Beliebte Verse in Lok 24

Teilen

Niin itahsh iko kika piicinisha'amawininim Noohs kaakii'-ahshotamaaketc. I'imaa tahsh kihci ootenaank kika tashi pii'om paanimaa kiihpi otihsikoyek i'i mashkawisiiwin ishpimink kaawiihpi onciimakahk.”

Kaawiin o'omaa ayaahsii. Aasha kiihkiiwe pimaatisi. Kaawiin ina kimaamihkawihsiim kaakii'-ininekipan mekwaa kiiwiiciiwek weti Kaalaliink (Galilee) ?

Miitahsh kaakiih paahkaapi'intwaa ekii'-nihsitawinawaawaatc. Ciisahs tahsh kii'⁠onci ankonaakosi. Miitahsh kaa'‑ayitiwaatc: “Kaawiin ina taapishkoo ishkote kaapiskanek kikii'-onci inamanci'ohsiimin kite'inaank mekwaa i'i kaapi kakanooninank miihkanaank kaye tahsh kaapi wiintamawinank ehkitoomakaninik kihciOshipii'ikan?”

Miihsh kaa'‑ani inaatc: “Miitahsh o'o eshipii'ikaatek, ekii'-ishinaakwahk Kishemanitoo kaakii'-onaapamaatc cikiih kakwaatakihtoonitc kaye tahsh nipowinink cionci kiiwe pimaatisinitc nihso kiishihk (3) ishihsenik. Kwehkaatisiwin, i'i kaye awiya kaapoonentamawintc omacitootamowinan cikakiihkwaatenik owiinsowinink onci ciwiintamawintwaa kahkina kaapepahkaanwewaanakisiwaatc pemaatisiwaatc i'imaa Ceroosalamink (Jerusalem) cionci maacii kakiihkwaatek.

Okii'-mihkawaawaan ahsiniin ekii'-maaci tihtipinikaasonitc i'imaa kaakiih kipapinihpan kaaonci piintikaaniwank na'initiiwikamikonk. Miitahsh kaaishi piintikewaatc, kaawiin tahsh okii'-mihkansiinaawaa owiiyawini kaaTipencikenitc Ciisahsoon.