Oknayene Ibo 37
37
Josep agiglema ye deno kubro teigwa
1Ana Jekop we, ye dumo Kenan suna i, ye nem okna yoba pere makano wagle wan mogl, kipamara i, ye ama kipai moglkwa. 2Ana ka magigl paugwa i, Jekop ya ye gawama kano paugwa.
Jekop wam Josep we, ye kumugl mogl, bugla yugu 17 nogwa igne, ye aglke ta agigle tau bogl neno sipsipmo ya mememo akie sugl meglkwa. Agiglema tau bogl akie sugl meglkwa i, ye nem ebie suo Bilha ya Silpa ikra wanoma meglkwa. Sipsip ya meme sugl meglko, Josep agiglema i mabuno kide eriko, Josep kandre, ede nem moglmara pi di togwa.
3Ana Jekop, kagie ta Israel we digwa i, ye wama mudu wakai kanugwa ba ye kidagl yei kodugwa igne Josep kuglkwa pre Josep swara ye wakai kaima kanugwa. Wakai kaima kanugwa pre ye ere mogl, ir gagl olto ta wakai kaima si bogl, Josep togwa. 4Ana Jekop ye Josep swara wakai kaima kandre, wam tau wakai kaima kankrukwa i, Josep agiglema kanigwa. Kandre, ye deno kubro Josep tedre, ka wakai ta di tekrikwa.
5Te, aglke ta Josep ugl kubu ta kandre, ye agiglema di togwa. Di togo, ye prisre, deno podo kubro teigwa. 6Josep ugl kubu kandre, agiglema boglo si te, yegl dugwa, Na agrama wagle, na ugl kubu ta kaniga di tenariwa. Prio! 7Na ugl kubu kaniga i, nono yoba kugl mogo ere yaiglmara mogl, kugl si kodigwa nono makai sidre, koglo sumga. Koglo sumgo, na kugl koglo siga i, suna adigl paugo, ene kugl koglo sigwa i bina adigl winabo di, na kugl koglo siga i bitno magide teigo, kaniwe di, yegl dugwa. 8Yegl dugo, ye agiglema ere mogl, Josep yegl di prikwa, Ene kaima king moglsre, bitno mere mogl, no sugl moragledi pitno? di, yegl digwa. Yegl didre, ye ugl kubu kanumara ya ye di tomara ye deno podo kubro Josep teigwa.
9Te, okuo Josep aglke kor ugl kubu ta kandre, agiglema boglo si te, yegl dugwa, Na agrama wagle, ene prio! Na aglke kor ugl kubu ta kaniga. Na ugl kubu kaniga i, ade ya ba ya kugl kuri 11-pela ere mogl, bitno magide nariko, kaniwe di, yegl dugwa. 10Ye agiglema yegl di tedre, nem ama di togwa. Nem di togo, nem ye ka te, yegl dugwa, Ene ugl kubu siragl mere kane? Na ene man ya agiglnma bogl ka kaima ene moratnara u goglkono bodugl, bitno magide makan mina padigl tenamno? dugwa. 11Yegl dugo, Josep agiglema deno muduno u kide ogwa ba Josep nem ere mogl, Josep ka dugwa i pre moglsre, kina gudu prukwa.
Ismael yoba Josep topo si, Isip yoba boino panabedi topo bogl neigwa
12Ana aglke ta Josep agiglema ere mogl, neno sipsipmo ya mememo i pi dumo Sekem kugl nenaiglmedi edidre, sugl meglkwa. 13I pi sugl meglko, Israel ere mogl, ye wam Josep yegl di togwa, Ene agiglnma dumo Sekem mogl, sipsip ya meme sugl meglkwa. Ene pi kanatnedi priwe di, yegl dugwa. Yegl dugo, Josep Na enagle dugwa. 14Josep yegl dugo, ye nem aglke kor yegl di togwa, Ene ede pi agiglnma ya sipsip ya meme siragl mere meglkwa i kandre, aglke ede ikne u, na di naratniwe dugwa. Josep nem ye yegl mere dedugo, Josep dumo Hebron auduno yomara kipai meglkwa i kide kodidre, ede pi dumo Sekem plau dugwa.
15Josep ede pi dumo Sekem plau didre, kugl moglmara doko wan moglko, yagl ta ye kandre, Ene siragl taragl doko motne? di, yegl di prukwa. 16Di pruko, Josep di ikne ede, yegl dugwa, Na agrama ye sipsip ya meme sugl meglkwa i, dokiga. Ye aglo meglkwa i, ene ta kano? dugwa. 17Dugo, yagl i dugwa, Ye kamin kade ede eigwa. Ye Ede dumo Dotan we dimara enamne digo, na prie di, yegl dugwa. Yegl dugwa pre Josep ede pi dumo Dotan we dimara pidre, ye agiglema kanugwa.
