Israel Kerikwa 14
14
Israel yoba ka kane kane digwa
1Ana yagl kade wagle dumo Kenan yegl yome digo, Israel yoba ka i prisre, eduer kai ere meglko, kamun tagugwa. 2Kamun tagugo, Israel yoba mudu ede pi Moses ya Aron miurara pi, ka kane kane didre, ye yegl di teigwa, Nono dumo Isip mogl guna, wakai paugo. Mo, dumo wau yomara magigl i ama guna, wakai paugo. 3Ba siragl pre Yawe nono agre i ede dumo Kenan enabe? Kenan yoba nono kuda bogl norsre, nono mudu si goraiglmedi agre i ede enabo? Ye nono yagl mudu si goglsre, ebinoma gagroma si kane sinaiglkwa. Yegl pre nono ede ikne dumo Isip omun, wakai panabiwe di, yegl digwa. 4Ye Moses ya Aron yegl di te kodidre, yene di pre, yegl digwa, Nono yagl ta bitno morabedi yedidre, ede ikne pi dumo Isip enamniwe di, yegl digwa.
5Ana Israel yoba yegl digwa pre Moses ya Aron kide kaima prisre, Israel yoba gumuglnomugl dano kra pai, gumano drano makan mina padiurka. 6Padiurko, yagl kade 12-pela ede dumo Kenan pi kanigwa ikra, yagl suo Josua ya Kalep, i keme ye deno muduno yubun dogo, gaglno suna ake argla dibrika. Josua, ye yagl ta kagie Nun we digwa i wam moglko, Kalep ye yagl ta kagie Jefune we digwa i wam moglkwa. 7Ye gaglno suna ake argla didre, ye Israel yoba mudu yegl di tebrika, No dumo Kenan suna doko daka ere wan mogl, kanumga i, dumo wakai kaima yogwa. 8Dumo wakai kaima yogo, makan gaba ama nuglo podo moglko, kaya mokna wakai kaima boglkwa. Yawe nono wakai kanan, ye nono agre i ede pi dumo i suna pidre, nono dumo i norabuka. 9Norabuka pre ene Yawe kamo sedekre, dumo Kenan makan nem yoba kuduglno goglkrio! Ye we, ye dua kabu mere yegl meglkwa, nono ye sinamniwa. Yawe nono munara mogl norukwa ba yoba ta ere mogl, Kenan yoba kugl bogl tenabuka ta moglkrukwa. Ye kuduglno goglkrio! di, yegl dibrika. 10Josua ya Kalep yegl dibrika ba Israel yoba we, ye ere mogl, Josua ya Kalep kobuglo si goramniwe digwa. Yegl digwa ba Yawe abuglagemo sel yugu yomara mitna i podo sugo, Israel yoba mudu kandre, kide kodigwa.
*************************
God Israel yoba yubun podo togwa
26Ana Yawe ere mogl, Moses ya Aron yegl di togwa, 27Israel yoba ege mere ka kane kane didre, na ka nariko, prika. Ye ka kane kane didre, na ka narikwa i, aunake kide kodinaiglme? 28Ana ene Israel yoba di te, Yawe yegl dumiwe diro! Na ene ka kaima di teiga. Ene okna digwa i, Nono mudu goramniwe digo, prika. Na prika pre erme ene dimere yegl ene ere tenaluwa. 29Ene yoba yagl bugla yugu 20 ne ede mina eigwa, enene okna kerikwa i, ene ka kane kane didre, na ka narikwa pre ene mudu dumo wau yomara magigl i goraiglmiwa. 30Ene ka kaima na dumo ta ene tebo, ene kipanaiglmedi ka giglede di te padiglka i wagle pikre, goraiglmiwa. Yoba yagl bugla yugu 20 ne ede mitna eigwa suna i, Jefune wam Kalep ya Nun wam Josua ye suo keme ede dumo Kenan suna enabrika. 31Ana ene goraiglkwa ba ene gagroma we, ene Kenan yoba ye si kane sinaiglme digwa ba ye kade meglbi, na ye agre i ede pi dumo Kenan suna edibo, ye ene dumo kipana kiurimara suna i, ye kipai moraiglkwa. 32Kipai moraiglkwa ba erme ene yoba kade meglkwa i we, dumo wau yomara magigl i mudu goraiglmiwe dugwa.
Valgt i Øjeblikket:
Israel Kerikwa 14: KB
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission
Israel Kerikwa 14
14
Israel yoba ka kane kane digwa
1Ana yagl kade wagle dumo Kenan yegl yome digo, Israel yoba ka i prisre, eduer kai ere meglko, kamun tagugwa. 2Kamun tagugo, Israel yoba mudu ede pi Moses ya Aron miurara pi, ka kane kane didre, ye yegl di teigwa, Nono dumo Isip mogl guna, wakai paugo. Mo, dumo wau yomara magigl i ama guna, wakai paugo. 3Ba siragl pre Yawe nono agre i ede dumo Kenan enabe? Kenan yoba nono kuda bogl norsre, nono mudu si goraiglmedi agre i ede enabo? Ye nono yagl mudu si goglsre, ebinoma gagroma si kane sinaiglkwa. Yegl pre nono ede ikne dumo Isip omun, wakai panabiwe di, yegl digwa. 4Ye Moses ya Aron yegl di te kodidre, yene di pre, yegl digwa, Nono yagl ta bitno morabedi yedidre, ede ikne pi dumo Isip enamniwe di, yegl digwa.
5Ana Israel yoba yegl digwa pre Moses ya Aron kide kaima prisre, Israel yoba gumuglnomugl dano kra pai, gumano drano makan mina padiurka. 6Padiurko, yagl kade 12-pela ede dumo Kenan pi kanigwa ikra, yagl suo Josua ya Kalep, i keme ye deno muduno yubun dogo, gaglno suna ake argla dibrika. Josua, ye yagl ta kagie Nun we digwa i wam moglko, Kalep ye yagl ta kagie Jefune we digwa i wam moglkwa. 7Ye gaglno suna ake argla didre, ye Israel yoba mudu yegl di tebrika, No dumo Kenan suna doko daka ere wan mogl, kanumga i, dumo wakai kaima yogwa. 8Dumo wakai kaima yogo, makan gaba ama nuglo podo moglko, kaya mokna wakai kaima boglkwa. Yawe nono wakai kanan, ye nono agre i ede pi dumo i suna pidre, nono dumo i norabuka. 9Norabuka pre ene Yawe kamo sedekre, dumo Kenan makan nem yoba kuduglno goglkrio! Ye we, ye dua kabu mere yegl meglkwa, nono ye sinamniwa. Yawe nono munara mogl norukwa ba yoba ta ere mogl, Kenan yoba kugl bogl tenabuka ta moglkrukwa. Ye kuduglno goglkrio! di, yegl dibrika. 10Josua ya Kalep yegl dibrika ba Israel yoba we, ye ere mogl, Josua ya Kalep kobuglo si goramniwe digwa. Yegl digwa ba Yawe abuglagemo sel yugu yomara mitna i podo sugo, Israel yoba mudu kandre, kide kodigwa.
*************************
God Israel yoba yubun podo togwa
26Ana Yawe ere mogl, Moses ya Aron yegl di togwa, 27Israel yoba ege mere ka kane kane didre, na ka nariko, prika. Ye ka kane kane didre, na ka narikwa i, aunake kide kodinaiglme? 28Ana ene Israel yoba di te, Yawe yegl dumiwe diro! Na ene ka kaima di teiga. Ene okna digwa i, Nono mudu goramniwe digo, prika. Na prika pre erme ene dimere yegl ene ere tenaluwa. 29Ene yoba yagl bugla yugu 20 ne ede mina eigwa, enene okna kerikwa i, ene ka kane kane didre, na ka narikwa pre ene mudu dumo wau yomara magigl i goraiglmiwa. 30Ene ka kaima na dumo ta ene tebo, ene kipanaiglmedi ka giglede di te padiglka i wagle pikre, goraiglmiwa. Yoba yagl bugla yugu 20 ne ede mitna eigwa suna i, Jefune wam Kalep ya Nun wam Josua ye suo keme ede dumo Kenan suna enabrika. 31Ana ene goraiglkwa ba ene gagroma we, ene Kenan yoba ye si kane sinaiglme digwa ba ye kade meglbi, na ye agre i ede pi dumo Kenan suna edibo, ye ene dumo kipana kiurimara suna i, ye kipai moraiglkwa. 32Kipai moraiglkwa ba erme ene yoba kade meglkwa i we, dumo wau yomara magigl i mudu goraiglmiwe dugwa.
Valgt i Øjeblikket:
:
Markering
Del
Sammenlign
Kopiér
Vil du have dine markeringer gemt på tværs af alle dine enheder? Tilmeld dig eller log ind
Copyright 2015 New Tribes Mission