Beliebte Verse in Mathae 16

Teilen

Ona tayom Jisu do acʼren celakoe metatʼkoa, “Jãhãe ińakʼ horte hijukʼ sanayede khan uni do acʼakʼ kusi sanaleka aloe calakʼma; menkhan acʼakʼ kruse gogma ar ińe pańjańma.

Ińiń metam kana, am dom Patras kana, ar noa dhiri cetanrege ińakʼ manḍereń benao rakaba. Norok reakʼ oka daṛege onare bae jitạu daṛeakʼa.

Iń do serma raj reakʼ kạṭhikoń emama, ar jãhãnakʼge dhạrtirem tol ona do sermare hõ tolge tahena ar jãhãnakʼge dhạrtirem raṛae ona do sermare hõ raṛage tahena.”

Jãhãe acʼakʼ jiwi bańcao sanaye, uni doe khuạua; menkhan jãhãege iń lạgitʼ acʼakʼ jiwiye khuạu uni do onae ńama.

Jãhãege goṭa dhạrtiye hameṭte acʼakʼ jiwiye khuạutae enḍekhan cetʼ porho hoyokʼtaea? Se mitʼṭen hoṛ acʼakʼ jiwi bodolte cetʼe emkea?

Unre Jisui metatʼkoa, “Menkhan ape do okoe kạnạń mentepe meneda?” Simon Patrase roṛ ruạṛkeda, “Am do Mạsi, jiwetʼ Isorren Hopon kanam.”

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodorakada; menkhan ińren sermaren Babageye sodor akatʼmea.