San Mateo 21
21
Kuakiꞌvi Jesús ñuu Jerusalén
(Mt. 11:1-11; Lc. 19:28-40; Jn. 12:12-19)
1Tá xa kuaꞌan kúyati nda xaa nda ñuu Jerusalén, saa ndi̱xaa nda ñuu Betfagé nuu xiki náni itun Olivo. Saa ndi̱kaꞌan Jesús xiꞌin uvi nda ítaꞌan xiꞌin ra, 2káchi ra saa:
―Kuáꞌan ndo ñuu ya xíto ndaa kaá. Tá ndi̱xaa ndo, ta nditaꞌan ndo iin burru tiatan núꞌni ri xiꞌin seꞌe loꞌo ri. Saa ndaxin ndo ri ta kundaka ndo uvi saa ri kixi xiꞌin ndo. 3Tá ndi̱taꞌan ndo naꞌa káꞌan na xiꞌin ndo: “¿Ndachu ndáxin ndo ri?” káchi na xiꞌin ndo. Saa ndikuiin ndo kaꞌan ndo xiꞌin na: “Tata yo, ra chee nuu yo xíniñuꞌu ri, tá ndi̱ꞌi xi̱niñuꞌu ra ri ta kama ni sindiko koo ra ri ndaꞌa ndo”, kachi ndo xiꞌin na ―káchi Jesús xiꞌin nda.
4Saa ku̱u nuu ndi̱xinu ndiꞌi ya ndi̱kaꞌan Ndioxi xiꞌin ra profeta, ra ndi̱kaꞌan tuꞌun yuꞌu Ndioxi xinaꞌa ta̱a ra, chi ya ta̱a ra ikán, káchi ya soꞌva:
5Kaꞌan un xiꞌin na ñuu Sión:
“Koto ndo, vaxi ra rey ñuu ndo nuu ndo,
Ra toꞌo ni ku ra, ta yóso ra burru loꞌo,
iin ri loꞌo ku ri yóso ra, seꞌe kiti ndíso vee ku ri”.
Soꞌva káchi Ndioxi nuu ta̱a ra profeta xinaꞌa.
6Saa ke̱e nda ítaꞌan xiꞌin Jesús kuaꞌan nda, xa̱a súvi nda tá kuꞌva íyo ya ndi̱kaꞌan ra xiꞌin nda. 7Ñaa ndi̱ko koo nda ndi̱xaa nda nuu ra xiꞌin burru tiatan tin seꞌe ri. Saa to̱so nda toto súkun nda sata ri, ñaa nda̱a Jesús sata ri, yóso ra ri kuaꞌan nda. 8Ta yáꞌa ni kuaꞌa ku naꞌa, chíndoo na toto na ichí nuu yáꞌa Jesús, sava na xáꞌnda ndaꞌa itun ta kíꞌin na ya chíndoo na ichí nuu yáꞌa ra kuaꞌan ra. 9Ta ndiꞌi naꞌa kuaꞌan xiꞌin ra, na ndóso nuu tin na ndíkun sata ra, iin ndáꞌi koꞌo ndiꞌi na, káchi na saa:
―¡Hosanna! ¡Ná xaa kaꞌnu ni yo Ndioxi xaꞌa Seꞌe ra David yóꞌó! ¡Chi yuꞌu Iva yo Ndioxi kua vaxi ra yóꞌó sikaku ra yoo! ¡Hosanna! ¡Ná kunuu sukun ni ya toꞌo Ndioxi! ―káchi na xaꞌa Jesús.
10Saa ndi̱kiꞌvi Jesús ñuu Jerusalén, ta iin ndi̱siso naꞌa ndákan tuꞌun taꞌan mií na, káchi na:
―¿Ta unku ra yóꞌó? ―káchi na.
11Saa ndi̱kuiin na kuaꞌan xiꞌin Jesús, káꞌan na:
―Jesús, ra profeta ku ra, ra ke̱e ñuu Nazaret estado Galilea ku ra ―káchi na.
Ta̱xin Jesús ndiꞌi na xíko keꞌe yeꞌe veꞌe ñuꞌu kaꞌnu
(Mr. 11:15-19; Lc. 19:45-48; Jn. 2:13-22)
12Tá ndi̱xaa Jesús keꞌe yeꞌe veꞌe ñuꞌu kaꞌnu, saa xa̱á ra táva ndiꞌi ra na ndóo xíko xiꞌin na sáta, ya ná kana koo na kuꞌun na. Saa si̱nduva ra mesa na ndóo náma xuꞌun, xiꞌin tai na ndóo xíko sa̱ta̱. 13Saa ndi̱kaꞌan ra xiꞌin ndiꞌi na, káchi ra saa:
―Soꞌva káchi tuꞌun Ndioxi ya ta̱a na xinaꞌa: “Veꞌe i ta kunani ya veꞌe nuu kuꞌun naꞌa kaꞌan na xiꞌin i”, káchi tuꞌun Ndioxi. Ta ndóꞌo̱ ta väꞌa íkan ndo, chi ndása ndo ya tá káa iin kava nuu ndíkitaꞌan na kuiꞌna, saa ndása ndo ya ―káchi Jesús xiꞌin na.
