San Marcos 11
11
Kuakiꞌvi Jesús ñuu Jerusalén
(Mt. 21:1-11; Lc. 19:28-40; Jn. 12:12-19)
1Saa ku̱u xa̱á xíka tuku Jesús kuaꞌan ra ñuu Jerusalén xiꞌin nda ítaꞌan xiꞌin ra. Tá kuaꞌan kúyati nda xaa nda ñuu Jerusalén ta ndi̱xaa nda yati ñuu Betfagé xiꞌin ñuu Betania ya ndíkaa yati xiki xíto ndaa nuu íyo itun Olivo, saa ndi̱kaꞌan Jesús xiꞌin uvi nda ítaꞌan xiꞌin ra, 2káchi ra saa:
―Kuáꞌan ndo ñuu loꞌo ya xíto ndo kaa. Tá ndi̱xaa ndo ta nditaꞌan ndo iin burru loꞌo núꞌni ri, kiti täꞌan kuyoso nda iin naꞌa ku ri. Ta saa ndaxin ndo ri kixi xiꞌin ndo. 3Tá ndá naꞌa káꞌan xiꞌin ndo: “¿Ndachu ndáxin ndo ri?”, káchi na xiꞌin ndo. Ta saa kaꞌan ndo xiꞌin na: “Tata yo xíniñuꞌu ri tá ndiꞌi xi̱niñuꞌu ra ri ta kama ni sindiko koo ra ri ndaꞌa ndo”, kachi ndo xiꞌin na ―káchi ra xiꞌin nda.
4Saa ka̱na koo nda kuaꞌan nda, ta ndi̱taꞌan nda iin burru loꞌo, núꞌni ri ndíchi ri yeꞌe na ichí, ñaa nda̱xin nda ri.
5Saa ndi̱ndakan tuꞌun ñaꞌa sava naꞌa, káchi na saa:
―¿Ndachu ndáxin ndo ri? ―káchi na xiꞌin nda.
6Saa ndi̱kaꞌan nda xiꞌin na, tá íyo ya ndi̱kaꞌan Jesús xiꞌin nda saa íyo ya ndi̱kaꞌan nda xiꞌin na, ta köo ndi̱kaꞌan ka na xiꞌin nda. 7Saa ndáka nda ri ndi̱xaa xiꞌin nda. Ñaa ki̱ꞌin nda chilo nda ti̱so nda sata ri, saa ndi̱kunuu Jesús sata ri kuaꞌan ra. 8Kuaꞌa ka vi na chíndoo chilo ichí nuu yáꞌa ra kuaꞌan ra ya xáa kaꞌnu ñaꞌa na, ta inka na xáꞌnda ndaꞌa itun ta kíꞌin na ya chíndoo na nuu yáꞌa ra kuaꞌan ra.
9Kúsini ka vi na, iin ndáꞌi koꞌo ndiꞌi na kuaꞌan na, na ndóso nuu tin na ndíkun sata, ndáꞌi ndiꞌi na, káchi na saa:
―¡Kaꞌnu ni ná koo taa, ra vaxi xiꞌin ndee Iva yo Ndioxi! 10¡Kaꞌnu ni ra yóꞌó, chi ra yóꞌó ku rey ra kaꞌnda chiñu nuu yo, ra yóꞌó ku ra ndi̱kiꞌin nuu xii sikua yo ra Rey David! ¡Chee ni ná koo nuu kaꞌnda chiñu ra! ¡Ta ná kunuu sukun ni ya toꞌo Ndioxi! ―káchi ndiꞌi na xaꞌa Jesús.
11Saa ndi̱kiꞌvi Jesús ñuu Jerusalén ta ndi̱xaꞌan ra veꞌe ñuꞌu kaꞌnu. Saa si̱kuꞌun nuu ra xíto ra ndiꞌi ni kúu, saa ke̱ta ra kuaꞌan ra ñuu Betania xiꞌin uxi uvi saa nda ítaꞌan xiꞌin ra, saa chi xa xikuáa kua.
Távi chiꞌña Jesús itun higo, tun köo kuiꞌi ndaꞌa
(Mt. 21:18-19)
12Ndi̱tuvi inka kivi saa ka̱na koo nda ñuu Betania kuaꞌan nda, ta xa̱á kúni kuxi Jesús. 13Saa xi̱ni ra xika ndíchi iin itun higo, ta íyo iku kuii ndaꞌa nu. Ñaa ku̱yati ra xaꞌa nu, xíto ra án íyo kuiꞌi ndaꞌa nu kaxi ra kaꞌán ra, ta köo kuiꞌi ndi̱taꞌan ra, ndisaa iku mií kua íyo ndaꞌa nu, chi süvi tiempo kúun kuiꞌi kua. 14Ta saa ndi̱kaꞌan ra xiꞌin nu, káchi ra saa:
―Nda iin ka kivi käxi naꞌa kuiꞌi ndaꞌa un ―káchi ra xiꞌin nu.
Saa xi̱ni soꞌo nda ítaꞌan xiꞌin ra ya ndi̱kaꞌan ra xiꞌin itun higo ikán.
Táva Jesús na ñúꞌu xíko xiꞌin na sáta yeꞌe ñuꞌu kaꞌnu ñuu Jerusalén
(Mt. 21:12-17; Lc. 19:45-48; Jn. 2:13-22)
15Sindiꞌi tá ndi̱xaa nda ñuu Jerusalén, ta saa ndi̱xaa Jesús yeꞌe ñuꞌu. Ñaa xi̱ni ra ñúꞌu naꞌa xíko tin na sáta, saa xa̱á ra táva ndiꞌi ra na. Ta kíꞌin ra mesa na náma xuꞌun káta ndee ra, saa íkan tu ra xiꞌin na xíko kiti sata va. 16Tá kúu na ndíso ndá ka ñaꞌa xíko na, ta köo ndi̱taxi ra yaꞌa na xiꞌin ya yeꞌe ñuꞌu. 17Saa xa̱á ra sínaꞌa ra na, káchi ra saa:
―Nuu tuꞌun Ndioxi káchi ya saa: “Veꞌe i ta kunani ya veꞌe nuu kaꞌan ndiꞌi kúu na ñuu ivi xiꞌin Ndioxi saa kunani ya”, káchi tuꞌun ra. Ta ndóꞌo̱, ta köo íkan ndo saa. Nda tá káa iin kava nuu ndíkitaꞌan na kuiꞌna saa íkan ndo xiꞌin ya ―káchi Jesús xiꞌin na.
18Saa tá xi̱ni soꞌo nda naꞌnu nuu sutu xiꞌin nda sínaꞌa ley ya ta̱a ra Moisés, ta ñaa xa̱á ndíkani ini nda ndá kuꞌva koo kaꞌni nda Jesús, saa chi xa̱á nda íꞌvi nda xaꞌa ya kuaꞌa ni naꞌa xa̱á xínu ini xaꞌa ya sínaꞌa ra. 19Sundi tá ku̱ñuu ta ke̱ta Jesús ñuu ikán kuaꞌan ra xiꞌin nda ítaꞌan xiꞌin ra.
Itun higo tun ndi̱tavi chiꞌña Jesús ta ndi̱ndichi nu
(Mt. 21:20-22)
20Ndi̱tuvi naꞌa inka kivi, ndi̱yaꞌa tuku Jesús xiꞌin nda ítaꞌan xiꞌin ra nuu ndíchi itun higo, ta saa xi̱ni nda ndi̱ndichi nda tioꞌo nu. 21Saa ndi̱kaꞌán ini ra Pedro ya ndi̱kaꞌan Jesús xiꞌin nu. Ñaa ndi̱kaꞌan ra xiꞌin Jesús, káchi ra saa:
―Tata Maestro, ¡koto vií xa ndi̱ndichi va itun higo ndi̱tavi chiꞌña un toon! ―káchi ra xiꞌin Jesús.
