San Mateo 23
23
Táxi Jesús kuachi xaꞌa nda sínaꞌa ley Ndioxi xiꞌin nda fariseo
(Mr. 12:38-40; Lc. 11:37-54; 20:45-47)
1Saa ndi̱kaꞌan Jesús xiꞌin naꞌa tin nda ítaꞌan xiꞌin ra, káchi ra saa:
2―Nda fariseo xiꞌin nda sínaꞌa ley Ndioxi ya ta̱a ra Moisés, kúu mií nda ichí ra Moisés ya sinaꞌa nda tuꞌun Ndioxi. 3Yakan ndiꞌi ya káꞌan nda xiꞌin ndo ikan ndo, ta xaa súvi ndiꞌi ndo ya, sundi ïkan ndo tá kuꞌva íkan mií nda, saa chi ya sínaꞌa nda ndóꞌo̱ ta köo xáa súvi nda ya. 4Saa chi xáꞌnda nda chiñu ya ndee ni uꞌvi xaa súvi ndo, ta nda ni mií nda köo kúchiñu xaa súvi ya ndúku nda nuu ndo xaa súvi ndo. Tá káa ñaꞌa ya vee ni saa káa ya tóso nda sata naꞌa xaa súvi na, nda mií nda ta nda loꞌo köo kúchiñu nda xaa súvi nda ya. 5Ta ndiꞌi ya yóꞌó íkan nda ya kúni nda ná kuni inka naꞌa ya íkan nda. Saa táa nda tuꞌun Ndioxi nuu tutu vali ta chívaꞌa nda ya ini caja ñii vali. Ñaa kíꞌin nda ya chínuu nda taan nda án chiyo nda. Ta ndása naꞌnu ka nda caja vali nda nuu inka naꞌa, ta nda chilo yuꞌu toto nda nani ni íkan nda ya, íkan nda saa ya kúni nda kuni naꞌa xáa súvi ni nda ya káꞌan Ndioxi. 6Tá íyo viko nuu kuaꞌan na kuxini na ta kútoo nda koo nda nuu ndóo naꞌa, na kúu mií chiñu ndee ni, saa tá kuaꞌan nda veꞌe ñuꞌu ya sinagoga ta kútoo nda koo nda nuu tai toꞌo. 7Saa kútoo nda ya ná kaꞌan toꞌo naꞌa xiꞌin nda tá kuaꞌan nda nuu yaꞌvi, ta kútoo nda kaꞌan na xiꞌin nda “Maestro”.
8’Sundi ndóꞌo̱ ta ïkan ndo saa, täxi ndo kaꞌan naꞌa xiꞌin ndo “maestro”, saa chi iindaa Cristo ku maestro nuu ndo, ta ndiꞌi ndo ta iin káchi íin ndo nuu taꞌan ndo. 9Ta nda iin naꞌa käꞌan ndo xiꞌin ñuu ivi yóꞌó, kachi ndo “Iva i”, saa chi iindaa va ku Iva yo Ndioxi, ra íyo nuu ndivi. 10Ta täxi ndo kaꞌan naꞌa xiꞌin ndo “ra Káꞌnu” saa chi iindaa Cristo ku ra Kaꞌnu nuu ndo. 11Ta ra kaꞌnu ni ka nuu ndo ku ra xíniñuꞌu koto vií xiꞌin ndo, xaa súvi ra ndá ka chiñu nuu ndo. 12Saa chi ndiꞌi na xáa kaꞌnu xiꞌin mií, ta nduu na ni̱nu̱ ni ikan Ndioxi, ta ndiꞌi na xáa ni̱nu̱ xiꞌin mií ta nduu na, na naꞌnu ni ikan Ndioxi ―káchi Jesús.
13Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa:
―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.
14’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Väꞌa íkan ndo chi kíndaa ndo veꞌe ná ndi̱ndoo ndaa. Tá kuaꞌan ndo veꞌe ñuꞌu sinagoga ta xáa ndo káꞌan naꞌa ni ndo xiꞌin Ndioxi, ya kúni ndo ndikani ini naꞌa ya vaꞌa ni ndo nuu Ndioxi. Xaꞌa ya ñaa ta ndee ni ka sitixuꞌvi Ndioxi ndóꞌo̱ nuu inka naꞌa.