14Saa ku̱yati sava na kuáa̱ xiꞌin na küvi kaka. Ku̱yati na nuu Jesús nuu íin ra keꞌe yeꞌe veꞌe ñuꞌu, ta si̱ndaꞌa ra na. 15Saa ndi̱saa ni nda naꞌnu nuu sutu xiꞌin nda sínaꞌa ley Ndioxi tá xi̱ni nda yatuꞌun i̱kan Jesús, xiꞌin ya xi̱ni soꞌo nda ndee ni ndi̱kaꞌan na vali ndíta keꞌe veꞌe ñuꞌu kaꞌnu, káchi na:
―¡Hosanna! ¡Ná xaa kaꞌnu yo Ndioxi xaꞌa seꞌe ra David yóꞌó! ―káchi na.
16Saa ndi̱kaꞌan nda naꞌnu nuu sutu xiꞌin Jesús, káchi nda:
―¿Án xíni soꞌo un unkua káꞌan na vali yóꞌó? káchi nda.
Saa ndi̱kuiin Jesús, káꞌan ra:
―Uun, xíni soꞌo va i ya káꞌan na. Ta ndóꞌo̱, ¿án täꞌan kaꞌvi ndo ya káꞌan tuꞌun Ndioxi xaꞌa ya yóꞌó, nuu káꞌan ya?
“Nda na vali xiꞌin na lee vali chíchin ta ndee ni ndinuꞌu ini na káꞌan vaꞌa na xaꞌa i, saa xíta na yaa nuu i”, káchi ya íyo nuu tuꞌun Ndioxi ―káchi Jesús xiꞌin nda.
17Saa ki̱ꞌin Jesús nda naꞌnu ikán si̱ndoo ra, ta ke̱ta ra kuaꞌan ra ñuu Betania, ta ikán ndi̱kixi ra ñuu.
Higo itun ndi̱tavi chiꞌña Jesús
(Mr. 11:12-14,20-26)
18Ta inka kivi naꞌa ni ndi̱ko koo tuku Jesús kuaꞌan ra ñuu Jerusalén, tá kuaꞌan ra ichí ñaa xa̱á káꞌun ni ini ra kúni kuxi ra. 19Saa xi̱ni ra iin itun higo ndíchi nu yati yuꞌu ichí, ñaa ku̱yati ra nuu ndíchi nu, ni köo kuiꞌi ndi̱niꞌi ra ndaꞌa nu, ndá iku mií íyo ndaꞌa nu. Saa ndi̱kaꞌan ra xiꞌin nu, káchi ra:
―Nda iin ka kuiꞌi käna ndaꞌa un kivi vaxi ―káchi ra xiꞌin nu.
Saa ndikun ndi̱ndichi itun higo ikán. 20Tá xi̱ni nda ítaꞌan xiꞌin ra, ya ndo̱ꞌo nu ikán, saa ndi̱kanda ni ini nda, ta ndi̱ndakan tuꞌun nda ra, káchi nda:
―¿Ndachu kama ni ndi̱ndichi itun higo yóꞌó? ―káchi nda xiꞌin ra.
21Saa ndi̱kuiin Jesús, káꞌan ra:
―Ya ndaa káꞌan i xiꞌin ndo, tá tu ndinuꞌu ni ini ndo kándixa ndo Ndioxi, köo xíka uvi ini ndo, ta saa kuchiñu ndo xaa súvi ndo taꞌan ya i̱kan i xiꞌin itun higo yóꞌó. Tá tu káꞌan ndo xiꞌin iin xiki kaꞌnu, káchi ndo soꞌva: “Kuataꞌa yóꞌó, ta kuáꞌan sikana un mií un ini nduta ñûꞌu”, kachi ndo, ta saa koo ya. 22Tá tu ndinuꞌu ni ini ndo kándixa ndo Ndioxi, tá káꞌan ndo xiꞌin ra, ta saa koo ya niꞌi ndo nuu ra ―káchi Jesús xiꞌin nda ítaꞌan xiꞌin ra.
Jesús kúu mií ra ichí ya sinaꞌa ra naꞌa
(Mr. 11:27-33; Lc. 20:1-18)
23Tá ndi̱xaa Jesús yeꞌe veꞌe ñuꞌu kaꞌnu, ta saa xa̱á ra sínaꞌa ra naꞌa. Tá sínaꞌa ra na, saa ku̱yati nda naꞌnu nuu sutu xiꞌin nda xikuaꞌa nuu na judío, saa ndi̱ndakan tuꞌun ñaꞌa nda, káchi nda:
―¿Míí ke̱e ichí ya íkan un saa? ¿Unku na ta̱xi ichí ndaꞌa un ikan un saa? ―káchi nda xiꞌin ra.
