Genesis 9
9
Kayak Nug di apinak at daakkunu aum
1Kayak Nug Noa, nug bekkod ele itattatta aum. “Ag appatna, wan oh tonan daanna oiyeg! 2Aria, keeke laa ele, da heppi, doɗ, ai, kakai, doɗ laa ag oolag wan qeeqe oitteb ele oh, ag ahilagnu baɗak okkai doon, ag waalagpa daanna oiglag. 3Anukka da keh oh wanppanu bette ag lakkulagnu mattami. Amu geha imu da doɗ oh ag eppelagppa mettem amunu, ag doɗ ele lattaglagnu elele, 4amge ag doɗ teppu tiig ele, bau am tiigppa daatte amu, ag amu lakkulagnu elele iitta. 5Doɗ oh ag eppelagppa daatteb, ag aqaglagnu elele, amge ag danab tiig gokkaɗkkulagnu am aibnab daatte. Danab nug danab laa heeb mauhkkunu elele iittanab. Doɗ nug ele danab qeeb mauhkkunu elele iittanab. Danab, o doɗ anam heeb amu, da elele medakkul. 6Da danab da bia hemi amunu, aun laa nug danab heeb mauhkku, nug ele danab laa eppegppa mauhkku. 7Ahilagnu amu, da attem. Ag appatna, kuɗum bena, wan oh tonan daanna oiyeg!” awa aum.
8Amu, Kayak Nug Noa, amu nug bekkod ele amelagppa inam aum. 9“Da ag, amu ag buɗulkad dimppa bekkulag ele amu, gemu da hei, da ag oh ele nug tituana nai qakkak hettem. 10Da ag ele nug tituana nai qakkak hettem, amu da doɗ oh, ag ele uubppa daappig; amuam ai, aabppan doɗ, doɗ dakkuɗ ele, doɗ amu oh ag ele uub uun neppig, keeke oh wanppa bau daan oitteb amu, da ag oh ele nug tituana nai qakkak hettem. 11Nug tituana nai qakkak nai da gemu hei, da ag ele iikku hettem, amuam inam.
Da baula le hiɗppa keeke oh wanppa bau daatteb amu heppi, ii nauhmana.
Ao, da baula le hiɗppa wan heppi, ii nauhma.”
Kayak Nug anam awa aum.
12-13Kayak Nug nai anam anana, Nug nai laa tuɗitta aum. “Da dahil di apinak lombigppa mettem. Amuam ag danab ahilagnu, doɗ oh dilagnu ele, nug tituana nai qakkak nai dahilnu at daatte. Nug tituana nai qakkak nai amuam hanhannu, iitta ii mema. 14Deɗ laala da heppi, lombig neeb, di apinak ele neeb, 15nug tituana nai qakkak nai dahil am da daulppa dokku. Nug tituana nai qakkak amuam na, aɗi laa ele iɗu iɗu oh wanppa bauklel daatteb, am ag oh ahilagnu daatte, amu nai amuam da baula le hiɗppa keeke oh bau ele amu ii aqapa. 16Deɗ laala da di apinak lombigppa neeb anttena, da dahil nug tituana nai qakkak nai hanhannu, da Kayak, da, amu wanppan keeke oh bau daatteb ele, ig hemut amu, nai amuam da daulppa dokku,” awa aum.
17Amu Kayak Nug Noa amegppa aum. “Da di apinak, keeke oh wanppa bau daatteb ele amu, am ahilagnu nug tituana nai qakkak nai dahilnu at memi,” awa aum.
Noa bekkod
18Noa bekkod ewam uubppanu neppig amu, ag onilag Sem, Ham, Japet ele. Ham amu, nug Kanan mameg. 19Danab ewam amu, ag Noa bekkod, ag wanppan danab oh, ag alalkad.
20Noa nug dad uɗat hak danab, amu nug aha, muɗi grep dad eppom. 21Deɗ laa dimppa Noa nug dad amunu meuppa wain la, qe, peh lakka beɗu miag ele niiaya dayom. 22Anam niieye, Kanan mameg Ham, nug mameg anam peh lagppa niieye antta, nug dimittim ukka, Sem, Japet ele amelahppa aum. 23Aum amge Sem, Japet ele aa lamen gukkalahppa aɗaeh, dimulahppa dayeye, dimtim peh lag ooppa goya, mamelah tonapiɗ. Aa mamelah beɗu miag anttaknu oolah ii dayom amunu, aa dimtim goyaya, ele ii neegpiɗ.
24Amu Noa niie ukke, beɗuppa ukke aha, nug bekka dimnab Ham nuhignu aɗi heum amu, laa ag nug aeg doyom. 25Doya amu nug aum.
“Da Kanan eheɗ laa awaknu anak waappa daakku ool daatte.
Amuam da nug, nug mamekkud baelkadppa dilag begbeg maɗi nid onig iitta daakkunu ool daatte,” awa aum.
26Awowa, nug nai laa ele aum. “Ig Yawe, Semnu Kayak, ig Nug onig humagnignu ool daatte.
Amu Kanan nug Semnu begbeg maɗi nid daakkunu ool daatte.
27Aria, da Kayak Nug heeb, Japetnu wan okkai bekkunu ool daatte.
Ao, da Japet nug Sem ele aa laippu daayya oiglahnu ool daatte.
Amu Kanan nug Japetnu begbeg maɗi nid ele daakkunu ool daatte,” awa aum.
28Amu le hiɗ naɗi dimppa amu, Noa maɗ 350 baula dayom. 29Aakku maɗ nuhig oh amu 950 dayeye, nug mauhom.
Valgt i Øjeblikket:
Genesis 9: NB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2022, Wycliffe Bible Translators, Inc. All rights reserved.
