Bassa Bible © Bible Society Liberia, 2002.

Àpɔ́sò-cèè-ɖɛ̀ɔ̀ jè kɔ̃in-zaìn-zaìn
Ɖɛ ɓě kɔ ɓó ɖɛ ɓě céèà ɖé Ɖúù-cèè-ɖɛ̀ɔ̀ múɛ gboiɛɛ kɛà kɛ̀. Céè-ɖɛ̀ɛ̀ wáká kĩ́ín-kĩ́ínɔ̀ cɛ̃ ɖɛ ɓɛ́ Píɖɛ̀ nyu ma kɛɛ pàɖǎ jè. Céè-ɖɛ̀ɛ̀ wáká hwɛ̀ìn-gbɔɔ̀ cɛ̃ ɖɛ pàɖǎ ɓá Pɔ́ɔ̀ jè dyíɛ.
Nyɔ mɔ̀ nyɔ céè ma céè-ɖɛ̀ɛ̀ kɛɛ mɔ́ ɓɛ́ nyɔǔn kéɛ dyí dyuò kà ɓɛ́ bɔ̃̌ nɔ̀mɔ̀ dyíinɔ̀ nyu ma dà séín dyi ɓeɛ̀n nyɛ. Nyɔ ɓě ɓɛ́ wa kpɔ̃ ma bɔ̃̌ nɔ̀mɔ̀ dyíinɔ̀ dyi kĩ́ín nyɛɛ mɔ̀ ma Júù-nyɔ̀ ɓěɔ̀. Ɔ ɖǎ ná nìɛɛ, ɓóɖó-dù kà ɖò ɓěɛ̀ nyɔ ɓáún-ɓáún ɓě kpɔ̃ɔ ma dyi.
Nyɔ mɔ̀ nyɔ céèà Ɖúù-cèè-ɖɛ̀ɔ̀ kɛɛ mɔ̀ nyɔ céè ma céè-ɖɛ̀ nìà kɛ ɖekè.
Céè-ɖɛ̀ɔ̀ dà ɓě m̀ ɓɛ́ìn ɖɛ kò-kò ɓěɛ̀ dyéɛ kɛɛ kɛà kɛ̀
1. Wa dyé ti ɓó bɔ̃̌ nɔ̀mɔ̀ dyíinɔ̀ cɛ̃ jè. 1:1-26
2. Wa cɛ̃ bɔ̃̌ nɔ̀mɔ̀ dyíinɔ̀ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. 2:1–8:3
3. Wa cɛ̃ bɔ̃̌ nɔ̀mɔ̀ dyíinɔ̀ ɖé Júɖìà-ɓòɖòɔ̀ kè Sɛ̀mɛ́ɖìà-ɓòɖòɔ̀ kɔ̃. 8:4–12:25
4. Pɔ́ɔ̀ cɛ̃ bɔ̃̌ nɔ̀mɔ̀ dyíinɔ̀ ɖé ɓóɖó ɓě Wóɖóùn-nyɔ̀ ɓěɔ̀ kɔ̃̀ ma wuɖuíɛɛ kɔ̃. 13:1–28:31
a. Pɔ́ɔ̀ɛ̀ Gèɖèpɔ́ɔ̀-wùɖù dyi-ɓeìn-ɓeìn kĩ́ín-kĩ́ínɔ̀. 13:1–14:28
b. Wa poìn dyí ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú. 15:1-35
c. Pɔ́ɔ̀ɛ̀ Gèɖèpɔ́ɔ̀-wùɖù dyi-ɓeìn-ɓeìn sɔ̃́ nììnɔ̀. 15:36–18:22
d. Pɔ́ɔ̀ɛ̀ Gèɖèpɔ́ɔ̀-wùɖù dyi-ɓeìn-ɓeìn tã nììnɔ̀. 18:23–21:16
5. Pɔ́ɔ̀ nì kpɔɖɔ ɖeín ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ kè Sɛ̀sɛ̀wíɖíà-hwɔ̀ɖɔ̀ɔ̀ ɔ kè Wóɖóùn-hwɔ̀ɖɔ̀ɔ̀ mú. 21:17–28:31

Höre Àpɔ́sò Àpɔ́sò-cèè-ɖɛ̀ɔ̀ jè kɔ̃in-zaìn-zaìn