22Saa ndi̱kuiin Jesús káꞌan ra:
―Kundaa ni ini ndo kuni ndo Ndioxi. 23Saa chi tá tu ndinuꞌu ni ini ndo ndáa ini ndo xíni ndo ra, ta ná kaꞌan ndo xiꞌin iku yóꞌó, kachi ndo saa: “Kuataꞌa nuu íin un ñaa, ta keta kuáꞌan ini nduta ñûꞌu”, ná kachi ndo xiꞌin ya, tá tu ndinuꞌu ini ndo kándixa ndo Ndioxi, köo xíka uvi ini ndo ya káꞌan ndo xiꞌin ya, ta keta ndixa ya kuꞌun ya. 24Yakan kua káꞌan i xiꞌin ndo, ndiꞌi ñaꞌa ndúku ndo nuu Ndioxi tá ndáa ni ini ndo ra, vani täꞌan taxi ra ya ndaꞌa ndo sundi tá xa íyo ya ndi̱kiꞌin va ndo saa íyo ya túvi ndo, ta niꞌi ndixa ndo ya nuu ra. 25Tá íyo ndo káꞌan ndo xiꞌin ra, ta xaa kaꞌnu ini ndo xaꞌa naꞌa na väꞌa kúni ndo xíni ndo, tá ndá ya väꞌa i̱kan na xiꞌin ndo, xaa kaꞌnu ini ndo xaꞌa kuachi na, ta saa xaa kaꞌnu ini Iva yo ra íyo nuu ndivi xaꞌa kuachi ndo. 26Saa chi tá tu ná xäa kaꞌnu ini ndo xaꞌa ya väꞌa íkan na xiꞌin ndo, ta ni Ndioxi xäa kaꞌnu ini ra xaꞌa kuachi ndo ―káchi Jesús xiꞌin nda.
Ichí ya kúu mií Jesús
(Mt. 21:23-27; Lc. 20:1-8)
27Saa ndi̱ko koo tuku Jesús ñuu Jerusalén xiꞌin nda ítaꞌan xiꞌin ra. Saa xíka ra yeꞌe ñuꞌu ikán, ta ku̱yati nda naꞌnu nuu sutu xiꞌin nda maestro sínaꞌa ley Ndioxi ya ta̱a ra Moisés xiꞌin nda xikuaꞌa mi ñuu ikán. 28Ku̱yati nda nuu ra, káꞌan nda xiꞌin ra, káchi nda saa:
―¿Ndá ichí kua kúu mií un ya íkan un saa, ta ¿unku na ta̱xi ichí ndaꞌa un ya íkan un saa? ―káchi nda xiꞌin ra.
29Saa ndi̱kuiin Jesús káꞌan ra xiꞌin nda:
―Saa tu yeꞌe va kúni i ndakan tuꞌun i ndóꞌo̱. Tá tu kuchiñu ndo ndi̱kuiin ndo yuꞌu i, ta saa ndikuiin tu yeꞌe va kaꞌan i xiꞌin ndo unku ta̱xi ichí ndaꞌa i. 30Kaꞌan ndo xiꞌin i: Ra Juan, ra si̱kuchi naꞌa, ¿ta unku na ta̱xi ichí ndaꞌa ra si̱kuchi ra naꞌa? ¿Án Ndioxi ta̱xi ichí ndaꞌa ra, án na ñuu ivi yóꞌó ta̱xi ya ndaꞌa ra? Ndikuiin ndo kaꞌan ndo xiꞌin i ―káchi Jesús xiꞌin nda.
31Saa xa̱á nda káꞌan xiꞌin taꞌan nda, káchi nda saa:
―Tá tu ná kaꞌan yo xiꞌin ra: “Ndioxi ta̱xi ichí ndaꞌa ra Juan”, kachi yo, ta kaꞌan ra xiꞌin yo: ‘‘Ta ¿ndachu köo ndi̱kandixa ndo ra, tá Ndioxi ta̱xi ichí ndaꞌa ra?’’, kachi ra xiꞌin yo. 32¿Án vaꞌa ka ná kaꞌan yo, na ñuu ivi yóꞌó ta̱xi ichí ndaꞌa ra, kachi yo? ―káchi nda.
Ta köo ndi̱kuiin nda saa xaꞌa ya íꞌvi nda nuu na ñuu, chi kándixa ni na ra Juan, ra ndaa ni ndi̱kaꞌan ndoso tuꞌun Ndioxi ku ra, káchi na. 33Ta saa ndi̱kuiin nda, káꞌan nda:
―Köo xíni nde unku ta̱xi ichí ndaꞌa ra ―káchi nda.
Saa ndi̱kaꞌan Jesús xiꞌin nda:
―Tá tu saa, ta ni yeꞌe ta käꞌan i xiꞌin ndo unku ta̱xi ichí ndaꞌa i ya íkan i ya yóꞌó ―káchi ra xiꞌin nda.
Valgt i Øjeblikket:
San Marcos 11: xta
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.
San Marcos 11
11
Kuakiꞌvi Jesús ñuu Jerusalén
(Mt. 21:1-11; Lc. 19:28-40; Jn. 12:12-19)
1Saa ku̱u xa̱á xíka tuku Jesús kuaꞌan ra ñuu Jerusalén xiꞌin nda ítaꞌan xiꞌin ra. Tá kuaꞌan kúyati nda xaa nda ñuu Jerusalén ta ndi̱xaa nda yati ñuu Betfagé xiꞌin ñuu Betania ya ndíkaa yati xiki xíto ndaa nuu íyo itun Olivo, saa ndi̱kaꞌan Jesús xiꞌin uvi nda ítaꞌan xiꞌin ra, 2káchi ra saa:
―Kuáꞌan ndo ñuu loꞌo ya xíto ndo kaa. Tá ndi̱xaa ndo ta nditaꞌan ndo iin burru loꞌo núꞌni ri, kiti täꞌan kuyoso nda iin naꞌa ku ri. Ta saa ndaxin ndo ri kixi xiꞌin ndo. 3Tá ndá naꞌa káꞌan xiꞌin ndo: “¿Ndachu ndáxin ndo ri?”, káchi na xiꞌin ndo. Ta saa kaꞌan ndo xiꞌin na: “Tata yo xíniñuꞌu ri tá ndiꞌi xi̱niñuꞌu ra ri ta kama ni sindiko koo ra ri ndaꞌa ndo”, kachi ndo xiꞌin na ―káchi ra xiꞌin nda.
4Saa ka̱na koo nda kuaꞌan nda, ta ndi̱taꞌan nda iin burru loꞌo, núꞌni ri ndíchi ri yeꞌe na ichí, ñaa nda̱xin nda ri.
5Saa ndi̱ndakan tuꞌun ñaꞌa sava naꞌa, káchi na saa:
―¿Ndachu ndáxin ndo ri? ―káchi na xiꞌin nda.
6Saa ndi̱kaꞌan nda xiꞌin na, tá íyo ya ndi̱kaꞌan Jesús xiꞌin nda saa íyo ya ndi̱kaꞌan nda xiꞌin na, ta köo ndi̱kaꞌan ka na xiꞌin nda. 7Saa ndáka nda ri ndi̱xaa xiꞌin nda. Ñaa ki̱ꞌin nda chilo nda ti̱so nda sata ri, saa ndi̱kunuu Jesús sata ri kuaꞌan ra. 8Kuaꞌa ka vi na chíndoo chilo ichí nuu yáꞌa ra kuaꞌan ra ya xáa kaꞌnu ñaꞌa na, ta inka na xáꞌnda ndaꞌa itun ta kíꞌin na ya chíndoo na nuu yáꞌa ra kuaꞌan ra.
9Kúsini ka vi na, iin ndáꞌi koꞌo ndiꞌi na kuaꞌan na, na ndóso nuu tin na ndíkun sata, ndáꞌi ndiꞌi na, káchi na saa:
―¡Kaꞌnu ni ná koo taa, ra vaxi xiꞌin ndee Iva yo Ndioxi! 10¡Kaꞌnu ni ra yóꞌó, chi ra yóꞌó ku rey ra kaꞌnda chiñu nuu yo, ra yóꞌó ku ra ndi̱kiꞌin nuu xii sikua yo ra Rey David! ¡Chee ni ná koo nuu kaꞌnda chiñu ra! ¡Ta ná kunuu sukun ni ya toꞌo Ndioxi! ―káchi ndiꞌi na xaꞌa Jesús.
11Saa ndi̱kiꞌvi Jesús ñuu Jerusalén ta ndi̱xaꞌan ra veꞌe ñuꞌu kaꞌnu. Saa si̱kuꞌun nuu ra xíto ra ndiꞌi ni kúu, saa ke̱ta ra kuaꞌan ra ñuu Betania xiꞌin uxi uvi saa nda ítaꞌan xiꞌin ra, saa chi xa xikuáa kua.
