Aduya 1
1
Aduya Na Lee Koya
1Iserae gyoo Dawide bu Solomɔn aduya.
2Ŋɛɛ fa nyansa na nombia kawola,
na waa nyii nombia man nideli.
3Ŋɛɛ wola e na waa tela ɔ wose nideli,
waa yɛɛ keŋ tenɛɛ na nombia kedi kegbɛɛ dɔɔ, siaman kekɛɛ be doo ya,
4na baa mo wola baŋ bɔɔ gyeŋ daale ya nɛ nyansa,
tewulɛɛ sia ne kare te bɛɛ gyeŋ nombia.
5Siakaralate waa tei na waa mo kpuna keŋ ɔ gyeŋ,
na ke gyee ŋon ɔ ne nyii nombia nawolo nɛ.
6Fa aduya na alagyia,
na deboloose man.
7Degbeŋgyoo keyee yɛna nombia kagyeŋ kewalaŋ,
mɔna ayiŋtena bɛɛ mo nyansa na nombia kawola yɛɛ kolo ya.
Kefaree Lee Dukumyɛɛra Woseman
8Me bu, tei n kya nombia kawola,
na bɛɛ n naa kawola ya.
9Ŋe yɛɛ akelegyi keŋ ne wuu n nyee,
na agbaraagbaraa keŋ ne mia n wɔŋe.
10Me bu, akpaa nombiakumɛɛ yɛɛra na beo neŋ nɛ,
na nyii wɔ ya.
11Akpaa be yako nyi, <<Kɔŋ dee gyu,
yela de kaa deke ŋon ɔ nombia dei,
yela de kaa yo ko ŋon ɔ te yɛɛ dukum ya,
12yela dee lila wɔ sia fonɛɛ ŋgba yebɔɔ nɛ,
be dibiliŋ pou ŋgba baŋ bɛɛ tisi gyoo woyadɛɛ nɛ,
13dee nyiŋ abɔɔ ŋan na lee koya kpookpoo pou,
na dɛɛ mo yooman abɔɔ wulu da akpaŋalaŋse,
14ɛ kpuna daa dɛɛ lɔ boe,
na dɛɛ kpala ŋmɛɛleŋ abɔɔ ŋan.>>
15Me bu, na sila wɔ gyu ya,
na tɛɛ be dɛɛtɛe man ya.
16Nawolo nyi bɛɛ barase yɛɛ dukum,
be dana ɔsaa balaŋ kako man.
17Ke yɛɛ yakaa nyi n ke nyɔɔ kɔta peŋteŋpereiŋ man,
keŋ gyebu ŋon ne naa ke.
18Mena balaŋ kɛwɔ ne nyɔɔ baŋ gbagba wose kɔta bo,
baŋ gbagba ne gyaela baa gyoo ŋe man.
19Mena te baŋ pou bɛɛ mo gbɛɛkum gyae abɔɔ nɛ gbɛɛneŋ doo,
bɛɛ mo ba nyeedoŋ bo kyɛɛkena ŋa.
Nyansa Kekalana
20Nyansa ne lɔ nɔɔ baake abɔntere man,
ɔ ne gyina ɔ woya balaŋ dɛɛgyaŋee man,
21ɔ ne lɔ nɔɔ baake lee denɛɛ nyeeya dɔɔ,
ɔ ne yako ɔ nombia donɔɔ dinaa keŋ denaanɔɔ man,
22<<Kelii woromɔ yaa ɛmɛɛ baŋ ɛ be doo daale man ya ɛ ke gyakaa ɛ diyiŋ nombia keyɛɛ dɔɔ?
Kelii woromɔ yaa baŋ bee kulu balaŋ nɛ baa nyaŋee lee balaŋ kekulu man,
na ayiŋtena ke kɔla nombia kagyeŋ?
23Me kalena ŋon na ɛ kyɛɛkee.
kenaŋ na maa lese ma nyeempɔ wola ŋon,
na maa yela ɛ ka gyeŋ me kawolase.
