San Marcos 15
15
Ndítaxi na Jesús ndaꞌa ra Pilato
(Mt. 27:1-2,11-14; Lc. 23:1-5; Jn. 18:28-38)
1Ndi̱tuvi inka kivi xitaan, naꞌa ni ndi̱kitaꞌan nda naꞌnu nuu sutu xiꞌin nda xikuaꞌa tin nda sínaꞌa ley Ndioxi ya ta̱a ra Moisés, xiꞌin ndiꞌi inka nda chiñu naꞌnu. Tá sindiꞌi ndi̱tuꞌun taꞌan nda saa ka̱tun nda Jesús ti̱ꞌvi nda ra kuaꞌan ra nuu ra gobernador Pilato. 2Saa ndi̱ndakan tuꞌun ñaꞌa ra Pilato, káchi ra saa:
―¿Án ndixa yóꞌo̱ ku rey nuu na Israel? ―káchi ra.
Saa ndi̱kuiin Jesús, káchi ra saa:
―Tá íyo ya ndi̱kaꞌan un, saa ndi̱xa íyo va ya ―káchi Jesús xiꞌin ra.
3Saa xa̱á nda naꞌnu nuu sutu táxi nda kuaꞌa ni kuachi xaꞌa ra. 4Saa ndi̱kaꞌan tuku ra Pilato xiꞌin ra, káchi ra saa:
―¿Ndachu köo ndíkuiin un yuꞌu nda? Ta kuaꞌa ni kuachi táxi nda xaꞌa un ―káchi ra xiꞌin Jesús.
5Ta nda iin ya köo ndíkuiin Jesús, saa ndi̱kanda ni ini ra Pilato xi̱ni ñaꞌa ra.
Xáꞌnda chiñu ra Pilato ya kaꞌni na Jesús
(Mt. 27:15-31; Lc. 23:13-25; Jn. 18:38–19:16)
6Ndiꞌi saa kuiya tá ndítava na viko Pascua, ta táva ndíka ra Pilato iin na ndíkaa veꞌe kàà, ta ra kúni mií na ñuu ku ra kéta veꞌe kàà ikán. 7Ta ndíkaa iin ra náni Barrabás veꞌe kàà. Ndíkaa ra xiꞌin nda taꞌan ra xaꞌa ya xa̱ꞌni nda ndìì, nuu ndi̱kuita nda kuachi xiꞌin na xáꞌnda chiñu ñuu Roma. 8Saa ndi̱xaa iin taꞌnda chee naꞌa nuu ra Pilato káꞌan na xiꞌin ra, ya ná tava ra iin nda ndíkaa veꞌe kàà, tá kuꞌva íkan na tá kuiya. 9Saa ndi̱kuiin ra Pilato yuꞌu na, káchi ra saa:
―¿Án kúni ndo saña i ra kúu rey nuu ndo Israel? ―káchi ra xiꞌin na.
10Ndi̱kaꞌan ra saa xiꞌin na, saa chi xíni ra xaꞌa ya uni ini kua ta̱xi nda naꞌnu nuu sutu kuachi xaꞌa Jesús ndaꞌa ra. 11Ta suvi ni mií nda naꞌnu nuu sutu chi̱kaa yuꞌu ndiꞌi naꞌa ya ná kaꞌan na xaꞌa ra Barrabás keta ra veꞌe kàà. 12Saa ndi̱kuiin tuku ra Pilato, káchi ra saa:
―Ta ¿unkua kúni ndo ikan i xiꞌin ra káꞌan ndo xaꞌa kúu rey nuu ndóꞌo̱ na Israel? ―káchi ra xiꞌin na.
13Saa ndi̱ndaꞌi kóꞌo ndiꞌi na, káchi na saa:
―¡Tikaa ra ndaꞌa cruzin! ―káchi na.
14Saa ndi̱kaꞌan ra Pilato xiꞌin na, káchi ra saa:
―¿Ndachu kuvi ra yóꞌó? ¿Unkua i̱kan ra kua? ―káchi ra xiꞌin na.
