If you have would like a copy of this version please contact info@davarpartners.org

Quechua Huallaga Huánuco Old Testament

<div class="version vid1088 iso6393qub" data-vid="1088" data-iso6393="qub">
 <div class="book bkGEN">
 <div class="chapter ch4" data-usfm="GEN.4">
 <div class="label">4</div><div class="s1">Abelta Ca&#237;n wa&#241;uchishan</div><div class="p"> 1Chaypita Adanga warmin Evawan pu&#241;uran. Chaura Evaga gueshyaj ricacuran. Gueshyacushpan Eva niran: &#171;Tayta Dios munayninpa ollgu wamrata tarishc&#228;. Chayn&#246;pami cay wamr&#228;pa jutin canga Ca&#237;n.&#187;#4.1 Ca&#237;n ninanga Tarisha ninanmi. 2Chaypita yapay ollgu wamran caran. Chay caj wamranpa jutintanami churaparan &#171;Abel&#187; nir. Abelga jatunyar uyshayoj cabrayoj caran. Cainnami chacra aroj caran.</div><div class="p"> 3Achca watataraj Cainga Tayta Diospaj aparan micuynin wayushanta. 4Chayno Abelpis Tayta Diospaj aparan manta uyshacunapa rimir caj wawancunata mas wirannin cajta. Chaymi Abel apashan cajtaga Tayta Dios alli chasquiran.#Heb. 11.4 5Ca&#237;n apashanta ichanga mana chasquiranchu Abelpatan&#246;ga. Chaura Cainga fiyupa rabyar jucajyasha puriran.</div><div class="p"> 6Chaymi Cainta Tayta Dios niran: &#171;&#191;Imanirtaj gam rabyasha uysuraycanqui? 7Allita ruraptiquega gamtapis allimi chasquishayqui. Mana allita ruraptiquega jucha ruray yargaycaj liyunn&#246;mi shuyarayc&#228;shunqui usharishunayquipaj. Ichanga jucha rurayta ichipanquimanmi.&#187;</div><div class="p"> 8Juc junajcho wauguin Abelta Cainga &#171;Jircapa pasyaj aywashun&#187; niran. Jircacho ishcallan caycarna illajpita Abelta wa&#241;uycachiran.#Mat. 23.35; Luc. 11.51; 1Juan 3.12</div><div class="p"> 9Chaypita Tayta Diosga Cainta tapuran: &#171;&#191;Maytaj wauguiqui Abel?&#187; nir.</div><div class="p">Tapuptin Ca&#237;n niran: &#171;Nogaga manami musy&#228;chu. &#191;Waugu&#235; ricaj-imat&#228;chu c&#228;?&#187;</div><div class="p"> 10Niptin Tayta Dios niran: &#171;&#191;Imanirtaj wauguiquita wa&#241;uchishcanqui? Wauguiquipa yawarnin mashtaraycajmi gayacayc&#228;man gamta castigan&#228;paj.#Heb. 12.24 11Canan gamga wauguiquipa yawarninta cay pachaman mashtashayquipitami maldisyun&#228;du canqui. 12Maycho aruptiquipis manami micuypis sum&#228;ga wayup&#228;shunquip&#228;chu. May-chaypapis mushrincu puricullarmi cacunquipaj. Manami maych&#246;pis jamayta tarinquip&#228;chu.&#187;</div><div class="p"> 13Chayno niptinmi Cainga Tayta Diosta niran: &#171;Chay cast&#239;gutaga manami awantash&#228;p&#228;chu, tayta. 14Cananga caypita gargayc&#228;manquimi. &#209;aupayquipitapis carumanmi gargayc&#228;manqui may-chaypapis mushrincu puricun&#228;paj. Chayno puriycajta pipis wa&#241;uycachimangachari.&#187;</div><div class="p"> 15Chaura Tayta Dios niran: &#171;Pipis wa&#241;uchishoj c&#228;ga ganchis cuti mas fiyupa castigashami canga.&#187;</div><div class="p">Nircur Caintaga juc se&#241;alta churaparan piwan tincuptinpis mana wa&#241;uchinanpaj. 16Chayn&#246;mi Cainga Tayta Dioswan parlaycashanpita aywacuran &#171;Nod&#187;#4.16 Nod ninanga Puricoj ninanmi. nishan partiman. Chayga caycaran Edenman inti yagamunan caj-l&#228;cho.</div><div class="s1">Cainpita mirajpa jutincuna</div><div class="p"> 17Chaypita Cainga warminwan cacuran. Warmin gueshyaj ricacur ollgu wamrata gueshyacuran. Jutinta churaparan &#171;Enoc&#187; nir. Chaypita Cainga juc marcata jatarachir chay marcapa jutinta churaparan wamran Enocpa jutillanta. 18Enocpa wamran caran Irad. Iradpa wamran caran Mehujael. Mehujaelpa wamran caran Metusael. Metusaelpa wamran caran Lamec. 19Lamecga caran ishcay warmiyoj. Jucajpa jutin caran &#171;Ada&#187;, jucajpana &#171;Zila&#187;. 20Ada gueshyacur wamranta jutichaparan &#171;Jabal&#187; nir. Jabalmi rimir-puntataga tolducunacho tiyaj y uywacunata mirachej caran. 21Jabalpa wauguinna caran Jubal. Jubalmi rimir-puntata arpata, qu&#235;nata tucaj caran. 22Lamecpa jucaj warmin Zila gueshyacur wamranta jutichaparan &#171;Tubal-Ca&#237;n&#187; nir. Tubal-Cainga jirr&#235;ru cashpanmi runsipita fy&#235;rrupita ima-aycatapis ruraj. Pa&#241;inpanami jutin caran &#171;Naama&#187;.</div><div class="p"> 23Lamecga ishcan warminta cayno willaparan:</div><div class="q1">&#171;&#161;Ada, Zila, nish&#228;ta wiyamay!</div><div class="q1">Juc runa rachejpaj magamashanpitami wa&#241;urachir&#228;.</div><div class="q1">Goyojpaj chayaycachimaptinpis supaynintami apachir&#228;.</div><div class="q1"> 24Cainta pipis wa&#241;uchej caj ganchis cuti mas fiyupa castigasha cananpaj caycaptenga</div><div class="q1">nogata imatapis ruramaj c&#228;ga ganchis chunca ganchisnin (77) cuti masmi castigasha canga.&#187;</div><div class="s1">Adanpa yapay wamran cashan</div><div class="p"> 25Adanga warminwan yapay cacuran. Warmin yapay gueshyaj ricacur gueshyacuran ollgu wamrata. Nircur niran: &#171;Abelpa ruquin cananp&#228;mi Dios munasha wamrayoj can&#228;ta. Chaymi wamr&#228;pa jutinta churap&#228;shaj &#8249;Set&#8250; nir,#4.25 Set ninanga Goycusha ninanmi. Abelta Ca&#237;n wa&#241;uchishanpa ruquin captin.&#187;</div><div class="p"> 26Setpapis wamran caran. Wamran yuriptin jutinta churaparan &#171;En&#243;s&#187; nir. Enospitar&#228;mi runacunaga Tayta Diosta adurayta gallayc&#228;riran.</div>
 </div>
 </div>
</div>

Chaypita Adanga warmin Evawan puñuran. Chaura Evaga gueshyaj ricacuran. Gueshyacushpan Eva niran: «TAYTA DIOS munayninpa ollgu wamrata tarishcä. Chaynöpami cay wamräpa jutin canga Caín.» Chaypita yapay ollgu wamran caran. Chay caj wamranpa jutintanami churaparan «Abel» nir. Abelga jatunyar uyshayoj cabrayoj caran. Cainnami chacra aroj caran.
Achca watataraj Cainga TAYTA DIOSPAJ aparan micuynin wayushanta. Chayno Abelpis TAYTA DIOSPAJ aparan manta uyshacunapa rimir caj wawancunata mas wirannin cajta. Chaymi Abel apashan cajtaga TAYTA DIOS alli chasquiran. Caín apashanta ichanga mana chasquiranchu Abelpatanöga. Chaura Cainga fiyupa rabyar jucajyasha puriran.
Chaymi Cainta TAYTA DIOS niran: «¿Imanirtaj gam rabyasha uysuraycanqui? Allita ruraptiquega gamtapis allimi chasquishayqui. Mana allita ruraptiquega jucha ruray yargaycaj liyunnömi shuyaraycäshunqui usharishunayquipaj. Ichanga jucha rurayta ichipanquimanmi.»
Juc junajcho wauguin Abelta Cainga «Jircapa pasyaj aywashun» niran. Jircacho ishcallan caycarna illajpita Abelta wañuycachiran.
Chaypita TAYTA DIOSGA Cainta tapuran: «¿Maytaj wauguiqui Abel?» nir.
Tapuptin Caín niran: «Nogaga manami musyächu. ¿Wauguë ricaj-imatächu cä?»
Niptin Tayta Dios niran: «¿Imanirtaj wauguiquita wañuchishcanqui? Wauguiquipa yawarnin mashtaraycajmi gayacaycäman gamta castiganäpaj. Canan gamga wauguiquipa yawarninta cay pachaman mashtashayquipitami maldisyunädu canqui. Maycho aruptiquipis manami micuypis sumäga wayupäshunquipächu. May-chaypapis mushrincu puricullarmi cacunquipaj. Manami maychöpis jamayta tarinquipächu.»
Chayno niptinmi Cainga TAYTA DIOSTA niran: «Chay castïgutaga manami awantashäpächu, tayta. Cananga caypita gargaycämanquimi. Ñaupayquipitapis carumanmi gargaycämanqui may-chaypapis mushrincu puricunäpaj. Chayno puriycajta pipis wañuycachimangachari.»
Chaura TAYTA DIOS niran: «Pipis wañuchishoj cäga ganchis cuti mas fiyupa castigashami canga.»
Nircur Caintaga juc señalta churaparan piwan tincuptinpis mana wañuchinanpaj. Chaynömi Cainga TAYTA DIOSWAN parlaycashanpita aywacuran «Nod» nishan partiman. Chayga caycaran Edenman inti yagamunan caj-lächo.

Chaypita Cainga warminwan cacuran. Warmin gueshyaj ricacur ollgu wamrata gueshyacuran. Jutinta churaparan «Enoc» nir. Chaypita Cainga juc marcata jatarachir chay marcapa jutinta churaparan wamran Enocpa jutillanta. Enocpa wamran caran Irad. Iradpa wamran caran Mehujael. Mehujaelpa wamran caran Metusael. Metusaelpa wamran caran Lamec. Lamecga caran ishcay warmiyoj. Jucajpa jutin caran «Ada», jucajpana «Zila». Ada gueshyacur wamranta jutichaparan «Jabal» nir. Jabalmi rimir-puntataga tolducunacho tiyaj y uywacunata mirachej caran. Jabalpa wauguinna caran Jubal. Jubalmi rimir-puntata arpata, quënata tucaj caran. Lamecpa jucaj warmin Zila gueshyacur wamranta jutichaparan «Tubal-Caín» nir. Tubal-Cainga jirrëru cashpanmi runsipita fyërrupita ima-aycatapis ruraj. Pañinpanami jutin caran «Naama».
Lamecga ishcan warminta cayno willaparan:
«¡Ada, Zila, nishäta wiyamay!
Juc runa rachejpaj magamashanpitami wañurachirä.
Goyojpaj chayaycachimaptinpis supaynintami apachirä.
Cainta pipis wañuchej caj ganchis cuti mas fiyupa castigasha cananpaj caycaptenga
nogata imatapis ruramaj cäga ganchis chunca ganchisnin (77) cuti masmi castigasha canga.»

Adanga warminwan yapay cacuran. Warmin yapay gueshyaj ricacur gueshyacuran ollgu wamrata. Nircur niran: «Abelpa ruquin cananpämi Dios munasha wamrayoj canäta. Chaymi wamräpa jutinta churapäshaj ‹Set› nir, Abelta Caín wañuchishanpa ruquin captin.»
Setpapis wamran caran. Wamran yuriptin jutinta churaparan «Enós» nir. Enospitarämi runacunaga TAYTA DIOSTA adurayta gallaycäriran.

Höre Génesis 4