15’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! Ndóꞌo̱ uvi yuꞌu ku ndo! Saa chi kuaꞌan ndo ndiꞌi ni kúu ñaꞌñu nda yuꞌu nduta ñûꞌu kuaꞌan ndo, ndúku ndo naꞌa kundikun na ichí ndo. Ta na ndíkun ichí ndo ta na síndiꞌi ka ndo xaꞌa ku na, chi ndee ni ka ndúu na, na nduvaꞌa ni ka ini nuu ndo ta ndixa kuꞌun na xiꞌin ndo ndaya.
16’¡Ndaꞌvi ni ndóꞌo̱! ¡Tá íin na kuáa̱ saa íin ndo! Saa chi sínaꞌa ndo naꞌa xaa súvi na ichí Ndioxi, ta ni mií ndo köo xíni ndá kuꞌva xaa súvi ndo ya kúni Ndioxi. Saa chi káꞌan ndo, tá iin naꞌa chínaꞌa na xaꞌa veꞌe ñuꞌu kaꞌnu, ta köo xíniñuꞌu na xaa súvi na ya chi̱naꞌa na, káchi ndo. Sundi tá chínaꞌa na xaꞌa ya oro íyo veꞌe ñuꞌu kaꞌnu, ta xíniñuꞌu na sixinu na ya chi̱naꞌa na”, káchi ndo. 17¡Nda kíꞌvi, nda kuáa̱ ku ndo! Án köo xíni ndo veꞌe ñuꞌu ku ya ndee ni ka nuu ya oro, saa chi veꞌe ñuꞌu ikán kua ndása i̱í oro ñúꞌu ini ya. 18Saa sínaꞌa ndo na, káꞌan ndo: “Tá iin naꞌa chínaꞌa na xaꞌa nama i̱í veꞌe ñuꞌu kaꞌnu, ta köo xíniñuꞌu na xaa súvi na tuꞌun káꞌan na, káchi ndo. Sundi tá chínaꞌa na xaꞌa ya ndi̱soko na íyo nuu nama i̱í veꞌe ñuꞌu, ta xíniñuꞌu na xaa súvi na ya chi̱naꞌa na”, káchi ndo. 19¡Nda kíꞌvi, nda kuáa̱ ku ndo! ¿Unkua chee xíniñuꞌu ni ka? ¿Án ya sóko na kua chee ka, án mií nama i̱í ikán kua chee ka? Saa chi nama i̱í veꞌe ñuꞌu kaꞌnu ku ya ndása i̱í ndiꞌi ñaꞌa ya sóko naꞌa nuu Ndioxi. 20Saa chi na chínaꞌa xaꞌa nama veꞌe ñuꞌu kaꞌnu, chínaꞌa tu na xaꞌa ndiꞌi ñaꞌa ya íyo nuu va ya. 21Ta ndiꞌi na chínaꞌa xaꞌa veꞌe ñuꞌu kaꞌnu, na yóꞌó ta chínaꞌa tu na nuu Ndioxi ra íyo ini mií veꞌe ñuꞌu kaꞌnu va. 22Ta ndiꞌi na chínaꞌa nuu ndivi, ta chínaꞌa na xaꞌa tai toꞌo nuu íyo Ndioxi, saa chínaꞌa tu na xaꞌa mií Ndioxi ra íyo nuu ndivi va.
23’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi táxi ndo iin koꞌndo ya táva ndo tixin uxi koꞌndo iku kána chíꞌi ndo, ta táxi ndo ya ndaꞌa Ndioxi. Ta köo xáa súvi ndo ñaꞌa ya ndixa xíniñuꞌu ndo xaa súvi ndo nuu Ndioxi. Ya kúni Ndioxi ku ya ikan ndo ya ndaku xiꞌin naꞌa, saa kundaꞌvi ini ndo kuni taꞌan ndo tin kandixa ni ka ndo Ndioxi, ya yóꞌó ku ya ndáa yaꞌvi ni. Xíniñuꞌu ndo xaa súvi ndo chiñu ndee ni yóꞌó nuu ra, ta xïkuiin ndo ikan ndo inka ka chiñu vali nuu ra. 24¡Tá íin na kuáa̱ saa íin ndo, saa chi sínaꞌa ndo naꞌa xaꞌa ñaꞌa ya köo ndá yaꞌvi ni ka, ta ni mií ndo köo xáa súvi ndo ya sínaꞌa ndo. Saa chi íkan ndo tá íkan na síxixin tikuii, táva ndo tikú loꞌo ndíkaa ini rá ta kóko ndáa ndo iin kiti camello chee ni ndíkaa xiꞌin rá!
25’¡Ndaꞌvi ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! chi tá íin na ndíkata sata vaso xiꞌin sata koꞌo nuu xíxi na, saa íin ndo. Chi vaꞌa ni va náꞌa ndo nuu naꞌa, sundi ini ndo ta iin chútu ndaa ya kuiꞌna xiꞌin ya väꞌa. 26¡Ndoꞌo ni ndóꞌo̱ fariseo, na kuáa̱! Xiꞌna xíniñuꞌu ndo ndikata ndo sata vaso tin ini ya saa nduyaa ya. Ta saa ndóꞌo̱ xiꞌna xíniñuꞌu ndo ndasa vaꞌa ndo ini ndo maa, saa nduu ndo na vaꞌa nuu Ndioxi.
27’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi tá íin sata ñáñá nuu ndúxin ndìì, saa íin ndo. Sata ya ikán vaꞌa ni náꞌa, luvi ni ndi̱kaꞌi yaa ya, ta ini ya maa kini ni káa, iin chútu ndaa leke ndìì táꞌi ya. 28Nda tá íin ya ikán saa íin ndo, chi sata va ndo vaꞌa ni náꞌa nuu inka naꞌa, ta ini ndo iin chútu ndaa ya väꞌa xiꞌin ya vata, ndóꞌo̱ uvi yuꞌu ku ndo.
29’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Luvi ni síkuaꞌa ndo ñáñá nuu ndi̱nduxin nda profeta, ta xáa kutu ndo nuu ndúxin naꞌa, na vaꞌa ni. 30Saa káꞌan ndo: “Tá ndíxiyo yo tiempo ya ndi̱xiyo iva siꞌí yo ñuu ivi yóꞌó, ta ni köo yuꞌu yo xiꞌin na xa̱ꞌni nda ikán, ndikuu”, káchi ndo. 31Ta xaꞌa ya káꞌan ndo saa, ta ndíkuni ndo ya kúu ndo seꞌe ñani sikua na xa̱ꞌni nda profeta ikán. 32¡Ta vitin, vaꞌa ndikuiso ndo chiñu ya xa̱á iva siꞌí ndo íkan na xinaꞌa, ta sixinu ndo nuu ya!
33¡Seꞌe ko̱ó ku ndo, chi íkan ndo tá íkan ko̱ó kueꞌe! ¡Ta ni köo ka kuꞌva sikaku ndo mií ndo ya küꞌun ndo ndaya! 34Saa káꞌan i xiꞌin ndo, chi yeꞌe ta tiꞌvi i nda profeta nda kaꞌan ndoso tuꞌun i, saa tiꞌvi tu i nda ndíchi, xiꞌin nda sinaꞌa tuꞌun i kaꞌan nda xiꞌin ndo. Ta ndóꞌo̱ kaꞌni ndo sava nda ikán, ta inka nda katikaa ndo ndaꞌa cruzin kuvi nda. Ta sava nda xaa nduvaꞌa ni ndo xiꞌin kani ni ndo nda ini veꞌe ñuꞌu sinagoga, ta sava nda kundikun ndo sata nda xaa nduvaꞌa ndo xiꞌin nda tá iin tá iin ñuu. 35Yakan sata ndóꞌo̱ kuaꞌan kuachi xaꞌa nií ndiꞌi taa nda vaꞌa, nda ndi̱xiꞌi xinaꞌa, ta xa̱á ya nda xaꞌa tá ndi̱xiꞌi ra Abel. Nda xaꞌa ra ikán xa̱á ya iin saa nda xaꞌa ra Zacarías, seꞌe ra Berequías. Xii sikua ndóꞌo̱ ku nda xa̱ꞌni ra Zacarías kivi xi̱ndichi ra maꞌñu ya kúu yeꞌe veꞌe ñuꞌu kaꞌnu xiꞌin nama nuu sóko na ñaꞌa nuu Ndioxi. 36Ta ndixa káꞌan i xiꞌin ndo sata mií ndo ndikava ndiꞌi kuachi, xaꞌa nií ndiꞌi nda vaꞌa ikán ―káchi Jesús xiꞌin nda sínaꞌa ley Ndioxi tin nda fariseo.