Saa ndi̱kuiin ndiꞌi na ndáꞌi kóꞌo na, káchi na saa:
―¡Katikaa ra ndaꞌa cruzin! ―káchi ndiꞌi na.
15Saa ku̱ni ra Pilato kindoo vaꞌa ra xiꞌin ndiꞌi na ikán. Yakan xa̱ꞌnda ra chiñu tava na ra Barrabás veꞌe kàà. Saa xa̱ꞌnda tu ra chiñu ya xaa nduvaꞌa na xiꞌin Jesús. Ta sindiꞌi tikaa na ra ndaꞌa cruzin.
16Saa ndi̱kiꞌin nda lapa Jesús kuaꞌan ra xiꞌin nda yeꞌe veꞌe chiñu, ta ikán ndi̱kaya taꞌan ndiꞌi ka nda. 17Saa si̱kundixi nda ra xiꞌin iin toto ya kuaꞌa tuun, ta chi̱nuu nda iin corona xiní ra xiꞌin iñu si̱kuaꞌa nda ya. 18Saa xa̱á nda xáa kaꞌnu ñaꞌa nda, káchi nda saa:
―¡Kaꞌnu ni ra rey na judío! ―káchi nda kúsiki nda ra.
19Ta ndinuni loꞌo káni nda xiní ra xiꞌin itun, saa kóꞌni ndaa nda sii nuu ra, síkusiti nda nuu ra, ya kúsiki ndaa ñaꞌa nda xáa toꞌo nda ra. 20Tá si̱ndiꞌi nda ku̱siki ndaa ñaꞌa nda, ta saa ta̱va nda toto kuaꞌa tuun sukun ra, ñaa si̱kundixi tuku nda ra xiꞌin toto mií ra. Saa ta̱va nda ra kuaꞌan ra xiꞌin nda chinuu nda ndaꞌa cruzin.
Ndáka na Jesús kuaꞌan ra tikaa ra ndaꞌa cruzin
(Mt. 27:32-44; Lc. 23:26-43; Jn. 19:17-27)
21Tá kuaꞌan nda xiꞌin ra, saa yáꞌa iin taa ndi̱xaꞌan ra iku, ta ra ke̱e ñuu Cirene ku ra, ta náni ra Simón. Ta iva ra Alejandro xiꞌin ra Rufo ku ra ikán. Ta yáꞌa ra kuanuꞌu ra veꞌe ra ñuu Jerusalén, saa xa̱a nduxa nda lapa xiꞌin ra ndi̱kundiso ra cruzin Jesús. 22Ndáka nda Jesús kuaꞌan ra xiꞌin nda iku náni Gólgota, tuꞌun ya kúni kachi Iku Leke Xiní Ndìì. 23Saa ta̱xi nda vinu nduta sa̱ka nuu nda mirra xiꞌin, ta̱xi nda rá koꞌo Jesús, ta köo ndi̱xiꞌi ra rá. 24Saa ti̱kaa nda Jesús ndaꞌa cruzin, ñaa chi̱kaa nda suerte sata toto ra nuu nditaꞌvi nda ya, ya kuni nda unku nda ndikuiso ya. 25Tá ti̱kaa nda ra ndaꞌa cruzin ta kúu ya kaa i̱i̱n naꞌa. 26Saa ti̱kaa nda iin vitun loꞌo nuu ndóso letra ya káꞌan xaꞌa kuachi ra, káchi ya saa: “Ra yóꞌó ku rey na judío”, káchi ya. 27Saa to̱so nda uvi nda kuiꞌna xiꞌin ra, iin ra tíkaa nuu cruzin ñaꞌñu kuáꞌá ra, ta inka ra tíkaa ñaꞌñu itin ra. 28Yóꞌó ku nuu ndi̱xinu tuꞌun Ndioxi ya ta̱a nda káꞌan tuꞌun yuꞌu Ndioxi xinaꞌa, káchi ya saa: “Ndikani ini naꞌa xaꞌa ra, taꞌan naꞌa na väꞌa ku ra”, káchi ya ta̱a nda. 29Ta ndiꞌi na yáꞌa kuaꞌan, kánaꞌa na xiꞌin ra ta síkuiko xiní na, káchi na saa:
―¡Án su yóꞌo̱ ku un káꞌan kani un veꞌe ñuꞌu kaꞌnu ta tixin uni kivi ta sikuaꞌa tuku un ya! 30¡Tá tu saa, ta sikaku xiꞌin mií un, ta kuanuu nuu cruzin ñaa! ―káchi na xiꞌin ra.
31Saa tu nda naꞌnu nuu sutu xiꞌin nda sínaꞌa ley Ndioxi, kúsiki ndaa ni nda ra, saa káꞌan nda xiꞌin taꞌan nda xaꞌa ra, káchi nda saa:
―Ku̱chiñu ra si̱kaku ra inka naꞌa, ta küvi sikaku xiꞌin mií ra. 32Tá tu ndixa ra ti̱ꞌvi Ndioxi vaxi sikaku yoo ku ra, tá tu ra rey nuu yo Israel ku ra, ta ná nuu ra ndaꞌa cruzin, saa kandixa yo ra ―káchi nda.
Saa kánaꞌa tu nda tíkaa ndaꞌa cruzin ñaꞌñu xiín va ra xíꞌin ra.
Ndi̱xiꞌi Jesús
(Mt. 27:45-56; Lc. 23:44-49; Jn. 19:28-30)
33Tá káꞌñu sava nduvi ta iin ku̱naá ndiꞌi ñuu ivi, ku̱naá nda kàà uni xikuáa. 34Ta mií hora ikán ndi̱ndaꞌi koꞌo Jesús, ndee ka vi ndi̱ndaꞌi koꞌo ra, káchi ra saa:
―Eloí, Eloí, ¿lama sabactani? ―káchi Jesús.
Tuꞌun yóꞌó káchi saa: Tata Iva mií i, Tata Iva mií i, ¿ndachu si̱ndikoo ndaꞌa un yeꞌe?
35Ta sava na ndóo ikán xi̱ni soꞌo na ya ndi̱kaꞌan Jesús, saa ndi̱kaꞌan na, káchi na saa:
―Kuni soꞌo ndo, kána ra ra Elías ra ndi̱kaꞌan ndoso tuꞌun yuꞌu Ndioxi ―káchi na.
36Saa xínu iin ra ndi̱xaꞌan ra si̱ndaxin ra kachi xiꞌin nduta vino iyá, saa ka̱tun ra kachi ikán nuu iin itun káni ta si̱tindaa yati ra ya nuu Jesús ya koꞌo ra nduta ikán. Saa ndi̱kaꞌan ra káchi ra saa:
―Këꞌe ndo ra, ná kuni yo án kixi ra Elías sinuu ñaꞌa ra ―káchi ra.
37Saa iin ndendee ndi̱ndaꞌi koꞌo Jesús ta ndi̱xiꞌi ra. 38Saa ndi̱ndata toto ya tíkaa veꞌe ñuꞌu kaꞌnu ñuu Jerusalén, nda ni̱nù iin saa nda ni̱nu̱ ndi̱ndata sava ya, ndu̱u ya uvi. 39Saa ndíchi iin ra lapa nuu ikin kuñu Jesús, ta ra ínuu nuu iin ciento nda lapa ñuu Roma ku ra ikán, tá xi̱ni ra ke̱ta nima Jesús ndi̱xiꞌi ra, ta saa ndi̱kaꞌan ra, káchi ra saa:
―Ya ndaa ni ndi̱xa Seꞌe Ndioxi ku ra yóꞌó ―káchi ra.
40Saa ndóo xíka tu sava ná ñaꞌa va. Tañu ná ikán ndíkaa yá María Magdalena, xiꞌin yá María siꞌí ra José xiꞌin ra Jacobo ra ku loꞌo, saa ndíchi tu yá Salomé va xiꞌin ná. 41Ta ndiꞌi ná ñaꞌa yóꞌó ku ná xi̱ndikun Jesús, ta chi̱ndee ñaꞌa ná tá ndi̱xiyo ra estado Galilea. Ta saa ndóo kuaꞌa ni mií ka ná ñaꞌa, ná ndi̱xaa xiꞌin ra ñuu Jerusalén.
Si̱nduxin na Jesús
(Mt. 27:57-61; Lc. 23:50-56; Jn. 19:38-42)
42Ta xikuáa kivi vierne kua xáa súvi ndiꞌi na ñaꞌa ya kuniñuꞌu na kivi i̱í ya ndíkundee na. 43Saa ndi̱xaa iin ra chiñu kaꞌnu, ra ke̱e ñuu Arimatea náni ra José. Ta ndátun ra ikán kivi ya xáa kaꞌnda chiñu Ndioxi ñuu ivi yóꞌó. Ta köo ndi̱ndiꞌvi ra ndi̱xaꞌan ra ndu̱ku ra ikin kuñu Jesús nuu ra Pilato ya sinduxin ñaꞌa ra. 44Ta ndi̱kanda ni ini ra Pilato tá ku̱ndaa ini ra ya ndi̱xiꞌi Jesús. Saa ka̱na ra ra ínuu nuu nda lapa, ta ndi̱ndakan tuꞌun ñaꞌa ra án ya ndi̱xa kua xa ndi̱xiꞌi ra. 45Saa ndi̱kaꞌan ra ikán ya ndaa kua ndi̱xiꞌi Jesús, ta saa ndi̱taxi ra Pilato ikin kuñu Jesús ndaꞌa ra José. 46Saa sa̱ta ra José iin toto xa̱á, ta toto vaꞌa ni ku ya ikán. Ñaa si̱nuu ra ikin kuñu Jesús, ta su̱vi ra ya xiꞌin toto ikán. Saa ke̱e ra ndi̱xaꞌan ra si̱nduxin ñaꞌa ra ini iin kava ya xa si̱kuaꞌa ra tá yachi, ta ndi̱kasi ra iin yu̱ú chee yuꞌu ya ikán. 47Saa ndíchi yá María Magdalena xiꞌin yá María siꞌí ra José, ndíta ná xíto ná nuu sínduxin na Jesús.
Valgt i Øjeblikket:
San Marcos 15: xta
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.
San Marcos 15
15
Ndítaxi na Jesús ndaꞌa ra Pilato
(Mt. 27:1-2,11-14; Lc. 23:1-5; Jn. 18:28-38)
1Ndi̱tuvi inka kivi xitaan, naꞌa ni ndi̱kitaꞌan nda naꞌnu nuu sutu xiꞌin nda xikuaꞌa tin nda sínaꞌa ley Ndioxi ya ta̱a ra Moisés, xiꞌin ndiꞌi inka nda chiñu naꞌnu. Tá sindiꞌi ndi̱tuꞌun taꞌan nda saa ka̱tun nda Jesús ti̱ꞌvi nda ra kuaꞌan ra nuu ra gobernador Pilato. 2Saa ndi̱ndakan tuꞌun ñaꞌa ra Pilato, káchi ra saa:
―¿Án ndixa yóꞌo̱ ku rey nuu na Israel? ―káchi ra.
Saa ndi̱kuiin Jesús, káchi ra saa:
―Tá íyo ya ndi̱kaꞌan un, saa ndi̱xa íyo va ya ―káchi Jesús xiꞌin ra.
3Saa xa̱á nda naꞌnu nuu sutu táxi nda kuaꞌa ni kuachi xaꞌa ra. 4Saa ndi̱kaꞌan tuku ra Pilato xiꞌin ra, káchi ra saa:
―¿Ndachu köo ndíkuiin un yuꞌu nda? Ta kuaꞌa ni kuachi táxi nda xaꞌa un ―káchi ra xiꞌin Jesús.
5Ta nda iin ya köo ndíkuiin Jesús, saa ndi̱kanda ni ini ra Pilato xi̱ni ñaꞌa ra.
Xáꞌnda chiñu ra Pilato ya kaꞌni na Jesús
(Mt. 27:15-31; Lc. 23:13-25; Jn. 18:38–19:16)
6Ndiꞌi saa kuiya tá ndítava na viko Pascua, ta táva ndíka ra Pilato iin na ndíkaa veꞌe kàà, ta ra kúni mií na ñuu ku ra kéta veꞌe kàà ikán. 7Ta ndíkaa iin ra náni Barrabás veꞌe kàà. Ndíkaa ra xiꞌin nda taꞌan ra xaꞌa ya xa̱ꞌni nda ndìì, nuu ndi̱kuita nda kuachi xiꞌin na xáꞌnda chiñu ñuu Roma. 8Saa ndi̱xaa iin taꞌnda chee naꞌa nuu ra Pilato káꞌan na xiꞌin ra, ya ná tava ra iin nda ndíkaa veꞌe kàà, tá kuꞌva íkan na tá kuiya. 9Saa ndi̱kuiin ra Pilato yuꞌu na, káchi ra saa:
―¿Án kúni ndo saña i ra kúu rey nuu ndo Israel? ―káchi ra xiꞌin na.
10Ndi̱kaꞌan ra saa xiꞌin na, saa chi xíni ra xaꞌa ya uni ini kua ta̱xi nda naꞌnu nuu sutu kuachi xaꞌa Jesús ndaꞌa ra. 11Ta suvi ni mií nda naꞌnu nuu sutu chi̱kaa yuꞌu ndiꞌi naꞌa ya ná kaꞌan na xaꞌa ra Barrabás keta ra veꞌe kàà. 12Saa ndi̱kuiin tuku ra Pilato, káchi ra saa:
―Ta ¿unkua kúni ndo ikan i xiꞌin ra káꞌan ndo xaꞌa kúu rey nuu ndóꞌo̱ na Israel? ―káchi ra xiꞌin na.
13Saa ndi̱ndaꞌi kóꞌo ndiꞌi na, káchi na saa:
―¡Tikaa ra ndaꞌa cruzin! ―káchi na.
14Saa ndi̱kaꞌan ra Pilato xiꞌin na, káchi ra saa:
―¿Ndachu kuvi ra yóꞌó? ¿Unkua i̱kan ra kua? ―káchi ra xiꞌin na.
Saa ndi̱kuiin ndiꞌi na ndáꞌi kóꞌo na, káchi na saa:
―¡Katikaa ra ndaꞌa cruzin! ―káchi ndiꞌi na.
15Saa ku̱ni ra Pilato kindoo vaꞌa ra xiꞌin ndiꞌi na ikán. Yakan xa̱ꞌnda ra chiñu tava na ra Barrabás veꞌe kàà. Saa xa̱ꞌnda tu ra chiñu ya xaa nduvaꞌa na xiꞌin Jesús. Ta sindiꞌi tikaa na ra ndaꞌa cruzin.
16Saa ndi̱kiꞌin nda lapa Jesús kuaꞌan ra xiꞌin nda yeꞌe veꞌe chiñu, ta ikán ndi̱kaya taꞌan ndiꞌi ka nda. 17Saa si̱kundixi nda ra xiꞌin iin toto ya kuaꞌa tuun, ta chi̱nuu nda iin corona xiní ra xiꞌin iñu si̱kuaꞌa nda ya. 18Saa xa̱á nda xáa kaꞌnu ñaꞌa nda, káchi nda saa:
―¡Kaꞌnu ni ra rey na judío! ―káchi nda kúsiki nda ra.
19Ta ndinuni loꞌo káni nda xiní ra xiꞌin itun, saa kóꞌni ndaa nda sii nuu ra, síkusiti nda nuu ra, ya kúsiki ndaa ñaꞌa nda xáa toꞌo nda ra. 20Tá si̱ndiꞌi nda ku̱siki ndaa ñaꞌa nda, ta saa ta̱va nda toto kuaꞌa tuun sukun ra, ñaa si̱kundixi tuku nda ra xiꞌin toto mií ra. Saa ta̱va nda ra kuaꞌan ra xiꞌin nda chinuu nda ndaꞌa cruzin.
Ndáka na Jesús kuaꞌan ra tikaa ra ndaꞌa cruzin
(Mt. 27:32-44; Lc. 23:26-43; Jn. 19:17-27)
21Tá kuaꞌan nda xiꞌin ra, saa yáꞌa iin taa ndi̱xaꞌan ra iku, ta ra ke̱e ñuu Cirene ku ra, ta náni ra Simón. Ta iva ra Alejandro xiꞌin ra Rufo ku ra ikán. Ta yáꞌa ra kuanuꞌu ra veꞌe ra ñuu Jerusalén, saa xa̱a nduxa nda lapa xiꞌin ra ndi̱kundiso ra cruzin Jesús. 22Ndáka nda Jesús kuaꞌan ra xiꞌin nda iku náni Gólgota, tuꞌun ya kúni kachi Iku Leke Xiní Ndìì. 23Saa ta̱xi nda vinu nduta sa̱ka nuu nda mirra xiꞌin, ta̱xi nda rá koꞌo Jesús, ta köo ndi̱xiꞌi ra rá. 24Saa ti̱kaa nda Jesús ndaꞌa cruzin, ñaa chi̱kaa nda suerte sata toto ra nuu nditaꞌvi nda ya, ya kuni nda unku nda ndikuiso ya. 25Tá ti̱kaa nda ra ndaꞌa cruzin ta kúu ya kaa i̱i̱n naꞌa. 26Saa ti̱kaa nda iin vitun loꞌo nuu ndóso letra ya káꞌan xaꞌa kuachi ra, káchi ya saa: “Ra yóꞌó ku rey na judío”, káchi ya. 27Saa to̱so nda uvi nda kuiꞌna xiꞌin ra, iin ra tíkaa nuu cruzin ñaꞌñu kuáꞌá ra, ta inka ra tíkaa ñaꞌñu itin ra. 28Yóꞌó ku nuu ndi̱xinu tuꞌun Ndioxi ya ta̱a nda káꞌan tuꞌun yuꞌu Ndioxi xinaꞌa, káchi ya saa: “Ndikani ini naꞌa xaꞌa ra, taꞌan naꞌa na väꞌa ku ra”, káchi ya ta̱a nda. 29Ta ndiꞌi na yáꞌa kuaꞌan, kánaꞌa na xiꞌin ra ta síkuiko xiní na, káchi na saa:
―¡Án su yóꞌo̱ ku un káꞌan kani un veꞌe ñuꞌu kaꞌnu ta tixin uni kivi ta sikuaꞌa tuku un ya! 30¡Tá tu saa, ta sikaku xiꞌin mií un, ta kuanuu nuu cruzin ñaa! ―káchi na xiꞌin ra.
31Saa tu nda naꞌnu nuu sutu xiꞌin nda sínaꞌa ley Ndioxi, kúsiki ndaa ni nda ra, saa káꞌan nda xiꞌin taꞌan nda xaꞌa ra, káchi nda saa:
―Ku̱chiñu ra si̱kaku ra inka naꞌa, ta küvi sikaku xiꞌin mií ra. 32Tá tu ndixa ra ti̱ꞌvi Ndioxi vaxi sikaku yoo ku ra, tá tu ra rey nuu yo Israel ku ra, ta ná nuu ra ndaꞌa cruzin, saa kandixa yo ra ―káchi nda.
Saa kánaꞌa tu nda tíkaa ndaꞌa cruzin ñaꞌñu xiín va ra xíꞌin ra.
Ndi̱xiꞌi Jesús
(Mt. 27:45-56; Lc. 23:44-49; Jn. 19:28-30)
33Tá káꞌñu sava nduvi ta iin ku̱naá ndiꞌi ñuu ivi, ku̱naá nda kàà uni xikuáa. 34Ta mií hora ikán ndi̱ndaꞌi koꞌo Jesús, ndee ka vi ndi̱ndaꞌi koꞌo ra, káchi ra saa:
―Eloí, Eloí, ¿lama sabactani? ―káchi Jesús.
Tuꞌun yóꞌó káchi saa: Tata Iva mií i, Tata Iva mií i, ¿ndachu si̱ndikoo ndaꞌa un yeꞌe?
35Ta sava na ndóo ikán xi̱ni soꞌo na ya ndi̱kaꞌan Jesús, saa ndi̱kaꞌan na, káchi na saa:
―Kuni soꞌo ndo, kána ra ra Elías ra ndi̱kaꞌan ndoso tuꞌun yuꞌu Ndioxi ―káchi na.
36Saa xínu iin ra ndi̱xaꞌan ra si̱ndaxin ra kachi xiꞌin nduta vino iyá, saa ka̱tun ra kachi ikán nuu iin itun káni ta si̱tindaa yati ra ya nuu Jesús ya koꞌo ra nduta ikán. Saa ndi̱kaꞌan ra káchi ra saa:
―Këꞌe ndo ra, ná kuni yo án kixi ra Elías sinuu ñaꞌa ra ―káchi ra.
37Saa iin ndendee ndi̱ndaꞌi koꞌo Jesús ta ndi̱xiꞌi ra. 38Saa ndi̱ndata toto ya tíkaa veꞌe ñuꞌu kaꞌnu ñuu Jerusalén, nda ni̱nù iin saa nda ni̱nu̱ ndi̱ndata sava ya, ndu̱u ya uvi. 39Saa ndíchi iin ra lapa nuu ikin kuñu Jesús, ta ra ínuu nuu iin ciento nda lapa ñuu Roma ku ra ikán, tá xi̱ni ra ke̱ta nima Jesús ndi̱xiꞌi ra, ta saa ndi̱kaꞌan ra, káchi ra saa:
―Ya ndaa ni ndi̱xa Seꞌe Ndioxi ku ra yóꞌó ―káchi ra.
40Saa ndóo xíka tu sava ná ñaꞌa va. Tañu ná ikán ndíkaa yá María Magdalena, xiꞌin yá María siꞌí ra José xiꞌin ra Jacobo ra ku loꞌo, saa ndíchi tu yá Salomé va xiꞌin ná. 41Ta ndiꞌi ná ñaꞌa yóꞌó ku ná xi̱ndikun Jesús, ta chi̱ndee ñaꞌa ná tá ndi̱xiyo ra estado Galilea. Ta saa ndóo kuaꞌa ni mií ka ná ñaꞌa, ná ndi̱xaa xiꞌin ra ñuu Jerusalén.
Si̱nduxin na Jesús
(Mt. 27:57-61; Lc. 23:50-56; Jn. 19:38-42)
42Ta xikuáa kivi vierne kua xáa súvi ndiꞌi na ñaꞌa ya kuniñuꞌu na kivi i̱í ya ndíkundee na. 43Saa ndi̱xaa iin ra chiñu kaꞌnu, ra ke̱e ñuu Arimatea náni ra José. Ta ndátun ra ikán kivi ya xáa kaꞌnda chiñu Ndioxi ñuu ivi yóꞌó. Ta köo ndi̱ndiꞌvi ra ndi̱xaꞌan ra ndu̱ku ra ikin kuñu Jesús nuu ra Pilato ya sinduxin ñaꞌa ra. 44Ta ndi̱kanda ni ini ra Pilato tá ku̱ndaa ini ra ya ndi̱xiꞌi Jesús. Saa ka̱na ra ra ínuu nuu nda lapa, ta ndi̱ndakan tuꞌun ñaꞌa ra án ya ndi̱xa kua xa ndi̱xiꞌi ra. 45Saa ndi̱kaꞌan ra ikán ya ndaa kua ndi̱xiꞌi Jesús, ta saa ndi̱taxi ra Pilato ikin kuñu Jesús ndaꞌa ra José. 46Saa sa̱ta ra José iin toto xa̱á, ta toto vaꞌa ni ku ya ikán. Ñaa si̱nuu ra ikin kuñu Jesús, ta su̱vi ra ya xiꞌin toto ikán. Saa ke̱e ra ndi̱xaꞌan ra si̱nduxin ñaꞌa ra ini iin kava ya xa si̱kuaꞌa ra tá yachi, ta ndi̱kasi ra iin yu̱ú chee yuꞌu ya ikán. 47Saa ndíchi yá María Magdalena xiꞌin yá María siꞌí ra José, ndíta ná xíto ná nuu sínduxin na Jesús.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Active: ©Wycliffe Bible Translators, Inc. All rights reserved.