<div class="version vid2190 iso6393hil" data-vid="2190" data-iso6393="hil">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Gin-ayo ni Jesus ang Tawo nga Bulag</div><div class="p"> 1Sang nagalakat si Jesus, nakita niya ang isa ka tawo nga bulag halin pa sang iya pagkatawo. 2Ang iya mga gintuton-an nagpamangkot sa iya, &#8220;Manunodlo, kay sin-o bala sala nga natawo sia nga bulag? Iya bala sala ini, ukon sang iya mga ginikanan?&#8221;</div><div class="p"> 3Si Jesus nagsabat, &#8220;Indi tungod sang iya mga sala ukon sang mga sala sang iya ginikanan nga nabulag sia, kundi nabulag sia agod mapakita ang gahom sang Dios paagi sa pag-ayo sa iya. 4Samtang adlaw pa dapat magpadayon kita sa pagbuhat sang mga hilikuton sang nagpadala sa akon. Magaabot ang gab-i nga wala na sing may makapangabudlay. 5Samtang#Mat. 5:14; Juan 8:12. yari ako sa kalibutan ako amo ang kapawa sang kalibutan.&#8221;</div><div class="p"> 6Sang makasiling sia sini, si Jesus nagdupla sa duta kag ginhimo ini nga lunang kag ginhamlit ini sa mga mata sang tawo, 7kag nagsiling sia, &#8220;Kadto ka sa punong sang Siloe kag magpanghilam-os.&#8221; (Ang Siloe nagakahulogan &#8220;Ginpadala.&#8221;) Gani naglakat ang tawo, nanghilam-os kag nagpauli nga makakita na.</div><div class="p"> 8Gani, ang iya mga kasilingan kag ang mga nakakita anay sa iya nga nagapakilimos, nagpamangkot, &#8220;Indi bala amo ini ang tawo nga sang una nagapungko kag nagapakilimos?&#8221;</div><div class="p"> 9Ang iban nagsiling, &#8220;Amo ina sia,&#8221; pero may iban nga nagsiling, &#8220;Indi ina sia, kundi pareho lang ang ila hitsura.&#8221;</div><div class="p">Gani ang tawo mismo nagsiling, &#8220;Ako amo sia.&#8221;</div><div class="p"> 10Ginpamangkot nila sia, &#8220;Paano bala nga makakita ka na karon?&#8221;</div><div class="p"> 11Nagsabat sia, &#8220;Ang tawo nga ginahingalanan kay Jesus naghimo sang lunang, ginhamlit niya ini sa akon mga mata, kag ginsugo ako, &#8216;Kadto ka sa Siloe kag magpanghilam-os.&#8217; Gani naglakat ako, kag sang nakapanghilam-os ako, makakita na ako.&#8221;</div><div class="p"> 12Nagpamangkot sila, &#8220;Diin na bala sia?&#8221;</div><div class="p">Nagsabat sia, &#8220;Ambot, wala ako makahibalo.&#8221;</div><div class="s">Gin-usisa sang mga Fariseo ang Tawo nga Gin-ayo</div><div class="p"> 13Dayon gindala nila sa mga Fariseo ang tawo nga sadto anay bulag. 14Adlaw nga Inugpahuway sadto sang paghimo ni Jesus sang lunang kag pag-ayo sang mga mata sang tawo. 15Dayon ginpamangkot man sang mga Fariseo kon paano nga makakita na sia. Ginsugiran niya sila, &#8220;Ginhamlitan niya sing lunang ang akon mga mata, nanghilam-os ako kag subong makakita na ako.&#8221;</div><div class="p"> 16May mga Fariseo nga nagsiling, &#8220;Ang tawo nga naghimo sini wala naghalin sa Dios, kay wala sia nagatuman sang kasugoan sa Adlaw nga Inugpahuway.&#8221;</div><div class="p">Pero ang iban nagsiling, &#8220;Ano bala ang pagkahimo sang isa ka tawo nga makasasala sang gamhanan nga mga buhat kaangay sini?&#8221; Kag nagbinahinbahin sila.</div><div class="p"> 17Gani ginpamangkot liwat sang mga Fariseo ang tawo nga sadto anay bulag, &#8220;Siling mo nga gin-ayo niya ang imo mga mata, karon ano ang masiling mo nahanungod sa iya?&#8221;</div><div class="p">Nagsabat sia, &#8220;Isa sia ka propeta.&#8221;</div><div class="p"> 18Pero ang mga pangulo sang mga Judio indi magpati nga sia bulag anay kag karon makakita na, kon wala nila ginpatawag ang iya mga ginikanan 19kag ginpamangkot sila, &#8220;Anak bala ninyo ini sia? Indi bala nga siling ninyo natawo sia nga bulag? Paano bala nga makakita na sia subong?&#8221;</div><div class="p"> 20Ang iya mga ginikanan nagsabat, &#8220;Kilala namon nga sia amon anak kag nakahibalo kami nga sia natawo nga bulag, 21pero wala kami makahibalo kon paano nga makakita na sia, ukon sin-o ang nag-ayo sang iya mga mata. Pamangkuta ninyo sia, may buot naman ina sia, kag sarang sia makasabat para sa iya kaugalingon!&#8221; 22Ginsiling ini sang iya mga ginikanan, tungod kay nahadlok sila sa mga pangulo sang mga Judio nga naghisugot nga daan nga ang bisan sin-o nga magkilala nga si Jesus amo ang Cristo pagasikwayon sa sinagoga. 23Amo gani nga ang iya mga ginikanan nagsiling, &#8220;May buot naman ina sia, pamangkuta ninyo sia!&#8221;</div><div class="p"> 24Sa liwat gintawag nila ang tawo nga bulag kag ginsingganan nila sia, &#8220;Magsaad ka sa atubang sang Dios sa pagsugid sing matuod! Nahibaluan namon nga ining tawo nga nag-ayo sa imo makasasala.&#8221;</div><div class="p"> 25Ang tawo nagsabat, &#8220;Wala ako makahibalo kon sia makasasala ukon indi. Amo lang ini ang akon nahibaluan: bulag anay ako, kag karon makakita na.&#8221;</div><div class="p"> 26Nagpamangkot sila, &#8220;Ano bala ang ginhimo niya sa imo? Paano bala ang pag-ayo niya sang imo mga mata?&#8221;</div><div class="p"> 27Nagsabat sia, &#8220;Ginsugiran ko na kamo, kag indi kamo magpamati. Ngaa bala luyag kamo magpamati sini liwat? Luyag man bala kamo nga mangingintuton-an niya?&#8221;</div><div class="p"> 28Ginpasipalahan nila sia kag ginsingganan, &#8220;Ikaw gintuton-an sina nga tawo, pero kami amon mga gintuton-an ni Moises. 29Nahibaluan namon nga ang Dios naghambal kay Moises, pero nahanungod sina nga tawo, wala gani kami makahibalo kon taga-diin sia!&#8221;</div><div class="p"> 30Ang tawo nagsabat, &#8220;Makatilingala ini nga butang! Wala kamo makahibalo kon taga-diin sia, pero gin-ayo niya ang akon mga mata! 31Nahibaluan naton nga ang Dios wala nagapamati sa mga makasasala, pero nagapamati sia sa mga tawo nga nagatahod sa iya kag nagatuman sang iya kabubot-on. 32Halin sa ginsugoran sang kalibutan wala pa gid mabatii nga may isa nga nag-ayo sang mata sang isa ka tawo nga bulag. 33Kon wala lang naghalin sa Dios ini nga tawo, kuntani wala sia sing sarang mahimo.&#8221;</div><div class="p"> 34Ginsabat nila sia, &#8220;Natawo ikaw kag nagdaku sa sala, kag karon tudloan mo pa kami?&#8221; Kag gintabog nila sia paggwa sa sinagoga.</div><div class="s">Ang Pagkabulag nga Espirituhanon</div><div class="p"> 35Nakabati si Jesus nga ginpagwa nila ang tawo. Nakita sia ni Jesus kag ginpamangkot, &#8220;Nagatuo ka bala sa Anak sang Tawo?&#8221;</div><div class="p"> 36Ang tawo nagsabat, &#8220;Sir, sugiri ako kon sin-o sia agod makatuo ako sa iya!&#8221;</div><div class="p"> 37Si Jesus nagsiling sa iya, &#8220;Nakita mo na sia, kag sia amo ang nagahambal sa imo subong.&#8221;</div><div class="p"> 38Ang tawo nagsiling, &#8220;Ginoo, nagatuo ako!&#8221; Dayon nagluhod sia sa atubang ni Jesus.</div><div class="p"> 39Si Jesus nagsiling, &#8220;Ako nag-abot sa sining kalibutan sa paghukom, agod nga ang mga bulag makakita kag ang mga makakita manginbulag.&#8221;</div><div class="p"> 40May mga Fariseo didto nga kaupod niya nga nakabati sini kag nagpamangkot sa iya, &#8220;Ang buot mo bala silingon nga mga bulag man kami?&#8221;</div><div class="p"> 41Si Jesus nagsabat, &#8220;Kon kamo mga bulag, kuntani wala kamo sing sala; pero kay nagasiling kamo, &#8216;Makakita kami,&#8217; ini nagakahulogan nga kamo may sala pa gihapon.&#8221;</div>
 </div>
 </div>
</div>

Maayong Balita nga Biblia © Philippine Bible Society, 2012

Sang nagalakat si Jesus, nakita niya ang isa ka tawo nga bulag halin pa sang iya pagkatawo. Ang iya mga gintuton-an nagpamangkot sa iya, “Manunodlo, kay sin-o bala sala nga natawo sia nga bulag? Iya bala sala ini, ukon sang iya mga ginikanan?”
Si Jesus nagsabat, “Indi tungod sang iya mga sala ukon sang mga sala sang iya ginikanan nga nabulag sia, kundi nabulag sia agod mapakita ang gahom sang Dios paagi sa pag-ayo sa iya. Samtang adlaw pa dapat magpadayon kita sa pagbuhat sang mga hilikuton sang nagpadala sa akon. Magaabot ang gab-i nga wala na sing may makapangabudlay. Samtang yari ako sa kalibutan ako amo ang kapawa sang kalibutan.”
Sang makasiling sia sini, si Jesus nagdupla sa duta kag ginhimo ini nga lunang kag ginhamlit ini sa mga mata sang tawo, kag nagsiling sia, “Kadto ka sa punong sang Siloe kag magpanghilam-os.” (Ang Siloe nagakahulogan “Ginpadala.”) Gani naglakat ang tawo, nanghilam-os kag nagpauli nga makakita na.
Gani, ang iya mga kasilingan kag ang mga nakakita anay sa iya nga nagapakilimos, nagpamangkot, “Indi bala amo ini ang tawo nga sang una nagapungko kag nagapakilimos?”
Ang iban nagsiling, “Amo ina sia,” pero may iban nga nagsiling, “Indi ina sia, kundi pareho lang ang ila hitsura.”
Gani ang tawo mismo nagsiling, “Ako amo sia.”
Ginpamangkot nila sia, “Paano bala nga makakita ka na karon?”
Nagsabat sia, “Ang tawo nga ginahingalanan kay Jesus naghimo sang lunang, ginhamlit niya ini sa akon mga mata, kag ginsugo ako, ‘Kadto ka sa Siloe kag magpanghilam-os.’ Gani naglakat ako, kag sang nakapanghilam-os ako, makakita na ako.”
Nagpamangkot sila, “Diin na bala sia?”
Nagsabat sia, “Ambot, wala ako makahibalo.”

Dayon gindala nila sa mga Fariseo ang tawo nga sadto anay bulag. Adlaw nga Inugpahuway sadto sang paghimo ni Jesus sang lunang kag pag-ayo sang mga mata sang tawo. Dayon ginpamangkot man sang mga Fariseo kon paano nga makakita na sia. Ginsugiran niya sila, “Ginhamlitan niya sing lunang ang akon mga mata, nanghilam-os ako kag subong makakita na ako.”
May mga Fariseo nga nagsiling, “Ang tawo nga naghimo sini wala naghalin sa Dios, kay wala sia nagatuman sang kasugoan sa Adlaw nga Inugpahuway.”
Pero ang iban nagsiling, “Ano bala ang pagkahimo sang isa ka tawo nga makasasala sang gamhanan nga mga buhat kaangay sini?” Kag nagbinahinbahin sila.
Gani ginpamangkot liwat sang mga Fariseo ang tawo nga sadto anay bulag, “Siling mo nga gin-ayo niya ang imo mga mata, karon ano ang masiling mo nahanungod sa iya?”
Nagsabat sia, “Isa sia ka propeta.”
Pero ang mga pangulo sang mga Judio indi magpati nga sia bulag anay kag karon makakita na, kon wala nila ginpatawag ang iya mga ginikanan kag ginpamangkot sila, “Anak bala ninyo ini sia? Indi bala nga siling ninyo natawo sia nga bulag? Paano bala nga makakita na sia subong?”
Ang iya mga ginikanan nagsabat, “Kilala namon nga sia amon anak kag nakahibalo kami nga sia natawo nga bulag, pero wala kami makahibalo kon paano nga makakita na sia, ukon sin-o ang nag-ayo sang iya mga mata. Pamangkuta ninyo sia, may buot naman ina sia, kag sarang sia makasabat para sa iya kaugalingon!” Ginsiling ini sang iya mga ginikanan, tungod kay nahadlok sila sa mga pangulo sang mga Judio nga naghisugot nga daan nga ang bisan sin-o nga magkilala nga si Jesus amo ang Cristo pagasikwayon sa sinagoga. Amo gani nga ang iya mga ginikanan nagsiling, “May buot naman ina sia, pamangkuta ninyo sia!”
Sa liwat gintawag nila ang tawo nga bulag kag ginsingganan nila sia, “Magsaad ka sa atubang sang Dios sa pagsugid sing matuod! Nahibaluan namon nga ining tawo nga nag-ayo sa imo makasasala.”
Ang tawo nagsabat, “Wala ako makahibalo kon sia makasasala ukon indi. Amo lang ini ang akon nahibaluan: bulag anay ako, kag karon makakita na.”
Nagpamangkot sila, “Ano bala ang ginhimo niya sa imo? Paano bala ang pag-ayo niya sang imo mga mata?”
Nagsabat sia, “Ginsugiran ko na kamo, kag indi kamo magpamati. Ngaa bala luyag kamo magpamati sini liwat? Luyag man bala kamo nga mangingintuton-an niya?”
Ginpasipalahan nila sia kag ginsingganan, “Ikaw gintuton-an sina nga tawo, pero kami amon mga gintuton-an ni Moises. Nahibaluan namon nga ang Dios naghambal kay Moises, pero nahanungod sina nga tawo, wala gani kami makahibalo kon taga-diin sia!”
Ang tawo nagsabat, “Makatilingala ini nga butang! Wala kamo makahibalo kon taga-diin sia, pero gin-ayo niya ang akon mga mata! Nahibaluan naton nga ang Dios wala nagapamati sa mga makasasala, pero nagapamati sia sa mga tawo nga nagatahod sa iya kag nagatuman sang iya kabubot-on. Halin sa ginsugoran sang kalibutan wala pa gid mabatii nga may isa nga nag-ayo sang mata sang isa ka tawo nga bulag. Kon wala lang naghalin sa Dios ini nga tawo, kuntani wala sia sing sarang mahimo.”
Ginsabat nila sia, “Natawo ikaw kag nagdaku sa sala, kag karon tudloan mo pa kami?” Kag gintabog nila sia paggwa sa sinagoga.

Nakabati si Jesus nga ginpagwa nila ang tawo. Nakita sia ni Jesus kag ginpamangkot, “Nagatuo ka bala sa Anak sang Tawo?”
Ang tawo nagsabat, “Sir, sugiri ako kon sin-o sia agod makatuo ako sa iya!”
Si Jesus nagsiling sa iya, “Nakita mo na sia, kag sia amo ang nagahambal sa imo subong.”
Ang tawo nagsiling, “Ginoo, nagatuo ako!” Dayon nagluhod sia sa atubang ni Jesus.
Si Jesus nagsiling, “Ako nag-abot sa sining kalibutan sa paghukom, agod nga ang mga bulag makakita kag ang mga makakita manginbulag.”
May mga Fariseo didto nga kaupod niya nga nakabati sini kag nagpamangkot sa iya, “Ang buot mo bala silingon nga mga bulag man kami?”
Si Jesus nagsabat, “Kon kamo mga bulag, kuntani wala kamo sing sala; pero kay nagasiling kamo, ‘Makakita kami,’ ini nagakahulogan nga kamo may sala pa gihapon.”

Höre Juan 9