Távi chiꞌña Jesús itun higo, tun köo kuiꞌi ndaꞌa
(Mt. 21:18-19)
12Ndi̱tuvi inka kivi saa ka̱na koo nda ñuu Betania kuaꞌan nda, ta xa̱á kúni kuxi Jesús. 13Saa xi̱ni ra xika ndíchi iin itun higo, ta íyo iku kuii ndaꞌa nu. Ñaa ku̱yati ra xaꞌa nu, xíto ra án íyo kuiꞌi ndaꞌa nu kaxi ra kaꞌán ra, ta köo kuiꞌi ndi̱taꞌan ra, ndisaa iku mií kua íyo ndaꞌa nu, chi süvi tiempo kúun kuiꞌi kua. 14Ta saa ndi̱kaꞌan ra xiꞌin nu, káchi ra saa:
―Nda iin ka kivi käxi naꞌa kuiꞌi ndaꞌa un ―káchi ra xiꞌin nu.
Saa xi̱ni soꞌo nda ítaꞌan xiꞌin ra ya ndi̱kaꞌan ra xiꞌin itun higo ikán.
Táva Jesús na ñúꞌu xíko xiꞌin na sáta yeꞌe ñuꞌu kaꞌnu ñuu Jerusalén
(Mt. 21:12-17; Lc. 19:45-48; Jn. 2:13-22)
15Sindiꞌi tá ndi̱xaa nda ñuu Jerusalén, ta saa ndi̱xaa Jesús yeꞌe ñuꞌu. Ñaa xi̱ni ra ñúꞌu naꞌa xíko tin na sáta, saa xa̱á ra táva ndiꞌi ra na. Ta kíꞌin ra mesa na náma xuꞌun káta ndee ra, saa íkan tu ra xiꞌin na xíko kiti sata va. 16Tá kúu na ndíso ndá ka ñaꞌa xíko na, ta köo ndi̱taxi ra yaꞌa na xiꞌin ya yeꞌe ñuꞌu. 17Saa xa̱á ra sínaꞌa ra na, káchi ra saa:
―Nuu tuꞌun Ndioxi káchi ya saa: “Veꞌe i ta kunani ya veꞌe nuu kaꞌan ndiꞌi kúu na ñuu ivi xiꞌin Ndioxi saa kunani ya”, káchi tuꞌun ra. Ta ndóꞌo̱, ta köo íkan ndo saa. Nda tá káa iin kava nuu ndíkitaꞌan na kuiꞌna saa íkan ndo xiꞌin ya ―káchi Jesús xiꞌin na.
18Saa tá xi̱ni soꞌo nda naꞌnu nuu sutu xiꞌin nda sínaꞌa ley ya ta̱a ra Moisés, ta ñaa xa̱á ndíkani ini nda ndá kuꞌva koo kaꞌni nda Jesús, saa chi xa̱á nda íꞌvi nda xaꞌa ya kuaꞌa ni naꞌa xa̱á xínu ini xaꞌa ya sínaꞌa ra. 19Sundi tá ku̱ñuu ta ke̱ta Jesús ñuu ikán kuaꞌan ra xiꞌin nda ítaꞌan xiꞌin ra.
Itun higo tun ndi̱tavi chiꞌña Jesús ta ndi̱ndichi nu
(Mt. 21:20-22)
20Ndi̱tuvi naꞌa inka kivi, ndi̱yaꞌa tuku Jesús xiꞌin nda ítaꞌan xiꞌin ra nuu ndíchi itun higo, ta saa xi̱ni nda ndi̱ndichi nda tioꞌo nu. 21Saa ndi̱kaꞌán ini ra Pedro ya ndi̱kaꞌan Jesús xiꞌin nu. Ñaa ndi̱kaꞌan ra xiꞌin Jesús, káchi ra saa:
―Tata Maestro, ¡koto vií xa ndi̱ndichi va itun higo ndi̱tavi chiꞌña un toon! ―káchi ra xiꞌin Jesús.