18Ana Josep ye agiglema kandre, meglmara enagledi pi moglko, ye eglke mogl ugwa i, kanigwa. Ye Josep kandre, eglke u moglkwa igne ye si goramnedi di kogl yeigwa. 19Ye yegl digwa, Ugl kubu kanugwa yagle ikra umiwa. 20Nono ye si goglsre, ogo gagie maugl nigl magigl i perimara pia si atne edinamniwa. Yegl ersre, nono yoba di te, Taragl are ta ye si nomiwe dinamga. Yegl oromun, ye ugl kubu kanugwa ikra pai inabo? di, yegl digwa.
21-22Josep agiglema yegl digwa ba ye agigle komono Ruben ka digwa i prisre, ye agiglema Josep si goglkraiglmedi ka yegl dugwa, Nono ye ta si goglkramniwa. Dumo wau yomara magigl i, maugl nigl perimara ikra pia si atne edinamga ba ye ta si goglkramniwe dugwa. Ruben yegl dugwa i, ye okuo Josep i meda edidre, agre i ede pi neno moglmara tenagledi prisre, yegl dugwa.
23Ana Ruben yegl dugwa pre Josep ede agiglema meglmara ugo, ye agiglema ir gaglmo wakai yogwa ikra ake gudu idre, 24Josep i pi maugl nigl ikra wagle pia si atne edigwa. Maugl nigl i, nigl daruko, yoko yogwa. 25Ye Josep si maugl mina atne edidre, kaya mokna nenamnedi ame digwa.
Ye kaya mokna ne moglsre, kan iro ede, Ismael yoba tau dumo makan Gileat kide kodidre, ede kantri Isip enamnedi konbauna u meglko, kanigwa. Ismael yoba i kamel wagle ede nuglo tau demene erukwa i pi Isip topo bogl nenamnedi padigl yuigwa. 26Josep agiglema yegl kanigo, Juda ye di te, yegl dugwa, Nono agro ta si goglsre, teke padun, siragl taragl inamne? 27Nono bormai swara munga pre nono agro si goglkre, yegl eramga, Ismael yoba wigwa i, nono agro topo bogl nenamniwe dugwa. Dugo, ye agiglema kamo i prisre, pra we digwa. 28Yegl digo, Ismael yoba dumo Midian nem meglkwa i wigo, Josep agiglema ye ake gudu i meda edigo, Ismael yoba i ye mige silva 20-pela tedre, Josep idre, ede dumo Isip eigwa.
29Ana Ruben we, ye agiglema ere mogl, Josep topo bogl neigwa igne i ye moglkrukwa. Ye okuo ede ikne maugl nigl ikra perimara pidre, Josep pai moglkruko, kanugwa. Kandre, ye mirie gogl, kuguglmo gaglmo ake argla dugwa. 30Kuguglmo gaglmo ake argla didre, ye ede ikne agiglema meglmara pidre, yegl dugwa, Josep maugl nigl perimara ikra pai moglkrukwa! Na erme siragl eragle? di, yegl dugwa. 31Ruben yegl dugo, ye agiglema meme kumugl ta si goglsre, bormai koglsre, Josep ir gaglmo ikra bormai moglmara ede atne edigwa. 32Yegl ersre, ye ir gagl wakai ikra i pi neno obuno di tedre, yegl digwa, No ir gagl i konbo bage yogo, kan yumga. Ene ir gagl kano! I ene wan gaglmo yomo mo yekrumada? di, yegl digwa. 33Yegl digo, Josep nem gagl i kandre, Owo, i na wana ir gaglmo yomiwe dugwa. Taragl are ta Josep si paglke nogwa pamiwe di, yegl dugwa. 34Yegl didre, ye Josep mirie goglsre, kuguglmo gaglmo ake argla didre, te, mirie goglkwa pre ye ama lap kagigle yaglkwa ta idre, dem tuba sugwa. Yegl ersre, ye ege olto kai ere moglkwa. 35Kai ere moglko, ye wama ya abugloma ye moglmara u, ka tau ye kina torua sinabuka pre digwa. Yegl digwa ba ye kide prisre, yegl dugwa, Na wana pre kai ere mogl, goglbo, yoba na maugl sinaiglmiwe dugwa. Didre, kai ere moglkwa.
36Te, Josep we, Midian nem ikra ye i pi dumo Isip kane pai, nigl kogon yoba morabedi topo beglko, yagl ta kagie Potifar we digwa ye topo sugwa. Yagl Potifar i, ye Isip king yobamo kade ta moglkwa. Ye soldia tau king yugumo sugl kan meglkwa i, bitno mere mogl, ye sugl moglkwa.
