Isip Kide Kodigwa 3
3
God Moses agle dugwa
1Ana okuo Moses ye imakie, Midian nem ye tawa togwa yagle moglkwa ikra, sipsipmo ya mememo sugl moglkwa. Imakie i, kagie ta Jetro we digwa. Ye sipsipmo ya mememo sugl moglsre, ye i pi dumo ta wau yomara suna pidre, ade beimara kra ogwa. Ade beimara kra pidre, ye muglo meglbi ta Horep we dimara plau dugwa. Muglo meglbi Horep i, God muglomo meglbi yogwa. 2Moses ede pi dumo i plau dugo, Yawe angelomo ye moglmara u, doga ta de bauglo erumere mere yegl u ede kebra ta pamara suna plau dugwa. U, plau dugo, ede kebra i doga dogo, Moses kanugwa. Ede kebra i doga dogwa ba ede de ake ukokrukwa. 3Moses ede kebra i kandre, yegl dugwa, I tade erukwa! Ede i doga dogwa ba ede de ake ukokrukwa. Ana na ede magigl pi siragl erukwa i, kanaluwe dugwa. 4Moses yegl didre, ede iro pi ede i kanagledi ede ogo, Yawe kanugwa. Kadre, ye ede kebra mina i suna moglsre, Moses yo! dugwa. Yegl dugo, Moses di ikne ede, Na moglkiwe dugwa.
5 Ana Moses ka yegl dugo, God ye yegl di togwa, Ene ede magigl ukro! Te, ene adigl motnara magigl i, na makana yei kodugwa pre ene kagln towo gugl edo! 6Na ene nen Godmo moglsre, yagl Abraham, ya Aisak, ya Jekop Godno moluwe dugwa. Yegl dugo, Moses ye God kanabuka kudugl goglsre, guma dra ake kegl dugwa.
7Ana Moses ye guma dra ake kegl dugo, Yawe ere mogl, aglke kor dugwa, Na yobanama dumo Isip meglkwa i we, Isip yoba ye ere kide ere teigwa i, na kan kuno erika. Te, yoba ye kogono sugl meglkwa i kogon podo kide teigo, ye na ake ple di norabedi agle digwa i, prika. Ye giugl podo prisre, yubun podo igwa i, mudu na pre kan erika. 8Yegl pre na ede atne u, Isip yoba ye si kane sigwa i, ye ere idre, i meda edenaglka pre wiga. Na ye i meda edidre, ye agre i ede u dumo podo wakai ta yomara edenaglka. Dumo i, makan nuglo podo moglko, kaya mokna wakai kaima boglkwa. Dumo i erme Kenan yoba ya Hit yoba ya Amor yoba ya Peres yoba ya Hivi yoba ya Jebus yoba makano yogwa. 9Ene pro! Isip yoba na yobanama ere kide ere teigwa i, na kandre, Israel yoba na agle digwa i prika. 10Yegl pre na erme ene ede Isip king moglmara enatnga pre dediwa. Ene ede dumo Isip pidre, na yobanama, Israel yoba meglkwa i, agre i ede meda unatniwe di, God yegl dugwa.
11Ana God ka yegl di kodugo, Moses ere mogl, di ikne ede, God yegl di togwa, Na we, na yagl kade moglkrika. Na Isip king moglmara pidre, Israel yoba dumo Isip agre i ede meda unaglka i, kuno erekrabiwe dugwa. 12Dugo, God di ikne ede, yegl dugwa, Ene enatnara i, na ka kaima mogl tenaglka. Te, ene taragl ta kandre, God yene na dedumedi pratnga. Taragl ta kanatnga i, ene Israel yoba dumo Isip agre i ede meda un, ene muglo meglbi magigl i akie moglsre, na kagna kade naribi, na ene dedumedi pratniwe di, God yegl dugwa.
13Ana God yegl dugo, Moses aglke kor dugwa, Ene pro. Na Israel yoba meglmara pidre, ye di te, Nono kowano awano Godno na dedugo, wiwe di, yegl dinaglka. Na yegl dibo, ye ere mogl, God ira pre dine? didre, Kagie daglo! di, yegl ta dibi, na ye di te, siragl we dinagle? dugwa. 14Moses yegl dugo, God di ikne ede, Moses yegl di togwa, Na moglmere moluwa. Ene Israel yoba di te, God, ye kagie Na Moliwa#3.14 God kagie Yawe we digwa i, mabuno Na Moliwe kuno yegl keme paugwa. we dumga i, na dedugo, na ene meglmara wiwe di, yegl dinatniwe dugwa. 15God yegl didre, ye ka ta ama Moses di togwa, Ene Israel yoba di te, yegl dinatnga, Yawe, nono kowano awano Abraham ya Aisak ya Jekop Godno moglkwa i, na ene meglmara enatnedi dedumiwe dinatnga. Yawe i, na kagna aimadi kamin yenabuka. Yoba okuo ibo ama na Yawe aimadi we dinaiglkwa. 16Ene ede dumo Isip en, ene Israel yoba kade di makai sidre, ye yegl di tenatnga, Yawe, nono kowano awano Abraham ya Aisak ya Jekop Godno moglkwa i, ye na moglmara plau didre, yegl dugwa, Na ene Israel yoba sugl kan moglsre, Isip yoba ene mabuno kide ere teigwa i kaniga. 17Yegl pre na ka kaima ene dumo Isip, ye ene ere kide ere teimara i, ene agre i ede meda enaglka. Na ene agre i ede pi dumo ta makan nuglo podo moglko, kaya mokna wakai kaima boglmara edenaglka. Kenan yoba ya Hit yoba ya Amor yoba ya Peres yoba ya Hivi yoba ya Jebus yoba makano i pre God yegl dumiwe do! dugwa.
18God ye Moses yegl di tedre, ka ta ama yegl dugwa, Ene ka yegl mere dinatnga i, Israel yoba kade i, ene kanen praiglkwa. Ye pribi, ene ye bogl akie ede pi Isip king moglmara pidre, ye yegl di tenaiglkwa, Yawe, no Hibru yoba Godno moglkwa i, no munara plau dugwa. Yegl pre erme ene pra we din, no ede pi dumo wau yomara ege suo bage pai, ana ede pi ege suota bage panamnara i Yawe, no Godno moglkwa i, tawa tenamniwe di, yegl dinaiglmiwe dugwa.
19God yegl didre, ama yegl dugwa, Ene yegl dibi, Isip king ene pikraiglmedi mane dinabuka. Na pre kan ere kodiga. Na yobuglo ersre, ye yubun tebo, ye pra we dinabuka. Ba ta manan, ye mane keme dinabuka. 20Yegl pre nana yobuglna wagle kimagl kane kane dumo Isip suna i ersre, Isip yoba ere sinaglka. Yegl eribo, king pra we dinan, ene ede meda enaiglmiwe dugwa.
21God ka yegl didre, ka ta ama Moses di te, yegl dugwa, King ene ede enaiglmedi pra we dinan, ene taragl tau idre, enaiglkwa. Ene yoko ta pikraiglkwa. Na Isip yoba ene wakai kanaiglmedi eraglka. 22Eribo, Israel abu swara swarade ede pi Isip abu tau magigl kipai meglmara ya tau ene yuguno mina akie paigwa i meglmara pidre, ye taragl silva ya gol ya kugugl gagl noraiglmedi di praiglkwa. Di pribi, Isip abu ene tebi, ene taragl i gagroma ogono nagino mina ere tenaiglkwa. Ene yegl ere, Isip yoba taraglno mudu idre, ede enaiglmiwe di, God yegl dugwa.
