Genesis 11
11
Kayak he, danab nailag piɗe piɗe daatte
1Amu anukka danab oh ag nai laippu madittappig. 2Aria, ag anam daan oinna, kaɗag uɗitteppanu gonana, ag uɗem, Sinar wanppa daatte, ag amu anidna, amuppa daadppig. 3Anam daanna, ag akka akka inam madippig. “Ahappeg, ig wan aota, lekkoh kabolita, maipput eweb, keeke laa onig brik hetu!” Ag anam ana, ag amuppa brik hattana, ahilag simen am kol tar. 4Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.
5Danab ag anam heegeg amu, Yawe Nug ahilag aab okkai, amu lag attan ta ukkak ahilag ele anidkkunu neum. 6Yawe Nug na amu, Nug aum. “Danab imu ag laippu daan, nai laippu mattin, keeke imu digmeppig amunu, aɗi keeke ahilag maittakppa beeb, ag amu hekkulagnu elele daaglag. 7Am anam daatte amunu, ig nota hepput, ag nai laippu ii mattinna, dimppa ag akka akka nai ahilag ii doomna,” awa aum.
8Yawe Nug anam ana he, ag aab okkai uɗat amu uuna, qatin gona, aben aben daappig. 9Yawe Nug amu he, ag nai piɗe piɗe mattiegeg, laa nai mattiom amu, layag nug mattiak nuhig ii doyom amunu, ag aab amu onig Babel ataɗppig. Yawe Nug anam he, ag aben amu uuna, wan ohppa gona oidttappig.
Sem ukka, Abram batak
10Sem buɗub amu inam.
Le hiɗ iitta me, maɗ aɗit uue, Sem nug maɗ 100 dayeye, nug bekka onig Arpaksat doum. 11Arpaksat doum dimppa amu, Sem nug maɗ 500 baula dayeye, nug bekkod aɗekkud laala ele, ag doppig.
12Arpaksat nug maɗ 35 dayeye, nug bekka onig Sela doum. 13Sela doum dimppa amu, Arpaksat nug maɗ 403 baula dayeye, nug bekkod aɗekkud laala ele, ag doppig.
14Sela nug maɗ 30 dayeye, nug bekka onig Eber doum. 15Eber doum dimppa amu, Sela nug maɗ 403 baula dayeye, nug bekkod aɗekkud laala ele, ag doppig.
16Eber nug maɗ 34 dayeye, nug bekka onig Pelek doum. 17Pelek doum dimppa amu, Eber nug maɗ 430 baula dayeye, nug bekkod aɗekkud laala ele, ag doppig.
18Pelek nug maɗ 30 dayeye, nug bekka onig Reu doum. 19Reu doum dimppa amu, Pelek nug maɗ 209 baula dayeye, nug bekkod aɗekkud laala ele, ag doppig.
20Reu nug maɗ 32 dayeye, nug bekka onig Seruk doum. 21Seruk doum dimppa amu, Reu nug maɗ 207 baula dayeye, nug bekkod aɗekkud laala ele, ag doppig.
22Seruk nug maɗ 30 dayeye, nug bekka onig Nahor doum. 23Nahor doum dimppa amu, Seruk nug maɗ 200 baula dayeye, nug bekkod aɗekkud laala ele, ag doppig.
24Nahor nug maɗ 29 dayeye, nug bekka onig Tera doum. 25Tera doum dimppa amu, Nahor nug maɗ 119 baula dayeye, nug bekkod aɗekkud laala ele, ag doppig.
26Tera nug maɗ 70 daye amu, nug bekkod Abram, Nahor, Haran ele doppig.
27Tera buɗub am inam.
Nug bekkod am Abram, Nahor, Haran ele. Haran bekka am Lot. 28Haran, nug appag diig onig Ur, Kaldia wanppa daatte, amu appa nug mameg dayeye, nug mauhom. 29Abram, Nahor ele amu, aa oh ah diipiɗ; Nahor nug Haran aɗeg Milkah awom. Haran aɗeg laa am onig Iska. Abram nug Sarai awom, 30amge Sarai nug am ah mattoi, nug nid menukkunu elele iitta.
31Anam daye amu, Tera, amu nug bekka Abram, nug alag Lot, amu nug ahipa Sarai ele, nug ag omalatta ukkom. Lot amu, nug Haran bekka, amu Sarai, nug am Abram wau. Tera aɗi ele ag aab onig Ur, Kaldia wanppa daatte, ag aab amu uuna, Kanan wanppa gokkulagnu ahappig. Ahana amu, ag gona, Haran aabppa tena, ag aab amu uun, Kanan wanppa ii goppig. Iitta. Ag aguppa daaglagnu daappig. 32Tera nug Haran dayaya, nug nuhig maɗ 205 daye, nug mauhom.
Valgt i Øjeblikket:
Genesis 11: NB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2022, Wycliffe Bible Translators, Inc. All rights reserved.
Genesis 11
11
Kayak he, danab nailag piɗe piɗe daatte
1Amu anukka danab oh ag nai laippu madittappig. 2Aria, ag anam daan oinna, kaɗag uɗitteppanu gonana, ag uɗem, Sinar wanppa daatte, ag amu anidna, amuppa daadppig. 3Anam daanna, ag akka akka inam madippig. “Ahappeg, ig wan aota, lekkoh kabolita, maipput eweb, keeke laa onig brik hetu!” Ag anam ana, ag amuppa brik hattana, ahilag simen am kol tar. 4Anam daye amu, ag appig. “Ahappeg, ig ihinig aab okkai hetu! Aab ooppa ig lag attan ta ukkak hepput, koɗokko ta, hab yaɗ! Ig anam heta, ig oninig humapput, attan tekku. Ig matatuta, laih laih ii gomata. Ig iguppaib daagnig,” aon appig.
5Danab ag anam heegeg amu, Yawe Nug ahilag aab okkai, amu lag attan ta ukkak ahilag ele anidkkunu neum. 6Yawe Nug na amu, Nug aum. “Danab imu ag laippu daan, nai laippu mattin, keeke imu digmeppig amunu, aɗi keeke ahilag maittakppa beeb, ag amu hekkulagnu elele daaglag. 7Am anam daatte amunu, ig nota hepput, ag nai laippu ii mattinna, dimppa ag akka akka nai ahilag ii doomna,” awa aum.
8Yawe Nug anam ana he, ag aab okkai uɗat amu uuna, qatin gona, aben aben daappig. 9Yawe Nug amu he, ag nai piɗe piɗe mattiegeg, laa nai mattiom amu, layag nug mattiak nuhig ii doyom amunu, ag aab amu onig Babel ataɗppig. Yawe Nug anam he, ag aben amu uuna, wan ohppa gona oidttappig.
Sem ukka, Abram batak
10Sem buɗub amu inam.
Le hiɗ iitta me, maɗ aɗit uue, Sem nug maɗ 100 dayeye, nug bekka onig Arpaksat doum. 11Arpaksat doum dimppa amu, Sem nug maɗ 500 baula dayeye, nug bekkod aɗekkud laala ele, ag doppig.
12Arpaksat nug maɗ 35 dayeye, nug bekka onig Sela doum. 13Sela doum dimppa amu, Arpaksat nug maɗ 403 baula dayeye, nug bekkod aɗekkud laala ele, ag doppig.
14Sela nug maɗ 30 dayeye, nug bekka onig Eber doum. 15Eber doum dimppa amu, Sela nug maɗ 403 baula dayeye, nug bekkod aɗekkud laala ele, ag doppig.
16Eber nug maɗ 34 dayeye, nug bekka onig Pelek doum. 17Pelek doum dimppa amu, Eber nug maɗ 430 baula dayeye, nug bekkod aɗekkud laala ele, ag doppig.
18Pelek nug maɗ 30 dayeye, nug bekka onig Reu doum. 19Reu doum dimppa amu, Pelek nug maɗ 209 baula dayeye, nug bekkod aɗekkud laala ele, ag doppig.
20Reu nug maɗ 32 dayeye, nug bekka onig Seruk doum. 21Seruk doum dimppa amu, Reu nug maɗ 207 baula dayeye, nug bekkod aɗekkud laala ele, ag doppig.
22Seruk nug maɗ 30 dayeye, nug bekka onig Nahor doum. 23Nahor doum dimppa amu, Seruk nug maɗ 200 baula dayeye, nug bekkod aɗekkud laala ele, ag doppig.
24Nahor nug maɗ 29 dayeye, nug bekka onig Tera doum. 25Tera doum dimppa amu, Nahor nug maɗ 119 baula dayeye, nug bekkod aɗekkud laala ele, ag doppig.
26Tera nug maɗ 70 daye amu, nug bekkod Abram, Nahor, Haran ele doppig.
27Tera buɗub am inam.
Nug bekkod am Abram, Nahor, Haran ele. Haran bekka am Lot. 28Haran, nug appag diig onig Ur, Kaldia wanppa daatte, amu appa nug mameg dayeye, nug mauhom. 29Abram, Nahor ele amu, aa oh ah diipiɗ; Nahor nug Haran aɗeg Milkah awom. Haran aɗeg laa am onig Iska. Abram nug Sarai awom, 30amge Sarai nug am ah mattoi, nug nid menukkunu elele iitta.
31Anam daye amu, Tera, amu nug bekka Abram, nug alag Lot, amu nug ahipa Sarai ele, nug ag omalatta ukkom. Lot amu, nug Haran bekka, amu Sarai, nug am Abram wau. Tera aɗi ele ag aab onig Ur, Kaldia wanppa daatte, ag aab amu uuna, Kanan wanppa gokkulagnu ahappig. Ahana amu, ag gona, Haran aabppa tena, ag aab amu uun, Kanan wanppa ii goppig. Iitta. Ag aguppa daaglagnu daappig. 32Tera nug Haran dayaya, nug nuhig maɗ 205 daye, nug mauhom.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2022, Wycliffe Bible Translators, Inc. All rights reserved.