Beliebte Verse in Битие 28

Teilen

И еве, Јас сум со тебе, и ќе те чувам насекаде каде и да појдеш, и ќе те вра­там во оваа земја, и нема да те оставам сѐ додека не го извршам она што сум ти рекол.“

А ете, Господ стоеше на неа, Кој му рече: „Јас сум Господ Бог на таткото твој Авраам и Бог Исаков. Оваа земја, на која лежиш, ќе ти ја дадам тебе и на потомството твое; (не плаши се).

А кога се разбуди Јаков од сонот, си рече: „Сигурно е Господ на ова место; а јас не знаев!“

И се зарече Јаков, велејќи: „Ако Господ Бог биде со мене и ме зачува на овој пат, по кој одам, и ако ми даде леб да јадам и облека да се облекувам, и се вратам мирно во домот на таткото мој, и ми биде Господ мој Бог, тогаш овој камен што го поставив како споменик ќе биде (за мене) дом Божји. И од сѐ, што ќе ми дадеш, Тебе ќе Ти давам една десетина.“

А потомството твое ќе биде колку песокот на земјата; ти ќе се рашириш на запад и на исток, и на север и на југ, и сите племиња на земјата ќе бидат благословени поради тебе и поради потомството твое.

И тоа место го нарече Ветил; а порано името на овој град му беше Луз.