Malay, Papuan

<div class="version vid2690 iso6393pmy" data-vid="2690" data-iso6393="pmy">
    <div class="book bkGEN">
        <div class="chapter ch12" data-usfm="GEN.12">
            <div class="label">12</div><div class="s"><span class="heading">TUHAN panggil Abram</span></div><div class="sr"><span class="heading">  </span><span class="heading">12:1-9</span></div><div class="p"><span class="content">  </span><span class="verse v1" data-usfm="GEN.12.1"><span class="label">1</span><span class="content">Begini TUHAN bicara ke Abram, &#8220;Abram, kluar kas tinggal ko pu tana deng ko pu kluarga besar, kluar dari ko pu bapa pu ruma! Ko pigi ke tana yang nanti Sa kas tunjuk ke ko.</span><span class="note x"><span class="label">#</span><span class=" body">Kisah Para Rasul 7:2-3; Ibrani 11:8</span></span></span></div><div class="q1"><span class="verse v1" data-usfm="GEN.12.1"><span class="content">  </span></span><span class="verse v2" data-usfm="GEN.12.2"><span class="label">2</span><span class="content">Nanti Sa bikin ko pu anana cucu banyak</span></span></div><div class="q2"><span class="verse v2" data-usfm="GEN.12.2"><span class="content">sampe dong jadi bangsa yang besar.</span></span></div><div class="q2"><span class="verse v2" data-usfm="GEN.12.2"><span class="content">Sa nanti kas berkat ko.</span></span></div><div class="q1"><span class="verse v2" data-usfm="GEN.12.2"><span class="content">Nanti Sa bikin sampe smua orang tau ko pu nama,</span></span></div><div class="q2"><span class="verse v2" data-usfm="GEN.12.2"><span class="content">sampe ko nanti jadi berkat untuk orang lain.</span></span></div><div class="q1"><span class="verse v2" data-usfm="GEN.12.2"><span class="content">  </span></span><span class="verse v3" data-usfm="GEN.12.3"><span class="label">3</span><span class="content">Nanti Sa kas berkat orang-orang yang kas berkat ko.</span></span></div><div class="q1"><span class="verse v3" data-usfm="GEN.12.3"><span class="content">Trus kalo ada sapa saja yang kutuk ko,</span></span></div><div class="q2"><span class="verse v3" data-usfm="GEN.12.3"><span class="content">nanti Sa kutuk dia.</span></span></div><div class="q1"><span class="verse v3" data-usfm="GEN.12.3"><span class="content">Lewat ko, nanti Sa kas berkat smua kluarga di dunia ini.&#8221;</span><span class="note x"><span class="label">#</span><span class=" body">Galatia 3:8</span></span></span></div><div class="p"><span class="verse v3" data-usfm="GEN.12.3"><span class="content">  </span></span><span class="verse v4" data-usfm="GEN.12.4"><span class="label">4</span><span class="content">Jadi suda, Abram de pigi, de bikin sperti yang TUHAN bilang ke dia. Lot juga ada ikut sama-sama deng Abram waktu itu. Abram de pu umur su masuk 75 taun waktu de pigi dari kota Haran. </span></span><span class="verse v5" data-usfm="GEN.12.5"><span class="label">5</span><span class="content">Abram de bawa de pu istri Sarai sama dong pu barang-barang deng dong pu budak-budak smua yang dong dapat di kota Haran. Abram pu ade laki-laki pu anak laki-laki yang nama Lot ni, Abram bawa ikut dong juga. Dong smua jalan pigi sampe ke tana Kanaan.</span></span></div><div class="p"><span class="verse v5" data-usfm="GEN.12.5"><span class="content">  </span></span><span class="verse v6" data-usfm="GEN.12.6"><span class="label">6</span><span class="content">Abram dong jalan di tana itu sampe ke tempat satu yang ada pohon besar skali. Tempat itu di More, dekat kota Sikem. Waktu itu, orang-orang Kanaan dong masi tinggal disitu. </span></span><span class="verse v7" data-usfm="GEN.12.7"><span class="label">7</span><span class="content">Waktu itu, TUHAN datang kas tunjuk De pu diri sama Abram, baru bilang, &#8220;Nanti Sa kasi tana ini sama ko pu anana cucu.&#8221;</span><span class="note x"><span class="label">#</span><span class=" body">Kisah Para Rasul 7:5; Galatia 3:16</span></span><span class="content"> Jadi, Abram de susun batu trus bikin tempat bakar korban satu untuk TUHAN yang su kas tunjuk De pu diri sama Abram dia.</span></span></div><div class="p"><span class="verse v7" data-usfm="GEN.12.7"><span class="content">  </span></span><span class="verse v8" data-usfm="GEN.12.8"><span class="label">8</span><span class="content">Dari tempat yang de tinggal tu, Abram de pinda ke gunung-gunung yang di sebla timur kota Betel baru de pasang de pu tenda disitu. Tenda pu sebla barat tu, kota Betel, baru kota Ai ada di de pu sebla timur. Disitu, Abram de susun batu lagi trus bikin tempat bakar korban untuk TUHAN baru de semba TUHAN.