Valgt i Øjeblikket:
Isip Kide Kodigwa 3: KB
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission
Isip Kide Kodigwa 3
3
God Moses agle dugwa
1Ana okuo Moses ye imakie, Midian nem ye tawa togwa yagle moglkwa ikra, sipsipmo ya mememo sugl moglkwa. Imakie i, kagie ta Jetro we digwa. Ye sipsipmo ya mememo sugl moglsre, ye i pi dumo ta wau yomara suna pidre, ade beimara kra ogwa. Ade beimara kra pidre, ye muglo meglbi ta Horep we dimara plau dugwa. Muglo meglbi Horep i, God muglomo meglbi yogwa. 2Moses ede pi dumo i plau dugo, Yawe angelomo ye moglmara u, doga ta de bauglo erumere mere yegl u ede kebra ta pamara suna plau dugwa. U, plau dugo, ede kebra i doga dogo, Moses kanugwa. Ede kebra i doga dogwa ba ede de ake ukokrukwa. 3Moses ede kebra i kandre, yegl dugwa, I tade erukwa! Ede i doga dogwa ba ede de ake ukokrukwa. Ana na ede magigl pi siragl erukwa i, kanaluwe dugwa. 4Moses yegl didre, ede iro pi ede i kanagledi ede ogo, Yawe kanugwa. Kadre, ye ede kebra mina i suna moglsre, Moses yo! dugwa. Yegl dugo, Moses di ikne ede, Na moglkiwe dugwa.
5 Ana Moses ka yegl dugo, God ye yegl di togwa, Ene ede magigl ukro! Te, ene adigl motnara magigl i, na makana yei kodugwa pre ene kagln towo gugl edo! 6Na ene nen Godmo moglsre, yagl Abraham, ya Aisak, ya Jekop Godno moluwe dugwa. Yegl dugo, Moses ye God kanabuka kudugl goglsre, guma dra ake kegl dugwa.
7Ana Moses ye guma dra ake kegl dugo, Yawe ere mogl, aglke kor dugwa, Na yobanama dumo Isip meglkwa i we, Isip yoba ye ere kide ere teigwa i, na kan kuno erika. Te, yoba ye kogono sugl meglkwa i kogon podo kide teigo, ye na ake ple di norabedi agle digwa i, prika. Ye giugl podo prisre, yubun podo igwa i, mudu na pre kan erika. 8Yegl pre na ede atne u, Isip yoba ye si kane sigwa i, ye ere idre, i meda edenaglka pre wiga. Na ye i meda edidre, ye agre i ede u dumo podo wakai ta yomara edenaglka. Dumo i, makan nuglo podo moglko, kaya mokna wakai kaima boglkwa. Dumo i erme Kenan yoba ya Hit yoba ya Amor yoba ya Peres yoba ya Hivi yoba ya Jebus yoba makano yogwa. 9Ene pro! Isip yoba na yobanama ere kide ere teigwa i, na kandre, Israel yoba na agle digwa i prika. 10Yegl pre na erme ene ede Isip king moglmara enatnga pre dediwa. Ene ede dumo Isip pidre, na yobanama, Israel yoba meglkwa i, agre i ede meda unatniwe di, God yegl dugwa.
11Ana God ka yegl di kodugo, Moses ere mogl, di ikne ede, God yegl di togwa, Na we, na yagl kade moglkrika. Na Isip king moglmara pidre, Israel yoba dumo Isip agre i ede meda unaglka i, kuno erekrabiwe dugwa. 12Dugo, God di ikne ede, yegl dugwa, Ene enatnara i, na ka kaima mogl tenaglka. Te, ene taragl ta kandre, God yene na dedumedi pratnga. Taragl ta kanatnga i, ene Israel yoba dumo Isip agre i ede meda un, ene muglo meglbi magigl i akie moglsre, na kagna kade naribi, na ene dedumedi pratniwe di, God yegl dugwa.
13Ana God yegl dugo, Moses aglke kor dugwa, Ene pro. Na Israel yoba meglmara pidre, ye di te, Nono kowano awano Godno na dedugo, wiwe di, yegl dinaglka. Na yegl dibo, ye ere mogl, God ira pre dine? didre, Kagie daglo! di, yegl ta dibi, na ye di te, siragl we dinagle? dugwa. 14Moses yegl dugo, God di ikne ede, Moses yegl di togwa, Na moglmere moluwa. Ene Israel yoba di te, God, ye kagie Na Moliwa#3.14 God kagie Yawe we digwa i, mabuno Na Moliwe kuno yegl keme paugwa. we dumga i, na dedugo, na ene meglmara wiwe di, yegl dinatniwe dugwa. 15God yegl didre, ye ka ta ama Moses di togwa, Ene Israel yoba di te, yegl dinatnga, Yawe, nono kowano awano Abraham ya Aisak ya Jekop Godno moglkwa i, na ene meglmara enatnedi dedumiwe dinatnga. Yawe i, na kagna aimadi kamin yenabuka. Yoba okuo ibo ama na Yawe aimadi we dinaiglkwa. 16Ene ede dumo Isip en, ene Israel yoba kade di makai sidre, ye yegl di tenatnga, Yawe, nono kowano awano Abraham ya Aisak ya Jekop Godno moglkwa i, ye na moglmara plau didre, yegl dugwa, Na ene Israel yoba sugl kan moglsre, Isip yoba ene mabuno kide ere teigwa i kaniga. 17Yegl pre na ka kaima ene dumo Isip, ye ene ere kide ere teimara i, ene agre i ede meda enaglka. Na ene agre i ede pi dumo ta makan nuglo podo moglko, kaya mokna wakai kaima boglmara edenaglka. Kenan yoba ya Hit yoba ya Amor yoba ya Peres yoba ya Hivi yoba ya Jebus yoba makano i pre God yegl dumiwe do! dugwa.
18God ye Moses yegl di tedre, ka ta ama yegl dugwa, Ene ka yegl mere dinatnga i, Israel yoba kade i, ene kanen praiglkwa. Ye pribi, ene ye bogl akie ede pi Isip king moglmara pidre, ye yegl di tenaiglkwa, Yawe, no Hibru yoba Godno moglkwa i, no munara plau dugwa. Yegl pre erme ene pra we din, no ede pi dumo wau yomara ege suo bage pai, ana ede pi ege suota bage panamnara i Yawe, no Godno moglkwa i, tawa tenamniwe di, yegl dinaiglmiwe dugwa.
19God yegl didre, ama yegl dugwa, Ene yegl dibi, Isip king ene pikraiglmedi mane dinabuka. Na pre kan ere kodiga. Na yobuglo ersre, ye yubun tebo, ye pra we dinabuka. Ba ta manan, ye mane keme dinabuka. 20Yegl pre nana yobuglna wagle kimagl kane kane dumo Isip suna i ersre, Isip yoba ere sinaglka. Yegl eribo, king pra we dinan, ene ede meda enaiglmiwe dugwa.
21God ka yegl didre, ka ta ama Moses di te, yegl dugwa, King ene ede enaiglmedi pra we dinan, ene taragl tau idre, enaiglkwa. Ene yoko ta pikraiglkwa. Na Isip yoba ene wakai kanaiglmedi eraglka. 22Eribo, Israel abu swara swarade ede pi Isip abu tau magigl kipai meglmara ya tau ene yuguno mina akie paigwa i meglmara pidre, ye taragl silva ya gol ya kugugl gagl noraiglmedi di praiglkwa. Di pribi, Isip abu ene tebi, ene taragl i gagroma ogono nagino mina ere tenaiglkwa. Ene yegl ere, Isip yoba taraglno mudu idre, ede enaiglmiwe di, God yegl dugwa.
Valgt i Øjeblikket:
:
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission