Oknayene Ibo 23
23
Sara goglko, Abraham dumo makan ta gigl pene yenabedi topo sugwa
1Ana Sara bugla yugu 127 nedre, 2goglkwa. Ye dumo ta Kiriat Arba we dimara, dumo podo Kenan suna yogwa mogl, goglkwa. Dumo Kiriat Arba i, nono erme Hebron we dumga. Ye goglko, Abraham mirie goglsre, kai ere moglkwa. 3Ye kai ere mogl, ebie goglkwa i kanige ere padigl, ede pi Hit yoba kipai meglmara pidre, ye ka yegl di togwa, 4Na we, na ene makano mina kipaiga ba na dumo pere nem moglka. Erme na ebina goglkwa pre ene gigl pene ta naribi, na i pi kobuglo mur mina atne yenagle dugwa. 5Abraham yegl dugo, Hit yoba di ikne ede, yegl digwa, 6Ene pro. Ene no munara yagl kade motnga. Yegl pre ene gigl pene swara ta wakai kanatnara i wagle ebin goglkwa i, i pi mur mina atne yenatnga. Gigl pene makan nem swara ta mane dikrabiwe di, yegl digwa.
7Ana Hit yoba yegl digwa pre Abraham adiglsre, ye bre magide makan nem yoba togwa. 8Ye bre magide tedre, yegl dugwa, Ene na ebina kobuglo mur mina atne yenaglka wakai pribi, yagl Efron, Sohar wam, di pre nario. 9Dumo kebra Makpela we dimara ye dumo makanmo ta yogwa. Ana dumo makan i mina kobuglo mur ta bina yogwa. Na kobuglo mur i, mige siramna we dinabuka i, tebo, ene kan meglbi, dumo i aimadi na gigl penena yenabuka. I pre di prio. dugwa.
10-11Ana Hit yoba taun kobuglo togl winabo dumara dua yomara ame di mogl, ka di prikwa. Te, ye meglmara yagl Efron i ama moglkwa. Ye moglkwa pre yene di ikne ede, Abraham yegl di togwa, Yagl kade yo, ene pro. Na mige naratnga ta ikraglka. Na dumo makan ya kobuglo mur akie ene yoko teiga. Na ene yoko teiga i, na nena agrama kan meglkwa. Ene ebin goglkwa i, i pi kobuglo mur mina atne yeo dugwa. Ye dugo, Hit yoba mudu pre meglkwa.
12Abraham aglke kor bre magide, makan nem yoba meglkwa togwa. 13Ye bre magide tedre, ye Efron yegl di togwa, Ene pro. Na dumo makan ya kobuglo mur akie topo sinaglka. Ene mige inatniwa. In, na ebina dumo i kobuglo mur mina atne yenagle di, yegl dugwa. Dugo, Hit yoba mudu pre meglkwa.
14Abraham yegl dugo, Efron di ikne ede, yegl dugwa, 15Yagl kade yo, ene pro. Na makana i pre mige ta ibo, mige silva 400 inaglka kuno erukwa ba nono mina taragl i taragl kebra yoma, kodo! Ebn goglkwa i pi kobuglo mur mina atne yeo dugwa.
16Efron yegl dugo, Abraham ye kamo prisre, Efron mige silva 400 we dugwa, Hit yoba pre meglkwa ikra, Abraham kersre, Efron togwa. Ana mige swara swarade we, yubunmo yoba stoa ere yeigwa yoba mige silva yubu simere kuno yogwa.
17Ana yegl mere Abraham ye Efron dumo makanmo ya kobuglo mur bina yogwa ikra ya ede mudu makan i mina paigwa topo sugwa. Dumo makan i dumo kebra Makpela we dimara suna yogwa. Te, Makpela i, dumo Mamre we dimara magigl yogwa. 18Abraham makan i ye makanmo aimadi yenabuka pre topo sugo, Hit yoba taun kobuglo togl winabo dumara dua yomara makai sigwa i mudu kan meglkwa. 19Abraham makan topo sidre, ye ebie Sara kobuglo mur i, dumo kebra Makpela we digwa yomara ikra, kobuglo mur mina atne yogwa. Dumo i, dumo Mamre yomara magigl yedre, dumo podo Kenan we dimara suna yogwa. Ana dumo Mamre nono erme Hebron we dumga. 20Yegl keme Hit yoba makan i ya kobuglo mur mige bogl neigo, Abraham gigl penemo aimadi yenabedi topo si yugwa.
Valgt i Øjeblikket:
Oknayene Ibo 23: KB
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission
Oknayene Ibo 23
23
Sara goglko, Abraham dumo makan ta gigl pene yenabedi topo sugwa
1Ana Sara bugla yugu 127 nedre, 2goglkwa. Ye dumo ta Kiriat Arba we dimara, dumo podo Kenan suna yogwa mogl, goglkwa. Dumo Kiriat Arba i, nono erme Hebron we dumga. Ye goglko, Abraham mirie goglsre, kai ere moglkwa. 3Ye kai ere mogl, ebie goglkwa i kanige ere padigl, ede pi Hit yoba kipai meglmara pidre, ye ka yegl di togwa, 4Na we, na ene makano mina kipaiga ba na dumo pere nem moglka. Erme na ebina goglkwa pre ene gigl pene ta naribi, na i pi kobuglo mur mina atne yenagle dugwa. 5Abraham yegl dugo, Hit yoba di ikne ede, yegl digwa, 6Ene pro. Ene no munara yagl kade motnga. Yegl pre ene gigl pene swara ta wakai kanatnara i wagle ebin goglkwa i, i pi mur mina atne yenatnga. Gigl pene makan nem swara ta mane dikrabiwe di, yegl digwa.
7Ana Hit yoba yegl digwa pre Abraham adiglsre, ye bre magide makan nem yoba togwa. 8Ye bre magide tedre, yegl dugwa, Ene na ebina kobuglo mur mina atne yenaglka wakai pribi, yagl Efron, Sohar wam, di pre nario. 9Dumo kebra Makpela we dimara ye dumo makanmo ta yogwa. Ana dumo makan i mina kobuglo mur ta bina yogwa. Na kobuglo mur i, mige siramna we dinabuka i, tebo, ene kan meglbi, dumo i aimadi na gigl penena yenabuka. I pre di prio. dugwa.
10-11Ana Hit yoba taun kobuglo togl winabo dumara dua yomara ame di mogl, ka di prikwa. Te, ye meglmara yagl Efron i ama moglkwa. Ye moglkwa pre yene di ikne ede, Abraham yegl di togwa, Yagl kade yo, ene pro. Na mige naratnga ta ikraglka. Na dumo makan ya kobuglo mur akie ene yoko teiga. Na ene yoko teiga i, na nena agrama kan meglkwa. Ene ebin goglkwa i, i pi kobuglo mur mina atne yeo dugwa. Ye dugo, Hit yoba mudu pre meglkwa.
12Abraham aglke kor bre magide, makan nem yoba meglkwa togwa. 13Ye bre magide tedre, ye Efron yegl di togwa, Ene pro. Na dumo makan ya kobuglo mur akie topo sinaglka. Ene mige inatniwa. In, na ebina dumo i kobuglo mur mina atne yenagle di, yegl dugwa. Dugo, Hit yoba mudu pre meglkwa.
14Abraham yegl dugo, Efron di ikne ede, yegl dugwa, 15Yagl kade yo, ene pro. Na makana i pre mige ta ibo, mige silva 400 inaglka kuno erukwa ba nono mina taragl i taragl kebra yoma, kodo! Ebn goglkwa i pi kobuglo mur mina atne yeo dugwa.
16Efron yegl dugo, Abraham ye kamo prisre, Efron mige silva 400 we dugwa, Hit yoba pre meglkwa ikra, Abraham kersre, Efron togwa. Ana mige swara swarade we, yubunmo yoba stoa ere yeigwa yoba mige silva yubu simere kuno yogwa.
17Ana yegl mere Abraham ye Efron dumo makanmo ya kobuglo mur bina yogwa ikra ya ede mudu makan i mina paigwa topo sugwa. Dumo makan i dumo kebra Makpela we dimara suna yogwa. Te, Makpela i, dumo Mamre we dimara magigl yogwa. 18Abraham makan i ye makanmo aimadi yenabuka pre topo sugo, Hit yoba taun kobuglo togl winabo dumara dua yomara makai sigwa i mudu kan meglkwa. 19Abraham makan topo sidre, ye ebie Sara kobuglo mur i, dumo kebra Makpela we digwa yomara ikra, kobuglo mur mina atne yogwa. Dumo i, dumo Mamre yomara magigl yedre, dumo podo Kenan we dimara suna yogwa. Ana dumo Mamre nono erme Hebron we dumga. 20Yegl keme Hit yoba makan i ya kobuglo mur mige bogl neigo, Abraham gigl penemo aimadi yenabedi topo si yugwa.
Valgt i Øjeblikket:
:
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission