San Mateo 27
27
Ndi̱taxi nda Jesús, kuaꞌan ra nuu ra Pilato
(Mr. 15:1; Lc. 23:1-2; Jn. 18:28-32)
1Tá ndi̱tuvi ta chi̱taꞌan tuꞌun ndiꞌi nda sutu ndóso nuu sutu, xiꞌin nda xikuaꞌa nuu na judío, chi̱taꞌan tuꞌun nda ya kaꞌni nda Jesús. 2Saa ka̱tun nda ra, núꞌni ra kuaꞌan ra xiꞌin nda, ndi̱xaa ra ta̱xi nda ra ndaꞌa ra gobernador Poncio Pilato.
Ya ku̱u nuu ndi̱xiꞌi ra Judas
3Tá xi̱ni ra Judas, ra ndi̱xiko vata Jesús, ya chi̱taꞌan tuꞌun nda kaꞌni ñaꞌa nda. Saa ku̱chiꞌña ni ini ra xaꞌa ya ndi̱xiko vata ñaꞌa ra. Ñaa ke̱e ra ndi̱xaꞌan ra si̱ndiko koo ra oko uxi xuꞌun ya plata ndaꞌa nda xikuaꞌa xiꞌin nda sutu nda ínuu nuu nda sutu ikán. 4Saa ndi̱kaꞌan ra xiꞌin nda, káchi ra saa:
―Ndee ni ndee kuachi i̱kan i chi ndi̱taxi i taa ra vaꞌa, ra köo kuachi kúu mií ndaꞌa ndo, ya kaꞌni ndo ra ―káchi ra xiꞌin nda.
Saa ndi̱kuiin nda, káꞌan nda:
―¡Unkua ndóꞌo vi ndeꞌe! ¡Köo xáꞌni ka nde mií nde! ¡Kuachi mií va un kua! ―káchi nda xiꞌin ra.
5Saa ki̱ꞌin ra xuꞌun xa̱ta ra ini veꞌe ñuꞌu, ta ndi̱kiꞌin ra kuaꞌan ra. Ikán si̱koꞌni ndaa ra mií ra. 6Saa ndi̱kuiso nda sutu ndóso nuu sutu xuꞌun ikán, ta ndi̱kaꞌan nda, káchi nda saa:
―Küvi chivaꞌa yo xuꞌun yóꞌó nuu ndúvaꞌa xuꞌun sóko na veꞌe ñuꞌu. Saa chi ya cha̱ꞌvi yo kuvi iin ndìì kua ―káchi nda xiꞌin taꞌan nda.
7Saa chi̱taꞌan tuꞌun nda sa̱ta nda iin ñuꞌú xiꞌin xuꞌun ikán, ta ñuꞌú ikán náni ya: “Ñuꞌú na síkuaꞌa kisi”, ta ta̱xi nda ñuꞌú ikán ndaꞌa naꞌa, na ke̱e inka ñuu ya ná sinduxin na ikán na táꞌan na, na xíꞌi. 8Saa chi̱nuu na kivi ñuꞌú ikán náni ya “Ñuꞌú iku ya Nií” ta saa náni ya nda vitin. 9Ta ikán ku nuu ndi̱xinu ya ndi̱kaꞌan ra profeta Jeremías xinaꞌa, ka̱chi ra saa: “Ndi̱kiꞌin na oko uxi xuꞌun ya plata, ya ndaa yaꞌvi ndìì, ya yóꞌó ku yaꞌvi ra chi̱nuu mií na Israel. 10Ta xiꞌin xuꞌun yóꞌó sa̱ta na ñuꞌú ikán, ya náni “Ñuꞌú na síkuaꞌa kisi”, Soꞌva íyo ya ndi̱kaꞌan Ndioxi xiꞌin i”, káchi ra profeta.
Táxi na chiñu kuachi xaꞌa Jesús ndaꞌa ra Pilato
(Mr. 15:2-5; Lc. 23:3-5; Jn. 18:33-38)
11Tá ndíchi Jesús nuu ra gobernador Pilato, saa ndi̱ndakan tuꞌun ra Jesús, káchi ra saa:
―¿Án ndixa ra rey nuu na judío ku un? ―káchi ra xiꞌin ra.
Saa ndi̱kuiin Jesús káꞌan ra:
―Tá íyo ya káꞌan un, saa ndixa íyo va ya ―káchi Jesús xiꞌin ra.
12Tá táxi nda sutu naꞌnu kuachi xaꞌa Jesús xiꞌin na xikuaꞌa nuu na judío, ta ni köo ndi̱kuiin ra yuꞌu nda. 13Saa ndi̱kuiin ra Pilato, káꞌan ra:
―¿Án köo xíni soꞌo un xaꞌa ndiꞌi ya káꞌan na xaꞌa un? ―káchi ra xiꞌin Jesús.
14Ta nda iin ya köo ndi̱kuiin Jesús. Saa iin ndi̱kanda ini mií ra gobernador ikán, ta ni köo xíni ra unkua ikan ra.
Ndi̱kaꞌan ra Pilato ya kuvi Jesús
(Mr. 15:6-20; Lc. 23:13-25; Jn. 18:38–19:16)
15Ta vaꞌa ná kundaa ini yo vitin, ndiꞌi viko pascua táva ra gobernador iin ra ndíkaa veꞌe kàà, ta mií na ñuu ku na ndíkaxin unku ra tava na veꞌe kàà. 16Saa ndíkaa iin ra náni Barrabás veꞌe kàà, ta ndee ni ínuu tuꞌun ra ikán. 17Saa ndi̱kitaꞌan ndiꞌi nda ndóo nda, ñaa ndi̱kaꞌan ra Pilato xiꞌin nda, káchi ra saa:
―¿Unku ra kúni ndo tava i veꞌe kàà? ¿Án ra Barrabás tava i án ra Jesús ra káꞌan ndo xiꞌin Cristo tava i ―káchi ra xiꞌin na.
18Saa ndi̱kaꞌan ra xiꞌin na, xaꞌa ya xa xíni ra ya kûní ini na chiñu xíni na Jesús, yakan ndi̱taxi ñaꞌa na ndaꞌa ra. 19Ñaa tá índuꞌu ra nuu tai xáa nani ra kuachi xaꞌa Jesús, ta saa ti̱ꞌvi yá síꞌi ra Pilato chiñu ndi̱xaa nuu ra, káchi yá saa: “Këꞌe un ra ñaa, saa chi ra vaꞌa ku ra. Köo kuachi ra. Kini ni ndi̱xani i i̱kan ra ñuu ndiveꞌe”, káchi yá xiꞌin chiñu ndi̱xaa nuu ra Pilato.
20Sundi nda sutu naꞌnu nuu sutu, xiꞌin na xikuaꞌa nuu na judío, si̱xinu na ini naꞌa ya ná kaꞌan na xaꞌa ra Barrabás keta ra veꞌe kàà, ta ná kaꞌni na Jesús. 21Saa ndi̱kaꞌan tuku ra gobernador Pilato xiꞌin na, káchi ra saa:
―¿Unku uvi saa nda yóꞌó kúni ndo saña i? ―káchi ra xiꞌin na.
Saa ndi̱kuiin ndiꞌi na káꞌan na:
―Ra Barrabás saña un ―káchi ndiꞌi na.
22Saa ndi̱kaꞌan tuku ra xiꞌin na, káchi ra saa:
―Ta ¿unkua ikan i xiꞌin ra, káꞌan ndo xiꞌin Cristo? ―káchi ra xiꞌin na.
Saa ndi̱kuiin ndiꞌi na, káꞌan na:
―¡Chinuu ra ndaꞌa cruzin! ¡Ná kuvi ra! ―káchi na, iin káchi ndi̱kaꞌan ndiꞌi na.
23Saa ndi̱kaꞌan tuku ra Pilato xiꞌin na, káchi ra saa:
―Ta ¿unkua ndee ni i̱kan ra kua? ―káchi ra.
Saa ndee ni ka ndi̱kaꞌan ndiꞌi na, káchi na saa:
―¡Chinuu ra ndaꞌa cruzin, ná kuvi ra! ―káchi ndiꞌi na.
24Saa xi̱ni ra Pilato ya köo xíni soꞌo na ya káꞌan ra, ñaa xa̱á ndi̱siso vaꞌa ka na. Ñaa xa̱ꞌnda ra chiñu taxi na tikuii ndaꞌa ra. Saa ndi̱kata ra ndaꞌa ra nuu ndiꞌi na, káchi ra saa:
―Köo ndíso i kuachi xaꞌa ra yóꞌó, ra vaꞌa ku ra, ta koto ka mií ndo xiꞌin ra ―káchi ra xiꞌin na.
25Saa ndi̱kuiin ndiꞌi na, káꞌan na:
―¡Mií nde xiꞌin seꞌe nde ndíso kuachi xaꞌa nií ra yóꞌó! ―káchi na.
26Saa ta̱va ra Pilato ra Barrabás veꞌe kàà. Sindiꞌi saa xa̱ꞌnda ra chiñu ya kani ni na Jesús xiꞌin cuarta ya íyo ñaꞌa xiín nuu, ta saa chinuu na ra ndaꞌa cruzin kuvi ra.
27Sindiꞌi saa ndi̱kundaka nda lapa xáa chiñu nuu ra Pilato Jesús kuaꞌan ra xiꞌin nda veꞌe chiñu kaꞌnu, saa ndi̱kaya ndiꞌi nda lapa, ta ndi̱kava nduu ndiꞌi nda sata ra. 28Ñaa ki̱ndaa ndiꞌi nda toto ra, ta si̱kundixi nda iin toto kuaꞌa tuun, taꞌan toto ndíxi nda rey kua si̱kundixi ñaꞌa nda. 29Saa si̱kuaꞌa nda iin corona iñu chi̱nuu nda xiní ra. Ta ta̱xi nda iin itun ndoo ndaꞌa ra, tíin ra nu xiꞌin ndaꞌa kuáꞌá ra. Ñaa si̱kusiti nda nuu ra, ta xa̱á kúsiki ndaa ñaꞌa nda, káchi nda saa:
―¡Ndee ni va ra rey nuu na judío! ―káchi nda xiꞌin ra.
30Saa kóꞌni ndaa nda sii nuu ra, ta tíin nda itun ikán káni nda xiní ra. 31Tá sindiꞌi ku̱siki ndaa ñaꞌa nda, saa ta̱va nda toto ikán sukun ra, ta si̱kundixi tuku nda ra xiꞌin toto mií ra. Ñaa ndi̱kiꞌin nda ra kuaꞌan ra xiꞌin nda chinuu nda nuu cruzin.
Chínuu nda Jesús nuu cruzin
(Mr. 15:21-41; Lc. 23:26-49; Jn. 19:17-30)
32Saa ka̱na koo nda lapa kuaꞌan nda xiꞌin Jesús, tá kuaꞌan nda xiꞌin ra, ta ndi̱kitaꞌan nda xiꞌin iin ra ke̱e ñuu Sirene, náni ra Simón, ñaa xa̱a nduxa nda xiꞌin ra ikán ya chindee taꞌan ra xiꞌin Jesús kundiso ra cruzin xiꞌin ra.
33Ñaa ndi̱xaa nda ñaꞌñu náni Gólgota, ya kúni kachi Leke Xiní Ndìì. 34Ikán ta̱xi nda nduta vino ndi̱saka nuu xiꞌin nduta u̱va̱ kava koꞌo ra, saa xi̱to ndoso ra rá ta köo ndi̱xiꞌi ñaꞌa ra.
35Saa chi̱nuu nda ra ndaꞌa cruzin, ka̱ni nda clavo xaꞌa ra tin ndaꞌa ra. Ñaa chi̱kaa nda suerte sata toto ra, ya kuchiñu nditaꞌvi nda ya xiꞌin taꞌan nda. Ikán ku nuu si̱xinu nda ya ta̱a ra profeta xinaꞌa, ka̱chi ra saa: “Chi̱kaa nda suerte sata toto i nditaꞌvi nda ya xiꞌin taꞌan nda”, káchi ya ta̱a ra profeta ikán. 36Saa ndi̱kundoo nda lapa ikán ndáa ñaꞌa nda. 37Saa chi̱nuu nda iin vitun loꞌo xiní cruzin nuu ínuu ra, ta nuu nu ikán ta̱a nda kuachi ra, káchi ya saa: “Jesús, ra rey na judío ku ra yóꞌó”, káchi ya ta̱a nda.
38Saa to̱so nda lapa ikán uvi nda kuiꞌna xiꞌin ra, iin ra chi̱nuu nda ndaꞌa cruzin ñaꞌñu kuáꞌá ra, ka̱ni nda clavo xaꞌa ra ikán tin ndaꞌa ra, ta saa i̱kan tu nda xiꞌin inka ra chi̱nuu nda ñaꞌñu ítín va ra. 39Ñaa yáꞌa naꞌa kuaꞌan na ta kánaꞌa na xiꞌin ra, síkuiko xiní na, 40káchi na saa:
―Yóꞌo̱ ku ra ndi̱kaꞌan: “Kani i veꞌe ñuꞌu, ta tixin ya uni kivi sikuaꞌa tuku i ya”, káchi un. Ta vitin vaꞌa ¡sikaku un mií un! Tá tu ndixa Seꞌe Ndioxi ku un, ta saa ¡sinuu un mií un ndaꞌa cruzin ñaa! ―káchi na xiꞌin ra.
41Saa káꞌan tu nda naꞌnu nuu sutu va, xiꞌin nda sínaꞌa ley ra Moisés xiꞌin nda fariseo tin nda xikuaꞌa, kúsiki ndaa ñaꞌa nda káꞌan nda xiꞌin taꞌan nda, káchi nda saa:
42―Ku̱chiñu ra si̱kaku ra inka naꞌa, ta köo kúchiñu ra sikaku ra mií ra. Tá tu ndixa ra rey nuu na Israel ku ra, ta vaꞌa ná sinuu ra mií ra nuu cruzin saa kuchiñu yo kandixa ñaꞌa yo. 43Káꞌan ra kándixa ra Ndioxi, ta ná sikaku ñaꞌa ra vitin, tá tu ndixa ya ndaa kua kúu ra Seꞌe Ndioxi ―káchi nda kúsiki ndaa ñaꞌa nda.
44Tá káꞌan nda ikán xiꞌin Jesús, saa káꞌan tu nda kuiꞌna ndóso ñaꞌñu xiín Jesús va xiꞌin ra.
Ndi̱xiꞌi Jesús
(Mr. 15:33-41; Lc. 23:44-49; Jn. 19:28-30)
45Saa iin ku̱naa nuu ñuꞌú tá ti̱ndaa kàà uxi uvi nduvi, iin saa nda kàà uni xikuáa. 46Ñaa ndee ni ndi̱ndaꞌi koꞌo Jesús kàà uni xikuáa, káchi ra saa:
―Elí, Elí, ¿Lama sabactani? ―káchi ra.
Tuꞌun yóꞌó káchi ya: “Tata Iva mií i, Tata Iva mií i, ¿ndachu si̱ndikoo ndaꞌa un yeꞌe”? ―káchi ra.
47Saa xi̱ni soꞌo sava na ndóo yati ikán, ñaa ndi̱kaꞌan na xiꞌin taꞌan na, káchi na saa:
―Ra profeta Elías kána ra ya chindee ñaꞌa ra ―káchi na.
48Saa ndikun xínu iin ra ndi̱xaꞌan ra si̱kuchi ra nduta vinu iya nuu toto kachi, ta ka̱tun ra ya ikán nuu iin itun, saa si̱tindaa yati ra ya nuu Jesús ya koꞌo ñaꞌa ra. 49Saa káꞌan inka na, káchi na saa:
―Këꞌe un ra, ná kuni yo án kixi ra Elías sikaku ñaꞌa ra ―káchi na.
50Saa ndi̱ndaꞌi koꞌo Jesús, ndee ka vi ndi̱ndaꞌi ra, ñaa ndi̱xiꞌi va ra. 51Ta mí hora ikán ndi̱taꞌnda toto ya tíkaa veꞌe ñuꞌu kaꞌnu, iin ndi̱taꞌnda sava ya nda ni̱nù iin saa nda ni̱nu̱. Saa ndee ni ndi̱taan, ta ndi̱taꞌvi yu̱ú naꞌnu ni. 52Saa ndi̱nuna nuu ndi̱nduxin ndìì. Ta ndi̱taku kuaꞌa ni naꞌa na ka̱ndixa tuꞌun Ndioxi. 53Tá kivi ndi̱taku Jesús, saa ka̱na koo na ikán nuu ndi̱nduxin na, ta ndi̱kiꞌvi na ñuu Jerusalén ya i̱í, ta kuaꞌa ni naꞌa xi̱ni ñaꞌa.
54Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa:
―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.
55Saa ndíta xíka ná ñaꞌa xíto ná. Ta ná ikán xi̱ndikun ná sata Jesús, chi̱ndee ná ra xa̱a chiñu ná nuu ra, nda estado Galilea ke̱e ná xiꞌin ra, ta ndi̱xaa ná nda ñuu Jerusalén. 56Tañu ná ikán ndíkaa yá María Magdalena xiꞌin yá María, siꞌí ra Jacobo xiꞌin ra José, xiꞌin inka siꞌí uvi saa nda seꞌe ra Zebedeo.
Nuu ndi̱nduxin Jesús
(Mr. 15:42-47; Lc. 23:50-56; Jn. 19:38-42)
57Tá xa kuaꞌan kúnaa saa ndi̱xaa iin ra kuika náni José, ra ñuu Arimatea ku ra ikán. Ta xi̱ndikun tu ra ikán va sata Jesús. 58Saa ndi̱xaꞌan ra nuu ra Pilato, ndu̱ku ra ikin kuñu Jesús nuu ra ya sinduxin ñaꞌa ra. Saa xa̱ꞌnda ra Pilato chiñu nuu nda lapa taxi nda ikin kuñu Jesús ndaꞌa ra José. 59Saa ndi̱kiꞌin ra ikin kuñu Jesús, su̱vi ra ya xiꞌin iin toto yaa. 60Ñaa ndi̱xaꞌan ra chi̱kaa ra ikin kuñu Jesús ini kava xa̱á, ya sikan si̱kuaꞌa ra. Ta saa si̱kutuvi ra yu̱ú yati yuꞌu kava ikán ta xiꞌin ya ikán ndi̱kasi ra yeꞌe ya, saa ke̱e ra kuanuꞌu ra. 61Saa ndi̱ndoo yá María Magdalena xiꞌin inka yá María, ndóo ná nuu xíto ndaa yati yuꞌu mií kava ikán.
Ndóo nda lapa ndáa nda kava nuu chi̱kaa na ikin kuñu Jesús
62Saa ndi̱tuvi inka kivi, tá xa ndi̱ꞌi xa̱a súvi ndiꞌi na ya ndikundee na mií kivi i̱í, kivi sábado, saa ndi̱xaa nda naꞌnu nuu sutu xiꞌin nda fariseo nuu ra Pilato. 63Ndi̱kaꞌan nda xiꞌin ra, káchi nda saa:
―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni. 64Yakan vaxi nde nuu un kaꞌan nde xiꞌin un ya ná tiꞌvi un nda lapa kuꞌun nda ndikasi kutu vaꞌa nda yuꞌu kava ikán nda kivi uni. Koto ka kuꞌun nda xi̱ndikun sata ra sikuiꞌna nda ikin kuñu ra, ta sindiꞌi kaꞌan nda: “Ndi̱taku ra”, kachi nda. Ta kini ni ka sindaꞌvi ra naꞌa vitin süvi ka vi tá xi̱taku ra ―káchi nda xiꞌin ra Pilato.
65Saa ndi̱kaꞌan ra Pilato xiꞌin nda, káchi ra saa:
―Vaꞌa ná kuꞌun iin tiꞌvi nda lapa xiꞌin ndo, ta xaa kutu vaꞌa ndo nuu ndi̱nduxin ra ―káchi ra xiꞌin nda.
66Saa ka̱na koo nda kuaꞌan nda ndikasi kutu vaꞌa nda yeꞌe kava ikán, ka̱ni nda sello sata yu̱ú ya ndási yuꞌu ya, ñaa ndi̱ndoo nda lapa ndáa nda ya.
Valgt i Øjeblikket:
San Mateo 27: xta
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.
San Mateo 27
27
Ndi̱taxi nda Jesús, kuaꞌan ra nuu ra Pilato
(Mr. 15:1; Lc. 23:1-2; Jn. 18:28-32)
1Tá ndi̱tuvi ta chi̱taꞌan tuꞌun ndiꞌi nda sutu ndóso nuu sutu, xiꞌin nda xikuaꞌa nuu na judío, chi̱taꞌan tuꞌun nda ya kaꞌni nda Jesús. 2Saa ka̱tun nda ra, núꞌni ra kuaꞌan ra xiꞌin nda, ndi̱xaa ra ta̱xi nda ra ndaꞌa ra gobernador Poncio Pilato.
Ya ku̱u nuu ndi̱xiꞌi ra Judas
3Tá xi̱ni ra Judas, ra ndi̱xiko vata Jesús, ya chi̱taꞌan tuꞌun nda kaꞌni ñaꞌa nda. Saa ku̱chiꞌña ni ini ra xaꞌa ya ndi̱xiko vata ñaꞌa ra. Ñaa ke̱e ra ndi̱xaꞌan ra si̱ndiko koo ra oko uxi xuꞌun ya plata ndaꞌa nda xikuaꞌa xiꞌin nda sutu nda ínuu nuu nda sutu ikán. 4Saa ndi̱kaꞌan ra xiꞌin nda, káchi ra saa:
―Ndee ni ndee kuachi i̱kan i chi ndi̱taxi i taa ra vaꞌa, ra köo kuachi kúu mií ndaꞌa ndo, ya kaꞌni ndo ra ―káchi ra xiꞌin nda.
Saa ndi̱kuiin nda, káꞌan nda:
―¡Unkua ndóꞌo vi ndeꞌe! ¡Köo xáꞌni ka nde mií nde! ¡Kuachi mií va un kua! ―káchi nda xiꞌin ra.
5Saa ki̱ꞌin ra xuꞌun xa̱ta ra ini veꞌe ñuꞌu, ta ndi̱kiꞌin ra kuaꞌan ra. Ikán si̱koꞌni ndaa ra mií ra. 6Saa ndi̱kuiso nda sutu ndóso nuu sutu xuꞌun ikán, ta ndi̱kaꞌan nda, káchi nda saa:
―Küvi chivaꞌa yo xuꞌun yóꞌó nuu ndúvaꞌa xuꞌun sóko na veꞌe ñuꞌu. Saa chi ya cha̱ꞌvi yo kuvi iin ndìì kua ―káchi nda xiꞌin taꞌan nda.
7Saa chi̱taꞌan tuꞌun nda sa̱ta nda iin ñuꞌú xiꞌin xuꞌun ikán, ta ñuꞌú ikán náni ya: “Ñuꞌú na síkuaꞌa kisi”, ta ta̱xi nda ñuꞌú ikán ndaꞌa naꞌa, na ke̱e inka ñuu ya ná sinduxin na ikán na táꞌan na, na xíꞌi. 8Saa chi̱nuu na kivi ñuꞌú ikán náni ya “Ñuꞌú iku ya Nií” ta saa náni ya nda vitin. 9Ta ikán ku nuu ndi̱xinu ya ndi̱kaꞌan ra profeta Jeremías xinaꞌa, ka̱chi ra saa: “Ndi̱kiꞌin na oko uxi xuꞌun ya plata, ya ndaa yaꞌvi ndìì, ya yóꞌó ku yaꞌvi ra chi̱nuu mií na Israel. 10Ta xiꞌin xuꞌun yóꞌó sa̱ta na ñuꞌú ikán, ya náni “Ñuꞌú na síkuaꞌa kisi”, Soꞌva íyo ya ndi̱kaꞌan Ndioxi xiꞌin i”, káchi ra profeta.
Táxi na chiñu kuachi xaꞌa Jesús ndaꞌa ra Pilato
(Mr. 15:2-5; Lc. 23:3-5; Jn. 18:33-38)
11Tá ndíchi Jesús nuu ra gobernador Pilato, saa ndi̱ndakan tuꞌun ra Jesús, káchi ra saa:
―¿Án ndixa ra rey nuu na judío ku un? ―káchi ra xiꞌin ra.
Saa ndi̱kuiin Jesús káꞌan ra:
―Tá íyo ya káꞌan un, saa ndixa íyo va ya ―káchi Jesús xiꞌin ra.
12Tá táxi nda sutu naꞌnu kuachi xaꞌa Jesús xiꞌin na xikuaꞌa nuu na judío, ta ni köo ndi̱kuiin ra yuꞌu nda. 13Saa ndi̱kuiin ra Pilato, káꞌan ra:
―¿Án köo xíni soꞌo un xaꞌa ndiꞌi ya káꞌan na xaꞌa un? ―káchi ra xiꞌin Jesús.
14Ta nda iin ya köo ndi̱kuiin Jesús. Saa iin ndi̱kanda ini mií ra gobernador ikán, ta ni köo xíni ra unkua ikan ra.
Ndi̱kaꞌan ra Pilato ya kuvi Jesús
(Mr. 15:6-20; Lc. 23:13-25; Jn. 18:38–19:16)
15Ta vaꞌa ná kundaa ini yo vitin, ndiꞌi viko pascua táva ra gobernador iin ra ndíkaa veꞌe kàà, ta mií na ñuu ku na ndíkaxin unku ra tava na veꞌe kàà. 16Saa ndíkaa iin ra náni Barrabás veꞌe kàà, ta ndee ni ínuu tuꞌun ra ikán. 17Saa ndi̱kitaꞌan ndiꞌi nda ndóo nda, ñaa ndi̱kaꞌan ra Pilato xiꞌin nda, káchi ra saa:
―¿Unku ra kúni ndo tava i veꞌe kàà? ¿Án ra Barrabás tava i án ra Jesús ra káꞌan ndo xiꞌin Cristo tava i ―káchi ra xiꞌin na.
18Saa ndi̱kaꞌan ra xiꞌin na, xaꞌa ya xa xíni ra ya kûní ini na chiñu xíni na Jesús, yakan ndi̱taxi ñaꞌa na ndaꞌa ra. 19Ñaa tá índuꞌu ra nuu tai xáa nani ra kuachi xaꞌa Jesús, ta saa ti̱ꞌvi yá síꞌi ra Pilato chiñu ndi̱xaa nuu ra, káchi yá saa: “Këꞌe un ra ñaa, saa chi ra vaꞌa ku ra. Köo kuachi ra. Kini ni ndi̱xani i i̱kan ra ñuu ndiveꞌe”, káchi yá xiꞌin chiñu ndi̱xaa nuu ra Pilato.
20Sundi nda sutu naꞌnu nuu sutu, xiꞌin na xikuaꞌa nuu na judío, si̱xinu na ini naꞌa ya ná kaꞌan na xaꞌa ra Barrabás keta ra veꞌe kàà, ta ná kaꞌni na Jesús. 21Saa ndi̱kaꞌan tuku ra gobernador Pilato xiꞌin na, káchi ra saa:
―¿Unku uvi saa nda yóꞌó kúni ndo saña i? ―káchi ra xiꞌin na.
Saa ndi̱kuiin ndiꞌi na káꞌan na:
―Ra Barrabás saña un ―káchi ndiꞌi na.
22Saa ndi̱kaꞌan tuku ra xiꞌin na, káchi ra saa:
―Ta ¿unkua ikan i xiꞌin ra, káꞌan ndo xiꞌin Cristo? ―káchi ra xiꞌin na.
Saa ndi̱kuiin ndiꞌi na, káꞌan na:
―¡Chinuu ra ndaꞌa cruzin! ¡Ná kuvi ra! ―káchi na, iin káchi ndi̱kaꞌan ndiꞌi na.
23Saa ndi̱kaꞌan tuku ra Pilato xiꞌin na, káchi ra saa:
―Ta ¿unkua ndee ni i̱kan ra kua? ―káchi ra.
Saa ndee ni ka ndi̱kaꞌan ndiꞌi na, káchi na saa:
―¡Chinuu ra ndaꞌa cruzin, ná kuvi ra! ―káchi ndiꞌi na.
24Saa xi̱ni ra Pilato ya köo xíni soꞌo na ya káꞌan ra, ñaa xa̱á ndi̱siso vaꞌa ka na. Ñaa xa̱ꞌnda ra chiñu taxi na tikuii ndaꞌa ra. Saa ndi̱kata ra ndaꞌa ra nuu ndiꞌi na, káchi ra saa:
―Köo ndíso i kuachi xaꞌa ra yóꞌó, ra vaꞌa ku ra, ta koto ka mií ndo xiꞌin ra ―káchi ra xiꞌin na.
25Saa ndi̱kuiin ndiꞌi na, káꞌan na:
―¡Mií nde xiꞌin seꞌe nde ndíso kuachi xaꞌa nií ra yóꞌó! ―káchi na.
26Saa ta̱va ra Pilato ra Barrabás veꞌe kàà. Sindiꞌi saa xa̱ꞌnda ra chiñu ya kani ni na Jesús xiꞌin cuarta ya íyo ñaꞌa xiín nuu, ta saa chinuu na ra ndaꞌa cruzin kuvi ra.
27Sindiꞌi saa ndi̱kundaka nda lapa xáa chiñu nuu ra Pilato Jesús kuaꞌan ra xiꞌin nda veꞌe chiñu kaꞌnu, saa ndi̱kaya ndiꞌi nda lapa, ta ndi̱kava nduu ndiꞌi nda sata ra. 28Ñaa ki̱ndaa ndiꞌi nda toto ra, ta si̱kundixi nda iin toto kuaꞌa tuun, taꞌan toto ndíxi nda rey kua si̱kundixi ñaꞌa nda. 29Saa si̱kuaꞌa nda iin corona iñu chi̱nuu nda xiní ra. Ta ta̱xi nda iin itun ndoo ndaꞌa ra, tíin ra nu xiꞌin ndaꞌa kuáꞌá ra. Ñaa si̱kusiti nda nuu ra, ta xa̱á kúsiki ndaa ñaꞌa nda, káchi nda saa:
―¡Ndee ni va ra rey nuu na judío! ―káchi nda xiꞌin ra.
30Saa kóꞌni ndaa nda sii nuu ra, ta tíin nda itun ikán káni nda xiní ra. 31Tá sindiꞌi ku̱siki ndaa ñaꞌa nda, saa ta̱va nda toto ikán sukun ra, ta si̱kundixi tuku nda ra xiꞌin toto mií ra. Ñaa ndi̱kiꞌin nda ra kuaꞌan ra xiꞌin nda chinuu nda nuu cruzin.
Chínuu nda Jesús nuu cruzin
(Mr. 15:21-41; Lc. 23:26-49; Jn. 19:17-30)
32Saa ka̱na koo nda lapa kuaꞌan nda xiꞌin Jesús, tá kuaꞌan nda xiꞌin ra, ta ndi̱kitaꞌan nda xiꞌin iin ra ke̱e ñuu Sirene, náni ra Simón, ñaa xa̱a nduxa nda xiꞌin ra ikán ya chindee taꞌan ra xiꞌin Jesús kundiso ra cruzin xiꞌin ra.
33Ñaa ndi̱xaa nda ñaꞌñu náni Gólgota, ya kúni kachi Leke Xiní Ndìì. 34Ikán ta̱xi nda nduta vino ndi̱saka nuu xiꞌin nduta u̱va̱ kava koꞌo ra, saa xi̱to ndoso ra rá ta köo ndi̱xiꞌi ñaꞌa ra.
35Saa chi̱nuu nda ra ndaꞌa cruzin, ka̱ni nda clavo xaꞌa ra tin ndaꞌa ra. Ñaa chi̱kaa nda suerte sata toto ra, ya kuchiñu nditaꞌvi nda ya xiꞌin taꞌan nda. Ikán ku nuu si̱xinu nda ya ta̱a ra profeta xinaꞌa, ka̱chi ra saa: “Chi̱kaa nda suerte sata toto i nditaꞌvi nda ya xiꞌin taꞌan nda”, káchi ya ta̱a ra profeta ikán. 36Saa ndi̱kundoo nda lapa ikán ndáa ñaꞌa nda. 37Saa chi̱nuu nda iin vitun loꞌo xiní cruzin nuu ínuu ra, ta nuu nu ikán ta̱a nda kuachi ra, káchi ya saa: “Jesús, ra rey na judío ku ra yóꞌó”, káchi ya ta̱a nda.
38Saa to̱so nda lapa ikán uvi nda kuiꞌna xiꞌin ra, iin ra chi̱nuu nda ndaꞌa cruzin ñaꞌñu kuáꞌá ra, ka̱ni nda clavo xaꞌa ra ikán tin ndaꞌa ra, ta saa i̱kan tu nda xiꞌin inka ra chi̱nuu nda ñaꞌñu ítín va ra. 39Ñaa yáꞌa naꞌa kuaꞌan na ta kánaꞌa na xiꞌin ra, síkuiko xiní na, 40káchi na saa:
―Yóꞌo̱ ku ra ndi̱kaꞌan: “Kani i veꞌe ñuꞌu, ta tixin ya uni kivi sikuaꞌa tuku i ya”, káchi un. Ta vitin vaꞌa ¡sikaku un mií un! Tá tu ndixa Seꞌe Ndioxi ku un, ta saa ¡sinuu un mií un ndaꞌa cruzin ñaa! ―káchi na xiꞌin ra.
41Saa káꞌan tu nda naꞌnu nuu sutu va, xiꞌin nda sínaꞌa ley ra Moisés xiꞌin nda fariseo tin nda xikuaꞌa, kúsiki ndaa ñaꞌa nda káꞌan nda xiꞌin taꞌan nda, káchi nda saa:
42―Ku̱chiñu ra si̱kaku ra inka naꞌa, ta köo kúchiñu ra sikaku ra mií ra. Tá tu ndixa ra rey nuu na Israel ku ra, ta vaꞌa ná sinuu ra mií ra nuu cruzin saa kuchiñu yo kandixa ñaꞌa yo. 43Káꞌan ra kándixa ra Ndioxi, ta ná sikaku ñaꞌa ra vitin, tá tu ndixa ya ndaa kua kúu ra Seꞌe Ndioxi ―káchi nda kúsiki ndaa ñaꞌa nda.
44Tá káꞌan nda ikán xiꞌin Jesús, saa káꞌan tu nda kuiꞌna ndóso ñaꞌñu xiín Jesús va xiꞌin ra.
Ndi̱xiꞌi Jesús
(Mr. 15:33-41; Lc. 23:44-49; Jn. 19:28-30)
45Saa iin ku̱naa nuu ñuꞌú tá ti̱ndaa kàà uxi uvi nduvi, iin saa nda kàà uni xikuáa. 46Ñaa ndee ni ndi̱ndaꞌi koꞌo Jesús kàà uni xikuáa, káchi ra saa:
―Elí, Elí, ¿Lama sabactani? ―káchi ra.
Tuꞌun yóꞌó káchi ya: “Tata Iva mií i, Tata Iva mií i, ¿ndachu si̱ndikoo ndaꞌa un yeꞌe”? ―káchi ra.
47Saa xi̱ni soꞌo sava na ndóo yati ikán, ñaa ndi̱kaꞌan na xiꞌin taꞌan na, káchi na saa:
―Ra profeta Elías kána ra ya chindee ñaꞌa ra ―káchi na.
48Saa ndikun xínu iin ra ndi̱xaꞌan ra si̱kuchi ra nduta vinu iya nuu toto kachi, ta ka̱tun ra ya ikán nuu iin itun, saa si̱tindaa yati ra ya nuu Jesús ya koꞌo ñaꞌa ra. 49Saa káꞌan inka na, káchi na saa:
―Këꞌe un ra, ná kuni yo án kixi ra Elías sikaku ñaꞌa ra ―káchi na.
50Saa ndi̱ndaꞌi koꞌo Jesús, ndee ka vi ndi̱ndaꞌi ra, ñaa ndi̱xiꞌi va ra. 51Ta mí hora ikán ndi̱taꞌnda toto ya tíkaa veꞌe ñuꞌu kaꞌnu, iin ndi̱taꞌnda sava ya nda ni̱nù iin saa nda ni̱nu̱. Saa ndee ni ndi̱taan, ta ndi̱taꞌvi yu̱ú naꞌnu ni. 52Saa ndi̱nuna nuu ndi̱nduxin ndìì. Ta ndi̱taku kuaꞌa ni naꞌa na ka̱ndixa tuꞌun Ndioxi. 53Tá kivi ndi̱taku Jesús, saa ka̱na koo na ikán nuu ndi̱nduxin na, ta ndi̱kiꞌvi na ñuu Jerusalén ya i̱í, ta kuaꞌa ni naꞌa xi̱ni ñaꞌa.
54Ta ra ndíso chiñu xiꞌin nda lapa, íyo ra xiꞌin nda ndáa nda Jesús. Tá xi̱ni nda ya ndee ni ndi̱taan tin ìyo ni ku̱u, saa ndi̱ndiꞌvi ka vi nda, ta ndi̱kaꞌan nda, káchi nda saa:
―Ya ndixa ni va kua kúu ra yóꞌó Seꞌe Ndioxi ―káchi nda xiꞌin taꞌan nda.
55Saa ndíta xíka ná ñaꞌa xíto ná. Ta ná ikán xi̱ndikun ná sata Jesús, chi̱ndee ná ra xa̱a chiñu ná nuu ra, nda estado Galilea ke̱e ná xiꞌin ra, ta ndi̱xaa ná nda ñuu Jerusalén. 56Tañu ná ikán ndíkaa yá María Magdalena xiꞌin yá María, siꞌí ra Jacobo xiꞌin ra José, xiꞌin inka siꞌí uvi saa nda seꞌe ra Zebedeo.
Nuu ndi̱nduxin Jesús
(Mr. 15:42-47; Lc. 23:50-56; Jn. 19:38-42)
57Tá xa kuaꞌan kúnaa saa ndi̱xaa iin ra kuika náni José, ra ñuu Arimatea ku ra ikán. Ta xi̱ndikun tu ra ikán va sata Jesús. 58Saa ndi̱xaꞌan ra nuu ra Pilato, ndu̱ku ra ikin kuñu Jesús nuu ra ya sinduxin ñaꞌa ra. Saa xa̱ꞌnda ra Pilato chiñu nuu nda lapa taxi nda ikin kuñu Jesús ndaꞌa ra José. 59Saa ndi̱kiꞌin ra ikin kuñu Jesús, su̱vi ra ya xiꞌin iin toto yaa. 60Ñaa ndi̱xaꞌan ra chi̱kaa ra ikin kuñu Jesús ini kava xa̱á, ya sikan si̱kuaꞌa ra. Ta saa si̱kutuvi ra yu̱ú yati yuꞌu kava ikán ta xiꞌin ya ikán ndi̱kasi ra yeꞌe ya, saa ke̱e ra kuanuꞌu ra. 61Saa ndi̱ndoo yá María Magdalena xiꞌin inka yá María, ndóo ná nuu xíto ndaa yati yuꞌu mií kava ikán.
Ndóo nda lapa ndáa nda kava nuu chi̱kaa na ikin kuñu Jesús
62Saa ndi̱tuvi inka kivi, tá xa ndi̱ꞌi xa̱a súvi ndiꞌi na ya ndikundee na mií kivi i̱í, kivi sábado, saa ndi̱xaa nda naꞌnu nuu sutu xiꞌin nda fariseo nuu ra Pilato. 63Ndi̱kaꞌan nda xiꞌin ra, káchi nda saa:
―Tata, ndi̱kaꞌán ini nde ya ndi̱kaꞌan ra Jesús ra síndaꞌvi naꞌa, tá xi̱taku ra ta ndi̱kaꞌan ra ya nditaku ra sindiꞌi tixin kivi uni. 64Yakan vaxi nde nuu un kaꞌan nde xiꞌin un ya ná tiꞌvi un nda lapa kuꞌun nda ndikasi kutu vaꞌa nda yuꞌu kava ikán nda kivi uni. Koto ka kuꞌun nda xi̱ndikun sata ra sikuiꞌna nda ikin kuñu ra, ta sindiꞌi kaꞌan nda: “Ndi̱taku ra”, kachi nda. Ta kini ni ka sindaꞌvi ra naꞌa vitin süvi ka vi tá xi̱taku ra ―káchi nda xiꞌin ra Pilato.
65Saa ndi̱kaꞌan ra Pilato xiꞌin nda, káchi ra saa:
―Vaꞌa ná kuꞌun iin tiꞌvi nda lapa xiꞌin ndo, ta xaa kutu vaꞌa ndo nuu ndi̱nduxin ra ―káchi ra xiꞌin nda.
66Saa ka̱na koo nda kuaꞌan nda ndikasi kutu vaꞌa nda yeꞌe kava ikán, ka̱ni nda sello sata yu̱ú ya ndási yuꞌu ya, ñaa ndi̱ndoo nda lapa ndáa nda ya.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.