Genesis 9
9
Kayak Nug di apinak at daakkunu aum
1Kayak Nug Noa, nug bekkod ele itattatta aum. “Ag appatna, wan oh tonan daanna oiyeg! 2Aria, keeke laa ele, da heppi, doɗ, ai, kakai, doɗ laa ag oolag wan qeeqe oitteb ele oh, ag ahilagnu baɗak okkai doon, ag waalagpa daanna oiglag. 3Anukka da keh oh wanppanu bette ag lakkulagnu mattami. Amu geha imu da doɗ oh ag eppelagppa mettem amunu, ag doɗ ele lattaglagnu elele, 4amge ag doɗ teppu tiig ele, bau am tiigppa daatte amu, ag amu lakkulagnu elele iitta. 5Doɗ oh ag eppelagppa daatteb, ag aqaglagnu elele, amge ag danab tiig gokkaɗkkulagnu am aibnab daatte. Danab nug danab laa heeb mauhkkunu elele iittanab. Doɗ nug ele danab qeeb mauhkkunu elele iittanab. Danab, o doɗ anam heeb amu, da elele medakkul. 6Da danab da bia hemi amunu, aun laa nug danab heeb mauhkku, nug ele danab laa eppegppa mauhkku. 7Ahilagnu amu, da attem. Ag appatna, kuɗum bena, wan oh tonan daanna oiyeg!” awa aum.
8Amu, Kayak Nug Noa, amu nug bekkod ele amelagppa inam aum. 9“Da ag, amu ag buɗulkad dimppa bekkulag ele amu, gemu da hei, da ag oh ele nug tituana nai qakkak hettem. 10Da ag ele nug tituana nai qakkak hettem, amu da doɗ oh, ag ele uubppa daappig; amuam ai, aabppan doɗ, doɗ dakkuɗ ele, doɗ amu oh ag ele uub uun neppig, keeke oh wanppa bau daan oitteb amu, da ag oh ele nug tituana nai qakkak hettem. 11Nug tituana nai qakkak nai da gemu hei, da ag ele iikku hettem, amuam inam.
Da baula le hiɗppa keeke oh wanppa bau daatteb amu heppi, ii nauhmana.
Ao, da baula le hiɗppa wan heppi, ii nauhma.”
Kayak Nug anam awa aum.
12-13Kayak Nug nai anam anana, Nug nai laa tuɗitta aum. “Da dahil di apinak lombigppa mettem. Amuam ag danab ahilagnu, doɗ oh dilagnu ele, nug tituana nai qakkak nai dahilnu at daatte. Nug tituana nai qakkak nai amuam hanhannu, iitta ii mema. 14Deɗ laala da heppi, lombig neeb, di apinak ele neeb, 15nug tituana nai qakkak nai dahil am da daulppa dokku. Nug tituana nai qakkak amuam na, aɗi laa ele iɗu iɗu oh wanppa bauklel daatteb, am ag oh ahilagnu daatte, amu nai amuam da baula le hiɗppa keeke oh bau ele amu ii aqapa. 16Deɗ laala da di apinak lombigppa neeb anttena, da dahil nug tituana nai qakkak nai hanhannu, da Kayak, da, amu wanppan keeke oh bau daatteb ele, ig hemut amu, nai amuam da daulppa dokku,” awa aum.
17Amu Kayak Nug Noa amegppa aum. “Da di apinak, keeke oh wanppa bau daatteb ele amu, am ahilagnu nug tituana nai qakkak nai dahilnu at memi,” awa aum.
Noa bekkod
18Noa bekkod ewam uubppanu neppig amu, ag onilag Sem, Ham, Japet ele. Ham amu, nug Kanan mameg. 19Danab ewam amu, ag Noa bekkod, ag wanppan danab oh, ag alalkad.
20Noa nug dad uɗat hak danab, amu nug aha, muɗi grep dad eppom. 21Deɗ laa dimppa Noa nug dad amunu meuppa wain la, qe, peh lakka beɗu miag ele niiaya dayom. 22Anam niieye, Kanan mameg Ham, nug mameg anam peh lagppa niieye antta, nug dimittim ukka, Sem, Japet ele amelahppa aum. 23Aum amge Sem, Japet ele aa lamen gukkalahppa aɗaeh, dimulahppa dayeye, dimtim peh lag ooppa goya, mamelah tonapiɗ. Aa mamelah beɗu miag anttaknu oolah ii dayom amunu, aa dimtim goyaya, ele ii neegpiɗ.
24Amu Noa niie ukke, beɗuppa ukke aha, nug bekka dimnab Ham nuhignu aɗi heum amu, laa ag nug aeg doyom. 25Doya amu nug aum.
“Da Kanan eheɗ laa awaknu anak waappa daakku ool daatte.
Amuam da nug, nug mamekkud baelkadppa dilag begbeg maɗi nid onig iitta daakkunu ool daatte,” awa aum.
26Awowa, nug nai laa ele aum. “Ig Yawe, Semnu Kayak, ig Nug onig humagnignu ool daatte.
Amu Kanan nug Semnu begbeg maɗi nid daakkunu ool daatte.
27Aria, da Kayak Nug heeb, Japetnu wan okkai bekkunu ool daatte.
Ao, da Japet nug Sem ele aa laippu daayya oiglahnu ool daatte.
Amu Kanan nug Japetnu begbeg maɗi nid ele daakkunu ool daatte,” awa aum.
28Amu le hiɗ naɗi dimppa amu, Noa maɗ 350 baula dayom. 29Aakku maɗ nuhig oh amu 950 dayeye, nug mauhom.
Valgt i Øjeblikket:
:
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
© 2022, Wycliffe Bible Translators, Inc. All rights reserved.