Xáku Jesús xaꞌa na ñuu Jerusalén
(Lc. 13:34-35)
37Saa ndi̱kaꞌan tuku Jesús, káchi ra saa:
―¡Ndóꞌo̱ ñuu Jerusalén, kúsuchi ni ini i xíni i ndóꞌo̱, saa chi ndóꞌo̱ xáꞌni nda profeta ku ndo, ta káni ndo yu̱ú sata nda ti̱ꞌvi Ndioxi vaxi kaꞌan ndoso tuꞌun ra xiꞌin ndo. ¡Ndisaa vi ichí ndi̱kani ini i xiꞌin ndo ndikaya i ndóꞌo̱, tá kuꞌva ndíkaya nduxi tiatan seꞌe ri kuakee na tixin ri, saa ku̱ni i ikan i xiꞌin ndo, ta köo ndi̱xiin ndo! 38Ta vitin niꞌi ndo tindoꞌo chi sindikoo ndaꞌa Ndioxi veꞌe ñuꞌu ndo, táxiin nduu ini ya. 39Ta ndixa káꞌan i xiꞌin ndo, nda kivi vitin ta küni ka ndo yeꞌe, nda ná tindaa kivi ya kaꞌan ndo: “Chee ni ra xa̱a sikaku yoo, ra vaxi xiꞌin yuꞌu Iva yo Ndioxi ra íyo nuu ndivi ku ra”, kachi ndo xaꞌa i, nda saa kuni ndo yeꞌe ―káchi Jesús xiꞌin na.
Valgt i Øjeblikket:
San Mateo 23: xta
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.
San Mateo 23
23
Táxi Jesús kuachi xaꞌa nda sínaꞌa ley Ndioxi xiꞌin nda fariseo
(Mr. 12:38-40; Lc. 11:37-54; 20:45-47)
1Saa ndi̱kaꞌan Jesús xiꞌin naꞌa tin nda ítaꞌan xiꞌin ra, káchi ra saa:
2―Nda fariseo xiꞌin nda sínaꞌa ley Ndioxi ya ta̱a ra Moisés, kúu mií nda ichí ra Moisés ya sinaꞌa nda tuꞌun Ndioxi. 3Yakan ndiꞌi ya káꞌan nda xiꞌin ndo ikan ndo, ta xaa súvi ndiꞌi ndo ya, sundi ïkan ndo tá kuꞌva íkan mií nda, saa chi ya sínaꞌa nda ndóꞌo̱ ta köo xáa súvi nda ya. 4Saa chi xáꞌnda nda chiñu ya ndee ni uꞌvi xaa súvi ndo, ta nda ni mií nda köo kúchiñu xaa súvi ya ndúku nda nuu ndo xaa súvi ndo. Tá káa ñaꞌa ya vee ni saa káa ya tóso nda sata naꞌa xaa súvi na, nda mií nda ta nda loꞌo köo kúchiñu nda xaa súvi nda ya. 5Ta ndiꞌi ya yóꞌó íkan nda ya kúni nda ná kuni inka naꞌa ya íkan nda. Saa táa nda tuꞌun Ndioxi nuu tutu vali ta chívaꞌa nda ya ini caja ñii vali. Ñaa kíꞌin nda ya chínuu nda taan nda án chiyo nda. Ta ndása naꞌnu ka nda caja vali nda nuu inka naꞌa, ta nda chilo yuꞌu toto nda nani ni íkan nda ya, íkan nda saa ya kúni nda kuni naꞌa xáa súvi ni nda ya káꞌan Ndioxi. 6Tá íyo viko nuu kuaꞌan na kuxini na ta kútoo nda koo nda nuu ndóo naꞌa, na kúu mií chiñu ndee ni, saa tá kuaꞌan nda veꞌe ñuꞌu ya sinagoga ta kútoo nda koo nda nuu tai toꞌo. 7Saa kútoo nda ya ná kaꞌan toꞌo naꞌa xiꞌin nda tá kuaꞌan nda nuu yaꞌvi, ta kútoo nda kaꞌan na xiꞌin nda “Maestro”.
8’Sundi ndóꞌo̱ ta ïkan ndo saa, täxi ndo kaꞌan naꞌa xiꞌin ndo “maestro”, saa chi iindaa Cristo ku maestro nuu ndo, ta ndiꞌi ndo ta iin káchi íin ndo nuu taꞌan ndo. 9Ta nda iin naꞌa käꞌan ndo xiꞌin ñuu ivi yóꞌó, kachi ndo “Iva i”, saa chi iindaa va ku Iva yo Ndioxi, ra íyo nuu ndivi. 10Ta täxi ndo kaꞌan naꞌa xiꞌin ndo “ra Káꞌnu” saa chi iindaa Cristo ku ra Kaꞌnu nuu ndo. 11Ta ra kaꞌnu ni ka nuu ndo ku ra xíniñuꞌu koto vií xiꞌin ndo, xaa súvi ra ndá ka chiñu nuu ndo. 12Saa chi ndiꞌi na xáa kaꞌnu xiꞌin mií, ta nduu na ni̱nu̱ ni ikan Ndioxi, ta ndiꞌi na xáa ni̱nu̱ xiꞌin mií ta nduu na, na naꞌnu ni ikan Ndioxi ―káchi Jesús.
13Saa ndi̱kaꞌan ka Jesús xiꞌin nda fariseo tin nda sínaꞌa ley Ndioxi, káchi ra saa:
―¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Vaxi kivi ta ndoꞌo ni ndo xaꞌa ya uvi yuꞌu ndo! Saa chi ndíkasi ndo yeꞌe ya kúu ichí nuu yaꞌa naꞌa kiꞌvi na nuu xáꞌnda chiñu Ndioxi. Ni köo kíꞌvi mií ndo ta ni köo táxi ndo kiꞌvi na.
14’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Väꞌa íkan ndo chi kíndaa ndo veꞌe ná ndi̱ndoo ndaa. Tá kuaꞌan ndo veꞌe ñuꞌu sinagoga ta xáa ndo káꞌan naꞌa ni ndo xiꞌin Ndioxi, ya kúni ndo ndikani ini naꞌa ya vaꞌa ni ndo nuu Ndioxi. Xaꞌa ya ñaa ta ndee ni ka sitixuꞌvi Ndioxi ndóꞌo̱ nuu inka naꞌa.
15’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! Ndóꞌo̱ uvi yuꞌu ku ndo! Saa chi kuaꞌan ndo ndiꞌi ni kúu ñaꞌñu nda yuꞌu nduta ñûꞌu kuaꞌan ndo, ndúku ndo naꞌa kundikun na ichí ndo. Ta na ndíkun ichí ndo ta na síndiꞌi ka ndo xaꞌa ku na, chi ndee ni ka ndúu na, na nduvaꞌa ni ka ini nuu ndo ta ndixa kuꞌun na xiꞌin ndo ndaya.
16’¡Ndaꞌvi ni ndóꞌo̱! ¡Tá íin na kuáa̱ saa íin ndo! Saa chi sínaꞌa ndo naꞌa xaa súvi na ichí Ndioxi, ta ni mií ndo köo xíni ndá kuꞌva xaa súvi ndo ya kúni Ndioxi. Saa chi káꞌan ndo, tá iin naꞌa chínaꞌa na xaꞌa veꞌe ñuꞌu kaꞌnu, ta köo xíniñuꞌu na xaa súvi na ya chi̱naꞌa na, káchi ndo. Sundi tá chínaꞌa na xaꞌa ya oro íyo veꞌe ñuꞌu kaꞌnu, ta xíniñuꞌu na sixinu na ya chi̱naꞌa na”, káchi ndo. 17¡Nda kíꞌvi, nda kuáa̱ ku ndo! Án köo xíni ndo veꞌe ñuꞌu ku ya ndee ni ka nuu ya oro, saa chi veꞌe ñuꞌu ikán kua ndása i̱í oro ñúꞌu ini ya. 18Saa sínaꞌa ndo na, káꞌan ndo: “Tá iin naꞌa chínaꞌa na xaꞌa nama i̱í veꞌe ñuꞌu kaꞌnu, ta köo xíniñuꞌu na xaa súvi na tuꞌun káꞌan na, káchi ndo. Sundi tá chínaꞌa na xaꞌa ya ndi̱soko na íyo nuu nama i̱í veꞌe ñuꞌu, ta xíniñuꞌu na xaa súvi na ya chi̱naꞌa na”, káchi ndo. 19¡Nda kíꞌvi, nda kuáa̱ ku ndo! ¿Unkua chee xíniñuꞌu ni ka? ¿Án ya sóko na kua chee ka, án mií nama i̱í ikán kua chee ka? Saa chi nama i̱í veꞌe ñuꞌu kaꞌnu ku ya ndása i̱í ndiꞌi ñaꞌa ya sóko naꞌa nuu Ndioxi. 20Saa chi na chínaꞌa xaꞌa nama veꞌe ñuꞌu kaꞌnu, chínaꞌa tu na xaꞌa ndiꞌi ñaꞌa ya íyo nuu va ya. 21Ta ndiꞌi na chínaꞌa xaꞌa veꞌe ñuꞌu kaꞌnu, na yóꞌó ta chínaꞌa tu na nuu Ndioxi ra íyo ini mií veꞌe ñuꞌu kaꞌnu va. 22Ta ndiꞌi na chínaꞌa nuu ndivi, ta chínaꞌa na xaꞌa tai toꞌo nuu íyo Ndioxi, saa chínaꞌa tu na xaꞌa mií Ndioxi ra íyo nuu ndivi va.
23’¡Ndaꞌvi ni ndóꞌo̱ fariseo xiꞌin ndóꞌo̱ sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi táxi ndo iin koꞌndo ya táva ndo tixin uxi koꞌndo iku kána chíꞌi ndo, ta táxi ndo ya ndaꞌa Ndioxi. Ta köo xáa súvi ndo ñaꞌa ya ndixa xíniñuꞌu ndo xaa súvi ndo nuu Ndioxi. Ya kúni Ndioxi ku ya ikan ndo ya ndaku xiꞌin naꞌa, saa kundaꞌvi ini ndo kuni taꞌan ndo tin kandixa ni ka ndo Ndioxi, ya yóꞌó ku ya ndáa yaꞌvi ni. Xíniñuꞌu ndo xaa súvi ndo chiñu ndee ni yóꞌó nuu ra, ta xïkuiin ndo ikan ndo inka ka chiñu vali nuu ra. 24¡Tá íin na kuáa̱ saa íin ndo, saa chi sínaꞌa ndo naꞌa xaꞌa ñaꞌa ya köo ndá yaꞌvi ni ka, ta ni mií ndo köo xáa súvi ndo ya sínaꞌa ndo. Saa chi íkan ndo tá íkan na síxixin tikuii, táva ndo tikú loꞌo ndíkaa ini rá ta kóko ndáa ndo iin kiti camello chee ni ndíkaa xiꞌin rá!
25’¡Ndaꞌvi ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! chi tá íin na ndíkata sata vaso xiꞌin sata koꞌo nuu xíxi na, saa íin ndo. Chi vaꞌa ni va náꞌa ndo nuu naꞌa, sundi ini ndo ta iin chútu ndaa ya kuiꞌna xiꞌin ya väꞌa. 26¡Ndoꞌo ni ndóꞌo̱ fariseo, na kuáa̱! Xiꞌna xíniñuꞌu ndo ndikata ndo sata vaso tin ini ya saa nduyaa ya. Ta saa ndóꞌo̱ xiꞌna xíniñuꞌu ndo ndasa vaꞌa ndo ini ndo maa, saa nduu ndo na vaꞌa nuu Ndioxi.
27’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Saa chi tá íin sata ñáñá nuu ndúxin ndìì, saa íin ndo. Sata ya ikán vaꞌa ni náꞌa, luvi ni ndi̱kaꞌi yaa ya, ta ini ya maa kini ni káa, iin chútu ndaa leke ndìì táꞌi ya. 28Nda tá íin ya ikán saa íin ndo, chi sata va ndo vaꞌa ni náꞌa nuu inka naꞌa, ta ini ndo iin chútu ndaa ya väꞌa xiꞌin ya vata, ndóꞌo̱ uvi yuꞌu ku ndo.
29’¡Ndoꞌo ni ndóꞌo̱ fariseo xiꞌin ndóꞌo̱ maestro sínaꞌa ley Ndioxi! ¡Ndóꞌo̱ uvi yuꞌu ku ndo! Luvi ni síkuaꞌa ndo ñáñá nuu ndi̱nduxin nda profeta, ta xáa kutu ndo nuu ndúxin naꞌa, na vaꞌa ni. 30Saa káꞌan ndo: “Tá ndíxiyo yo tiempo ya ndi̱xiyo iva siꞌí yo ñuu ivi yóꞌó, ta ni köo yuꞌu yo xiꞌin na xa̱ꞌni nda ikán, ndikuu”, káchi ndo. 31Ta xaꞌa ya káꞌan ndo saa, ta ndíkuni ndo ya kúu ndo seꞌe ñani sikua na xa̱ꞌni nda profeta ikán. 32¡Ta vitin, vaꞌa ndikuiso ndo chiñu ya xa̱á iva siꞌí ndo íkan na xinaꞌa, ta sixinu ndo nuu ya!
33¡Seꞌe ko̱ó ku ndo, chi íkan ndo tá íkan ko̱ó kueꞌe! ¡Ta ni köo ka kuꞌva sikaku ndo mií ndo ya küꞌun ndo ndaya! 34Saa káꞌan i xiꞌin ndo, chi yeꞌe ta tiꞌvi i nda profeta nda kaꞌan ndoso tuꞌun i, saa tiꞌvi tu i nda ndíchi, xiꞌin nda sinaꞌa tuꞌun i kaꞌan nda xiꞌin ndo. Ta ndóꞌo̱ kaꞌni ndo sava nda ikán, ta inka nda katikaa ndo ndaꞌa cruzin kuvi nda. Ta sava nda xaa nduvaꞌa ni ndo xiꞌin kani ni ndo nda ini veꞌe ñuꞌu sinagoga, ta sava nda kundikun ndo sata nda xaa nduvaꞌa ndo xiꞌin nda tá iin tá iin ñuu. 35Yakan sata ndóꞌo̱ kuaꞌan kuachi xaꞌa nií ndiꞌi taa nda vaꞌa, nda ndi̱xiꞌi xinaꞌa, ta xa̱á ya nda xaꞌa tá ndi̱xiꞌi ra Abel. Nda xaꞌa ra ikán xa̱á ya iin saa nda xaꞌa ra Zacarías, seꞌe ra Berequías. Xii sikua ndóꞌo̱ ku nda xa̱ꞌni ra Zacarías kivi xi̱ndichi ra maꞌñu ya kúu yeꞌe veꞌe ñuꞌu kaꞌnu xiꞌin nama nuu sóko na ñaꞌa nuu Ndioxi. 36Ta ndixa káꞌan i xiꞌin ndo sata mií ndo ndikava ndiꞌi kuachi, xaꞌa nií ndiꞌi nda vaꞌa ikán ―káchi Jesús xiꞌin nda sínaꞌa ley Ndioxi tin nda fariseo.
Xáku Jesús xaꞌa na ñuu Jerusalén
(Lc. 13:34-35)
37Saa ndi̱kaꞌan tuku Jesús, káchi ra saa:
―¡Ndóꞌo̱ ñuu Jerusalén, kúsuchi ni ini i xíni i ndóꞌo̱, saa chi ndóꞌo̱ xáꞌni nda profeta ku ndo, ta káni ndo yu̱ú sata nda ti̱ꞌvi Ndioxi vaxi kaꞌan ndoso tuꞌun ra xiꞌin ndo. ¡Ndisaa vi ichí ndi̱kani ini i xiꞌin ndo ndikaya i ndóꞌo̱, tá kuꞌva ndíkaya nduxi tiatan seꞌe ri kuakee na tixin ri, saa ku̱ni i ikan i xiꞌin ndo, ta köo ndi̱xiin ndo! 38Ta vitin niꞌi ndo tindoꞌo chi sindikoo ndaꞌa Ndioxi veꞌe ñuꞌu ndo, táxiin nduu ini ya. 39Ta ndixa káꞌan i xiꞌin ndo, nda kivi vitin ta küni ka ndo yeꞌe, nda ná tindaa kivi ya kaꞌan ndo: “Chee ni ra xa̱a sikaku yoo, ra vaxi xiꞌin yuꞌu Iva yo Ndioxi ra íyo nuu ndivi ku ra”, kachi ndo xaꞌa i, nda saa kuni ndo yeꞌe ―káchi Jesús xiꞌin na.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.