22Saa ndi̱kuiin Jesús káꞌan ra:
―Kundaa ni ini ndo kuni ndo Ndioxi. 23Saa chi tá tu ndinuꞌu ni ini ndo ndáa ini ndo xíni ndo ra, ta ná kaꞌan ndo xiꞌin iku yóꞌó, kachi ndo saa: “Kuataꞌa nuu íin un ñaa, ta keta kuáꞌan ini nduta ñûꞌu”, ná kachi ndo xiꞌin ya, tá tu ndinuꞌu ini ndo kándixa ndo Ndioxi, köo xíka uvi ini ndo ya káꞌan ndo xiꞌin ya, ta keta ndixa ya kuꞌun ya. 24Yakan kua káꞌan i xiꞌin ndo, ndiꞌi ñaꞌa ndúku ndo nuu Ndioxi tá ndáa ni ini ndo ra, vani täꞌan taxi ra ya ndaꞌa ndo sundi tá xa íyo ya ndi̱kiꞌin va ndo saa íyo ya túvi ndo, ta niꞌi ndixa ndo ya nuu ra. 25Tá íyo ndo káꞌan ndo xiꞌin ra, ta xaa kaꞌnu ini ndo xaꞌa naꞌa na väꞌa kúni ndo xíni ndo, tá ndá ya väꞌa i̱kan na xiꞌin ndo, xaa kaꞌnu ini ndo xaꞌa kuachi na, ta saa xaa kaꞌnu ini Iva yo ra íyo nuu ndivi xaꞌa kuachi ndo. 26Saa chi tá tu ná xäa kaꞌnu ini ndo xaꞌa ya väꞌa íkan na xiꞌin ndo, ta ni Ndioxi xäa kaꞌnu ini ra xaꞌa kuachi ndo ―káchi Jesús xiꞌin nda.
Ichí ya kúu mií Jesús
(Mt. 21:23-27; Lc. 20:1-8)
27Saa ndi̱ko koo tuku Jesús ñuu Jerusalén xiꞌin nda ítaꞌan xiꞌin ra. Saa xíka ra yeꞌe ñuꞌu ikán, ta ku̱yati nda naꞌnu nuu sutu xiꞌin nda maestro sínaꞌa ley Ndioxi ya ta̱a ra Moisés xiꞌin nda xikuaꞌa mi ñuu ikán. 28Ku̱yati nda nuu ra, káꞌan nda xiꞌin ra, káchi nda saa:
―¿Ndá ichí kua kúu mií un ya íkan un saa, ta ¿unku na ta̱xi ichí ndaꞌa un ya íkan un saa? ―káchi nda xiꞌin ra.
29Saa ndi̱kuiin Jesús káꞌan ra xiꞌin nda:
―Saa tu yeꞌe va kúni i ndakan tuꞌun i ndóꞌo̱. Tá tu kuchiñu ndo ndi̱kuiin ndo yuꞌu i, ta saa ndikuiin tu yeꞌe va kaꞌan i xiꞌin ndo unku ta̱xi ichí ndaꞌa i. 30Kaꞌan ndo xiꞌin i: Ra Juan, ra si̱kuchi naꞌa, ¿ta unku na ta̱xi ichí ndaꞌa ra si̱kuchi ra naꞌa? ¿Án Ndioxi ta̱xi ichí ndaꞌa ra, án na ñuu ivi yóꞌó ta̱xi ya ndaꞌa ra? Ndikuiin ndo kaꞌan ndo xiꞌin i ―káchi Jesús xiꞌin nda.
31Saa xa̱á nda káꞌan xiꞌin taꞌan nda, káchi nda saa:
―Tá tu ná kaꞌan yo xiꞌin ra: “Ndioxi ta̱xi ichí ndaꞌa ra Juan”, kachi yo, ta kaꞌan ra xiꞌin yo: ‘‘Ta ¿ndachu köo ndi̱kandixa ndo ra, tá Ndioxi ta̱xi ichí ndaꞌa ra?’’, kachi ra xiꞌin yo. 32¿Án vaꞌa ka ná kaꞌan yo, na ñuu ivi yóꞌó ta̱xi ichí ndaꞌa ra, kachi yo? ―káchi nda.
Ta köo ndi̱kuiin nda saa xaꞌa ya íꞌvi nda nuu na ñuu, chi kándixa ni na ra Juan, ra ndaa ni ndi̱kaꞌan ndoso tuꞌun Ndioxi ku ra, káchi na. 33Ta saa ndi̱kuiin nda, káꞌan nda:
―Köo xíni nde unku ta̱xi ichí ndaꞌa ra ―káchi nda.
Saa ndi̱kaꞌan Jesús xiꞌin nda:
―Tá tu saa, ta ni yeꞌe ta käꞌan i xiꞌin ndo unku ta̱xi ichí ndaꞌa i ya íkan i ya yóꞌó ―káchi ra xiꞌin nda.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.