24Mɔna me baakewɔ te ɛ bɛɛwɔ ɛ te tei maŋ ya,
te ma tenee me nyiŋmaa mɔna ŋolo ta mo ke yɛɛ kolo ya,
25ɛ tɔɔ ɛ deŋela lee ma kekolosifa pou man,
te ɛ te lɛɛ ma kekalana ŋon keŋ do ya,
26nyi nombiikum de yala ŋon,
kayeyɛɛ de kɔŋ ɛ dɔɔ,
27nyi kayeyɛɛ de kɔŋ ɛ dɔɔ ŋgba feliŋkum,
yaa nombiikum de yala ŋon ŋgba koloŋoloŋ wuula ɛ dɔɔ,
yaa wose kekyaŋ na diyem de kɔŋ ɛ dɔɔ na maŋ mɔ maa boŋo ŋon na maa kulu ŋon.
28<<Kenaŋ na baa baake maŋ, mɔna mɔɔ gyae maa kpa wɔ ya,
baa kɛo maŋ mɔna bɔɔ gyae baa naa maŋ ya.
29Nawolo nyi be kɔla nombia kagyeŋ,
te ba te gyae nyi baa yee Degbeŋgyoo ya.
30Keŋ bɔɔ bɛɛ me nombia kekolosifa,
te be ta mo ma kekalana yɛɛ kolo ya,
31mena dɔɔ baa di be nombia ayɛɛsa bia,
na ba nyeeman kebake ke baa wɔ.
32Nawolo nyi baŋ bɔɔ gyeŋ daale ya kehuhoori gyae ka ko wɔ,
te ayiŋtena wose kelɛɛdi gyae ke munu wɔ.
33Mɔna ɔkamasɛ ŋon ɔ ne nyii me dei nɛ waa kyaa wɔe kefɛɛ man,
na waa kyaa deŋele kefɛɛ man keŋ ɔ be yee dukum ya.>>
Valgt i Øjeblikket:
Aduya 1: NTR
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
2026 Ghana Institute of Linguistics Literacy and Bible Translation
Aduya 1
1
Aduya Na Lee Koya
1Iserae gyoo Dawide bu Solomɔn aduya.
2Ŋɛɛ fa nyansa na nombia kawola,
na waa nyii nombia man nideli.
3Ŋɛɛ wola e na waa tela ɔ wose nideli,
waa yɛɛ keŋ tenɛɛ na nombia kedi kegbɛɛ dɔɔ, siaman kekɛɛ be doo ya,
4na baa mo wola baŋ bɔɔ gyeŋ daale ya nɛ nyansa,
tewulɛɛ sia ne kare te bɛɛ gyeŋ nombia.
5Siakaralate waa tei na waa mo kpuna keŋ ɔ gyeŋ,
na ke gyee ŋon ɔ ne nyii nombia nawolo nɛ.
6Fa aduya na alagyia,
na deboloose man.
7Degbeŋgyoo keyee yɛna nombia kagyeŋ kewalaŋ,
mɔna ayiŋtena bɛɛ mo nyansa na nombia kawola yɛɛ kolo ya.
Kefaree Lee Dukumyɛɛra Woseman
8Me bu, tei n kya nombia kawola,
na bɛɛ n naa kawola ya.
9Ŋe yɛɛ akelegyi keŋ ne wuu n nyee,
na agbaraagbaraa keŋ ne mia n wɔŋe.
10Me bu, akpaa nombiakumɛɛ yɛɛra na beo neŋ nɛ,
na nyii wɔ ya.
11Akpaa be yako nyi, <<Kɔŋ dee gyu,
yela de kaa deke ŋon ɔ nombia dei,
yela de kaa yo ko ŋon ɔ te yɛɛ dukum ya,
12yela dee lila wɔ sia fonɛɛ ŋgba yebɔɔ nɛ,
be dibiliŋ pou ŋgba baŋ bɛɛ tisi gyoo woyadɛɛ nɛ,
13dee nyiŋ abɔɔ ŋan na lee koya kpookpoo pou,
na dɛɛ mo yooman abɔɔ wulu da akpaŋalaŋse,
14ɛ kpuna daa dɛɛ lɔ boe,
na dɛɛ kpala ŋmɛɛleŋ abɔɔ ŋan.>>
15Me bu, na sila wɔ gyu ya,
na tɛɛ be dɛɛtɛe man ya.