</span></span></div><div class="p"><span class="verse v8" data-usfm="GEN.12.8"><span class="content">  </span></span><span class="verse v9" data-usfm="GEN.12.9"><span class="label">9</span><span class="content">Habis itu Abram dong jalan dari satu tempat ke tempat satu lagi, trus-trus sampe di bagian slatan tana Kanaan situ, di daera Negeb.</span></span></div><div class="s"><span class="heading">Abram di Mesir</span></div><div class="sr"><span class="heading">  </span><span class="heading">12:10-20</span></div><div class="p"><span class="verse v9" data-usfm="GEN.12.9"><span class="content">  </span></span><span class="verse v10" data-usfm="GEN.12.10"><span class="label">10</span><span class="content">Satu kali begini, tana Kanaan yang Abram dong tinggal tu kena klaparan yang para sampe trada makanan lagi. Gara-gara itu, Abram dong pigi tinggal jadi pendatang di Mesir. </span></span><span class="verse v11" data-usfm="GEN.12.11"><span class="label">11</span><span class="content">Pas waktu dong baru mo masuk ke tana Mesir, Abram de bilang ke de pu istri Sarai begini,</span></span></div><div class="pi2"><span class="verse v11" data-usfm="GEN.12.11"><span class="content">&#8220;Sarai, ko dengar. Sa tau skali kalo ko ni memang cantik skali. </span></span><span class="verse v12" data-usfm="GEN.12.12"><span class="label">12</span><span class="content">Kalo orang-orang Mesir dong liat ko, nanti dong bilang, &#8216;Itu pasti de pu istri.&#8217; Itu yang, nanti bikin dong bunu sa baru kas biar ko hidup. </span></span><span class="verse v13" data-usfm="GEN.12.13"><span class="label">13</span><span class="content">Jadi, ko bilang ke dorang kalo ko tu sa pu ade prempuan. Supaya dong buat baik sama sa karna ko, trus kas tinggal sa hidup.&#8221;</span></span></div><div class="p"><span class="verse v13" data-usfm="GEN.12.13"><span class="content">  </span></span><span class="verse v14" data-usfm="GEN.12.14"><span class="label">14</span><span class="content">Waktu Abram dong su masuk ke tana Mesir, orang-orang Mesir dong liat Abram pu istri ni cantik skali. </span></span><span class="verse v15" data-usfm="GEN.12.15"><span class="label">15</span><span class="content">Trus pas raja Mesir pu kepala-kepala pemrinta ni dong liat Sarai, dong tinggal bicara-bicara tentang Sarai pu cantik tu di depan raja dia. Jadi, raja suru bawa Sarai ke de pu istana. </span></span><span class="verse v16" data-usfm="GEN.12.16"><span class="label">16</span><span class="content">Raja de bikin baik skali sama Abram karna de mau deng Sarai. Itu yang, raja de kasi Abram budak-budak laki-laki deng prempuan, kambing domba, sapi, kledai, deng unta-unta. </span></span></div><div class="p"><span class="verse v16" data-usfm="GEN.12.16"><span class="content">  </span></span><span class="verse v17" data-usfm="GEN.12.17"><span class="label">17</span><span class="content">Tapi TUHAN hukum raja Mesir deng de pu satu istana, dong kena penyakit-penyakit para, karna Abram pu istri Sarai. </span></span><span class="verse v18" data-usfm="GEN.12.18"><span class="label">18</span><span class="content">Langsung raja Mesir panggil Abram baru bilang,</span></span></div><div class="pi2"><span class="verse v18" data-usfm="GEN.12.18"><span class="content">&#8220;Knapa ko tipu saya? Knapa ko tra kastau sa kalo de ni ko pu istri? </span></span><span class="verse v19" data-usfm="GEN.12.19"><span class="label">19</span><span class="content">Baru knapa ko bilang kalo de ni ko pu ade prempuan? Bikin sampe sa ambil de jadi sa pu istri lagi? Ini! Ambil ko pu istri! Ambil de trus kam dua pigi dari sini!&#8221;</span></span></div><div class="p"><span class="verse v19" data-usfm="GEN.12.19"><span class="content">  </span></span><span class="verse v20" data-usfm="GEN.12.20"><span class="label">20</span><span class="content">Baru raja Mesir suru orang-orang brapa untuk bawa kluar Abram sama de pu istri tamba deng dong pu barang-barang smua.</span></span></div>
        </div>
    </div>
</div>

Begini TUHAN bicara ke Abram, “Abram, kluar kas tinggal ko pu tana deng ko pu kluarga besar, kluar dari ko pu bapa pu ruma! Ko pigi ke tana yang nanti Sa kas tunjuk ke ko.
Nanti Sa bikin ko pu anana cucu banyak
sampe dong jadi bangsa yang besar.
Sa nanti kas berkat ko.
Nanti Sa bikin sampe smua orang tau ko pu nama,
sampe ko nanti jadi berkat untuk orang lain.
Nanti Sa kas berkat orang-orang yang kas berkat ko.
Trus kalo ada sapa saja yang kutuk ko,
nanti Sa kutuk dia.
Lewat ko, nanti Sa kas berkat smua kluarga di dunia ini.”
Jadi suda, Abram de pigi, de bikin sperti yang TUHAN bilang ke dia. Lot juga ada ikut sama-sama deng Abram waktu itu. Abram de pu umur su masuk 75 taun waktu de pigi dari kota Haran. Abram de bawa de pu istri Sarai sama dong pu barang-barang deng dong pu budak-budak smua yang dong dapat di kota Haran. Abram pu ade laki-laki pu anak laki-laki yang nama Lot ni, Abram bawa ikut dong juga. Dong smua jalan pigi sampe ke tana Kanaan.
Abram dong jalan di tana itu sampe ke tempat satu yang ada pohon besar skali. Tempat itu di More, dekat kota Sikem. Waktu itu, orang-orang Kanaan dong masi tinggal disitu. Waktu itu, TUHAN datang kas tunjuk De pu diri sama Abram, baru bilang, “Nanti Sa kasi tana ini sama ko pu anana cucu.” Jadi, Abram de susun batu trus bikin tempat bakar korban satu untuk TUHAN yang su kas tunjuk De pu diri sama Abram dia.
Dari tempat yang de tinggal tu, Abram de pinda ke gunung-gunung yang di sebla timur kota Betel baru de pasang de pu tenda disitu. Tenda pu sebla barat tu, kota Betel, baru kota Ai ada di de pu sebla timur. Disitu, Abram de susun batu lagi trus bikin tempat bakar korban untuk TUHAN baru de semba TUHAN.
Habis itu Abram dong jalan dari satu tempat ke tempat satu lagi, trus-trus sampe di bagian slatan tana Kanaan situ, di daera Negeb.


Satu kali begini, tana Kanaan yang Abram dong tinggal tu kena klaparan yang para sampe trada makanan lagi. Gara-gara itu, Abram dong pigi tinggal jadi pendatang di Mesir. Pas waktu dong baru mo masuk ke tana Mesir, Abram de bilang ke de pu istri Sarai begini,
“Sarai, ko dengar. Sa tau skali kalo ko ni memang cantik skali. Kalo orang-orang Mesir dong liat ko, nanti dong bilang, ‘Itu pasti de pu istri.’ Itu yang, nanti bikin dong bunu sa baru kas biar ko hidup. Jadi, ko bilang ke dorang kalo ko tu sa pu ade prempuan. Supaya dong buat baik sama sa karna ko, trus kas tinggal sa hidup.”
Waktu Abram dong su masuk ke tana Mesir, orang-orang Mesir dong liat Abram pu istri ni cantik skali. Trus pas raja Mesir pu kepala-kepala pemrinta ni dong liat Sarai, dong tinggal bicara-bicara tentang Sarai pu cantik tu di depan raja dia. Jadi, raja suru bawa Sarai ke de pu istana. Raja de bikin baik skali sama Abram karna de mau deng Sarai. Itu yang, raja de kasi Abram budak-budak laki-laki deng prempuan, kambing domba, sapi, kledai, deng unta-unta.
Tapi TUHAN hukum raja Mesir deng de pu satu istana, dong kena penyakit-penyakit para, karna Abram pu istri Sarai. Langsung raja Mesir panggil Abram baru bilang,
“Knapa ko tipu saya? Knapa ko tra kastau sa kalo de ni ko pu istri? Baru knapa ko bilang kalo de ni ko pu ade prempuan? Bikin sampe sa ambil de jadi sa pu istri lagi? Ini! Ambil ko pu istri! Ambil de trus kam dua pigi dari sini!”
Baru raja Mesir suru orang-orang brapa untuk bawa kluar Abram sama de pu istri tamba deng dong pu barang-barang smua.

Höre Kejadian 12