24Saa ndi̱kuiin Jesús, káꞌan ra:
―Saa tu yeꞌe va, kúni i ndakan tuꞌun i ndóꞌo̱. Tá tu ná ndikuiin ndo yuꞌu i, ta ndi̱kuiin tu yeꞌe va yuꞌu ndo, kaꞌan i xiꞌin ndo, unku ta̱xi ichí ndaꞌa i ya íkan i ya yóꞌó. 25Ta kaꞌan ndo xiꞌin i, ¿unku na ti̱ꞌvi ra Juan ya sikuchi ra naꞌa? ¿Án Ndioxi ti̱ꞌvi ra, án naꞌa ti̱ꞌvi ra? Tá tu ná ndikuiin ndo yuꞌu i, ta saa tu yeꞌe va kaꞌan i xiꞌin ndo unku ta̱xi ichí ndaꞌa i ya ikan i saa ―káchi ra xiꞌin nda.
Saa xa̱á nda káꞌan xiꞌin taꞌan nda, káchi nda saa:
―Tá ná kaꞌan yo Ndioxi ti̱ꞌvi ra, ta kaꞌan ra xiꞌin yo: “Ta ndachu köo ndi̱kandixa ndo ra?”, kachi ra xiꞌin yo. 26Tá ná kaꞌan yo na ivi ti̱ꞌvi ra, kachi yo, ta íꞌvi yo nuu naꞌa, saa chi ndiꞌi na ndíkani ini Ndioxi ti̱ꞌvi ra vaxi ra ―káchi nda.
27Saa ndi̱kaꞌan nda xiꞌin Jesús:
―Köo xíni nde ―káchi nda.
Saa ndi̱kuiin ra, káꞌan ra xiꞌin nda:
―Tá tu saa, ta ni yeꞌe käꞌan i xiꞌin ndo unku ta̱xi ichí ndaꞌa i ikan i saa ―káchi ra xiꞌin nda.
Tuꞌun ndíchi xaꞌa taa ra íyo uvi seꞌe taa
28Saa ndi̱kaꞌan ka Jesús xiꞌin nda, káchi ra saa:
―Ta ndóꞌo̱, unkua ndíkani ini ndo xaꞌa ya káꞌan i xiꞌin ndo vitin? Saa ndo̱ꞌo iin taa, ndi̱xiyo uvi seꞌe taa ra. Saa ndi̱kaꞌan ra xiꞌin seꞌe nuu ra, káchi ra saa: “Iva, vitin kuꞌun un xaa chiñu un nuu ñuꞌú yo, nuu íyo kiti uva”, káchi ra. 29Ñaa ndi̱kuiin seꞌe ra, káꞌan ra: “Küꞌun i”, káchi ra. Saa kunaꞌa vaꞌa loꞌo, ta ndi̱nama xiní seꞌe ra, ta ndi̱xaꞌan ra xa̱a chiñu ra. 30Saa ke̱e iva ra ikán ndi̱xaꞌan ra ndi̱kaꞌan ra xiꞌin inka ra loꞌo seꞌe ra, ra uvi. Tá ndi̱kaꞌan ra xiꞌin ra núnu̱ú saa ndi̱kaꞌan tu ra xiꞌin ra ikán va. Ta ndi̱kuiin ra ikán kuꞌun ra, sundi köo ndi̱xaꞌan ra. 31Ta vitin, ¿unkua túvi ndóꞌo̱? ¿Unku seꞌe ra yóꞌó xa̱a súvi ya ndi̱kaꞌan ra? ―káchi Jesús.
Saa ndi̱kuiin na káꞌan na:
―Ra núnu̱ú ku ra xa̱a súvi chiñu ya kúni iva ra ―káchi na.
Saa ndi̱kaꞌan Jesús xiꞌin na, káchi ra:
―Ya ndaa káꞌan i xiꞌin ndo, naꞌa na ndíkaya xuꞌun nuu gobierno ñuu Roma xiꞌin ná ñaꞌa ná xíko mií, na yóꞌó ku na xiꞌna kuakiꞌvi ichí nuu xáꞌnda chiñu Ndioxi, nuu ndóꞌo̱. 32Saa chi ki̱xi ra Juan, ra síkuchi naꞌa ta si̱naꞌa ra ndóꞌo̱ ichí ndaku xaꞌa ichí Ndioxi ndá kuꞌva kutaku ndo tá kuꞌva kúni Ndioxi, ta köo ndi̱xiin ndo kandixa ndo ra. Vaꞌa ka nda ndíkaya xuꞌun nuu gobierno xiꞌin ná ñaꞌa, ná xíko mií, vaꞌa ka na ikán ku na ndi̱ko koo ini tá xi̱ni soꞌo na ya ndi̱kaꞌan ra Juan. Ta ndóꞌo̱, vani xi̱ni soꞌo ndo ya ndi̱kaꞌan ra, ta köo ndi̱ndiko koo ini ndo kandixa ndo ya ndi̱kaꞌan ra ―káchi Jesús xiꞌin nda.
Tuꞌun ndíchi ya káꞌan xaꞌa nda ndu̱ku too ñuꞌú
(Mr. 12:1-12; Lc. 20:9-19)
33Saa ndi̱kaꞌan ka Jesús xiꞌin nda, káchi ra saa:
―Kuni soꞌo ndo inka tuꞌun ndíchi ya sinaꞌa i ndóꞌo̱. Saa ndo̱ꞌo iin taa, ra nditaan teꞌe uva. Ndi̱kasi ndiꞌi ra nuu ñuꞌú ra nuu íyo teꞌe uva ra, ndi̱kasi ra nuu ya xiꞌin corra nama yu̱ú. Ta xa̱ta ra yavi nuu ñuꞌú nuu koꞌni kiti uva, saa si̱kuaꞌa ra iin torre sukun nuu kundoo naꞌa kundaa na kiti uva ra.
Ñaa ta̱xi too ra ñuꞌú ra xiꞌin kiti uva ndaꞌa inka naꞌa, ta ke̱e ra kuaꞌan xika ra inka ñuu. 34Tá ti̱ndaa kivi ya taꞌnda ri, ta saa ti̱ꞌvi ra sava na xáa chiñu nuu ra kuaꞌan na nuu nda xáa chiñu xiꞌin ri ya nduku nda yaꞌvi ñuꞌú ra. 35Ta ñaa ti̱in nda ndu̱ku too ñuꞌú ra ikán, sava na moso ra ta ndee ni ka̱ni ñaꞌa nda, sava na xa̱ꞌni nda ta inka na ka̱ni nda xiꞌin yu̱ú. 36Saa ti̱ꞌvi tuku mií ra ta̱xi too ñuꞌú ikán moso ra kuaꞌan na, ta kuaꞌa ka na ti̱ꞌvi ra kuaꞌan vitin, saa i̱kan tu nda xiꞌin na ikán va.
37’Sindiꞌi ndi̱kani ini ra tiꞌvi ra seꞌe ra kuꞌun ra, saa chi ka̱chi ra saa: “Xaa toꞌo nda ra yóꞌó saa chi seꞌe yo ku ra”, ka̱ꞌán ra. 38Tá xi̱ni nda ikán seꞌe ra, ta saa ndi̱kaꞌan nda xiꞌin taꞌan nda, káchi nda saa: “Ra yóꞌó ku seꞌe ra, ra ndoo xiꞌin ndiꞌi ñaꞌa ra, ta naꞌa ndo ná kaꞌni yo ra, ta ndoo yo xiꞌin ndiꞌi ñaꞌa ra”, káchi nda. 39Saa ti̱in nda ra, ki̱ꞌin nda ra ta̱va nda sata nama ya ndási nuu ñuꞌú ikán, ta xa̱ꞌni nda ra ―káchi Jesús xiꞌin na.
40Saa ndi̱ndakan tuꞌun Jesús na xi̱ni soꞌo tuꞌun ndíchi ikán, káchi ra saa:
―¿Unkua ndíkani ini ndóꞌo̱? Tá ná ndiko koo ra ta̱xi too ñuꞌú nuu íyo teꞌe uva ikán, ta ¿unkua ikan ra xiꞌin na ndu̱ku too ñuꞌú nuu ra, túvi ndóꞌo̱? ―káchi ra xiꞌin na.
41Saa ndi̱kuiin na, káꞌan na, káchi na saa:
―Ndee ni ikan ra xiꞌin na, kaꞌni ra na. Sindiꞌi xaꞌa ra na. Saa taxi too ra ñuꞌú ra ndaꞌa inka na vaꞌa chaꞌvi ―káchi na.
42Saa ndi̱kaꞌan Jesús xiꞌin na, káchi ra saa:
―¿Án täꞌan kaꞌvi ndo tuꞌun Ndioxi? ya káchi saa:
“Yu̱ú ya ku̱ndasi nda síkuaꞌa veꞌe,
ya yóꞌó ku ya xíniñuꞌu ni ka ndikaa xaꞌa veꞌe.
Soꞌva i̱kan Ndioxi.
Ndioxi ku ra i̱kan ya yóꞌó,
ta ndi̱kanda ni ini yo xiꞌin ya yóꞌó”,
káchi ya ta̱a na xinaꞌa, káchi Ndioxi. 43Yakan káꞌan i xiꞌin ndo, Ndioxi ta täxi ra ichí ndaꞌa ndo kiꞌvi ndo kundoo ndo nuu xáꞌnda chiñu ra, saa taxi ra ichí ndaꞌa inka naꞌa kundoo na nuu xáꞌnda chiñu ra, ta na yóꞌó ku na xaa súvi ya kúni ra. 44Ndiꞌi na kákiꞌi ta kóyo na sata yu̱ú yóꞌó ta ndoꞌni yaa na ikan ya, tá ná ndikava ya sata na ta ndasa yuchi ndiꞌi ya na ―káchi Jesús xiꞌin na.
45Tá xi̱ni soꞌo nda naꞌnu nuu sutu xiꞌin nda fariseo, ya ndi̱kaꞌan Jesús, saa ku̱ndaa ini nda ya ndi̱kaꞌan tuꞌun ndíchi ikán xaꞌa nda. 46Ñaa ndi̱kani ini nda tiin nda ra, ta köo ndi̱kuvi tiin ñaꞌa nda xaꞌa ya íꞌvi nda nuu na ñuu, saa chi na ikán ta káꞌan na xaꞌa ra kúu ra profeta ra káꞌan ndoso tuꞌun yuꞌu Ndioxi.
Valgt i Øjeblikket:
San Mateo 21: xta
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.
San Mateo 21
21
Kuakiꞌvi Jesús ñuu Jerusalén
(Mt. 11:1-11; Lc. 19:28-40; Jn. 12:12-19)
1Tá xa kuaꞌan kúyati nda xaa nda ñuu Jerusalén, saa ndi̱xaa nda ñuu Betfagé nuu xiki náni itun Olivo. Saa ndi̱kaꞌan Jesús xiꞌin uvi nda ítaꞌan xiꞌin ra, 2káchi ra saa:
―Kuáꞌan ndo ñuu ya xíto ndaa kaá. Tá ndi̱xaa ndo, ta nditaꞌan ndo iin burru tiatan núꞌni ri xiꞌin seꞌe loꞌo ri. Saa ndaxin ndo ri ta kundaka ndo uvi saa ri kixi xiꞌin ndo. 3Tá ndi̱taꞌan ndo naꞌa káꞌan na xiꞌin ndo: “¿Ndachu ndáxin ndo ri?” káchi na xiꞌin ndo. Saa ndikuiin ndo kaꞌan ndo xiꞌin na: “Tata yo, ra chee nuu yo xíniñuꞌu ri, tá ndi̱ꞌi xi̱niñuꞌu ra ri ta kama ni sindiko koo ra ri ndaꞌa ndo”, kachi ndo xiꞌin na ―káchi Jesús xiꞌin nda.
4Saa ku̱u nuu ndi̱xinu ndiꞌi ya ndi̱kaꞌan Ndioxi xiꞌin ra profeta, ra ndi̱kaꞌan tuꞌun yuꞌu Ndioxi xinaꞌa ta̱a ra, chi ya ta̱a ra ikán, káchi ya soꞌva:
5Kaꞌan un xiꞌin na ñuu Sión:
“Koto ndo, vaxi ra rey ñuu ndo nuu ndo,
Ra toꞌo ni ku ra, ta yóso ra burru loꞌo,
iin ri loꞌo ku ri yóso ra, seꞌe kiti ndíso vee ku ri”.
Soꞌva káchi Ndioxi nuu ta̱a ra profeta xinaꞌa.
6Saa ke̱e nda ítaꞌan xiꞌin Jesús kuaꞌan nda, xa̱a súvi nda tá kuꞌva íyo ya ndi̱kaꞌan ra xiꞌin nda. 7Ñaa ndi̱ko koo nda ndi̱xaa nda nuu ra xiꞌin burru tiatan tin seꞌe ri. Saa to̱so nda toto súkun nda sata ri, ñaa nda̱a Jesús sata ri, yóso ra ri kuaꞌan nda. 8Ta yáꞌa ni kuaꞌa ku naꞌa, chíndoo na toto na ichí nuu yáꞌa Jesús, sava na xáꞌnda ndaꞌa itun ta kíꞌin na ya chíndoo na ichí nuu yáꞌa ra kuaꞌan ra. 9Ta ndiꞌi naꞌa kuaꞌan xiꞌin ra, na ndóso nuu tin na ndíkun sata ra, iin ndáꞌi koꞌo ndiꞌi na, káchi na saa:
―¡Hosanna! ¡Ná xaa kaꞌnu ni yo Ndioxi xaꞌa Seꞌe ra David yóꞌó! ¡Chi yuꞌu Iva yo Ndioxi kua vaxi ra yóꞌó sikaku ra yoo! ¡Hosanna! ¡Ná kunuu sukun ni ya toꞌo Ndioxi! ―káchi na xaꞌa Jesús.
10Saa ndi̱kiꞌvi Jesús ñuu Jerusalén, ta iin ndi̱siso naꞌa ndákan tuꞌun taꞌan mií na, káchi na:
―¿Ta unku ra yóꞌó? ―káchi na.
11Saa ndi̱kuiin na kuaꞌan xiꞌin Jesús, káꞌan na:
―Jesús, ra profeta ku ra, ra ke̱e ñuu Nazaret estado Galilea ku ra ―káchi na.
Ta̱xin Jesús ndiꞌi na xíko keꞌe yeꞌe veꞌe ñuꞌu kaꞌnu
(Mr. 11:15-19; Lc. 19:45-48; Jn. 2:13-22)
12Tá ndi̱xaa Jesús keꞌe yeꞌe veꞌe ñuꞌu kaꞌnu, saa xa̱á ra táva ndiꞌi ra na ndóo xíko xiꞌin na sáta, ya ná kana koo na kuꞌun na. Saa si̱nduva ra mesa na ndóo náma xuꞌun, xiꞌin tai na ndóo xíko sa̱ta̱. 13Saa ndi̱kaꞌan ra xiꞌin ndiꞌi na, káchi ra saa:
―Soꞌva káchi tuꞌun Ndioxi ya ta̱a na xinaꞌa: “Veꞌe i ta kunani ya veꞌe nuu kuꞌun naꞌa kaꞌan na xiꞌin i”, káchi tuꞌun Ndioxi. Ta ndóꞌo̱ ta väꞌa íkan ndo, chi ndása ndo ya tá káa iin kava nuu ndíkitaꞌan na kuiꞌna, saa ndása ndo ya ―káchi Jesús xiꞌin na.
14Saa ku̱yati sava na kuáa̱ xiꞌin na küvi kaka. Ku̱yati na nuu Jesús nuu íin ra keꞌe yeꞌe veꞌe ñuꞌu, ta si̱ndaꞌa ra na. 15Saa ndi̱saa ni nda naꞌnu nuu sutu xiꞌin nda sínaꞌa ley Ndioxi tá xi̱ni nda yatuꞌun i̱kan Jesús, xiꞌin ya xi̱ni soꞌo nda ndee ni ndi̱kaꞌan na vali ndíta keꞌe veꞌe ñuꞌu kaꞌnu, káchi na:
―¡Hosanna! ¡Ná xaa kaꞌnu yo Ndioxi xaꞌa seꞌe ra David yóꞌó! ―káchi na.
16Saa ndi̱kaꞌan nda naꞌnu nuu sutu xiꞌin Jesús, káchi nda:
―¿Án xíni soꞌo un unkua káꞌan na vali yóꞌó? káchi nda.
Saa ndi̱kuiin Jesús, káꞌan ra:
―Uun, xíni soꞌo va i ya káꞌan na. Ta ndóꞌo̱, ¿án täꞌan kaꞌvi ndo ya káꞌan tuꞌun Ndioxi xaꞌa ya yóꞌó, nuu káꞌan ya?
“Nda na vali xiꞌin na lee vali chíchin ta ndee ni ndinuꞌu ini na káꞌan vaꞌa na xaꞌa i, saa xíta na yaa nuu i”, káchi ya íyo nuu tuꞌun Ndioxi ―káchi Jesús xiꞌin nda.
17Saa ki̱ꞌin Jesús nda naꞌnu ikán si̱ndoo ra, ta ke̱ta ra kuaꞌan ra ñuu Betania, ta ikán ndi̱kixi ra ñuu.
Higo itun ndi̱tavi chiꞌña Jesús
(Mr. 11:12-14,20-26)
18Ta inka kivi naꞌa ni ndi̱ko koo tuku Jesús kuaꞌan ra ñuu Jerusalén, tá kuaꞌan ra ichí ñaa xa̱á káꞌun ni ini ra kúni kuxi ra. 19Saa xi̱ni ra iin itun higo ndíchi nu yati yuꞌu ichí, ñaa ku̱yati ra nuu ndíchi nu, ni köo kuiꞌi ndi̱niꞌi ra ndaꞌa nu, ndá iku mií íyo ndaꞌa nu. Saa ndi̱kaꞌan ra xiꞌin nu, káchi ra:
―Nda iin ka kuiꞌi käna ndaꞌa un kivi vaxi ―káchi ra xiꞌin nu.
Saa ndikun ndi̱ndichi itun higo ikán. 20Tá xi̱ni nda ítaꞌan xiꞌin ra, ya ndo̱ꞌo nu ikán, saa ndi̱kanda ni ini nda, ta ndi̱ndakan tuꞌun nda ra, káchi nda:
―¿Ndachu kama ni ndi̱ndichi itun higo yóꞌó? ―káchi nda xiꞌin ra.
21Saa ndi̱kuiin Jesús, káꞌan ra:
―Ya ndaa káꞌan i xiꞌin ndo, tá tu ndinuꞌu ni ini ndo kándixa ndo Ndioxi, köo xíka uvi ini ndo, ta saa kuchiñu ndo xaa súvi ndo taꞌan ya i̱kan i xiꞌin itun higo yóꞌó. Tá tu káꞌan ndo xiꞌin iin xiki kaꞌnu, káchi ndo soꞌva: “Kuataꞌa yóꞌó, ta kuáꞌan sikana un mií un ini nduta ñûꞌu”, kachi ndo, ta saa koo ya. 22Tá tu ndinuꞌu ni ini ndo kándixa ndo Ndioxi, tá káꞌan ndo xiꞌin ra, ta saa koo ya niꞌi ndo nuu ra ―káchi Jesús xiꞌin nda ítaꞌan xiꞌin ra.
Jesús kúu mií ra ichí ya sinaꞌa ra naꞌa
(Mr. 11:27-33; Lc. 20:1-18)
23Tá ndi̱xaa Jesús yeꞌe veꞌe ñuꞌu kaꞌnu, ta saa xa̱á ra sínaꞌa ra naꞌa. Tá sínaꞌa ra na, saa ku̱yati nda naꞌnu nuu sutu xiꞌin nda xikuaꞌa nuu na judío, saa ndi̱ndakan tuꞌun ñaꞌa nda, káchi nda:
―¿Míí ke̱e ichí ya íkan un saa? ¿Unku na ta̱xi ichí ndaꞌa un ikan un saa? ―káchi nda xiꞌin ra.
24Saa ndi̱kuiin Jesús, káꞌan ra:
―Saa tu yeꞌe va, kúni i ndakan tuꞌun i ndóꞌo̱. Tá tu ná ndikuiin ndo yuꞌu i, ta ndi̱kuiin tu yeꞌe va yuꞌu ndo, kaꞌan i xiꞌin ndo, unku ta̱xi ichí ndaꞌa i ya íkan i ya yóꞌó. 25Ta kaꞌan ndo xiꞌin i, ¿unku na ti̱ꞌvi ra Juan ya sikuchi ra naꞌa? ¿Án Ndioxi ti̱ꞌvi ra, án naꞌa ti̱ꞌvi ra? Tá tu ná ndikuiin ndo yuꞌu i, ta saa tu yeꞌe va kaꞌan i xiꞌin ndo unku ta̱xi ichí ndaꞌa i ya ikan i saa ―káchi ra xiꞌin nda.
Saa xa̱á nda káꞌan xiꞌin taꞌan nda, káchi nda saa:
―Tá ná kaꞌan yo Ndioxi ti̱ꞌvi ra, ta kaꞌan ra xiꞌin yo: “Ta ndachu köo ndi̱kandixa ndo ra?”, kachi ra xiꞌin yo. 26Tá ná kaꞌan yo na ivi ti̱ꞌvi ra, kachi yo, ta íꞌvi yo nuu naꞌa, saa chi ndiꞌi na ndíkani ini Ndioxi ti̱ꞌvi ra vaxi ra ―káchi nda.
27Saa ndi̱kaꞌan nda xiꞌin Jesús:
―Köo xíni nde ―káchi nda.
Saa ndi̱kuiin ra, káꞌan ra xiꞌin nda:
―Tá tu saa, ta ni yeꞌe käꞌan i xiꞌin ndo unku ta̱xi ichí ndaꞌa i ikan i saa ―káchi ra xiꞌin nda.
Tuꞌun ndíchi xaꞌa taa ra íyo uvi seꞌe taa
28Saa ndi̱kaꞌan ka Jesús xiꞌin nda, káchi ra saa:
―Ta ndóꞌo̱, unkua ndíkani ini ndo xaꞌa ya káꞌan i xiꞌin ndo vitin? Saa ndo̱ꞌo iin taa, ndi̱xiyo uvi seꞌe taa ra. Saa ndi̱kaꞌan ra xiꞌin seꞌe nuu ra, káchi ra saa: “Iva, vitin kuꞌun un xaa chiñu un nuu ñuꞌú yo, nuu íyo kiti uva”, káchi ra. 29Ñaa ndi̱kuiin seꞌe ra, káꞌan ra: “Küꞌun i”, káchi ra. Saa kunaꞌa vaꞌa loꞌo, ta ndi̱nama xiní seꞌe ra, ta ndi̱xaꞌan ra xa̱a chiñu ra. 30Saa ke̱e iva ra ikán ndi̱xaꞌan ra ndi̱kaꞌan ra xiꞌin inka ra loꞌo seꞌe ra, ra uvi. Tá ndi̱kaꞌan ra xiꞌin ra núnu̱ú saa ndi̱kaꞌan tu ra xiꞌin ra ikán va. Ta ndi̱kuiin ra ikán kuꞌun ra, sundi köo ndi̱xaꞌan ra. 31Ta vitin, ¿unkua túvi ndóꞌo̱? ¿Unku seꞌe ra yóꞌó xa̱a súvi ya ndi̱kaꞌan ra? ―káchi Jesús.
Saa ndi̱kuiin na káꞌan na:
―Ra núnu̱ú ku ra xa̱a súvi chiñu ya kúni iva ra ―káchi na.
Saa ndi̱kaꞌan Jesús xiꞌin na, káchi ra:
―Ya ndaa káꞌan i xiꞌin ndo, naꞌa na ndíkaya xuꞌun nuu gobierno ñuu Roma xiꞌin ná ñaꞌa ná xíko mií, na yóꞌó ku na xiꞌna kuakiꞌvi ichí nuu xáꞌnda chiñu Ndioxi, nuu ndóꞌo̱. 32Saa chi ki̱xi ra Juan, ra síkuchi naꞌa ta si̱naꞌa ra ndóꞌo̱ ichí ndaku xaꞌa ichí Ndioxi ndá kuꞌva kutaku ndo tá kuꞌva kúni Ndioxi, ta köo ndi̱xiin ndo kandixa ndo ra. Vaꞌa ka nda ndíkaya xuꞌun nuu gobierno xiꞌin ná ñaꞌa, ná xíko mií, vaꞌa ka na ikán ku na ndi̱ko koo ini tá xi̱ni soꞌo na ya ndi̱kaꞌan ra Juan. Ta ndóꞌo̱, vani xi̱ni soꞌo ndo ya ndi̱kaꞌan ra, ta köo ndi̱ndiko koo ini ndo kandixa ndo ya ndi̱kaꞌan ra ―káchi Jesús xiꞌin nda.
Tuꞌun ndíchi ya káꞌan xaꞌa nda ndu̱ku too ñuꞌú
(Mr. 12:1-12; Lc. 20:9-19)
33Saa ndi̱kaꞌan ka Jesús xiꞌin nda, káchi ra saa:
―Kuni soꞌo ndo inka tuꞌun ndíchi ya sinaꞌa i ndóꞌo̱. Saa ndo̱ꞌo iin taa, ra nditaan teꞌe uva. Ndi̱kasi ndiꞌi ra nuu ñuꞌú ra nuu íyo teꞌe uva ra, ndi̱kasi ra nuu ya xiꞌin corra nama yu̱ú. Ta xa̱ta ra yavi nuu ñuꞌú nuu koꞌni kiti uva, saa si̱kuaꞌa ra iin torre sukun nuu kundoo naꞌa kundaa na kiti uva ra.
Ñaa ta̱xi too ra ñuꞌú ra xiꞌin kiti uva ndaꞌa inka naꞌa, ta ke̱e ra kuaꞌan xika ra inka ñuu. 34Tá ti̱ndaa kivi ya taꞌnda ri, ta saa ti̱ꞌvi ra sava na xáa chiñu nuu ra kuaꞌan na nuu nda xáa chiñu xiꞌin ri ya nduku nda yaꞌvi ñuꞌú ra. 35Ta ñaa ti̱in nda ndu̱ku too ñuꞌú ra ikán, sava na moso ra ta ndee ni ka̱ni ñaꞌa nda, sava na xa̱ꞌni nda ta inka na ka̱ni nda xiꞌin yu̱ú. 36Saa ti̱ꞌvi tuku mií ra ta̱xi too ñuꞌú ikán moso ra kuaꞌan na, ta kuaꞌa ka na ti̱ꞌvi ra kuaꞌan vitin, saa i̱kan tu nda xiꞌin na ikán va.
37’Sindiꞌi ndi̱kani ini ra tiꞌvi ra seꞌe ra kuꞌun ra, saa chi ka̱chi ra saa: “Xaa toꞌo nda ra yóꞌó saa chi seꞌe yo ku ra”, ka̱ꞌán ra. 38Tá xi̱ni nda ikán seꞌe ra, ta saa ndi̱kaꞌan nda xiꞌin taꞌan nda, káchi nda saa: “Ra yóꞌó ku seꞌe ra, ra ndoo xiꞌin ndiꞌi ñaꞌa ra, ta naꞌa ndo ná kaꞌni yo ra, ta ndoo yo xiꞌin ndiꞌi ñaꞌa ra”, káchi nda. 39Saa ti̱in nda ra, ki̱ꞌin nda ra ta̱va nda sata nama ya ndási nuu ñuꞌú ikán, ta xa̱ꞌni nda ra ―káchi Jesús xiꞌin na.
40Saa ndi̱ndakan tuꞌun Jesús na xi̱ni soꞌo tuꞌun ndíchi ikán, káchi ra saa:
―¿Unkua ndíkani ini ndóꞌo̱? Tá ná ndiko koo ra ta̱xi too ñuꞌú nuu íyo teꞌe uva ikán, ta ¿unkua ikan ra xiꞌin na ndu̱ku too ñuꞌú nuu ra, túvi ndóꞌo̱? ―káchi ra xiꞌin na.
41Saa ndi̱kuiin na, káꞌan na, káchi na saa:
―Ndee ni ikan ra xiꞌin na, kaꞌni ra na. Sindiꞌi xaꞌa ra na. Saa taxi too ra ñuꞌú ra ndaꞌa inka na vaꞌa chaꞌvi ―káchi na.
42Saa ndi̱kaꞌan Jesús xiꞌin na, káchi ra saa:
―¿Án täꞌan kaꞌvi ndo tuꞌun Ndioxi? ya káchi saa:
“Yu̱ú ya ku̱ndasi nda síkuaꞌa veꞌe,
ya yóꞌó ku ya xíniñuꞌu ni ka ndikaa xaꞌa veꞌe.
Soꞌva i̱kan Ndioxi.
Ndioxi ku ra i̱kan ya yóꞌó,
ta ndi̱kanda ni ini yo xiꞌin ya yóꞌó”,
káchi ya ta̱a na xinaꞌa, káchi Ndioxi. 43Yakan káꞌan i xiꞌin ndo, Ndioxi ta täxi ra ichí ndaꞌa ndo kiꞌvi ndo kundoo ndo nuu xáꞌnda chiñu ra, saa taxi ra ichí ndaꞌa inka naꞌa kundoo na nuu xáꞌnda chiñu ra, ta na yóꞌó ku na xaa súvi ya kúni ra. 44Ndiꞌi na kákiꞌi ta kóyo na sata yu̱ú yóꞌó ta ndoꞌni yaa na ikan ya, tá ná ndikava ya sata na ta ndasa yuchi ndiꞌi ya na ―káchi Jesús xiꞌin na.
45Tá xi̱ni soꞌo nda naꞌnu nuu sutu xiꞌin nda fariseo, ya ndi̱kaꞌan Jesús, saa ku̱ndaa ini nda ya ndi̱kaꞌan tuꞌun ndíchi ikán xaꞌa nda. 46Ñaa ndi̱kani ini nda tiin nda ra, ta köo ndi̱kuvi tiin ñaꞌa nda xaꞌa ya íꞌvi nda nuu na ñuu, saa chi na ikán ta káꞌan na xaꞌa ra kúu ra profeta ra káꞌan ndoso tuꞌun yuꞌu Ndioxi.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.