16Nawolo nyi bɛɛ barase yɛɛ dukum,
be dana ɔsaa balaŋ kako man.
17Ke yɛɛ yakaa nyi n ke nyɔɔ kɔta peŋteŋpereiŋ man,
keŋ gyebu ŋon ne naa ke.
18Mena balaŋ kɛwɔ ne nyɔɔ baŋ gbagba wose kɔta bo,
baŋ gbagba ne gyaela baa gyoo ŋe man.
19Mena te baŋ pou bɛɛ mo gbɛɛkum gyae abɔɔ nɛ gbɛɛneŋ doo,
bɛɛ mo ba nyeedoŋ bo kyɛɛkena ŋa.
Nyansa Kekalana
20Nyansa ne lɔ nɔɔ baake abɔntere man,
ɔ ne gyina ɔ woya balaŋ dɛɛgyaŋee man,
21ɔ ne lɔ nɔɔ baake lee denɛɛ nyeeya dɔɔ,
ɔ ne yako ɔ nombia donɔɔ dinaa keŋ denaanɔɔ man,
22<<Kelii woromɔ yaa ɛmɛɛ baŋ ɛ be doo daale man ya ɛ ke gyakaa ɛ diyiŋ nombia keyɛɛ dɔɔ?
Kelii woromɔ yaa baŋ bee kulu balaŋ nɛ baa nyaŋee lee balaŋ kekulu man,
na ayiŋtena ke kɔla nombia kagyeŋ?
23Me kalena ŋon na ɛ kyɛɛkee.
kenaŋ na maa lese ma nyeempɔ wola ŋon,
na maa yela ɛ ka gyeŋ me kawolase.
24Mɔna me baakewɔ te ɛ bɛɛwɔ ɛ te tei maŋ ya,
te ma tenee me nyiŋmaa mɔna ŋolo ta mo ke yɛɛ kolo ya,
25ɛ tɔɔ ɛ deŋela lee ma kekolosifa pou man,
te ɛ te lɛɛ ma kekalana ŋon keŋ do ya,
26nyi nombiikum de yala ŋon,
kayeyɛɛ de kɔŋ ɛ dɔɔ,
27nyi kayeyɛɛ de kɔŋ ɛ dɔɔ ŋgba feliŋkum,
yaa nombiikum de yala ŋon ŋgba koloŋoloŋ wuula ɛ dɔɔ,
yaa wose kekyaŋ na diyem de kɔŋ ɛ dɔɔ na maŋ mɔ maa boŋo ŋon na maa kulu ŋon.
28<<Kenaŋ na baa baake maŋ, mɔna mɔɔ gyae maa kpa wɔ ya,
baa kɛo maŋ mɔna bɔɔ gyae baa naa maŋ ya.
29Nawolo nyi be kɔla nombia kagyeŋ,
te ba te gyae nyi baa yee Degbeŋgyoo ya.
30Keŋ bɔɔ bɛɛ me nombia kekolosifa,
te be ta mo ma kekalana yɛɛ kolo ya,
31mena dɔɔ baa di be nombia ayɛɛsa bia,
na ba nyeeman kebake ke baa wɔ.
32Nawolo nyi baŋ bɔɔ gyeŋ daale ya kehuhoori gyae ka ko wɔ,
te ayiŋtena wose kelɛɛdi gyae ke munu wɔ.
33Mɔna ɔkamasɛ ŋon ɔ ne nyii me dei nɛ waa kyaa wɔe kefɛɛ man,
na waa kyaa deŋele kefɛɛ man keŋ ɔ be yee dukum ya.>>
Valgt i Øjeblikket:
:
Markering
Kopiér
Sammenlign
Del
Vil du have dine markeringer gemt på tværs af alle dine enheder? Tilmeld dig eller log ind
2026 Ghana Institute of Linguistics Literacy and Bible Translation