ndi̱xaa nda ndíkaya xuꞌun veꞌe ñuꞌu nuu ra Pedro, saa ndi̱ndakan tuꞌun nda ra, káchi nda saa:
―¿Án cháꞌvi ra maestro un xuꞌun veꞌe ñuꞌu? ―káchi nda xiꞌin ra.
25Saa ndi̱kuiin ra, káꞌan ra xiꞌin nda:
―Cháꞌvi va ra ya ―káchi ra xiꞌin nda.
Saa tá ndi̱kiꞌvi ra Pedro veꞌe nuu ndóo nda, ta xiꞌna Jesús ndi̱kaꞌan xiꞌin ra, káchi ra saa:
―¿Unkua ndíkani ini un Simón? Nda rey ñuu ivi yóꞌó, ¿ta unku nuu ndúku nda xuꞌun? ¿Án nuu mií na ñuu nda ndúku nda ya, án na inka ñuu ndúku nda ya nuu? ―káchi Jesús xiꞌin ra.
26Saa ndi̱kuiin ra Pedro káꞌan ra:
―Nuu na inka ñuu ndúku nda ya ―káchi ra.
Saa ndi̱kaꞌan Jesús xiꞌin ra, káchi ra saa:
Tá tu saa, ta na ñuu mií nda rey ta köo cháꞌvi na nuu nda. 27Ni saa va íyo ya, ta ya ná sïsaa yo nda ndíkaya xuꞌun, ta vaꞌa kuaꞌan yuꞌu nduta ñûꞌu chikaa un iꞌva ya tíin kàà chikiꞌi yuꞌu. Tá ka̱kuꞌun iin tiaka saa kuna un yuꞌu ri, ta ikán nditaꞌan un xuꞌun ndíkaa ya yuꞌu ri. Nani ya ikán chaꞌvi un nuu i xiꞌin nuu mií un ―káchi Jesús xiꞌin ra Pedro.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.