Valgt i Øjeblikket:
Oknayene Ibo 37: KB
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission
Oknayene Ibo 37
37
Josep agiglema ye deno kubro teigwa
1Ana Jekop we, ye dumo Kenan suna i, ye nem okna yoba pere makano wagle wan mogl, kipamara i, ye ama kipai moglkwa. 2Ana ka magigl paugwa i, Jekop ya ye gawama kano paugwa.
Jekop wam Josep we, ye kumugl mogl, bugla yugu 17 nogwa igne, ye aglke ta agigle tau bogl neno sipsipmo ya mememo akie sugl meglkwa. Agiglema tau bogl akie sugl meglkwa i, ye nem ebie suo Bilha ya Silpa ikra wanoma meglkwa. Sipsip ya meme sugl meglko, Josep agiglema i mabuno kide eriko, Josep kandre, ede nem moglmara pi di togwa.
3Ana Jekop, kagie ta Israel we digwa i, ye wama mudu wakai kanugwa ba ye kidagl yei kodugwa igne Josep kuglkwa pre Josep swara ye wakai kaima kanugwa. Wakai kaima kanugwa pre ye ere mogl, ir gagl olto ta wakai kaima si bogl, Josep togwa. 4Ana Jekop ye Josep swara wakai kaima kandre, wam tau wakai kaima kankrukwa i, Josep agiglema kanigwa. Kandre, ye deno kubro Josep tedre, ka wakai ta di tekrikwa.
5Te, aglke ta Josep ugl kubu ta kandre, ye agiglema di togwa. Di togo, ye prisre, deno podo kubro teigwa. 6Josep ugl kubu kandre, agiglema boglo si te, yegl dugwa, Na agrama wagle, na ugl kubu ta kaniga di tenariwa. Prio! 7Na ugl kubu kaniga i, nono yoba kugl mogo ere yaiglmara mogl, kugl si kodigwa nono makai sidre, koglo sumga. Koglo sumgo, na kugl koglo siga i, suna adigl paugo, ene kugl koglo sigwa i bina adigl winabo di, na kugl koglo siga i bitno magide teigo, kaniwe di, yegl dugwa. 8Yegl dugo, ye agiglema ere mogl, Josep yegl di prikwa, Ene kaima king moglsre, bitno mere mogl, no sugl moragledi pitno? di, yegl digwa. Yegl didre, ye ugl kubu kanumara ya ye di tomara ye deno podo kubro Josep teigwa.
9Te, okuo Josep aglke kor ugl kubu ta kandre, agiglema boglo si te, yegl dugwa, Na agrama wagle, ene prio! Na aglke kor ugl kubu ta kaniga. Na ugl kubu kaniga i, ade ya ba ya kugl kuri 11-pela ere mogl, bitno magide nariko, kaniwe di, yegl dugwa. 10Ye agiglema yegl di tedre, nem ama di togwa. Nem di togo, nem ye ka te, yegl dugwa, Ene ugl kubu siragl mere kane? Na ene man ya agiglnma bogl ka kaima ene moratnara u goglkono bodugl, bitno magide makan mina padigl tenamno? dugwa. 11Yegl dugo, Josep agiglema deno muduno u kide ogwa ba Josep nem ere mogl, Josep ka dugwa i pre moglsre, kina gudu prukwa.
Ismael yoba Josep topo si, Isip yoba boino panabedi topo bogl neigwa
12Ana aglke ta Josep agiglema ere mogl, neno sipsipmo ya mememo i pi dumo Sekem kugl nenaiglmedi edidre, sugl meglkwa. 13I pi sugl meglko, Israel ere mogl, ye wam Josep yegl di togwa, Ene agiglnma dumo Sekem mogl, sipsip ya meme sugl meglkwa. Ene pi kanatnedi priwe di, yegl dugwa. Yegl dugo, Josep Na enagle dugwa. 14Josep yegl dugo, ye nem aglke kor yegl di togwa, Ene ede pi agiglnma ya sipsip ya meme siragl mere meglkwa i kandre, aglke ede ikne u, na di naratniwe dugwa. Josep nem ye yegl mere dedugo, Josep dumo Hebron auduno yomara kipai meglkwa i kide kodidre, ede pi dumo Sekem plau dugwa.
15Josep ede pi dumo Sekem plau didre, kugl moglmara doko wan moglko, yagl ta ye kandre, Ene siragl taragl doko motne? di, yegl di prukwa. 16Di pruko, Josep di ikne ede, yegl dugwa, Na agrama ye sipsip ya meme sugl meglkwa i, dokiga. Ye aglo meglkwa i, ene ta kano? dugwa. 17Dugo, yagl i dugwa, Ye kamin kade ede eigwa. Ye Ede dumo Dotan we dimara enamne digo, na prie di, yegl dugwa. Yegl dugwa pre Josep ede pi dumo Dotan we dimara pidre, ye agiglema kanugwa.
18Ana Josep ye agiglema kandre, meglmara enagledi pi moglko, ye eglke mogl ugwa i, kanigwa. Ye Josep kandre, eglke u moglkwa igne ye si goramnedi di kogl yeigwa. 19Ye yegl digwa, Ugl kubu kanugwa yagle ikra umiwa. 20Nono ye si goglsre, ogo gagie maugl nigl magigl i perimara pia si atne edinamniwa. Yegl ersre, nono yoba di te, Taragl are ta ye si nomiwe dinamga. Yegl oromun, ye ugl kubu kanugwa ikra pai inabo? di, yegl digwa.
21-22Josep agiglema yegl digwa ba ye agigle komono Ruben ka digwa i prisre, ye agiglema Josep si goglkraiglmedi ka yegl dugwa, Nono ye ta si goglkramniwa. Dumo wau yomara magigl i, maugl nigl perimara ikra pia si atne edinamga ba ye ta si goglkramniwe dugwa. Ruben yegl dugwa i, ye okuo Josep i meda edidre, agre i ede pi neno moglmara tenagledi prisre, yegl dugwa.
23Ana Ruben yegl dugwa pre Josep ede agiglema meglmara ugo, ye agiglema ir gaglmo wakai yogwa ikra ake gudu idre, 24Josep i pi maugl nigl ikra wagle pia si atne edigwa. Maugl nigl i, nigl daruko, yoko yogwa. 25Ye Josep si maugl mina atne edidre, kaya mokna nenamnedi ame digwa.
Ye kaya mokna ne moglsre, kan iro ede, Ismael yoba tau dumo makan Gileat kide kodidre, ede kantri Isip enamnedi konbauna u meglko, kanigwa. Ismael yoba i kamel wagle ede nuglo tau demene erukwa i pi Isip topo bogl nenamnedi padigl yuigwa. 26Josep agiglema yegl kanigo, Juda ye di te, yegl dugwa, Nono agro ta si goglsre, teke padun, siragl taragl inamne? 27Nono bormai swara munga pre nono agro si goglkre, yegl eramga, Ismael yoba wigwa i, nono agro topo bogl nenamniwe dugwa. Dugo, ye agiglema kamo i prisre, pra we digwa. 28Yegl digo, Ismael yoba dumo Midian nem meglkwa i wigo, Josep agiglema ye ake gudu i meda edigo, Ismael yoba i ye mige silva 20-pela tedre, Josep idre, ede dumo Isip eigwa.
29Ana Ruben we, ye agiglema ere mogl, Josep topo bogl neigwa igne i ye moglkrukwa. Ye okuo ede ikne maugl nigl ikra perimara pidre, Josep pai moglkruko, kanugwa. Kandre, ye mirie gogl, kuguglmo gaglmo ake argla dugwa. 30Kuguglmo gaglmo ake argla didre, ye ede ikne agiglema meglmara pidre, yegl dugwa, Josep maugl nigl perimara ikra pai moglkrukwa! Na erme siragl eragle? di, yegl dugwa. 31Ruben yegl dugo, ye agiglema meme kumugl ta si goglsre, bormai koglsre, Josep ir gaglmo ikra bormai moglmara ede atne edigwa. 32Yegl ersre, ye ir gagl wakai ikra i pi neno obuno di tedre, yegl digwa, No ir gagl i konbo bage yogo, kan yumga. Ene ir gagl kano! I ene wan gaglmo yomo mo yekrumada? di, yegl digwa. 33Yegl digo, Josep nem gagl i kandre, Owo, i na wana ir gaglmo yomiwe dugwa. Taragl are ta Josep si paglke nogwa pamiwe di, yegl dugwa. 34Yegl didre, ye Josep mirie goglsre, kuguglmo gaglmo ake argla didre, te, mirie goglkwa pre ye ama lap kagigle yaglkwa ta idre, dem tuba sugwa. Yegl ersre, ye ege olto kai ere moglkwa. 35Kai ere moglko, ye wama ya abugloma ye moglmara u, ka tau ye kina torua sinabuka pre digwa. Yegl digwa ba ye kide prisre, yegl dugwa, Na wana pre kai ere mogl, goglbo, yoba na maugl sinaiglmiwe dugwa. Didre, kai ere moglkwa.
36Te, Josep we, Midian nem ikra ye i pi dumo Isip kane pai, nigl kogon yoba morabedi topo beglko, yagl ta kagie Potifar we digwa ye topo sugwa. Yagl Potifar i, ye Isip king yobamo kade ta moglkwa. Ye soldia tau king yugumo sugl kan meglkwa i, bitno mere mogl, ye sugl moglkwa.
Valgt i Øjeblikket:
:
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission